Video
4-min walk from Exit B, Whampoa MTR Station
continue reading
Opening Hours
Mon - Sun
06:00 - 23:00
Above information is for reference only. Please check details with the restaurant.
外賣自取左四個小菜:1. 小炒王2. 鬼馬咕嚕肉3. 豆腐枝竹火腩4. 豆豉雞球除左小炒王炒得夠乾身，其他都好難食。咕嚕肉完全稔哂，唔夠炸粉，雞球好少雞，火腩份量都好少。。。一個字: 差
continue reading
夜晚一個人經過紅磡，唔知食乜好，於是隨意入咗一間茶餐廳。入到去睇餐牌，見到有平時鍾意食嘅梅菜蒸肉餅，於是就叫了這個。先上枱有個例湯，飲落去都唔錯(應該無味精)，之後到碟肉餅上枱，見到碟肉餅仲有好多熱氣，應該係啱啱蒸好。食落去啲肉餅幾香，同埋都好多梅菜，而且啲肉餅唔係落咗好多粉，幾好食。不過一般食肉餅一碗飯唔夠(可能本人大食，所以都係每啖多肉少飯，以免最後淨係食肉餅，應該有人會覺得叫多碗飯咪得囉，但係唔知點解我多數都只會食本身個餐包嘅嘢，唔會額外再叫，即係好似叫炒飯要多飯，叫洋蔥豬扒飯要多汁，我唔會咁做)。點知食咗幾啖之後，但侍應走埋嚟同我講:「係咪唔夠飯呀，俾多碗你丫，我哋呢度白飯任裝，唔駛另收錢㗎。」我聽到之後覺得呢間餐廳好嘢喎，呢個時勢疫情咁嚴重，少咗咁多人出街食飯，好多餐廳都縮皮減支出，反而佢哋仲任裝白飯(雖然白飯唔值咩錢，但都係支出丫)，覺得呢間餐廳幾有人情味，同埋食完之後睇到餐牌，原來佢哋已標明白飯任裝，如果大家係飯桶，可以去呢度試吓。
continue reading
第一次來呢度食，叫左半隻雞，皮脆肉滑，魚🐠新鮮蒸得剛剛好，牛柳粒炒到6成熟口感剛剛好，燉湯青甜，菜都煮到剛剛好，4個人500幾蚊埋單，可再翻叮，下次試其他野，不過還是最中意隻雞🐔真系皮脆超整
continue reading
晏就唔知食乜好，通常都會去茶記，因為貪選擇夠多，而且經濟實惠，今次去到富華，叫左個 豉椒排骨炒河 和 芙蓉蛋炒飯 兩個午餐，午餐都只係$50，有茶和中/西湯選擇。豉椒排骨炒河夠晒鑊氣！豉椒汁味濃，配合埋河粉又啱啱好。芙蓉蛋炒飯，未食之前見到都已經覺得好靚，成個蛋都覆蓋住啲飯，個煎蛋仲要連埋有芽菜、蔥一齊炒，淡淡地幾健康。奶茶都夠熱，食左三分一喝一口還夠暖。呢度午餐份量很豐富，男生應該都一定夠飽。但我就要加$1買個外賣盒帶走剩下的
continue reading
呢間餐廳係之前成班同事係附近做野，lunch時間一齊去食。坦白講，開頭覺得佢同一般既茶餐廳應該都差唔多，無論食物選擇定環境都同其他連鎖快餐店差唔多。但係，估唔到食落好有驚喜。首先份量夠曬大份，我叫左豬扒撈丁，豬扒成塊面咁大，好有誠意。味道方面，豬扒煎得香口，加埋公仔麵，食完好有罪惡感。我再加左個奶油豬，卜卜脆加埋香濃練奶味，食完真係好滿足。不過呢間富華真係好多人食，一食完就即刻要走，d姐姐已經會自動波收曬餐具同碗碟，所以如果剩係食就正既，想慢慢嘆就唔好啦。
continue reading