諾亞半熟蛋糕專門店 (Closed) View

呢排終於有機會試一試何謂半熟蛋糕啦！呢間位於九龍城嘅諾亞半熟蛋糕專門店主推各款不同口味嘅半熟蛋糕，價錢唔貴，最原味普通嘅都只係$78好抵食呀！我試咗一個"芒果半熟芝士蛋糕"$146。蛋糕賣相雖然平凡，但餡料十足。面層舖滿新鮮香甜芒果粒，另有一層簿簿嘅芒果啫喱。而中層就係香滑細軟嘅金黃色芝士，由於食法是要將蛋糕從冰格取出，然後再放置室温約15分鐘，所以有一種入口即溶嘅感覺，好似食芒果雪糕咁。最啱夏天食呀，我一定會再買架！而底層就係軟綿綿嘅海綿蛋糕，所以一啲都唔油腻。另外，我仲試左一個$78蚊嘅"半熟蜂蜜芝士蛋糕(原味)"味道清雅幽香，入口滲出濃濃嘅蜂蜜味道，口感非常軟滑，食得出半熟芝士嘅感覺。