元気寿司 (Closed)

今日要上堂~經開APM 所以喺呢邊開飯~!! 想食簡單食品~對我黎講元氣係個唔錯選擇雖然話係連鎖店,有時出品的落差都可以好大~今次例牌點左三文魚腩壽司 - 真係令人意外~大大片的三文魚腩落晒地,蓋在大小適中的飯上面~見到塊咁大片的三文魚腩好興奮!而且食落仲好有魚香味,正~感覺充滿左奧米加三~好幸福海鹽左口魚壽司 + 海鹽赤海蝦 – 每款都分到一角檸檬,出手真係重~一D都唔姑寒,. 海鹽仲重手~相信份量少返D都OK~雖然我唔想做成浪費,但吸收咁多鹽,對身體唔係咁好!左口魚食落乾身左少少, 而且冇咁厚肉~感覺冇咁豐富~赤海蝦好大隻,好爽口~新鮮,好正~!元氣卷 – 蝦炸得卜卜脆~上枱仲有少少暖~就咁食已經好味道~!波士頓 – 我真係好中意呢三款材料的配搭,清新得黎又有D芝士混合住D飯~邊間食都好好味~!辣味三文魚軍艦 = 辣味三文魚D汁真係唔知佢有咩秘方,撈得好好味,辣得黎又唔攻鼻,三文魚份量又多喎~紫菜就差D,上枱已林晒~~無意發現佢地枱面有個APPS唔知玩緊乜野,就問服務員姐姐,經佢好熱心咁介紹,先知原來而家招緊新人,但因為我已經係會員所以冇得玩了~!