三英甜品屋 (Closed)

今日喺油麻地完成工作後，突然之間好像食件甜品再返屋企。好在油麻地都喺平民小食嘅天地，尤其去到廟街，食店一間接一間~行下行下就被我搵到一間甜品店，見到門口貼住嘅menu都幾啱我口味，於是索性就入去坐低。可能時間尚早，裡面空無一人。 於是我叫左件焦糖燉蛋。一端上黎就feel到有d熱，證明真喺即叫即整喔！單純賣相就已經好吸引，蛋黃色的燉蛋上有粒士多啤梨做裝飾。挖了一羹，焦糖糖衣十分香脆，燉蛋又軟又滑，又暖笠笠，可見火力啱啱好，燉蛋未至於出現凹凸表面，真正叫做外脆內軟，甜而不膩，食完一整個都唔會覺得非常滯~推薦！

下午在街走了幾小時，感覺有點口渴，經過一甜品店，便決定入來坐坐，可以休息一回，飲杯甜品又可以滿足下口渴感。臨近黃婚時間，甜品店人不多，環境尚算坐的舒服。這杯生果汁，味道不過不失，也沒有什麼特別好味或不好味，但以這個價錢的飲品確實有點貴。***************隨便找一張枱坐下，然後取了餐牌看看，這餐牌都幾靚，以花為主題。看看有什麼甜品，突然心血來潮想飲木瓜鮮奶，便要了一杯，HKD25。喝下一口，其實很香木瓜味，因為是配鮮奶，奶味不會很重，但甜味有點多，相信是加了糖水，所以感覺也是不過不失。

下午行到攰，同老豆去叹个下午茶，地理位置非常好穩，就係甘肅街附近，下午時段唔係太多人，裡面不是很大，有9-10張臺左右，我點了心太軟，老豆要薑汁湯丸糖水。糖水好快上，湯丸較細粒，薑汁糖水比較辣，湯丸餡芝麻甜度適中，糯米皮軟硬適中；心太軟大概等了半個鐘先上，用勺子一整開，裡面d朱古力好似流心甘慢慢流出來，外面噶朱古力蛋糕唔會過甜，距旁邊配個雪糕，雪糕有幾個味可以揀，我揀了士多萆梨，唔知係咪天氣凍噶原因，雪糕有d硬，不過總體都幾好。两个人先61蚊，唔贵，比较抵吃。

剛與友人食完午飯, 已經好想搵糖水店坐坐。見到這店門就開了, 但未著燈, 以為未開門, 點知都叫我們進內, 好有包場的感覺。即叫即撞木桶豆腐花- 簡單真係幾好, 一上豆腐花時已見熱辣辣, 應該真係即叫即撞, 入口即溶, 好滑好軟, 果然係招牌。黑白棉棉冰有好多配料, 甜度適中, 但本身芝麻味不多, 味道偏淡, 靠爆珠、啫喱粒的Q彈補救

響佐敦食完雞煲最好食一個冰凍嘅甜品，於是嚟左依一間幾多人讚好嘅甜品小店"三英甜品",八點左右人客不多，我叫左芒果雪花冰$36,雖然價錢咁平但份量亦十足！顏色鮮豔再配小丸子同涼粉粒伴碟，食落非常透心涼！朱古力雪榚涼粉$28，涼粉其實最重要係夠凍，只要夠凍再配埋雪榚，簡單而美味！六十幾元就令我有一個完美嘅結尾，我一定會再返嚟支持！

係附近dinner完,未夠喉,於是就決定食甜品補數~見到呢間個餐牌都幾多選擇,所以就黎try try😊 好味,清新,有四個層次：椰青水,椰子肉,海澡,果凍👍 賣相吸引,芝麻味濃👍清新,唔太甜,不錯~有機會會再黎食,試下個木桶豆腐花😃

食完飯......一定要食甜品!環境,入到去都好焗,最後開左冷氣又超凍!不過店員服務態度都可以接受!起碼要求完, 唔會黑你面!~幾個朋友,叫左幾樣野食一齊試...其實唔知黎呢到應該試中式定西式好!朱古力CAKE  雖然睇得出雪左好耐,味道又OK WOR!好濃味!三色CAKE 呢個真係一般!呢個又幾好食,凍食好!價錢合宜!

今年情人節適逢元宵，在這中西情人節十九年一遇的好日子，決定做個精明的消費者，在這甜品店附近的「十八座狗仔粉」吃過一頓價廉味美的晚餐後，閒逛一會，來到這店子吃甜品，才帶著滿肚子的甜蜜回家。揭開印刷精美，色彩繽紛，令人食欲大增的餐牌，細心翻閱。不多時，便發現一款既應節，又吸引的甜品。是店中推介甜品之一的「薑茶三英湯丸」（$20），正是慶賀年宵的不二之選，甜甜蜜蜜的湯圓，也正合情人節享用。這湯丸的賣相是挺好的，六顆湯丸共有三種餡料，每款兩顆，分別是紫色外皮的豆沙餡湯丸、綠色外皮的花生餡湯丸和白色外皮的芝麻餡湯丸。三款湯丸的味道適中，湯丸皮也不會太厚和韌，是及格的出品。三款湯丸中，芝麻餡湯丸素為自己所喜，花生餡湯丸也能得到自己的歡心，相對來說，豆沙餡湯丸雖非自己的那杯茶，難得一吃，這晚也樂得嚐試不同的湯丸味道。較令人失望的反而是薑茶，薑味不夠濃，而且不知道為甚麼喝來感到有點苦味。不過在這中西情人節十九年一遇的好日子，有情人固然甜甜蜜蜜，未有情人的也希望甜甜蜜蜜，這丁點苦味又算是甚麼呢？

11-1-2014(Sat)同男友食完韓燒後,我仍然覺得唔太滿足,可能因為我食唔到辣泡菜,而俾男友晒.我o地行去旺角,男友就話食甜品啦,我o地邊行邊搵.行到寧波街,佢想帶我去一間好食o既糖水舖,但原來執o左,變o左十八座狗仔粉,咁我o地繼續北行,行到o黎吳松街舊公司附近,見到間新開甜品店,我o地記得以前係一間幾舊o既糖水舖,而且係幫趁過,o衣o家上o黎睇返原來係松記.我o地o係門外睇睇menu,有心太軟西式甜品,但我想食綠豆沙o個啲,行去隔幾個舖位o既綿綿冰?唔…記得以前食過,麻麻,再睇睇吓menu,原來都有港式糖水,又有小食,又有顏色好靚o既’蛋糕’,但原來係三色雪糕批,咁就試呢間啦.不過o岩o岩full晒,就等吓吧.而原來一直企o係門口o既女人係職員o黎,佢同裡面o既男人示意有兩個人等位,突然即刻又有位喎.我o地坐低後睇再細心睇menu揀,對面o既女人介紹佢食o緊o既一陣羶味o既雞翼好食,話咩孜孜雞翼.我答落o左孜然粉o既雞翼.之後佢推介香蕉紅豆卷,可惜係炸,我開始feel到自己熱氣,所以唔揀呢個.而佢就繼續介紹我食原隻寒天椰皇凍,會舒服啲.我見佢咁熟呢o度啲o野,就問佢係咪熟客?

呢間甜品鋪係因為女朋友話想食木桶豆腐花所以先搵到ge~見佢開左唔係好耐,食評唔錯,決定黎試下!黎到人唔算好多,可能始終時間都尚算早兼附近都好多食野ge鋪!一黎就叫木桶豆腐花啦,佢仲有個薑汁版ge,不過都係試原味算啦!另外知道佢每個星期都會有一款甜品半價優惠,今個星期係香蕉紅豆卷,叫埋試下啦!等左10分鐘,黎啦!呢個期待已久ge木桶豆腐花,份量果然唔細!大概有2碗ge份量,岩岩好兩個人食!$2x蚊黎講好抵!好滑,入口近乎即溶,食晒成個都冇任何'鞋'口ge地方!就算唔連黃糖都好食!熱辣辣食最正!!另一個本來都係因為半價試下,點知都好正!出面果層好似春卷咁脆,同樣又係熱辣辣!一咬開香蕉同紅豆味都有!雖然兩者都係甜,但係又唔會互相蓋過對方ge味道!香蕉配紅豆都有出奇ge好味道!就連唔食香蕉ge女朋友都話熱辣辣好好食,忍唔住食左一舊!欣賞佢唔會因為半價而頹整!正呀!!!

       週三拿手提電話去旺角維修，出乎意料一小時修妥，剩下偷得浮生的時間，遂步行至油蔴地永安百貨公司逛逛，走到累信步進入了位於這間公司背後的三英甜品屋，選了一份下午茶餐，是兩件蟹柳春卷、一小碟雜果沙律和一杯蜂蜜檸檬水。             先端來那杯檸蜜，平日很少飲這種飲品，印象中大多食店都是沖泡得很甜，使人飲到像齜牙咧嘴的一副表情，但今次竟然意外地恰到好處，甜度沒有超標，檸檬不苦澀，蜂蜜清潤。其餘食物則等了十分鐘左右，因為春卷是新鮮炸出來，熱烘烘的新脆，佐以喼汁伴吃，鬆化可口，但不含油脂，原因餡料全是蟹柳和蔬菜，十分健康，一向少吃炸食物，這次吃得份外喜悅﹔沙律的醬汁沒有蓋過雜果的泛濫，適度的混為一體，賣相清晰奪目，果的內容簡單數樣：蘋果﹑菠蘿﹑蜜瓜，想不到加了椰果，口感滑韌，很有咬口，不錯的選材，另配以兩條蟹柳絲，像兩條紅絲繩的華美。一般快餐店的所謂雜果沙律，馬鈴薯多過水果，營養成份以澱粉質稱冠，不敢恭維，這間甜品屋的雜果沙律雖然水果種類不多，卻是相當清新可口，值得品嚐。            這一趟來到甜品屋，卻沒有吃甜品，只吃了他的健康下午茶，但不重要，至少給了我信心再

我同朋友習慣左去甜品舖都會先試楊枝甘露，今次試其他特別啲嘅，哈哈。奶凍：雖然簡簡單單嘅奶凍，但並唔係每一間都可以做到震滕滕開心心嘅質感。我同朋友就好鍾意，哈哈超正！椰王凍：鍾意食椰子飲椰青嘅朋友仔可以一試，不過真係好冰凍。有敏感牙齒要小心喔，我就真係凍到有點頭痛。三色雪糕批：該店極力推介，小女子就覺得食落唔係話好特別但會勾起細個攬住2公升裝嘅三色雪糕嘅日子，哈哈。黑白雪花冰：黑=黑芝麻；白係豆腐味。但老實講小女子真係唔識欣賞黑芝麻竟然咁苦。不過黎過幾次之後有一個結論Ricky哥（我估似老闆）笑容燦爛，待客有禮。佢同員工服務態度一流^^

在不同的店子吃過喳咋，突然間又想吃多一個西式甜品。在源記附近不是沒有西式甜品，而是想走遠一點尋找。來到佐敦與油麻地之間的吳松街，有一間似乎開了不久的甜品店，於是走進入去，看看有甚麼西式甜品。入到店子，面積不大，有一間開放式的廚房，坐位也是只有廿來個，環境看來頗清潔的，而且只有老闆和老闆娘二人坐鎮，而客人不多，進入只有一個顧客，後來走了只有在下自己一人。看看餐牌，其實都是其他甜品店的大路甜品，有糖水有心太軟，也有以生果和雪糕造的甜品。既然在下已吃過糖水，就試一下這裡的其他甜品。在下想試的只有豆腐花，因為想試下他的豆腐花是否滑溜，於是點來芒果豆腐花。芒果非常新鮮，也頗甜的，而且是原個切開來的，而且果肉豐厚有咬口；豆腐花確實滑溜，而糖水就頗甜，而豆腐花有微弱的豆香但不濃。店子雖小，但甜品款式不少，下次再來的話，可試其他甜品。

同朋友喺附近大排檔食完飯, 當然想食番啲甜品至叫做滿足架啦~~~行過見到呢間狀似新開嘅甜品屋, 所以就想入去試吓啦~~(其實佢附近都仲有間甜品屋, 不過主打刨冰, 我同朋友今晚唔想食刨冰, 所以就入黎呢間啦~~~)一入到去, 冇乜人, 得一枱6-7個人嘅客, 我哋搵個角落坐底左~~間鋪都幾乾淨整潔, 相中嘅一角係我覺得全鋪頭最靚嘅一角, 藍色天空牆紙托底, 兩張木凳, 一張枱, 好似好浪漫啊~~不過俾我哋睇到呢樣....點解到左五月, 間鋪仲用緊Christmas嘅裝飾架???唔緊要, 入黎係為食嘢嘅, 打開個menu, 睇吓有咩食先....我同朋友一人一叫左一個甜品, 朋友叫左熱嘅紅豆沙豆腐花...賣相似紅豆沙, 搯開呢...真係有一粒粒嘅紅豆架!!!食落就....紅豆沙嘅味淡左啲, 豆腐花夠滑, 但冇乜豆腐味.....(可能俾紅豆沙陣味輕輕蓋過左)整體就不過不失了。我就叫左心太軟~~~賣相好似唔錯喎~!此為呢間店嘅「必食推介」, 伴嘅雪糕有幾多選擇, (vanila, 綠茶, 朱古力, 士多啤梨)我好鍾意食士多啤梨雪糕架, 所以就揀左士多啤梨雪糕啦~~~好啦, 叉入去舊心太軟度,

]香芒三英小丸子[/u]芒果好香甜,小丸子食落口煙煙韌韌好有口感.木桶豆腐花豆腐花即叫即做,口感好香好滑,份量十足,一個人都未必食得曬.三色雪糕批芒果,朱古力,云呢嗱三種口味道加埋一齊食,出奇咁夾!!(不過尚未推出,值得期待.)