Panda House Cafe (Closed)

四個人,又想玩三國殺,但太多餐廳唔俾玩紙牌遊戲,就想上cafe,我地4個都想再幫襯呢間cafe~~~因為黎過2次(2次都係10個人),印象都好好~~星期五3點幾book位(聽電話個哥哥就態度麻麻地咁,等我仲以為好full添...),仲以為星期五晚會好多人添,點知得2枱人上到去個女仔serve得幾好~我地都幾滿意架~~$75個餐配飲品免加一,對於我地呢d要玩得開心,無人阻住ge要求,真係物有所值!!整體野食幾好味,不過當中2人略嫌份量唔夠,而我就食唔晒~飲品都好飲,我地主要都係叫朱古力(+$5)~好好味=]飯點左龍利柳菠菜闊條麵x2, 以為有d菠菜喺面,好闊果種麵,點知get錯左@.@ 而且龍利柳係吉列,好少見,不過都唔錯~~~照燒雞扒飯同白汁雞皇飯友人話都係唔錯ge~~整晚無乜人,但玩得好開心,盡情咁笑笑笑~~~真係好美好ge時光=]

晚上七時光顧，一行九人。人客不多，不用等位。用餐直至九時多，都只有兩班人客入店光顧。店內環境較昏暗，冷氣不足。Set Dinner 約七十多元，一個飯或意粉，一杯飲品。產品味道一般，欠特色。我使用了 openrice 這網站搜尋食店多年，今次是第一次在這裡寫食評。驅使我留言的就是服務不周的原因。侍應禮貌接受，但食店服務欠全面。選擇樓上 Cafe 的食客，一般都是想要求一個舒適的環境，可以跟朋友聊聊天或耍玩店內小玩具，所以逗留的時間一般都會長一點。晚餐及飲品都用完了，我們繼續聊天。有點口乾及口渴，著侍應給杯水。來了一杯後，身邊的幾位朋友也想要一杯，於是著侍應也每人來一杯，侍應都沒有拒絕。但是，最後卻空手回來，告訴我們廚房表示沒有水供應。很明顯這不是侍應不想給的問題，而是廚房的人不想供應。這樣的服務是否有問題呢？要求幾杯水都不是什麼大不了，但竟然不供應。店內客人又不是多，不會阻延其他客人的光顧。這跟客人表示要再落單，點多杯飲品有何分別。 試問客人會否再來光顧，我就應該不會再來了。

一行12 去慶祝生日咁多人想坐得好d，開心吹水玩game, 壽星女又鐘意熊貓，所以揀咗呢間cafe。價錢：$80一個餐 （一個飯／意粉，一杯紅／綠茶，一個小甜品）晚巿一定要食一個餐，所以＄80係最低消費。如果食完飯的朋友就不建議你去啦!!食物：係cafe來講，食物質數都算ok。不過有4個叫個白咖哩豬排飯的朋友都覺得塊豬排酸酸地，似變壞了。幸好waitress姐姐都肯換過d食物，不過再落單時又咁啱魚又無，意粉又賣晒咁... 只有最普通嗰d野揀服務：嚴重缺乏餐具，一來俾唔夠12set 刀义，同姐姐講唔夠义，佢竟然俾膠义... 係cafe用膠义食排，去咗茶餐廳定大排檔？去得cafe, 都預咗會有講有笑。 我地有成打人，一人一句又要全枱聽到嘅話，聲量當然有返咁上下。我地去過咁多間cafe 玩，今次都係第一次俾waitress話嘈， 叫我地”靜”d， 唔係要我地即刻埋單咩料？！你唔嘈得咁你唔好提供層層疊， 猜猜畫畫嗰d 遊戲啦。咁多人玩要靜，真係有難度！到埋單，佢又話唔收多過＄30 硬幣 可能本身都有d不滿，所以聽到佢話唔收真係更燥！

由我在openrice見到呢間cafe咁有特色,加上我又咁愛熊貓,所以決定同朋友仔一齊去睇下先!!幸好恆隆大廈唔難搵,0係家樂坊隔黎而已~我地入去大廈後,架lift原來有雙單數之分,但係一部lift只係有4個人入左去,部lift已經上下搖下搖下,真係驚驚地~而且禁「關門」又關唔到 我地4人搭過另1部好了~之後幸好無事~panda cafe的門口就好似防煙門似的 我地一入到去,職員同我地講「每人最低消費一杯飲品及一份食物~6pm前必須離開!」真係好鬼直接!! 其實我地係當日的第一批客人,因為果陣都係2:30pm only!更想不到的是,menu內完全無set lunch,只有單叫%單叫.............所以價錢一定唔係便宜.....而且熱飲最平都要15蚊....就係coffee/朱古力..........其實餐廳唔算好大間,有一部份就係比大班人gathering的,另1邊的chair比較優雅,適合2人坐的~這個區,有一個書架全是漫畫及小說借閱呢! 如果wall也是用黑白的配搭會更好 如其他食家所拍的照片,地上真的有成班熊貓公仔大集合呀!!好興奮~仲有好多panda的擺設呢~真

今晚我地一行10幾人，去咗呢間餐廳食飯聚舊，揀呢度係大家希望有個地方可以坐吓傾吓計，睇吓啲舊相開心吓。野食ＯＫ，也冇咩特別推介。只係特別想講，我未食過一間野，可以比侍應妹妹話咗我地３次之多因為我地１０幾人，枱又細，食完啲碟都未執又已經有新食物再到，有見侍應妹妹得兩人應接不暇，體諒唔追佢埋嚟執，我地自己將啲食完嘅碟放到隔離一張冇客人嘅枱，佢竟然行埋嚟話我地，話唔準放野過隔離.....咁點呀？你又執唔切，我地又冇位放食物，好心幫你放埋一邊又比人話。。。跟住我地坐嘅地方好熱，叫佢埋嚟開風扇，佢應咗我地之後佢冇問，我地唯有自己開！點知佢又埋嚟話我地做乜攪個風扇？佢話佢地原本個ＭＯＤＥ唔係咁，一定係有人攪過先係咁喎！一把風扇啫？！點解咁睇唔開要埋嚟質問我地？我地係客嚟架！朋友囡囡離開時，才發現面仔比【失】鍚咗幾啖有冇攪錯？

恰巧舊生聚會成班「九」男女要搵間就腳得嚟又可以座幾粒鐘吹水嘅地步，某人揀左MK呢間上樓Cafe檯都訂埋就膽粗粗即管一試。旺角登打士街呢種地帶真係最就得人，玩夜咗就算住天咁遠都唔駛搭N車返屋企，旺角實屬舊區重建重點發展區，D樓齡分分鐘同個Friend加埋都唔夠佢高，不過勝左樓底高地方夠大幾適合開設呢類上樓蒲點，大到樓下竟然開到間傢電連鎖店.........廢話講完！一嚟到樓下兩部電梯衰咗一部，成班o靚妹仔迫哂入去仲有位涉就唔好意試入喇！自己踩四層梯樓當練氣吧！旺角上樓俾我嘅印像好多時唔係呢邊婦科診所就嗰邊幾間掛滿顏色招牌各有各做咁，呢道好彩無呢D野環境算唔錯，唔怕教壞我哋依班咁乖嘅同學仔~~小弟向來對食肆都係以食物嘅質素作評比標準為First Priority，本來食咗個盤菜宴先嚟Meet佢哋都唔住食嘢叫杯特飲算，點知俾個女侍應兇多我兩兇(建議啫~建議啫)話最低消費每人$80蚊叫埋嘢食o架要！見佢咁認真咁我都揀咗份「帆立貝芝士西蘭花長通粉」同埋"賣飛佛"思樂冰類飲品「石板街」沙冰，面頭堆滿細細粒棉花糖夾雜住朱古力沙冰香滑得來有咬口，口感唔錯........但其實我根本無飲到因為同朋友掉轉

我地一行5人,原本唔係諗住黎呢度食的,但原本想去果間冇位,就黎左呢間,我地買左蛋糕上黎,佢冇收切餅費,仲幫我地放落雪櫃,都幾好ar...諗住....,入到去..要坐地板位,都算了..叫野食,我叫左個葡國雞焗飯,食食食...食黎食去都食唔到有雞...佢用d葡汁扮哂野...最後終於發現有雞肉...原來成碟飯有"唯一一塊!!""細細塊"既雞肉!而我幾個fd都話d野難食,難食我都算了!我地叫左"石板街"既野飲,係沙冰黎,但杯野超淡..冇咩味= =之後我地諗住玩卡牌,但我周圍勁黑= =點睇牌呀!!我地問佢有冇枱燈,佢地話冇,算了,原來我有個fd咁岩汁房搬野,帶左支枱燈出街,咁我地問佢可唔可以借個電制位黎插,又話唔得= =佢地真係懶得理....我地就用電話d光照住黎玩,玩玩下冇lala行埋黎話最多只可以拎3款= =但佢仲有好多..都冇人拎..洗唔洗咁呀,玩蝕你d牌咩,之後我地叫甜品上,黎左3個木糠布甸,2個芒果布甸,唉...全部都"好難食!= ="之後我地叫左全店最好味既野食上黎,就係"我地自己出街買黎既蛋糕"...點解佢拎左幾分鐘都未拎到黎...我地睇下咩事...原來佢同我點臘蠋= =...但其

見到D 食評好壞參半我都半信半疑~自己親身去感受下今天放工約埋另一位朋友去DINNER, 我地都係想搵個地方傾下計可以坐耐D所以就搵左呢間CAFE~首先, 環境唔錯~有黑白之分, 白區靜D, 方便傾野~黑區就熱鬧D 又有電視睇~光線方面, 黑區比較暗D, 但都可以接受既!另外, 食物質素方面, 比一般CAFE 好味(我覺得)起碼佢地俾我感覺係有誠意D, 一杯普通朱古力因為花心思, 令佢變成一杯特別的朱古力而飯, 意粉都好足料, 女仔食一定會飽最後, 服務質素方面可能人夾人緣呱....我又唔覺得好似其他食評寫到咁差雖然唔會好到拎獎, 但同其他餐廳差唔多喇, 算係有求必應喇我覺得人地都係打份工者, 唔駛特別去針對某些人既總括而言, 值得介紹俾身邊朋友去試下~

之前我已經打過一篇食評架喇.唔知係出左咩問題POST唔到出黎!所以我宜家要打多一篇!食物都OK.野飲都OK.但服務態度差.仲好多限制!我地一入到去.廚房D人已經黑口黑面!侍應都有笑容.態度都唔錯!我地玩左陣先叫野食.4個人..叫左4杯朱古力!3個人既野飲上面都係熊貓.係特別在我個朋友係囧樣!之後再叫野食.我個朋友想食豬寸骨飯.點知佢地話冇.後來我聽到隔離台有人叫豬寸骨飯囉!先黎一杯囧.後來唔俾我地叫想食既野都算!我地諗住拎隻熊影相.又話d熊貓係擺設.唔俾影相!咁樣既服務態度唔得囉.我覺得抄哂哩班人請過班新既可能好好多!

食完成班frd都話要上黎發表下意見好同意樓上話呢間野啲staff咩都管住哂...我地只係影相個陣唔小心踩咗上個台板, 佢又好緊張咁叫我地唔好踩其實呢啲都算佢地神經質重點一：我地11個人, 明顯地只係黎咗10杯野飲, 我地叫佢跟一跟個staff竟然重申又重申佢黎咗11杯!!! 明明台面得10隻杯佢同我地理論咗成5分鐘話佢係黎咗11杯我地成枱O咗咀....心諗：你唔係覺得我要厄你個一杯野飲丫嘛...好同意佢地成間野啲staff都黑口黑面=V=重點二：其實啲野食係cafe黎講算係好好味個隻如果大家唔介意同朋友聚會個陣有啲staff好得閒咁叫你細聲啲 / 黑口黑面, 又想食到啲好野, 咁你即管去啦

首先!!我同朋友2日前黎過lee間10萬個朋友返到屋企之後上黎打番不知所謂既經歷出黎!!!目的只係希望比人知道lee間係一間點樣既cafe!!!但比人del左!!!如果間野係好嫁~1個半個劣評怕咩呀!!!但咁刻骨銘心既經歷我同朋友們唔介意再一次同大家分享!!!!我地一行十人去lee度玩!!!當時大約係晚上7點都未夠!!!!成間野得3台客!!我地係其中之1!!!當時去到就自然拎野玩!!!其實玩得一d都唔大聲!!但d staff行埋黎叫我地細聲d!!!咁算囉!!再細聲d囉!!最過份係玩唔出聲既7級豬都唔比佢地話嘈!!!重勁串行埋黎講!!"我重以為你地包左場"!!!!我地本身已經唔係大聲!!!重係冇啦啦比人咁話!!!請問lee d係咩服務態度!!!!成肚火都費時鬧佢!!!!當時有台中學生重嘈囉!!都唔知d咩staff黎嫁!!!!我絕冇針對lee間餐廳嫁!!!野食ok呀!!價錢合理呀!!!炒晒班staff換批新既應該會好d囉!!!真係唔明點解d留言會比人del左!!!如果你係一個消費者~表達自己既意見冇問題嫁!!唔需要del人地d留言!!如果你係lee間野既staff /老闆!!!咁麻煩你地檢

間野超級多熊貓~~~好鬼cute呀鐘意熊貓一定要黎啦~~間野的確係黑蚊蚊甘, 不過我覺得甘樣先有氣氛叫左個SET DINNER,個意粉唔係話特別好食.......最正係杯野飲, 整左個熊貓公仔0係度, 好鬼cute好唔好飲都唔記得啦....淨係記得個公仔-.-唔知係咪杯杯唔同呢~~我見openrice 其他人d公仔都唔一樣~~~個餐仲有個甜品豆腐CAKE, 都OK既~

之前上黎都有睇過食評,雖然見d食評都好壞參半,不過見D食物D朱古力有公仔,好吸引下,所以就同班朋友打電話上去book枱試下 ,因為本身BOOK枱果陣預少左人數,上到去問返佢地有無得轉枱,個侍應都好有禮貌甘答返我地其他枱比人Book晒,轉唔到...如果有大枱埋單再轉比我地,,咁我地玩左一陣就落左ORDER,不過隔離枱好嘈,又拍晒枱又尖叫咁,搞到個侍應都要我地重複幾次先可以落到單 咁等左唔係好耐,D野食同野飲都開次上枱!咁我有叫朱古力,實物比相更令,同埋佢地每一杯都唔同圖案,其中有D仲好特別,仲唔同表情食野果陣覺得隔離枱好嘈,嘈到我地都傾唔到計...於是就同侍應講返好嘈...咁我地見個侍應去隔離枱,好有禮貌咁同佢地講:唔好意思,介唔介意玩果陣細聲少少同埋介唔介意唔好拍枱,因為有2枱客都投訴太嘈!! 但係見隔離枱都無理個侍應,依然都係咁嘈...咁其實我地之後都有投訴過2,3次,,,,仲問侍應有無D靜少少ge位轉比我地,佢都好禮貌咁講返今晚booking full晒,轉唔到枱,一係幫你地同隔離枱講,叫佢地細聲少少la~但見個侍應好有禮貌咁同佢地講,但枱客無理佢,仲好大聲話個侍應!

以前很多時看到人說餐廳的態度差,都以為只是偶然侍應的態度差而已, 點知我真係覺得今次唔係偶然...睇返上幾個食評就知~~本身諗住同三位朋友慶祝生日,見cafe可以玩耐啲, 就bk 咗呢間, 點知惡夢就開始,bk既時候, 本身諗住早啲去, 可以玩耐啲, bk既時候佢同我哋講6點之後可以唔限時間, 咁我哋未6點去囉點知一行8人, 一入到去, 坐咗無幾耐, 侍應就話佢哋好full, 要我哋10點埋單, 好啦, 諗住就下人, 一人一步, 和氣算數....呢間野有限每人最低消費80蚊, 同埋餐又唔多可以揀, (一啲都唔值)全部都係白汁/葡汁/咖喱汁等等差唔多名既長通粉/意粉/飯,只係加朱古力/咖啡/紅/綠茶可以免費跟餐...仲要朱古力係唔多好飲啲嘢食唔特別, 就係普通長通粉/意粉/飯味...最重要既嘢嚟喇,朋友仔生日, 所以買咗蛋糕上去...差唔多時間我哋就拎蛋糕出嚟, 我哋其中兩人行到去雪櫃果度, 諗住拎,佢就話要佢拎, 佢幫我哋整, 咁我哋未返返埋位囉, 果陣時我已經見到廚房啲人黑口黑面話唔幫我哋點火,但係我哋唔記得買火機... 當我哋行返埋位既時候,佢個waiter竟然拎咗個無點火既can

呢間cafe唔錯,尤其服務方面!咁岩今日見到有人亂比食評,咪打返成件事出黎!免得一間咁好ge Cafe比人屈,又無得出聲!果晚同D朋友食完飯,行左陣街,又咁熱,打算搵間Cafe坐下,傾下計咁~我有個朋友話黎過呢間Cafe唔錯,於是就打個電話問有無枱la!聽電話果個話:佢地有一枱埋左單,不過未走,應該會坐多陣,叫我地預返大約15分鐘先上去!咁我同2個朋友見差唔多,上左去先,上到去個侍應話:果枱未走,走廊好熱!一係入去坐住先...(超細心!!)咁諗住都係坐多陣姐...!過左陣,我另外4個fd都黎埋...但都未有位= ="於是就叫左個侍應幫我地問下要等多幾耐,因為果枱都埋左單都有一段時間ga la,有咩可能未走!跟住我聽到個侍應都好有禮貌咁問返佢地:「因為見你地都埋左單一段時間,我地亦有客等緊,想問返大約會坐多幾耐!?」然後過黎同返我地講:「唔好意思,幫你地問過,佢地話坐多10mins」叫我地晌房坐多陣,睇住menu先!我有個fd就出左去廳等!10mins後,我見個侍應都未叫我地出去,我D朋友又等到開始唔耐煩,咪成班fd出去睇下咩事,點解枱客埋左單成半個鐘,明知有人等都仲賴死唔走,咁厚臉皮!