拉麵來 (Closed)

今次去咗大坑食午餐，餐廳以食日式拉麵為主，裝潢以昭和復古風格，午市時段設有午餐，午餐包括有拉麵、小食同飲品，仲可以選擇麵質、湯味道、蒜同蔥，真係好貼心。熊本黑蒜油豚骨拉麵豬骨湯底配上黑蒜油同一大堆炸蒜粒，真係好惹味！另外仲有拉麵唔少得嘅日式叉燒，入口肉質軟腍，拉麵麵質揀咗普通，口感煙韌彈牙，掛湯能力不錯，每一啖都滿滿黑蒜味。香濃雞白湯拉麵湯底呈奶白色，用上大量鮮雞熬製而成，湯頭濃而不膩，配上一粒骨膠原啫喱，令味道更濃郁。日本溏心雞蛋 另加$12配咗日本溏心雞蛋，蛋黃入口軟綿，味道甜甜地，充滿蛋香。日式餃子餃子煎到好香脆，餡料有椰菜豬肉，入口軟嫩多汁。香煎蝦餅入口爽口彈牙，裡面有粒粒蝦肉，入口鮮味滿滿。綠茶可樂/山葵薑味汽水樽裝飲品要另加$20，綠茶可樂係淡淡可樂味，加咗綠茶反而唔會好甜，幾好飲。而山葵薑味汽水，薑味都幾重，山葵味唔算好出，都幾特別。