Video
Read full review
2023-08-08
72 views
今日同食友去一間日本同外國已經流行咗好耐而香港唯一一間主打有乾式熟成寿司店食飯。😍😍😍😍😍對食有少少要求嘅我當然食飯之前都上網research下等自己有所認知咩嘢係熟成寿司先，唔好去到都唔知食緊咩比人笑，由其當然係師傅啦！🤣😂🤣😂🤣不過開飯前有女同事都講解一下原理等大家有個概念。👍🏻👍🏻👍🏻👍🏻👍🏻今餐飯前菜加寿司各樣食咗十幾款，以下highlights 其中特別印象深刻的。🥰🥰🥰🥰🥰北海道產紫海胆，原本軟綿綿嘅口感dry aged 原之後好似蛋糕咁，味道除咗紫海胆清甜味之外，竟然有微微蟹膏同芒果味，師傅話唔同海胆係有唔同熟成嘅味。😋😋😋😋😋茶碗蒸，喱個無熟成，但係功夫都唔少，師傅話先用虾殻燒到香晒再煲幾個鐘嘅高湯放浸去做個蛋水去蒸，真係一打開蓋D虾味就沖出嚟，之後就有菇嘅香味，原來個菇都有燒過所以特別濃郁。😋😋😋😋😋蜜柑鯛，熟成完係有淡淡陳皮味，師傅話時間越耐陳皮味越重。😋😋😋😋😋帆立貝，熟成完係有瑤柱味。😋😋😋😋😋中吞拿魚腩醬油漬，熟成完一個月再將油漬，除咗有拖羅嘅味道之外仲食到芝士同火腿味，比起原本嗰舊拖羅更有層次。😋😋😋😋😋白虾配烏魚子，烏魚子係自己整完再熟成所以味道更加濃
對食有少少要求嘅我當然食飯之前都上網research下等自己有所認知咩嘢係熟成寿司先，唔好去到都唔知食緊咩比人笑，由其當然係師傅啦！🤣😂🤣😂🤣
不過開飯前有女同事都講解一下原理等大家有個概念。👍🏻👍🏻👍🏻👍🏻👍🏻
今餐飯前菜加寿司各樣食咗十幾款，以下highlights 其中特別印象深刻的。🥰🥰🥰🥰🥰
北海道產紫海胆，原本軟綿綿嘅口感dry aged 原之後好似蛋糕咁，味道除咗紫海胆清甜味之外，竟然有微微蟹膏同芒果味，師傅話唔同海胆係有唔同熟成嘅味。😋😋😋😋😋
茶碗蒸，喱個無熟成，但係功夫都唔少，師傅話先用虾殻燒到香晒再煲幾個鐘嘅高湯放浸去做個蛋水去蒸，真係一打開蓋D虾味就沖出嚟，之後就有菇嘅香味，原來個菇都有燒過所以特別濃郁。😋😋😋😋😋
蜜柑鯛，熟成完係有淡淡陳皮味，師傅話時間越耐陳皮味越重。😋😋😋😋😋
帆立貝，熟成完係有瑤柱味。😋😋😋😋😋
中吞拿魚腩醬油漬，熟成完一個月再將油漬，除咗有拖羅嘅味道之外仲食到芝士同火腿味，比起原本嗰舊拖羅更有層次。😋😋😋😋😋
白虾配烏魚子，烏魚子係自己整完再熟成所以味道更加濃郁鹹香配埋白虾嘅鮮甜味同口有強烈對比。😋😋😋😋😋
特濃魚湯，師傅話係將所有魚骨同埋啲頭頭尾尾一齊煲咗好多個鐘而成，所以特別濃郁同好有骨膠原，比起好一碗味噌湯有誠意好多。😋😋😋😋😋
原本開始都無乜同我哋太多交流，不過師傅見我哋好用心去品嚐完嘅時候，先再解釋下有關啲食材點處理味道有咩變化，而唔係未食之前就講到天花龍鳳混淆視聽，就係要客人自己去食出個味道，佩服師傅對客人嘅有所要求。👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻
當刻令我感受到互相尊重嘅重要性🥹🥹🥹🥹🥹，如果座底只係玩電話或者只顧交談而無視師傅嘅心機，真係唔使嘥錢去食嘢！😂😂😂😂😂
上曬菜之後師傅就多啲時間再同客人傾下偈，得知原來舖頭係得師傅同佢老婆兩公婆一齊營運，所以用餐時間都比較耐少少。🙏🙏🙏🙏🙏
隔離啲客都嚟過好多次，原來都係朋友介紹，
啱嘅朋友介紹點都有D保證，當然口味嘅嘢就梗係好個人，我唔係食神🤣，不過如果對寿司味道有追求嘅真係要試下。師傅加油！💪🏻💪🏻💪🏻💪🏻💪🏻
Post
