翠華餐廳 (Closed)

星期日嘅工廠區，地方難得地寧靜，少咗貨車及熙來攘往嘅貨物，中午想搵食就難啲！因為好多餐廳都唔開，所以去最穩陣嘅茶餐廳，大家都揀到！地方幾大，有埋一樓，我哋到時地下近門口有張中圓枱，坐低先明白點解入面滿晒，因為門口無冷氣，好熱！食物都係茶餐廳大路嘢！不過無套餐！所以飲品另外收費，所以無叫到飲品（閒閒地$20以上一杯，叫多件麵包好過）至尊魚蛋雲吞河（$38）一直都有食開翠華魚蛋粉，今次比較失望係魚蛋細粒又唔彈牙，無魚味，同以前爭好遠，雲吞細粒，蝦肉爽口，皮薄滑溜！河粉嫩滑，湯底雖然奶白色，不過無乜味，唔夠香濃！無咗魚湯嘅鮮味！整體一般雞尾包（$6）因為剛出爐，忍不住叫一個，脹卜卜，熱到辣咀，糖椰絲餡甜絲絲起晒沙，加上鬆軟麵包，面頭嘅芝麻好香！好味！店員唔算勤快，問一句答一句，枱面雖然有餐具籃，但無晒筷子及湯匙，所以我哋食物到都要每次去問店員攞！咁不如唔好用餐具籃，每次執番啱餐具另上好過！

又好懶甘冇行去好遠食lunch,翠華係公司附近最多人排隊的餐廳，早上排麵包，午餐例必排隊，今日選了常餐A,公仔麵屬正常，炒滑蛋，滑嘟嘟，炸魚柳香脆又唔油，最平係柸奶茶，滑身奶味又夠！抵佢賣甘既價錢！

平時的我一個包一杯咖啡就是我的一天新開始星期六要返工故然不爽, 所以返工前吃一個勁量早餐當作慰勞自己而翠華的早餐對我而言而是勁量。沙爹牛肉公仔麵 炒蛋配餐包 (轉餐包)  老實講就係好耐無在這裡吃過早餐, 怎知沙爹牛肉公仔麵湯濃如豉油加水味道一個咸字 ,  沙爹牛肉也欠彈性, 幸好咬落也可認得它是一件牛肉 公仔麵彈性適中, 可以接受 。炒蛋配餐包 (轉餐包) 炒蛋鮮黃口感嫩滑, 蛋香澎湃富牛油香 我喜歡將炒雞蛋夾入軟熟的餐包內,  頓成了另一款口味, 這正正是我平時最喜歡的早餐味道。原來兜兜轉轉口味還是不變的 。

辦公室搬左黎牛頭角，又可以周圍探索下有咩野食，點知甘多棟工業大廈，竟然淨係得一間餐廳係附近，講緊既就係今次食呢間翠華喇。餐牌有兩個午餐，炒蛋餐望落相當豐富，一於黎個午餐A ，香草芝士肉醬意粉 配 嫩滑炒蛋及丹麥多士 $54。 丹麥多士：這個午餐棄用普通多士改配丹麥多士，相當有誠意。不過黎到不夠熱，而且多士黎講外皮唔夠脆，整個軟誇誇，味道則偏甜似排飽。嫩滑炒蛋：味道中規中矩，有牛油味但說不上蛋香。蛋炒得比較散，入口表面頗滑，肉裡則過熟。 香草芝士肉醬意粉：一度懷疑是否廚房忘記落芝士，但見人地果碟都係長這個樣子，就算了。吃起來真是完全沒有芝士，味道很淡，不夠酸也不夠甜，整個意粉都好平淡，像是為充飢而吃。意粉的口感過淋，本身麵條亦較幼，沒有小麥味，完全就是一堆沒有生命力的麵條，好可憐。

我係呢間翠華附近返工，所以成日都會叫外賣跟住我去自取，通常都1:45就會叫左先跟住2點行落去拎...有次1:45叫左個飯，我2點已經到左..跟住2:15我問d員工，佢地話未有..等等等終於等到2:25 我叫佢地退返錢俾我。因為我都無咩時間食..佢地唔肯！最後2:35先俾個飯我 我行返去都夠鐘啦..點食 唔係得呢次 好多次都係咁...因為我附近又無餐廳所以先逼住食佢. 一兩次都由得佢，但真係好多次等成9個字 太過份啦 今日都等左7個字 大家真係唔好叫外賣自取

今日算喺係香港歷史性低温嘅一日，但愈係凍，肚仔愈易餓愈難餵飽，就算冒住寒風，都仲係想走出office ，嘆返個翠華！午餐set有呢個豬軟骨撈冷烏冬，加魚腐波波。單睇想又幾吸引，於是一試。豬軟骨炆得好入味，肥瘦適中，入口軟稔，十分惹味！烏冬亦不馬虎，稻庭烏冬有咬口，撈埋個炆豬軟骨嘅汁，非常開胃！另外個魚腐波波都好有翠華特色，大大粒好可愛，有好香豆皮香味！

今晚因為要係牛頭角開會，所以要係附近醫肚。係翠華總店叫咗至潮魚蛋雲吞河。個價錢$38。個橫裝好幽雅。個魚蛋河賣相好正。個河粉好彈牙。個魚蛋好有咬勁。入口爽。好重魚蛋味。個雲吞size剛好易入口。鮮蝦好嫩。好食。皮薄餡靚。個湯底好清。但整體非常好。

因工作關係同同事黎到牛頭角,第一時間醫肚先。叫左一個六十幾元瑞士汁牛河。睇落色澤好深,諗著好入味。點知得個樣,淡而無味。我要落美極先夠味。勝在份量多。另外試左同事的羅宋湯,又是淡而無味有少許蕃茄味。哈哈。好唔好食見人見智。

今日lunch近近地去食翠華，次次都係叫套餐，今次試下散叫先，我地五個人叫左四樣已經好足夠 我覺得翠華鮑汁玉蘭雞粒飯完全係my favourite 口感似福健炒飯，加上蛋，瑤柱，雞粒同菜粒，好香，好match

今日早左好多起身，因為要陪一個同事食早餐， 同佢傾下返工啲野。一入去就叫左個B餐凍檸茶，好快就到左，對於打工仔嚟講係幾快手，牛肉OK爽唔會淋哂，不過沙嗲入唔到啲湯有啲可惜，面係我中意食嘅硬身面，幾好幾好，蛋都幾靚仔，幾滑，整體不錯，但最後呢位同事好似冇物點比我按撫到HAHA

7月21日 多 雲 ， 有 驟 雨 及 雷 暴人真係多煩惱，有得選擇又煩，無得選擇又煩，連中午去邊度食飯都要咁煩惱。樓下大x樂我已經食到厭，突然間閃過我腦海的，就只有菠蘿包。今日早上落過大雨，幸好中午只有毛毛雨，由公司行路去翠華大約15分鐘，去到就買了個菠蘿包，買完後就去附近海濱長廊度隨意咁搵個海景位坐。由於落過雨地下濕，今日無咩人經過跑步，我就坐喺度欣賞下風景，再施施然攞個菠蘿包出嚟。菠蘿包仲熱辣辣，一啖咬落去，金黃色外皮香脆得快要跌滿地上，配合埋鬆軟綿綿的包身，我要好好咁享受呢一刻。

係星期日的早上，在機緣巧合下黎到牛頭角翠華食早餐，家人都點套餐的時候，我就只點了一個菠蘿包，皆因在未入門口已俾門前的麵包櫃深深吸引，每個麵包都漲卜卜，顏色適中。對比跟餐的脆豬，菠蘿包大上2.5倍，包皮很脆，充滿住糖和豬油的味道，包心軟熟，外脆內軟好好味

返工日日都食頹早餐, 真係會連個人都頹啲嫁! 所以今日就約左朋友黎翠華坐低嘆個早餐先!早餐食沙嗲牛麵加奶油豬炒蛋真係無得輸! 奶油豬梗係要襯熱食, 唔會太硬不過唔係好夠奶。炒蛋好滑, 而且份量好多, 次次都會撈啲落個麵度一齊食! 沙嗲牛麵既牛肉都幾多, 而且唔軔, 沙嗲亦唔會太咸, 公仔麵好彩無淋到! 早餐就唔飲凍檸茶啦, 飲左杯凍央醒醒神, 茶同啡比例幾好, 唔會太甜亦唔會太澀! 埋單$36, 食好少少係值得比費少少既!

係公司附近餐廳不多多數早餐都是食點心食得悶悶地就想轉食其他今次就試試翠華的早餐簡簡單單試個雪菜肉絲米配上豬仔包和最愛的凍檸茶想不到都不少「雪菜」米粉不會太軟身加了少許辣椒令人整碗面的味道更豐富最愛值得一讚的是那杯凍檸茶茶味夠檸檬份量夠

週末的假日，隨便地選了間中規中矩的餐廳食飯！［豚肉帶子］還以為是鐵板燒！錯覺！豚肉肥膏幾多！但本人比較喜歡食瘦豚似！帶子幾隻，但沒有很特別！［特別一讚］我本是叫了雜菜湯，但當泥到時，發現它是辛辣的！所以膽粗粗地，問了服務員，可以轉其他湯！他們二話不說，轉了中湯給我！總結，比較滿足客人的一間餐廳！食物keep道水準！平均表演是一間連鎖店，所需要的！