Share Cafe & Express (Closed)

一星期工作，好不容易才捱到星期五這天。Happy Friday，當然要令這日更Happy~!✌同事嫌棄中環的味道，便坐叮叮來到灣仔尋味。因時間實在有點趕，去不了太遠的地方，也就在灣仔站下車，轉入對面的汕頭街。汕頭街食肆臨立，午飯時間迫滿了上班族😱。因飯約是臨時定下，我倆都沒有預先訂位，只好一直往入走，看看哪家不用預約的便算了。差不多走到街的盡頭，有餐廳職員正在招徠，說可以盡快安排座位。抬頭見Share Café & Express，沒理會Café 與否，只著眼於Express，相信快速是小店的宗旨。看看餐牌，價錢算是便宜，一個Lunch Set，意粉或飯配沙律和飲品，都只是$50-80左右。聽說這店子的意粉不錯，我們同樣選了Lunch Set中的忌廉香草檸檬烤雞🐔意粉，配黑醋田園沙律和滴漏咖啡☕ ($63)。跟職員指示，買餐後，才可到對面餐廳找位置坐。餐廳原店的地方很小，坐位不多，即使午飯時間借用對面餐廳的，依然要坐得很 “親密”。而且天氣太熱🔥🔥，冷氣明顯不足，不少食客都吃得面紅耳赤，汗流浹背💦。不過上餐速度的確 “Express”，不一會就送上。黑醋田園沙律的份量比想像中多，沙律菜

自利東街建了楝高級servie apartment後, 整條利東街都要升呢, 引入多間海外有名氣食肆, 連帶鄰近幾條街都開了不少中價食肆, 饞嘴既香港人太有褔了. 午餐時間去利東街又實在太豪氣, 揀了汕頭街一間自家小餐店, 這店真的頗小, 驟眼以為只是咖啡小賣店, 原來隱藏了一位西餐廚師, 店子雖小只有4張小枱, 半開放式感覺像在外國. 午餐提供5至6款, 有三文治, 沙律, 意粉, 飯, 價錢大約由50至80元, 視乎加餐湯或轉其他餐飲與否. 食物份量不多, 大胃王既我都是剛剛好, 勝在即煮熱辣辣, 加上廚師由澳洲回來, 食品都帶著外國風味.黑椒燒牛肉意粉 ~ 燒牛肉經過煎香不是凍冰冰的cold cut, 濃厚黑椒味啱我, 意粉彈牙似用燒汁煮過, 雖然看落沒有醬汁, 但整體很夠味道.西班牙肉腸意粉 ~ 朋友這碟既意粉同我那碟近似, 意粉同樣用汁煮過, 肉腸煎香很惹味, 伴碟既醬汁帶少酸辣. 但我既燒牛肉意粉較豐富及美味.焗釀大燒烤菇 ~ 賣相吸引, 雖然餡料豐滿, 但價錢與份量不太成正, 朋友平時午餐習慣吃飯, 現在只有一隻菇真怕她不夠飽. 面鋪芝士焗菇既味道都十拿九穩, 很少會中伏

灣仔呢排變化萬千，由大型屋苑建設到小店樣樣齊，搜尋有咩特別餐廳俾我發現到呢間"的式"型格小店。就咁望以為係西式咖啡店，錯錯錯！呢間係扒房，新鮮生蠔，焗帶子扒，黑毛豬扒等等集於一身既平民小餐廳。傾落計知道老闆背景係澳洲番黎，廿多年5星酒店經驗，唔怪得佈置到餐牌用字"聞"到D澳洲味。同2位好姊妹揀左老闆介紹既mocktail，啱晒女仕飲，之後揀左2款法國生蠔，其中一隻係Masse no.1，嘩，老闆開蠔保留整個蠔殻同海水，好鮮呀救命！生鮮到以為自己喺海邊食過隻！！後悔冇預訂，每人只得4隻。 之後再叫招牌菜"荷蘭有機菇釀法國芝士"，呢個實在太驚喜，咩芝士黎架，咁香滑咁特別既，我從未食過呢種咁奢華既芝士，高呀! 食材真係好緊要，朋友減肥，只好叫小食，有西班牙芝士球，煙三文魚卷等好正，又食又飲，地方細左D，但小街感覺有D 私人空間，加上開放式廚房，老闆一路煮一路同我地玩，小店就係要呢D，好互動好過癮。 唯一不足係冇visa/master, 仲有就係。。地方真係好嬌的的，位置真係有D隱蔽，唔熟灣仔可能有D難搵

再次到與朋友黎呢間隠世小店相聚加生日慶祝。店子小小但永遠響服務同食物有驚喜。話說今次生日主人食素，老闆即刻諗左一部分無肉dishes,好細心呀一開始每人一杯Mocktail好清新，好好飲。黑毛豬扒半生熟第一次食，好嫩好香肉味，加埋白無花果醬，perfect但有部份朋友覺得太生又係豬，唔係太接受。羊架好juicy，素意粉好彈牙，唯一不足係似乎每個dish都係新鮮沙律，唔係太多變化。免開瓶帶左6枝洒，又襯到dish又經濟，太好了!甜品，音樂，加老闆風趣幽默，澳洲式親切服務太讚了吧真係好鐘意小店互動精神，真才實料。 滿足滿足，下次再黎。 西班牙黑毛豬扒配白無花果醬 夏日Moctail ，清爽特飲

我以為我又回到澳洲墨爾本的小街，灣仔一向是「搵食」地方，船街、星街、永樂里......想不到，汕頭街也是一個充滿驚喜的地方。在網上看到小品的Express Cafe好評，便跟友人相約一同到這兒進餐。一家Cafe，四張小枱，真的很小品！下午二時半，Cafe已不再Serve午餐了，只有三文治和咖啡。我們選了在這個角落坐下，這道牆很特別，溫色系列配合聖誕球令整個環境更溫馨。我們都各點了Jas-min Flat White (HKD45)，這是加入了苿莉花香的咖啡，咖啡面頭沒有拉花，卻是一層很厚很厚的白色泡泡，像天上的雲。中間也滲透Honey，入口很滑，不過這就蓋過了咖啡了，不太喝得出咖啡豆本身的功架，也不太能說得出咖啡本身是否偏向奶甜的Chocolaty。若你對咖啡沒有太大的要求，這杯絕對是很多的Fusion！不過，下次我還是點一杯傳統Flat White試試他們的功架吧。另一間的牆都是Menu，看到別人說的Oyster呢！下次一定要再來試試！

朋友推薦食左一間有型有格調既小店，位於汕頭街角落，唔多顯眼，鋪頭細細但設計得好精緻，開放式廚房同牆上畫感覺好正。冇門設計好開掦，擔心夏天黎可能會熱。入到舖，雖然細，但老闆娘好nice好親切，經佢介紹一輪後，已經好吸引，朋友講既一樣，澳式扒必試，廚師自創有機菇配法國芝士，再加訂左既法國生蠔，好期待 好新鮮既gilladeau no.0，廚師開蠔時完全保留海水，冇蠔碎，勁！ 牛魔王既我地，當廚師烤牛扒時已經聞到濃濃既香味，嘩！食落不得了，廚師堅持Pink Level，食開熟牛扒既我接受亦欣賞廚師既悉心推介，好嫩好香好味呀 呢個燴煆扁意粉，獨有醬汁同意粉蝦一齊食，甜甜地，好幸福既感覺 好滿足既一晚，食物質素高，服務環境等令我地覺得好舒服，瞬間覺得自己喺台北或其他城市。溫馨提事：暫時只收現金，申請緊Visa Master，生蠔要早三日前訂，座位有限一定要訂位 ，落雨想坐室外可能唔係首選。

🍴灣仔汕頭街入面既隱世小店，朋友介紹，今次聚舊就試一試。去到見到小店入面水泥牆，寫滿推介食品，意想不到竟然有蠔食，好彩朋友仔醒目一早pre-order左，唔係冇得食😝平時我都對蠔真係一般般，但呢個蠔真係只可以用個字0來形容--- 「正！」我同d朋友其實都對蠔冇乜研究，但老闆娘好好人，同我地介紹，老闆娘仲話佢地d蠔由法國同愛爾蘭新鮮運到。原來老闆係由澳洲回流番來，想帶澳洲既風味同風格0來香港。食完蠔做頭盤，老闆娘介紹左我地食Portobello with cheese, 即係菇，老闆娘介紹話上面d cheese 係用法國既 Gouda Cheese 同 Cantal Cheese mix 出來，出奇地，濃濃既cheese 係冇遮掩到 mushroom 既香味👍🏼👍🏼👍🏼之後再食左 Grilled Scallop, 嘩！嘩！嘩！好大粒呀！scallop下面有塊麪包，夾埋一齊食超 Fresh~~~~~~再0來個主菜，Grilled Steak, 淨係伴碟既Salad 都已經不得了，個salad dressing 超好味，個Steak更加唔洗多講！到飽飽就到另一個胃出塲，老闆娘極力推介我地試A

金鍾行到汕頭街，就係試朋友講呢間小cafe，Share Cafe。先唔講食物，服務態度勁讚。👍🏻👍🏻由入門囗到收銀再到open kitchen裏面姐姐笑容都非常親切。💖 咁我就聽朋友講，試一試檸檬忌廉香草烤雞配意粉，跟餐連田園沙律同咖啡。個意粉好彈牙，唔係一般茶餐廳太overcook，香草與忌廉之間調較得好清香，令人有追食感覺。😋套餐跟滴漏咖啡，又唔係咖啡機冲，仲要冇限添加，當然冇要求啦。☕️☕️午市套餐優惠價跟Mövenpick🍦🍦。我大概一點走，之後已經見到人龍， 真係有fans喎。唯一改善係套餐唔可以加錢轉espresso coffee，同埋播音樂會更完美。結論係：值得一試！😋😋

有實力的小店- 灣仔汕頭呢幾年變左小店食街，有拉麵，咖哩飯，同幾間Cafe，當中最鍾意就係街尾位於角落位既Share Cafe。我已經不知不覺食左幾個月，經歷佢地由只有外賣盒出餐(而家已落碟)，轉新餐牌到無限添飲自助區，經營模式越見成熟，越黎越穩陣。我亦由一個黎食，去到帶同事一齊食，再去到同事自己帶同事黎食，非常切合佢地店名Share，分享好野俾身邊既人。店子小小，好似得幾個位，但其實係，午市時段可以坐對面舖，得力店員響門口賣力宣傳大量座位供應呢個安排，應記一功。我今日選左招牌貨，野味既香草檸檬鷄配意粉，意粉彈牙，檸檬鷄加香草令你有不㫁追食感覺，再跟絕不馬虎既新鮮沙律配意大利黑醋，再配無限添飲咖啡或茶。價錢係$63，抵！雖然無加一，但有親切既服務，店員見我熟客先打招呼，見我高大身型自動幫我加大碟，最後笑住補多句慢慢食。窩心服務以為自己去左台灣！果然有實力，所以一定支持有心小店。

型格小Cafe - 座落於汕頭街地舖，於角落的小Cafe, 冇豪華裝修，幾張小枱子加簡單lifestyle設計，open kitchen 全出陣陣香味，令人有感覺親切。周日周圍逛，被店員的落力介紹下所吸引到留意呢間小cafe。店舖細細，以為得咖啡同甜品，點知店員話有意粉，沙律，飯，全曰早餐。。。堅喎。今日咁悠閒，決定試全日早餐all day breakfast，呢個dish 好有田園feel，天氣又好，在小街角落又寧靜，值得一讃D歌好好聽。食完個就嘆下杯咖啡，點左焦糖caramel cafe latte，嗶不得了！當香濃咖啡香加滑而silky 牛奶再落我至愛焦糖，好幸福呀！就咁懶洋洋過左一日，好滿足。我諗我會定期黎，又舒服老闆又風趣。食物衛生情度超高。會再黎支持小店。唯一要講既係冇訂位服務，冇八達通。

話明"隠世實力小店"，食物到服務絶對有料，呢間小店好得意，午市設有大量堂食，可以去share cafe買完食物然後去對面法國酒舖享受午餐(十步之內)，每星期黎最少一次已成為習慣，原因係老闆同事上下一心，好努力照顧客人，體貼又有人情味。價單方面好經濟，其中每日限定少量供應匈牙利式慢煮燉牛肉飯餐只售＄48，老闆話初初開時客人鍾意食，唔想令佢地失望，所以跟新餐留喺午市賣，正係呢一點，你明咩叫人情味啦。老闆既特制醬意粉真係份量足，有追食感覺。係我必叫既餐，午市餐配滴漏咖啡或特選茶或可樂，值得一提，我個餐完本跟沙律，但我想食新鮮出爐既牛角酥(理論上牛角酥跟另外一個餐)，老闆竟然二話不說轉俾我，再加句最緊要你食得開心，嘩，好貼心呀！所以，有實力係要講整體，無論食物服務質素到環境到氣氛到價錢冇得輪。唯一可以講既係，可以再多D驚喜，不過其實係我貪心姐嘻嘻。加油！

沒有來Share幾個月，見到由食物到服務甚至到價錢依然令你感覺窩心。Share確實成熟了唔少，午巿套餐定價抵，部分套餐包括新鮮牛角酥或極新鮮沙律配意大利黑醋，再加無限添飲既滴漏咖啡或茶，又設有對面堂座，套餐定價$48至$68起但絕不馬虎，樣様用心足料，服務員親切，值得一提係佢地有制服，有親切笑容，令你感覺窩心。值得支持！今日揀左焗薯沙律配紐倫堡腸，食的時侯有追食既的感覺，薯仔配醬好適合夏天食，腸煎得好香好好味，portion 啱啱好。見還有時間，同上次念念不忘的Flat White，今日再試熱朱古力，香滑香濃。大惝滿足呀！Share 小店，you made my day!

同事推薦, 小人特地哪兒都不去, 選擇在此買個午餐。本來想要同事介紹的烤雞飯, 卻原來沒有供應; 退而求其次點三文治, 同樣欠奉。店員推介想吃雞的話便選雞肉意粉, 在缺乏選項的情況下, 小人無奈接受。檸檬香草忌廉汁意粉餐$63, 轉凍啡加$3。整體份量不多, 三數件的雞肉尚算嫩口, 意粉則過腍了些; 都沒所謂了, 反正三扒兩撥已吃完。最要命的還是那個汁, 不管檸檬味或香草味皆沒有, 和一個普通的忌廉汁根本分別不大; 而且只是剛剛夠包著雞肉, 別妄想可撈到那少少的意粉!店員在準備沙律時小人已表明不要沙律汁, 誰知那店員卻硬要「唧少少」"鮑三覓黑醋" (balsamic vinegar) 在側邊。小人一嚐…太甜了, 欠酸香, 不喜歡此店調的味道, 可惜汁都沾到了菜; 但畢竟吃完意粉仍很肚餓, 唯有勉為其難強行啃下。加$3的凍啡沒有啡味, 不夠凍, 在大熱天時連解渴也不成。要烤雞無烤雞、要三文治無三文治, 事實上都不是大問題; 只是最離譜的是店員老在強調是因為夏天怕食物變壞, 如是者莫非夏天所有食肆都不賣烤雞或三文治?  怕食物壞是否更應該小心食材新鮮及衛生?  這樣的藉口, 匪夷所思。

响後面街食完拉麵，唔夠飽，飲杯milk coffee應可頂住捱到放工。要咗大杯Flat White，雖然冇用玻璃杯但隻瓦杯好靚，奶泡厚咗啲，飲落啲泡幾細緻，帶澀味但非濃厚，易入口，原來店方用咗Mövenpick Heavenly豆。臨走都係忍唔住要咗個比利時空運過嚟嘅朱古力鬆餅外賣，冇影相，流心朱古力，唔太甜幾好。店員幫我搬櫈，等我可以靠牆坐响張靚嘅木枱，服務好細心。下次可以食lunch，有燉匈牙利牛肉飯。

午飯時間四處尋找餐廳吃飯，最後在汕頭街發現了一間未曾嘗過的餐廳。 Share Cafe & Express 主要做外賣自取生意，想堂食的話，亦可於點餐後到對面舖安座進食。縱然是堂食，店方提供的還是用外賣餐盒盛載的客飯。用餐區設置多張高枱，舒適度一般喇！一客檸檬香草忌廉烤雞配飯，烤雞食味滑度一般喇，配上雜椒青瓜，色彩鮮明，建議追加多一點綠色蔬菜。檸檬香草忌廉汁口味都算有交代。跟餐配上普通裝滴漏咖啡，口味淡口了少許，加$12才可升級至即磨咖啡，感覺有點貴。