自家烏冬 (Closed)

6點幾同老公去食野..想食拉麵啦~咁就同老公食下自家udon啦入到去都冇咩人~店員都係得2 - 3 個...睇下有咩食先~我地叫左天婦羅拉麵同... 唔記得呢個係味咩拉麵-.- 剩係知豚肉仲有個炒什菌等左差唔多10mins先有得食-.-''其實炸得幾脆口.. 幾好食既.. 但係唔係太特別既味道麵質煙''un''不錯嫁~豚肉不會un, 軟身少少~不過味道不濃烈沙都冇任何特別既地方~炒什菌... 都係好少-3-.. 但有牛油.. 真係幾香嫁~但都係穩陣之選~ 因為毫無難道既一道小食呀ma~其獷我覺得好味過某chain store可以再去食過..但係價格方面.. 都係高過食物既品質~

一個人午飯, 隨便食.聽人講就講左好耐, 從未食過, 今日就試一試LA.叫一客麻醬撈烏冬, 明明叫暖的, 上來竟然凍冰冰的...不過算LA~ 我都懶得再轉, 費事又要等. 雖然凍冰冰, 不過又幾好味, 麻醬食落好香又唔鞋口, 蛋係糖心蛋, 好好食. 烏冬彈牙. 不過我仍然想食暖的.燒玉子好乾, 我還以為係熱的, 點知都係凍的... 搞咩...不過食落少少甜, 都算唔錯.

與家人多數光顧茶餐廳，今晚想轉換口味，於是來這裡吃晚飯。我要了烏冬，家人要飯及飲品，牛肉卷則一齊分享。煙三文魚葡萄汁掛烏冬($45)：沙律配烏冬，很清新的配搭。沙律菜、車厘茄及少量沙律醬，配三文魚，清新好味。三文魚有四五片，肉質也算ok。烏冬煙靭，配酸酸的葡萄汁，很開胃。牛肉石鍋飯($52)：〔沒試牛肉〕份量不多。飯太焾。金菇牛肉卷($30)：一碟六件，頗細件。牛肉的肥肉不多，煎得香而不油膩，味道不錯。金菇味道正常。椰果梳打($12)：椰果不多，梳打汽水是正常味道。埋單連加一$153，價錢尚算合理。此店主打烏冬，而烏冬真的煙靭好吃，但其他食物則一般。地方及餐具整潔衛生，整體不錯。

下午想食Ｄ嘢去到美心好多人，末試過入去試吓，睇飧牌完來冇下午茶，就點咗3欵.....豬軟骨烏冬（豬骨濃湯底）：手打烏冬唔夠煙韌彈牙""(唔好)""食，黑色豬軟骨好次食''''(柴皮)''''咁冇Ｄ味道，湯底淡宜冇味。豬頸肉烏冬（番茄湯底）：豬頸肉又唔係燒又唔係煎，又冇汁醬都唔知佢想點整，湯底靜係得個顏色''''(冇)''''番茄嘅味道。雜菇烏冬（濃蝦湯底）：不知所為，請睇相，唔想再寫啦。

同老媽見有少少肚餓, 但係唔想食快餐店, 咁就去左食烏冬.我地去到果時都已經下午三點, 裡面唔多人, 所以就即刻有位.由於我地 唔想食得咁 Heavy, 所以只係叫左一碗吉列豬排湯烏冬同埋吉列魚柳兩個 Share 食.吉列豬排湯烏冬 $45.00烏冬份量似乎比較少. 至於麵質就不過不失, 以價錢論, 都算可以接受.豬骨湯底只屬一舨, 略為淡口, 味道唔夠濃郁.豬排略嫌太瘦同乾身, 肉質有少許硬, 唔夠軟身.所以整體上我同老媽都覺得只屬一般, 如果以手打烏冬計, 尚有更好既選擇.吉列魚柳 $20.00魚柳唔錯, 雖然都知係雪魚柳, 但都比預計中好.起碼肉質唔會因為過度雪藏而太硬, 但軟身得黎又唔會好易碎, 都算唔錯.今餐連加一食左 $73.00, 算係咁啦....

之前同女朋友去過將軍澳果間食,,感覺都唔錯不過柴灣呢間真係好不知所謂..我地中午12點幾到..去到冇乜人但係安排個好逼既位俾我地..之後我地要求轉位之後到食野..我地叫左蕃茄豬軟骨烏冬,蕃茄雞肉烏冬同炸豆腐湯底OK既但係我唔知點解碗野黎到既時候個湯係一D都唔熱..只係俾暖果個程度熱少少成碗野即刻失色左..豬軟骨都OK既..但係烏冬個份量好少..我食完唔夠1個鍾已經開始肚餓再講下個雞肉...呢個真係不知所謂...好明顯食得出果種冷藏味..同埋係就咁蒸出黎..真係好難食...最後就係炸豆腐...豆腐係用白福豆腐黎做...佢俾果個汁完全冇味道...加上舊炸豆腐本身都係冇味道名副其實真係就咁食緊炸"豆腐"最後我要撈D 蕃茄湯底黎食..真係唔會再去柴灣呢間自家烏冬..O徒錢!!!

因為未光顧過此店，又見今晚不用等位（以往多次見這店很多人等位），於是與家人兩個人來這裡吃晚飯。鹿兒島六白黑豚肉南瓜汁掛烏冬($45)：烏冬份量頗多，夠煙韌。豚肉很少而且細碎，味道一般。雜菌份量適中，味道沒特別。南瓜汁的南瓜味薄弱，不夠香甜，勝在感覺清新而不膩。番茄湯豬軟骨烏冬($42)：番茄湯鮮紅色，顏色對辦，也有鮮番茄，但番茄味不夠濃。豬軟骨三大件，不肥而又很焾，好味。芒果熱情果雪香($12)：雪香，其實是Smootie，用水果和奶攪成的飲品。很大杯，而且酸酸的，很開胃。埋單連加一，共$109，價錢合理。主打的日式食物味道OK，但不算突出，反而飲品味道不俗。地方尚算整潔，職員有笑容也算有禮貌。整體感覺OK。（看看單據下方的細字和牙籤封套，才知道原來這店與板長／板前是同一集團的呢！）

返工後和同事即刻係紅磡趕去柴灣青年廣場睇CONCERT, 趕頭趕命, 但睇CONCERT前也總得來到速食晚餐, 途經新翠商場看看四周有那些好選擇, 見到這間鳥冬連鎖店, 但從未惠顧, 所以今次專誠試試味道。點內人不算多, 無需等位, 環境尚算整潔, 座位也可以。餐牌上有各款不同的烏冬: 掛烏冬、冷烏冬、湯烏冬 (有蕃茄、豬骨等不同湯底選擇); 我點了個豬軟骨湯烏冬(豬骨湯底), 同事則點了蕃茄雞肉湯烏冬, 另外加了一個露筍沙律。 點菜時, 仕應可能太新, 問了幾個問題, 都不太懂, 如: 沙律醬是什麼醬? 是日式醬, 還是千島醬? 雖然如此, 但態度還是很好, 說我幫你問問, 不為難她了, 只簡單點了菜便算。過了數分鐘, 蕃茄雞肉烏冬先上, 同事平時很愛挑, 但她偏愛蕃茄湯底, 她一嚐湯底, 即讚口不絕, 說 湯底是用鮮茄煮, 不是只用茄膏煮的, 很有鮮味, 烏冬有嚼勁, 雖不知是否真正手打, 但不是一般超市現賣的包裝烏冬。至於我的豬軟骨湯烏冬, 烏冬同樣有嚼勁, 豬軟骨夠稔夠入口味, 不錯, 湯底不算濃烈, 較清淡, 不及拉麵店的豬骨湯底美味, 但與烏冬的整體配合也自合適; 烏冬吃

星期四晚同家人食飯, 因隔離舖的拉麵常去食, 就試下食烏冬, 坐下不久就有待應放下三杯茶三個menu, 之後就幾個待應圍埋一齊傾計, 叫了幾聲落單才肯散去, 叫了三款烏東, 第一個是雞肉蕃茄湯烏東, 第二個是雞絲烏東(附有一碗麻醬汁), 第三個是吉列豬扒蕃茄湯烏東, 頭一二個10分鐘不到就已經來了, 第一個烏東可以一吃, 第二個用麻醬攪伴烏東也可以, 但連雞絲一齊食就覺得麻麻......寧願下次剩叫麻醬伴烏東就算, 第三個等了30分鐘仲未見影, 再麻煩正吹水吹得好高興既待應, 原來漏單 (但係間野唔係太多客) 等多2~3分鐘就即刻送上.........同樣覺得烏東和湯底都ok........但配料很差, 還有很大的進步空間, 比心機加油!!!

今日做完義工就同朋友來到呢間野食~因為自家烏冬好似幾hit，又賣廣告，所以今次就來試下叫了一個炸蝦雜菜湯烏冬d烏冬我真係覺得一般般，唔覺得有咩特別，赤丸好味好多呢~~湯底又咩特別至於那個炸蝦雜菜，個樣就幾特別，但食落去就好一般我個人就不太like，沒想到是一團野，得兩舊細蝦仔，雖然我的要求好似高了點，但.......我寧願把它們分開炸會更好呢!可能是因為我的期望過高，所以失望也很大!還是食番赤丸好了!呢間野，都係一次夠了~還以為下午兩點幾可以食tea，點知星期六日係無，激死!!!

星期六晚原本約左幾個係中學時代的舊同學食飯，公司忽然間要開OT，搞到臨時推左舊同學聚會，認真無癮！最衰新上任的經理扮晒野，難為我地員工，無奈！OT完已經差唔多五點，真係諗唔到咁遲，再打幾個電話比舊同學，原來佢地已經約在係阿May屋企，唯有飛780過去。或者我好少去柴灣，感覺無銅鑼灣同尖沙咀咁旺，是但啦當見識下都好。幾個女仔傾傾講講已經七點幾，大家都有些少肚餓，於是去醫肚。阿May話去佢屋企樓下商場果間''自家鳥冬''試下，無所謂反正我都未試過。人唔算多，等左幾分鐘已經有位。我叫左個''豬軟骨湯鳥冬''，而阿May就叫左個冷烏冬加件炸豬扒，其他舊同學則各有各叫，求其啦，心諗唔會有驚喜。呢間自家烏冬裝修幾好，可能仲係新開無耐的關係。但員工就唔多夠專業，下下都需要個經理親力親為，睇來仲需要加多些少培訓。等左約十分鐘後，各人的烏冬相繼到齊，肚餓啦，食先。我的豬軟骨烏冬感感唔錯，味道跟味千拉麵的豬軟骨差唔多，但要讚一樣就係烏冬，食落幾特別，湯都ok。不過最令我意外者，就係阿May的''冷烏冬''，居然使我印像難忘，加上有味醬油後，感覺真係唔錯，如果大熱天時去食，咁就更理想！可惜件炸豬扒比較普通，

基於一直都有看大家的食評 對這家店鋪都心裡有數但又想不到吃什麼見價錢又不貴便小試可能客人不算多所以服務態度都尚好自稱"自家烏冬"但我又不覺他們的烏冬選擇很多反之,著重在他們的小食上炸豬扒烏冬烏冬都叫煙韌,但湯底就過份清淡我們又要出動大量七味粉吊味附送的兩片海帶過硬豬扒肥瘦平均口感又未去到硬,但當然不是淋身吧沙津醬少得可憐總括,沒期望所以不會有任何失望這個價錢=價值, 我接受

先提服務，一入到開囗，舖內客人不多，未坐下一位穿西裝女服務員就像機關槍說了不知甚麼，就走了，之後舉手叫她想問獎門人烏冬有咩材料，佢答案「如圖中一樣 ，不如你想清楚再叫我」（可能佢見我媽中過風口齒不清，不想多講）之後再叫佢，剛有兩位客人，佢就大叫我等等，帶完位就忘記了站著與其他人說笑，我再叫她就黑着臉過來問我想要咩，我忍不住對她說，不如你真的有時間再來寫單，她才對我語氣好點，於是我同媽叫吉列豬扒烏冬同蝦、竹輪掛冬，嘩！個吉列豬扒一點肉都無，全是肥的，我只好要求換，結果第二碟都一樣，只好埋單走，下次真的不會再來。

大妹生日, 奶奶請食飯, 我們一行七人約定自家烏冬......最初叫了六樣烏冬, 唔夠食再追加兩樣(可想而知係幾細碗呢~)不知道是否需要厨師即打烏冬即製, 上菜慢到無人有, 足足要等20-30分鐘才有第一碗烏冬上桌, 吃完要再等10多分鐘才第二碗, 如些類推。豬軟骨湯烏冬, 份量少, 湯淡,烏冬不Q但豬軟骨煮得淋和滑。獎門人湯烏冬, 份量少但湯底有濃濃蝦頭羔味, 蝦肉梅梅地但厨師細心地已把蝦身的殼除掉, 只餘下蝦頭及尾。煙三文魚葡萄汁掛烏冬, 煙三文魚味道濃厚,可惜葡萄汁撈烏冬後, 絕無葡萄汁味道, 只是烏冬味, 冷烏冬較Q而粗身, 有嚼勁！六白黑豚南瓜汁掛烏冬, 份量夠, 日本南瓜甜又糯, 黑豚肉只是點綴, 日本南瓜配冷烏冬, 絕配！六白黑豚石頭窩燒烏冬, 淡而無味就像清水烏冬, 真不知道賣點是什麽?咖喱雞脾飯, 絕不是日本甜咖喱, 異常辛口,連吃得辣的人也開不了口,咖喱還沒煮開, 吃落感覺有粉, 雞脾嚡口可是咖喱裏有一隻温泉蛋, 蛋味香濃, 跟咖喱不配但用來撈飯一流, 可惜枱上沒有豉油及香葱。自家冷烏冬及自家胡麻温烏冬, 不過不失！甜品有豆腐雪花冰及綠茶雪花冰, 份量少得可憐, 豆

看見餐牌上有吉列豬扒,及任加椰菜,價錢48-88,便試了○當時晚上六點,人客少,但加拿大吉列豬扒已售完? 一心想試這家的吉列,便無奈點了鹿兒黑豚蝦卷○等了很久才端上一只一分為二的蝦,看上還以為是前菜! 椰菜一小堆,像伴碟○如此餐廳要供應吉列,怎可缺點豬扒的啡醬,及椰菜的dressing? 椰菜絲很乾,像未經冰水處理○ 沒有dressing, 怎吃? 總結,做得不夠認真,不如不做. 還是去とん吉好!