珍豆漿 (Closed)

老老實實，如果你食開濃味嘢，呢間餐廳未必啱你口味...如果你鍾意食全素，又或者食得比較清淡，呢間素食店肯肯定好啱你！除咗餃子出色外，個人都好鍾意佢嘅蕎麥麵八寶全素湯麵，非常足料，幾款食材都好有鮮味，特別係腐皮，鮮甜又軟滑，個湯底亦誠意十足，相信係自家製餚嘅菜湯，如果你想口感豐富啲，仲可以揀煙煙韌韌嘅山竹麵底。 一個湯麵配豆漿，成個常餐都只係大約50蚊，比起一般素食店同灣仔食肆嘅價錢，呢度算係非常合理。 餐廳方面，店內面積唔大，裝修亦非常簡單，勝在乾淨企理，老闆同老闆娘亦相當親切友善，服務週到。