Read full review
2017-03-13
999 views
今日要去PMQ元創方睇展覽，順路當然要去呢間出名蕃茄湯底既大排檔啦。大約兩三點黎到，好好彩地啱啱過左打工仔既食飯時間，一去到就可以唔使排隊即刻有得坐低。一場黎到就當然要試下佢既蕃茄通粉啦。我叫左蕃茄碎牛肉炒蛋通粉，碗通粉既份量都算大碗。蕃茄湯底又濃郁又杰身，蕃茄既酸甜味非常出色，啱啱好恰到好處，完全食得出係落足大量蕃茄煲出黎既足料湯底。至於通粉就煮得啱啱好，唔會太稔，口感彈牙；通粉中空令佢既掛湯能力一流，每一啖都充滿住濃濃既蕃茄味。另外碎牛同炒蛋一齊炒，炒蛋都算大份，碎肉既份量亦算多；炒蛋既外層香脆，入面就好綿滑，唔會太老，配埋蕃茄湯一齊食，簡直係絕配。除左蕃茄通粉，我個人比較推薦佢既檸檬蜜糖脆脆。檸蜜脆脆係無得之後再加單既，所以要一開始就叫定喇。豬仔包既外層烘到熱辣辣脆卜卜，入面就好鬆軟，同時吸滿晒檸檬蜜糖汁；一開始入口首先會食到檸檬既酸味，然後就到蜜糖既甜味，酸酸甜甜，味道有層次得黎仲好開胃，非常好食，真心推薦呀。聽人講呢到另一樣必叫既野就係咸檸七，可能係貪佢有懷舊茶餐廳風味？🤔不過整體覺得無咩特別，同其他茶餐廳既咸檸七差唔多。雖然勝香園既環境麻麻，又食到個人熱辣辣流晒汗，但呢到有
一場黎到就當然要試下佢既蕃茄通粉啦。我叫左蕃茄碎牛肉炒蛋通粉，碗通粉既份量都算大碗。蕃茄湯底又濃郁又杰身，蕃茄既酸甜味非常出色，啱啱好恰到好處，完全食得出係落足大量蕃茄煲出黎既足料湯底。至於通粉就煮得啱啱好，唔會太稔，口感彈牙；通粉中空令佢既掛湯能力一流，每一啖都充滿住濃濃既蕃茄味。另外碎牛同炒蛋一齊炒，炒蛋都算大份，碎肉既份量亦算多；炒蛋既外層香脆，入面就好綿滑，唔會太老，配埋蕃茄湯一齊食，簡直係絕配。
除左蕃茄通粉，我個人比較推薦佢既檸檬蜜糖脆脆。檸蜜脆脆係無得之後再加單既，所以要一開始就叫定喇。豬仔包既外層烘到熱辣辣脆卜卜，入面就好鬆軟，同時吸滿晒檸檬蜜糖汁；一開始入口首先會食到檸檬既酸味，然後就到蜜糖既甜味，酸酸甜甜，味道有層次得黎仲好開胃，非常好食，真心推薦呀。
聽人講呢到另一樣必叫既野就係咸檸七，可能係貪佢有懷舊茶餐廳風味？🤔不過整體覺得無咩特別，同其他茶餐廳既咸檸七差唔多。雖然勝香園既環境麻麻，又食到個人熱辣辣流晒汗，但呢到有既係人情味。呢到既嬸嬸婆婆就算忙到踢晒腳都依然好耐心咁幫你搵位同落單，唔會燥你底。而且勝香園既蕃茄湯底同檸蜜脆脆真係無得輸，下次再黎中上環一定要再食。但到差唔多食完既時候又出現左條人龍，希望下次都會好似今次咁好彩唔洗等位啦。
Post
