強記大排檔

Open Now

Now Closed

突然兔姐來電相約晚飯，撞啱我搵左成日都無朋友陪我食羊腩煲，就一口應承啦。上網摷下上水邊度有靚羊腩食，發現街市有檔三和火鍋好有名氣喎，就去一探虛實，點知左兜右兜都搵唔到。行黎行去都係強記，我放棄喇，強記就強記啦。生力清啤，今晚飲一雙好喇 ﹗發現我經常搞錯生力同百威套制服，我已根深蒂固生力既制服必定係黃色架麻，無啦啦轉左同百威一樣係紅色，都唔知為咩 ﹗見幾個生力及藍妹 promoter 妹妹咁落力，友情價叫兩支啦。如果知道唔係百威，我會飲藍妹囉。招牌羊腩煲，HKD288 都係貴喎，近幾年羊肉價錢不停颷升，了解既。招牌羊腩煲，兔姐剛落車，叫定個煲滾住等都差不多喇。招牌羊腩煲，開呀 ﹗勁足料喎，大量羊腩配上炸枝竹、冬菇、冬筍、馬蹄、大蔥、薑，等等等。價錢合理，貴得有道理 ﹗羊肉湯極濃厚，質感幼滑，味道豐富香醇，飲完暖入心。羊腩肉多骨少，啖啖肉半肥瘦，入口軟棉鬆化，清淡羊羶味夾著羊肉甜味，醬汁已滲入每絲纖維中，黏上少許腐乳醬更添風味 ﹗非常美味，要再三添食，如果撈白飯就真係神仙都企唔穩呀 ﹗推介之選 ﹗所有配料已經完全吸收羊肉湯既精華，好味道 ﹗冬菇滑爽彈、冬筍味道又爽脆、枝竹索盡湯汁，無得頂。