Share Cafe & Express (Closed)

今天請診所4大美人姑娘去食飯，梗係要試吓有食特色嘅食店啦！成個灣仔以為已經食勻晒，原來在汕頭街有新Cafe! 一睇個餐牌，嘩! 餐茶廳價錢竟然可以食倒咖啡店西餐! 開餐前“反常規”先食甜品，New York Cheese cake軟滑可口，Lemon Crumb又甜又脆，都只係$33一款，合理! 意猶未盡食埋日式雞肉三文治，$25一份老麥都唔得啦，去邊度搵！老闆娘仲特別話個醬汁凍食更佳，果然好味！麵包雪住依然鬆軟，正! 到主菜了，靚女A食該店特色Share醬伴辣肉腸意粉，送埋可樂一罐，50幾蚊有交易，見佢食到津津有味，唔係怕唔好意思都想“黐”少少食呀！我同其他靚女食印度烤雞飯，雞肉香軟，咖哩醬汁香滑，少少辣，醒胃又飽肚，靚女們飲咖啡，我飲英式紅茶，大家食到飽飽!5個人，食盡甜品正餐三文治，300幾蚊攪掂，灣仔區簡直難求!不過舖位細細，坐位不多，多數人會買外賣，不過老闆話遲啲會在繁忙時間借用埋對面法國酒舖啲位! 嘩! 真係食裝修都抵啦一定會再幫襯!