Tonkotsu 8 by 三田製麵所 (Citylink)

Open Now

Now Closed

今日時間比較急，拜車公😌難得去沙田，都要搵間好野食，沙田站上面超方便。有飯有拉麵，款式都比較多，但見到有2人餐🤤又不錯👍🏻店員會問每碗麵煙韌度，硬、適中同軟，要唔要加蔥。今次我點選了軟同呀蔥。豬骨拉麵-香辣😍😍麵來到已經香噴噴。紅紅湯底以為好香辣，但辣程度就不覺太辣，只係有辣味。但湯底不錯👍🏻至於麵質軟都有小小彈牙，配上叉燒大大塊，及糖心蛋。黑蒜油豚骨拉麵-黑麻麻配搭出糖心蛋同一點辣醬，不錯👍🏻好香黑蒜味，麵質點選了適中，相機食先後都保持到，會再彈牙，每啖麵都有香噴噴香蒜味道👍🏻小食-雞翼黑椒味，2隻都中大隻，皮脆，黑椒味不太重，整體不錯炸雞-非常大件，再加上新鮮檸檬汁，外皮又香又脆，中間肉身夠juicy 😍套餐再有2款飲品。價錢又合理😊

放工輕食下，和同事到沙田車站Citylink一樓，非常方便！選了Tonkotsu 8 by 三田制麵所，孖住食套餐！🔸黑麻油豚骨拉麵：湯底特別香濃，因為加了黑麻油，還有大蒜，很喜歡！味道濃而不咸！麵質不錯👍🏻🔸香辣豚骨拉麵：湯底濃濃的豚骨味加了辛辣，幾刺激的味道😋，這款都很多人選擇！🔸自家製黑胡椒雞翼2隻：好香黑胡椒味，有些蜜糖在面烤得金黃脆口🔸自家制炸雞：大大件炸得香脆可口，好味！🔸2杯飲品選擇👍🏻

呢間鋪啲員工都唔憂做啲員工唔會想見到你，見到客就調頭走唔理你，舉手都唔理，唔知請咁多人做乜？但又要收加一，貼錢買難受成碗拉麵勁多味精，食完會好口渴，仲要唔飽又貴

三田製麵所一向出名自家製既超粗麵同湯底今日就去咗tonkotsu 8食飯呢度除咗拉麵都有不少丼飯款式可選擇不過沙田分店晚飯時間都超多人排隊😂我就叫咗豚骨拉麵(原味)湯底超香濃, 係超濃郁嘅豬骨湯底奶白色唔太油膩, 都唔會太鹹,同麵條完味結合😋拉麵亦可以選擇軟硬度, 我就揀左適中, 麵質軟硬度剛好, 可充分吸收湯汁面頭既叉燒好冧, 肥瘦適中👍另外我都叫咗炸雞丼, 同加配左吉列豬扒飯套餐仲配埋一碗昆布湯, 炸雞外皮香脆, 肉質嫩滑豬扒都炸得香脆, 炸粉唔會太厚, 豬扒唔乾身

去沙田踩完單車，就去左Citylink搵野食，行過呢間拉麵舖聞到好香，之後就直接入左去試。入到去好快職員就安排左個位比我地坐，我地都好快點左野食，唔洗幾耐食物就好快到左。叉燒醬油拉麵疫情關係，好耐冇去過日本，當然要即刻叫個久違嘅拉麵食下，拉麵好掛汁，仲要有得揀煙韌度，所以好有咬口，而叉燒亦都好入味，肉同脂肪比例都好平均，厚薄適中，加埋半隻流心蛋，成件事好滿足。另外仲叫咗三個小食試吓，包括特製炸雞，吉列豬扒同埋蟹肉忌廉薯餅，三樣炸物都係新鮮炸起，食落好脆口又唔會油膩。特製炸雞雖然份量唔多，但每一件都好大件，而且肉質好幼嫩，唔會炸到好乾。吉列豬扒外皮炸得好香口，而且咬落去仲有好多肉汁。蟹肉忌廉薯餅因為新鮮炸起，所以食落去好脆口，點埋側邊炸豬扒嗰啲汁加沙律醬，真係好惹味。

主打豚骨拉麵 有原味.香辣.黑麻油口味拉麵更可以根據個人喜好選麵質還有丼飯.咖哩.鐵板炒飯.撈麵等.▫ 豚骨拉麵 黑麻油 $74當然要試招牌吧(՞•֊•՞) 豚骨湯夾雜蒜香外還加了少許辣醬&充滿日本製的黑麻油香 帶點辣之餘味道香濃 豚肉質地軟嫩帶油脂香麵條選用自家製的細麵 質地更細滑卦湯十足.▫叉燒醬油拉麵 $88醬油味道甘甜可口 相對無咁油膩筍的香味尤其突出 配搭特製粗麵質地較煙韌爽口 叉燒軟腍香口 還有拉麵必備的香甜溏心蛋( ⋅֊⋅ )‎و

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒮𝒽𝒶𝓉𝒾𝓃呢間餐廳既地點好方便，就喺沙田港鐵站上蓋，平日夜晚七點幾去，都9成坐滿了麵可選軟、適中、硬，仲會問要唔要葱，甜品要唔要後上，幾好服務👍🏻今次兩碗都揀左適中同要葱，影左一輪相d麵都唔會淋左，個人其實偏好稍淋，下次會試下軟🤣🌟 柚子鹽湯拉麵 𝗬𝘂𝘇𝘂 𝗥𝗮𝗺𝗲𝗻（$𝟳𝟴）期間限定的柚子鹽湯拉麵幾清新，有真材實料柚子絲，剛好中和濃濃的拉麵湯底，簡單配兩片叉燒、紫菜碎、葱花，感覺幾健康，適合要控制飲食的女士們🌸🌟 叉燒醬油拉麵 𝗖𝗵𝗮𝘀𝗵𝘂 𝗦𝗼𝘆 𝗦𝗮𝘂𝗰𝗲 𝗙𝗹𝗮𝘃𝗼𝗿 𝗥𝗮𝗺𝗲𝗻 （$𝟴𝟴）叉燒醬油拉麵有足料6片叉燒，適合食肉獸，仲有整片紫菜感覺滿足，其他配料都係常見既葱花、筍絲、魚蛋片。兩碗麵都有我最愛的半熟蛋，半熟程度剛剛好，令人回味😆🌟 富士蘋果大福 𝗙𝘂𝗷𝗶 𝗔𝗽𝗽𝗹𝗲 𝗙𝗹𝗮𝘃𝗼𝗿 ($𝟭𝟴)3粒大福唔係好大，不過都食到粒粒蘋果肉，剛剛好令一餐更完滿的小甜點🍮📍𝐓𝐨𝐧𝐤𝐨𝐭𝐬𝐮 𝟖 𝐛𝐲 三田製麵所沙田沙田車站圍1號𝘊𝘪𝘵𝘺𝘭𝘪𝘯𝘬 1樓111號舖

前排經過沙田見到呢間日式拉麵嘅——🌟Tonkotsu 8 by 三田製麵所🌟食拉麵幾吸引，佢下午餐仲有套餐包埋一杯熱烏龍/綠茶，暖笠笠一份拉麵餐都幾抵食🤩._.🐖｜原味豚骨拉麵（跟餐熱綠茶）｜🍵湯底奶白色，豬骨味算濃，唔會太油膩同太鹹，豚肉肉質腍身，厚度適中，麵質仲可以因應個人口味選擇軟硬度，配埋流心蛋🥚食得飽，價錢合理👍🏻·🍜｜醬油拉麵 （跟餐熱烏龍茶）｜🫖湯底比較清，相對比較鮮甜美味，唔會太鹹同太膩，同樣配埋流心蛋同配菜，仲可以揀麵質軟硬度，又係好抵食✨._.

Tonkotsu 8 by 三田製麵所琴晚同媽咪去沙田搵野食，去到Citylink見到一間拉麵店坐爆哂人就去排隊等入去試下！輪椅人士一出沙田站入咗新城市廣場要搭上4樓，再行上斜路再搵貨去1樓咁先去到間拉麵店，間拉麵店都算細間，大約得14張枱，如果幾張輪椅一齊入去食就未必得啦！1. 豚骨拉麵 香辣$72（8/10）呢碗拉麵係微辣，豚骨味好濃郁，拉麵係幼麵，麵質彈牙，軟硬適中！入面仲有半隻糖心蛋同一塊叉燒，叉燒略為太瘦，韌咗少少！2.炸雞香辣撈麵$88（9/10）呢碗撈麵份量驚人，炸雞都有6舊，炸雞炸得好脆，雞肉好嫩滑，一d都唔鞋又無雪藏味，加埋勁多蔥、粟米、紫菜配埋沙律醬，仲有隻蛋黃撈埋一齊食，正過營多撈麵好多好多倍，性價比極高，好抵食！3.北海道蜜瓜大福$18（7/10）最後3粒蜜瓜大福做甜品作總結，簡直完滿！2人總共價錢$195.8，有加一服務費！個人口味總評分：8/10@tonkotsu8_hk @mitaseimenjo_hk地址：沙田沙田車站圍1號Citylink 1樓111號舖#拉麵 #大福 #炸雞 #三田製麵所 #相機食先 #hkfoodie #hkfoodblogge

大家對三田製麵所呢個名應該唔陌生，早兩日喺沙田覓食，發現呢間 三田製麵所旗下嘅餐廳Tᴏɴᴋᴏᴛsᴜ 8 ，餐牌望落幾吸引，即管試試佢😗餐湯睇佢個樣好清淡，估佢唔到好濃昆布味，有驚喜🤩黃金牛肉丼 $84我哋叫咗肉2倍，真心巨量！啲肉堆起成座山咁😂 誇張到啲肉完全將飯掩蓋，食嘅時候都幾難𢳂到啲飯🫣 牛味唔算濃，但就落咗好多牛肉汁，粒粒飯都有汁，唔會乾爭爭鐵板咖喱炒飯 $74咖哩味幾香，微微辣，因為係用鐵板上，Kᴇᴇᴘ到個溫度，炒飯粒粒分明，仲有啲飯焦，食落更加香口，咖哩炒飯呢個配搭幾特別又惹味🥰蟹肉忌廉薯餅 $46炸到好香脆，側邊有碟炸豬扒嗰啲汁同沙律醬，不過其實就咁食都已經好好味，同埋真係新鮮炸起㗎，🐨太心急食，搞到辣親條脷🥲 記住攤凍啲至食呀依家為慶祝太古新店開張，仲送咗一隻糖心蛋，流心好吸引🤩雖然三田製麵所係出名拉麵，但今次試咗佢啲飯，整體算唔錯☺️

久違了的連城 ….. 好一陣子冇上連城廣場食野，以前係沙田區居住，每逢週末假期，都會去沙田市廣場和連城行街，然後就上一樓食野。而呢間「Tonkotsu 8 by 三田製麵所」，都算係我經常光顧嘅拉麵店，因為佢嘅拉麵水準保持得不錯。拉麵店位於連城廣場1樓，一上扶手電梯左手邊不難發現到。餐廳有室內和室外座位可供選擇入座。除湯拉麵之外，尚有撈麵、飯丼、日式咖喱飯及期間限定等等。《豚骨拉麵 香辣》（$72）加海苔（$10），鍾意佢個豚肉湯底夠熱辣辣、味道夠濃郁。至於辣度，本人覺得不算很辣，相信應該大多數食辣嘅朋友都接受到。至於麵質方面，軟硬適中有咬口，配埋溏心蛋同义燒，－碗夠曬滿足。

阿妹話想食拉麵，就同佢去三田拉麵試下，好就腳，沙田火車站出，上電梯就係連城廣場，再上多層就見到，好方便。驟眼望唔係好大間，但原來內有乾坤，仲有度後門可以通往室外，設計非常好，就算等位都唔駛等好耐。阿妹想食清d, 所以叫左原味豚骨拉麵加粟米和紫菜。佢話拉麵軟硬適中，豚骨唔會太濃味，啱佢。我就試薯仔沙律套餐， 椰菜絲切得好幼墊底，再加過薯蓉球，估唔到都幾飽，歎番杯烏龍茶中和番個溫度，正最後加個小食章魚丸子，共有5粒，細細粒，食到少少章魚，份量剛剛好。

上次食過叉燒炸雞拉麵令我回味無窮，今晚就帶埋朋友試埋其他拉麵😋～豚骨拉麵 原味（$68）食拉麵前試吓湯底嘅味道，豚骨味好濃郁🐷；拉麵麵質彈牙🍜；糖心蛋真係好好食，食完想再追加🤤；叉燒一如既往咁出色，得一片略嫌未夠喉😂豚骨拉麵 黑麻油（$74）配料同原味豚骨拉麵一模一樣🍜，但湯底就用上黑麻油，入口麻油味濃郁，濃得嚟唔會搶咗豚骨味👍🏻，食開濃味嘅朋友必叫～叉燒炸雞（$20）🤭追加咗一碟叉燒炸雞，朋友都話炸雞好鮮嫩juicy~真係食到好滿足😎晚餐時間愈坐愈多人～

喺沙田新城市廣場行完街，行到地鐵站上蓋嘅商場覓食。見到呢間拉麵店晚市時段坐滿，即刻好想試吓!!!餐廳有吧枱～好有日本感覺·͜·˖枱面有檸檬水可以自己斟。座位唔算闊落，但唔會坐得唔舒服•̀ᴗ•́拉麵賣相OK，第一啖飲啖湯先~豬骨湯好濃郁!! 唔會覺得好鹹重味精味~食完都唔需要特別飲水!!拉麵的份量對於女生而言相當足夠，下單時會問你面的硬度。由於我鍾意食硬身少少嘅面，所以揀咗偏硬最後面底都做到我想要嘅水準。粗幼度適中~好咬口!!而且好掛湯~糖心蛋好Q彈滑溜~炸雞好大件，咬落去肉質係嫩滑!!!而且雞皮炸到脆身但唔會好油₍ᐢ..ᐢ₎

沙田既拉麵店唔算多選擇咁岩見到三田製麵所原來沙田都有間拉麵分店..佢地既沾麵就相當有保証今次一於就試下佢地既拉麵質素先位置就響車站樓上商場..地點方便👍同朋友叫左個優惠二人餐套餐可選兩碗拉麵+兩款小食+兩款飲品落單時店員仲會問想要咩麵質（軟/適中/硬）,相當貼心日式餃子煎到皮脆內軟,表層金黃色好香口個餡係豚肉同香蔥..好juicy黑胡椒雞翼雞翼size 好大隻食落甜甜地加有小小蜜糖香再配上黑胡椒調味 黑麻油豬骨拉麵黑麻油再加上豬骨湯底又香又濃！黑麻油味道好出！朋友都飲左差唔多一大半碗湯香辣豬骨拉麵辣度唔算高,不會搶喉配埋濃郁既豬骨湯,非常香湯頭比較濃郁我揀左麵既硬度係適中..拉麵身都好掛汁而拉麵各配有一塊叉燒同半隻糖心蛋糖心蛋好滑好好食 叉燒雖然只得一塊但就無肥膏，厚薄適中