皇府 (Closed)

我以前好怕好怕食粥，覺得件事直接同臥病在床掛勾。直至五年前食過珍味嘅豬潤粥（當年喺時代廣場對面）。可惜，最好的東西總不會永久。當年該鋪位大幅加租後，珍味即於全港絕跡. 皇天不負有心人，數年前遷居跑馬地後，發現皇府.咁多間皇府，呢間最好食. 值得試任何粥品，必試炸兩，仲有好少地方有嘅燒鵝腸粉.以粥論粥，好過晒生記、羅富記。（唯一可能有得比嘅就係細佬兒時去過，响油麻地/佐敦交界嘅彌敦粥品）.唔鍾意食粥，燒味飯在水準之上，半肥瘦嘅食神叉燒，好少令食客失望。