Piccolo Pizzeria & Bar (Wun Sha Street) (Closed)

晚上九點鐘，黎大坑搵野食，見到呢間 pizza 店應該係新開o既，而且我感覺到幾有外國風味，就黎黎試吓啦。入到餐廳，一位男士非常有禮貌而誠懇咁用英文介紹各款 pizza 俾我同朋友知 (估計佢應該係老闆，其實都識講中文)。最後我地叫咗個 parma ham pizza，一杯 hoegaarden 同一杯鮮搾橙汁。Pizza 焗得啱啱好，材料味道都唔錯。反而我同朋友比較有興趣o既係佢呢間店o既裝潢，多過食物o既質素。周圍都佈滿一d幾懷舊感覺o既擺設。坐o係店入面傾計真係好舒服，雖然間店坐落街道o既角位，但 open 得黎坐o係入面又唔係覺得太嘈吵。我同朋友傾傾吓都唔知時間過得快，老闆竟然俾我地坐到十一點幾都唔趕我地走，我地都有d唔好意思。老闆同服務員o既態度真係值得一讚。