Holly Brown (Closed)

尋日放寬咗堂食,今日即刻一行三人去食happy Friday lunch,去咗呢間我幾年未去嘅雪糕店。我哋一共嗌咗三個set lunch, 乳豬髀仔,魚柳意粉,同海鮮risotto。先上set嘅餐湯或沙律,跟住就上個main dish。特別推介嘅係隻乳豬髀仔,餐刀一切落去就crack crack聲,脆卜卜嘅外皮! 嘩! 然後咬一啖,啲肉嫩到呢……「齒頰留香」就係呢種感覺🤩。我喺香港未食過咁出色嘅西式燒乳豬;十幾年前喺澳門黑沙環果間西餐廳就食過一次一樣咁好食嘅西式燒乳豬,同樣咁出色嘅豬,難忘到而家都要讚,就知道幾好味。仲要補充一下點解咁隻乳豬脾仔咁好味,就係全靠有個pineapple source,點綴咗隻🐷,令成個味道提升。呢一點好重要,畫龍就係要點睛,冇左菠蘿醬就得99分。(其他兩個main就一般)跟住落嚟到甜品, gelato or cake, 咁梗係食雪糕啦！我揀左賣飛佛blue vanalia😋,就好似我食M&M 咁,一定要揀藍色,嘻嘻,我嘅情意結。最後,店員見我係咁同Jeremy影相,就送左幾張由應援提供嘅Jeremy post card俾我,為今餐畫上完美句號。