和味館 (Closed)

買咗2張團購分2次去食,只有第一次食有影相,第二次去電話無電無得影.首先,第一次去時係同1位遊客朋友去,點咗孜然炒羊排及椒鹽魷魚加2碗白飯. 其實係比較失望的. 因為2碟餸份量都比較少同埋鹹咗d,尤其個椒鹽魷魚真係鹹得滯又奀(即係,我响街市熟食中心食嘅係比較便宜,魷魚炸出唻比較漲/飽滿,食落個皮會脆......),孜然炒羊排個孜然唔係好覺.第二次就得我一條友去,點咗柚子汁焗肉排及西蘭花炒元貝加1碗飯.今次就比較好喇.柚子肉排酸甜開胃,個汁唔錯唔會好似檸檬汁咁酸亦唔太"杰",如果個汁份量多少少就好d可以醮多d唻食. 西蘭花炒元貝,d元貝都算大隻,有少少汁咁,味道幾好.2碟餸個份量都ok,我一個人食到最尾慢慢食係食得晒嘅.2次都係7點左右入座,起初無乜人,漸漸地就多人入唻食飯.以為因為位於橫街會比較冷清而做團購,但似乎生意還好.

這夜與朋友一行7人到紅磡食飯。我們周圍逛街，給我發現一間不錯的家常小菜飯店。飯店用餐環境優雅，枱與枱之間頗多空間，坐得舒服。而令我最感到意外的是，這裡的食物出品超有水準，街坊小廚的價錢，卻有星級酒店的水準，值得一讚。其實，愈簡單的餸菜，愈能顯出廚師的功駕，這間的家常小菜真是令我刮目相看。

朋友最近搬左黎土瓜灣，陪佢周圍試菜，路經呢間小菜館，派哂傳單話每人送一隻元貝皇，唔好蝕既心態緊係入去睇下佢堅定流啦！唔係講少真係送俾你架喎，仲唔野少添呀！叫左店長推介既至尊麻辣雞煲（半隻）！睇見都留哂口水，打開煲蓋聞到陣香味忍唔住要試一舊，夠哂入味，唔會太麻痺左條脷，辣度適中（有大中小辣任揀）忍唔住要叫個白飯黎撈汁食！清清地叫左個時令小菜上湯浸豆苗，嫩嫩的、唔油膩👍仲有好多小菜未試到，期待再黎試食其他菜式

同朋友一齊行紅磡接到張coupon 上面寫著送蒜蓉北海道元貝皇一隻， 就即時同朋友去試下，原來間食店對住大街， 好容易就搵到啦 入到小店侍應服務殷勤！ 原來將coupon送元貝皇係每人一隻（ 重係好大隻好新鮮，今日好幸運吖！）😆😆😆 我地叫左幾款小菜 ， 師傅手勢好好，菜式好有鑊氣 ，重好食過好多大酒家，價錢合理，又唔需要收茶介加一， 我相信哩到以後都會成為我嘅飯堂啦！😊😊😊

爸爸生日……揀左去和味館食……因為一早book 左位…所以唔駛等。一入到去……餐廳非常寬敞…而且光猛……感覺乾淨舒服。我地一共叫左７個餸……成家人都讚不絕口……不但環境好食物好味……侍應亦招呼得好好……真係要比個good.....下次一定會再黎

晚餐時間，一到達後門前的職員已說沒有預約沒位但當轉身的時候突然有位。 侍應態度總是兇巴巴的，說餐牌亦只得兩份不要選太耐，但見滿坐侍應兩三人忙碌得很。原來想點羊扒沒有，想點魚沒有只有貴價龍躉，餐牌上寫例牌椒鹽蝦又沒有只有段両計的。。正在覺得有點選擇困難之際比侍應催促落單交餐牌。。 。。最後點了生炒骨，味道不錯份量是切成細細件上的，橙色繽紛帶骨香不會太甜不太酸，大牌檔中算不錯。抄菜芯苗亦火喉足。椒鹽蝦一般而且價格頗高。紅燒豆腐材料新鮮豐富亦不太濃味獻汁亦不厚身的,友人享用得津津有味的'私陰'清洗算乾淨但個人卻不太喜好。

今晚公司係度設大閘蟹宴，我們老闆同這裡老闆是朋友，所以book了房，聽聞林峰都成日來的。今日叫了好多海鮮，當然少不了大閘蟹啦！1) 蠔餅 - 完全唔似蠔餅，似炸蠔多d，同婆婆(潮州人)整的完全唔同！2) 薑蔥大蠔 - 唔錯，蠔大大隻又唔鱣，蠔走油後炒已經好食，唔似之前食得的蠔煲要炸到香口再用汁整先好食3) 豉油王大蝦 - 都大隻同鮮味！4) 豉椒聖子 - 唔錯，不過個汁店d！5) 藥膳雞窩(有蜆) - d湯感覺好補，好足料6) 枝竹燜魚頭 - 無食，唔識食魚頭，只係食了菜底！7) 上湯豆苗+上湯菜心 - 好咸！8) 薑汁芥蘭9) 炸芝麻湯丸 - 最正，又夠特別，炸到好似爆開左的燒魚旦，唔甜又唔油，似自家製湯圓，芝麻唔會流心的！整體來說，海鮮好食又新鮮，不過比較重手(咸)，可能想人叫啤酒/汽水，而且味精亦似乎多晚上出現了味精反應！

平民食店比比皆是，在紅磡與土瓜灣區更多的是，這間位於紅磡與土瓜灣交界的食店，看似平平無奇，實則是千奇百怪才對，原因是這店以吃昆蟲或特別食材出名。雖然比較嚇人，可是小菜卻夠鑊氣及特式。今次來的目的是為了香草焗蟹餅，早幾個月前，從一本飲食雜誌得知，用上蟛蜞來做。這是一種非常細小，棲息於咸淡水交界的小蟹，體積只有一隻姆指般大，要將小蟹的肉及膏取出是何奇困難，還要用上大量的小蟹，足見是複雜的菜式。是晚由於蟛蜞供應不足，未能做出，令我深感可惜。先來的是生菜蠔豉鬆，炒來相當濕潤，與乾爽扯不起任何關係，幸好味道尚算不錯，吃起來帶有少許蠔豉的香味，包在生菜內同吃，感覺算是對辦。接著的是頭抽豉油雞，來到時香氣四散，令人食慾大增。味道方面真的夠惹味，但是雞肉質地不夠幼滑，而且有點鞋口，可能出於烹調時間過長所致，比較令人驚喜的是有雞雜在內，最美味的就是那些雞雜，居然配角搶了主角風頭，真的非常有趣。雖然沒有了蟹餅，他們還有一個台式秘技煎蛋，非常期待蛋汁混合松子等等食材流出來的一剎那。煎蛋來到時，發覺整個煎得非常燶，還有股燶味，再看內裡呈現全熟，根本沒有蛋汁流出來，貨不對辦，所以要求他們重做，但他們居然回答是正

若不是有人提議, 絕無可能發現的, 預先有人話這裡並不是太平, 於是有了這些少的期望, 首先叫的生力大啤已不太滿意, 不夠凍呀! 沒有冰涼感覺, 差少少, 白灼魚皮送酒, 第二的不滿, SIZE都無問題啦, 魚皮爽但略為”UN”了一點(七喜店好好多!), 蒜香骨賣相不合格, 灰灰色, 食落不太差, 但無味道的, 炸得略為老了, 雜菜煲一般貨色, 上枱時十分熱, 但菜略為淋了些, 這兒的雜菜煲沒有放西蘭花, 比教姑寒!, 炸白飯魚, 炸得好特別, 不似其他店的好多炸粉, 這碟如圖可看見, 接近沒有粉的, 又是一樣, 十分淡, 沒有味道的, 幸好夠香口, 送酒都幾好, 總而言, 這樣的質素, 若價格下降20%, 才可接受!

和朋友一家晚飯, 大家都無咩心水提議, 最終去了朋友家附近的和味館, 六人點了 : - 必食生炒骨 ( 菜牌係咁寫的 ) , 好味道 排骨真係做到外脆內軟,酸甜汁調教得酸甜適中, 需知今時今日好多食店的生炒骨都超難食, 真係好骨難求, 怪不得咁有信心叫必食生炒骨啦 秘製頭抽雞 ( 大約係咁名字 ), 以為是一整隻豉油雞斬件上, 來到才知是頭抽炆雞, 一吃就知是用鮮雞泡製, 雞的份量十足, 祗用上頭抽就把雞炆得又淋又滑又惹味, 唯一缺點就係雞肥了點. 雞蛋焗魚腸 - 用咗好多魚腸, 真係啖啖魚腸, 魚腸清潔工夫做得好,唔鯹唔苦又鮮潤甘香. 但焗得有點過火, 所以蛋比較老 香煎肉餅 - 肉餅混入墨魚粒, 但無咩味道肉亦鬆散 椒鹽田雞 - 看賣相乾巴巴, 怎知入口香脆惹味, 送啤酒一流, 真係餸不可以貎相. 其它的脆皮大腸 / 豉椒花蛤 / 沙爹牛肉煲保持水準足足食咗九個餸, 連啤酒汽水埋單唔駛 $800, 真係好食又抵食

整天都下着大雨, 到晚上 8 時多見雨勢沒這麼大, 一行四人就決定往和味館食飯,可能是天雨和差不多 9 時的關係, 店內需還人頭湧湧, 但在沒訂位的情況下也祗稍稍一等就可入座. 三大一小點了 : - 白灼魚皮 - 每一塊魚皮都超爽脆夠哂新鮮, 但一碟的份量很少, 收 $38 就有點貴了, 七喜的白灼魚皮要比這店大碟也祗收 $20 多 豉椒炒花蛤 - 花蛤夠肥大好肉地, 豉汁夠惹味, 但這個炒花蛤要 $80 椒鹽骨 - 排骨切成小粒, 再經油炸後顯得有點細碎, 需賣相不太漂亮, 但一吃入口排骨鬆香脆化又帶點點五香粉的香味, 肯定排骨是新鮮貨兼現叫現炸的, 好味! 沙爹鮮牛煲 - 沙爹味香濃, 鮮牛應經泡打粉醃製, 牛需滑但肉味薄. 但也不失為送飯的惹味餸. 咖喱雞 - 同行的小鬼一定要食咖喱雞, 佢就吃得津津有味, 我就覺得不香也不辣, 沒有半點咖喱風味. 蒜香骨 - 相比椒鹽骨的惹味香脆, 這個骨就稍微有點點失色. 脆皮炸大腸 - 熱辣辣, 大腸香脆得來有趙口有脂香, 甚有兒時在客家菜館吃到的炸大腸風味, 讚 雜菜煲- 咪就係普通的雜菜煲囉. 其實牆上貼了很多特別的菜式, 但

世界盃果時嚟都旺，不過都無旺成咁，而家直得旺到要等成30分鐘先有位。個場爆哂，見當中有啲吉枱，阿姐話全部有人訂咗，我哋無BOOK 位，唯有一個字，就係等。等嘅期間見到人哋成枱菜，恨到流哂口水，餓多兩錢重，到差唔多有位時，我叫定阿姐落定單，首先嚟個水佬華蒸鹹鮮，阿姐話日日都唔同，今次有靚英倉，正到暈﹗英倉夠大條，肉嫩無骨，魚油豐富，兼啖啖肉，我本身係魚痴，最後連條背骨都唔放過，一於照咬，啜埋骨髓，鮮味到死。 跟住肥老闆挺著大肚子走出來，興奮說有新嘢出，就係海底狗窩，做法話係借用咗客家炆狗肉嘅方法，而魚係大魚仔，即係乜嘢魚，就唔多清楚，只知肥老闆話條魚十幾斤重，面家只係用個成兩斤重嘅魚頭加南乳、薑、蔥兼秘密武器嚟炆，見佢咁瞓身推介，又只管試吓。嘩﹗我未食過狗肉，唔知質感味道係乜東東，但係呢味海底狗就真係幾鬼正，啲魚皮起膠兼彈口，仲厚到像食花膠咁，炆得又夠入味，頭先等30分鐘嘅不愉快，全部蒸發哂。最後連汁都撈埋，一碗白飯報銷肚內。本來想食埋凍魚皮，但係真係太飽喇，唯有下次再試。最後叫碟上湯菜心，條條心指尾咁長，嫩到痺﹗好食。值得一讚係菜心中加咗草菇片同大頭菜絲，呢啲係古早味，啱

上次來無留位，黎左野，今次BOOK 左先，點 知5點先有人接電話我地食左1.蛤 中上2.頭揪雞 好3.椒鹽蝦 正正正4.蟹餅 NOT BAD BUT NOT OUR TASTE5.烘魚腸 特別，苦 和 腥味 都有 但爸爸和我都OK，等足1個鐘先出6.炸大腸 中上7.水煮魚 好，除左魚中有好多送，不食辣的人都BUY8.炒菜 X 2 普通9.炸豆腐 普通另加 10罐涼茶，4個飯一抬8人都話個蝦有料到，蟹餅和魚腸 適合老人家，其它都不差爸爸醒左$20TIPS，部長都有D意外

蟹餅????我同兩個朋友去食飯，我地食左絕技蛋、焗魚腸、白反魚、臭豆付和什麼沙白雞......本人係蛋怪，所以好愛那絕技蛋，因為好香蛋味，我亦覺得佢地將雞蛋炒到蛋糕的樣真係幾絕技。最奇係我見到其他像熟客的枱有一個叫到蟹餅的餸，Ｄ食客係甘話好食，但我又唔見有蟹係個餸到，睇落去似我地枱個魚腸但又唔係！最後我都係問Ｄ服務員究竟乜係蟹餅，答案都唔知真定假，佢話係用一百隻蟹仔(我地小時係海邊捉)，將佢地Ｄ肉同羔取出來做......我心想真定假，然後我問佢賣幾$，佢話$80。即係$0.8隻蟹？我話叫一個佢話今天只有3個，並已賣完。他解釋，其實蟹的價錢不是重點，重點係時間同人工。還有就係你去街市買都未必買到Ｄ蟹仔。只係Ｄ街市佬留俾佢，就算有都係做到3至4個餅..........我蛋怪真係好想食！因為蟹餅由一百隻蟹仔加我鐘意的蛋做.........不過無法，我地等下次順帶一堤，焗魚腸係比其他地方噥味，至於苦就我有個人意見，其實我地比較大年幾的食焗魚腸係有一種回憶，回想兒時一家人憑一個餸食一歺飯。我家的魚腸都有那種"苦"味，我叫它做"甘"，我都明白不是每人都喜愛，因為同枱的朋友都不大接受，我估佢連焗魚腸

一直期待著的魚腸蒸蛋，真的非常失望！以為雜誌推介，就算不太好食都應該不難食啦！點知叫完所有餸菜後，不久，已經到了魚腸蒸蛋！第一口，已經覺得非常十分苦。之後，再叫了一位貌似老闆的後生仔來試食，他竟然說非常十分苦是正常！我就認為他們吉穿了魚膽令到成碟餸不能食囉！最重要是，不要説這是正常囉！太令人失望亦令人苦得嚟太甘了