Video
Read full review
2023-09-25
567 views
勝香園真係超出名，係超過60年嘅大排檔，主要做早餐同埋午餐時段，最出名嘅就係蕃茄牛肉湯通粉同埋各式多士脆脆，星期日1點都排晒長龍，好彩等咗10分鐘就入得去坐！顧名思義大排檔真係我比較熱同埋衛生情況就一般，不過勝在食到香港老味道！溫馨提示3:30就會收檔👌🏻🍞混醬多士 $21 (7/10)多士係厚身嘅多士，烤到好香脆，混醬真係港式風味嚟嘅冇得輸！🍞 牛油檸檬汁蜜糖脆脆 $23 (8/10)豬仔包又係讀得好香脆，非常欣賞牛油蜜糖檸檬汁，甜甜地酸酸地，清新開胃，好食！🍅蕃茄牛肉蛋米粉 $40 (7.5/10)2:00就賣晒通粉，蕃茄湯似蕃膏罐頭去煮，都食到好多蕃茄肉，質感好濃稠，輕微蕃茄味，唔算好酸好甜。米粉比較粗身偏腍但有口感，牛肉份量足，比較厚身，比較瘦，有口感又唔鞋口，真係新鮮牛肉嚟嘅，雞蛋係半生熟，講真味道真係普通，主要係食懷舊。🥤凍奶茶 $15 (7.5/10)叫咗走甜少冰，第一啖飲落去茶味都好濃帶少少澀味，口感好滑嘅，不過冇想像中咁好飲，但都唔錯。推薦指數: 7.5/10其實就真係唔算得上好好食，主要係食嗰種人情味，全部都係60歲以上嘅老人家，手腳比較慢同埋會問候你，慈祥又可愛😆
🍞混醬多士 $21 (7/10)
多士係厚身嘅多士，烤到好香脆，混醬真係港式風味嚟嘅冇得輸！
🍞 牛油檸檬汁蜜糖脆脆 $23 (8/10)
豬仔包又係讀得好香脆，非常欣賞牛油蜜糖檸檬汁，甜甜地酸酸地，清新開胃，好食！
🍅蕃茄牛肉蛋米粉 $40 (7.5/10)
2:00就賣晒通粉，蕃茄湯似蕃膏罐頭去煮，都食到好多蕃茄肉，質感好濃稠，輕微蕃茄味，唔算好酸好甜。米粉比較粗身偏腍但有口感，牛肉份量足，比較厚身，比較瘦，有口感又唔鞋口，真係新鮮牛肉嚟嘅，雞蛋係半生熟，講真味道真係普通，主要係食懷舊。
🥤凍奶茶 $15 (7.5/10)
叫咗走甜少冰，第一啖飲落去茶味都好濃帶少少澀味，口感好滑嘅，不過冇想像中咁好飲，但都唔錯。
推薦指數: 7.5/10
其實就真係唔算得上好好食，主要係食嗰種人情味，全部都係60歲以上嘅老人家，手腳比較慢同埋會問候你，慈祥又可愛😆唔知可以食多幾多年，估計佢哋退休就可能會光榮結業，支持下香港老味道🥹
Post
