富華餐廳小廚 (Closed)

呢間餐廳係之前成班同事係附近做野，lunch時間一齊去食。坦白講，開頭覺得佢同一般既茶餐廳應該都差唔多，無論食物選擇定環境都同其他連鎖快餐店差唔多。但係，估唔到食落好有驚喜。首先份量夠曬大份，我叫左豬扒撈丁，豬扒成塊面咁大，好有誠意。味道方面，豬扒煎得香口，加埋公仔麵，食完好有罪惡感。我再加左個奶油豬，卜卜脆加埋香濃練奶味，食完真係好滿足。不過呢間富華真係好多人食，一食完就即刻要走，d姐姐已經會自動波收曬餐具同碗碟，所以如果剩係食就正既，想慢慢嘆就唔好啦。