岩手拉麵 (Closed)

朋友生日梗係要食返餐好嘅！慕名而來呢間岩手拉麵，由於冇訂位，大熱天時下足足等咗兩個鐘！因為同行一名友人因為工作關係遲到，店員堅持要人齊先可以入座，本身排我哋後面嘅人都已經入哂座，最後得返我哋幾個人喺門口呆等，就算餐廳入面有位都唔安排我哋入座，的確有啲無奈但朋友想食都冇辦法，唯有等！遲到嘅友人到咗之後店員依然冇即時安排我哋入座，詢問之後都係叫我哋等等好啦！就等我哋試下究竟有幾好味，值唔值得我哋等咁耐？凍嘅海膽放喺熱辣辣嘅薯蓉球上面，口感唔係好match, 但分開就好食海鹽湯底唔太咸，味道剛剛好，而且好多蜆，好鮮甜，真心推介！和牛都還可以！總括嚟講，烏冬的確好彈牙，但價錢的確算係貴，每碗都要百幾蚊，值唔值得就真係見人見智！如果大家想試就記得早啲訂位，餐廳唔接受即日訂座！