Video
Read full review
2013-05-04
44 views
同朋友喺附近大排檔食完飯, 當然想食番啲甜品至叫做滿足架啦~~~行過見到呢間狀似新開嘅甜品屋, 所以就想入去試吓啦~~(其實佢附近都仲有間甜品屋, 不過主打刨冰, 我同朋友今晚唔想食刨冰, 所以就入黎呢間啦~~~)一入到去, 冇乜人, 得一枱6-7個人嘅客, 我哋搵個角落坐底左~~間鋪都幾乾淨整潔, 相中嘅一角係我覺得全鋪頭最靚嘅一角, 藍色天空牆紙托底, 兩張木凳, 一張枱, 好似好浪漫啊~~不過俾我哋睇到呢樣....點解到左五月, 間鋪仲用緊Christmas嘅裝飾架???唔緊要, 入黎係為食嘢嘅, 打開個menu, 睇吓有咩食先....我同朋友一人一叫左一個甜品, 朋友叫左熱嘅紅豆沙豆腐花...賣相似紅豆沙, 搯開呢...真係有一粒粒嘅紅豆架!!!食落就....紅豆沙嘅味淡左啲, 豆腐花夠滑, 但冇乜豆腐味.....(可能俾紅豆沙陣味輕輕蓋過左)整體就不過不失了。我就叫左心太軟~~~賣相好似唔錯喎~!此為呢間店嘅「必食推介」, 伴嘅雪糕有幾多選擇, (vanila, 綠茶, 朱古力, 士多啤梨)我好鍾意食士多啤梨雪糕架, 所以就揀左士多啤梨雪糕啦~~~好啦, 叉入去舊心太軟度,
行過見到呢間狀似新開嘅甜品屋, 所以就想入去試吓啦~~
(其實佢附近都仲有間甜品屋, 不過主打刨冰, 我同朋友今晚唔想食刨冰, 所以就入黎呢間啦~~~)
一入到去, 冇乜人, 得一枱6-7個人嘅客, 我哋搵個角落坐底左~~間鋪都幾乾淨整潔, 相中嘅一角係我覺得全鋪頭最靚嘅一角, 藍色天空牆紙托底, 兩張木凳, 一張枱, 好似好浪漫啊~~
不過俾我哋睇到呢樣....
點解到左五月, 間鋪仲用緊Christmas嘅裝飾架???唔緊要, 入黎係為食嘢嘅, 打開個menu, 睇吓有咩食先....
我同朋友一人一叫左一個甜品, 朋友叫左熱嘅紅豆沙豆腐花...
賣相似紅豆沙, 搯開呢...
真係有一粒粒嘅紅豆架!!!食落就....紅豆沙嘅味淡左啲, 豆腐花夠滑, 但冇乜豆腐味.....(可能俾紅豆沙陣味輕輕蓋過左)
整體就不過不失了。
我就叫左心太軟~~~
賣相好似唔錯喎~!此為呢間店嘅「必食推介」, 伴嘅雪糕有幾多選擇, (vanila, 綠茶, 朱古力, 士多啤梨)
我好鍾意食士多啤梨雪糕架, 所以就揀左士多啤梨雪糕啦~~~
好啦, 叉入去舊心太軟度, 睇吓係咪真係咁軟先....
其實叉入去嗰陣, 有點難叉, 因為心太軟個皮做得厚左少少, 需要「拉鋸」隻叉數次至叉得開件cake...不過入面啲朱古力都真係幾流出黎, 一叉開就「霸霸聲」流出黎啦~~~
食落啲朱古力仲熱架, 唔似有啲鋪頭, 叉出黎已經「瓊」左喺入面, 一啲都唔流, 係一件「流」嘅心太軟....
我個人最鍾意就係將件心太軟同伴住嘅雪糕同食, 一冷一熱嘅口感, 才是「至高無上」嘅口感!!
不過.....
佢舊雪糕有點出事!!
太硬啦!!!!
我篤都篤唔開舊雪糕, 一篤入去就成舊雪糕球拎起左啦.....
最後, 我將件雪糕擺左一陣, 等佢軟啲至食得...
整體上, 個心太軟係okay的, 唯一美中不足嘅地方就係....
件著嘅雪糕係一舊「硬」雪糕!!
Other Info. :
[i]呢間甜品屋係一間新開嘅甜品屋, 鋪頭細細, 其實可以容納嘅客真係好有限。不過, 入到去嘅感覺都幾舒服, 鋪頭嘅色彩, 燈光都幾柔和, 食甜品唔係食快餐, 係應該要有呢種relax嘅感覺。
我食嘅當日, 有一枱客喺附近, 可能間鋪又冇乜人, 所以都幾應聲, 有時我同朋友傾傾吓偈, 都聽唔到我朋友講乜....所以如果情侶入去食, 想講「悄悄話」, 就真係要揀啲僻靜嘅角落坐啦, 因為只要稍為附近有枱客多啲人, 你都可能要講到好「聲嘶力竭」....
對於一間新開嘅甜品屋, 我覺得仲有好多改善嘅空間, 加油啊~~~
(我會番轉頭幫襯架, 畢竟我仲未真正試哂佢哋嘅甜品, 我覺得佢哋可以有再好嘅地方。)[/i]
(The above review is the personal opinion of a user which does not represent OpenRice's point of view.)
Post
