凱悅軒

Open Now

Now Closed

點了點心放題，除了點心外，還有前菜、主菜、粉麵飯及甜品，選擇總算全面。餐牌上的所有食品都差不多全部試過，但食物質素其實都一般，覺得較為可推介的有蝦餃、鹹水角及水晶包，蝦餃皮薄餡靚，鹹水角糯米皮夠薄餡料好味，水晶包做到外皮非常薄，唔太甜。其他點心如叉燒酥，酥皮好厚好硬，餡料略嫌太少。叉燒包餡料太乾。火鴨絲湯烏冬非常鹹。餐廳環境舒適、寬敞、樓底高、有落地玻璃自然光。服務員態度殷勤。論環境及服務都非常好，如果食物質素可以改善，會考慮再光顧。

舊年大澳一定係其中一個最熱熱店，不過疫情關係，都無乜機會去，而家就黎街都無得出，大澳好似更加遙不可及。 除左欣賞景色，當然最重要就係食野，大澳以海味、乾貨、不同種類嘅醬料等特產而聞名，去得就一定會試晒咁多樣特產。 凱悅軒主廚好好人，知你未必係疫情下去到大澳，黃師傅由一月到三月為你呈獻大澳特製風味菜單，等你去唔到大澳都有得食到大澳嘅美味，上兩星期周末就試咗呢間餐廳。   先上場的係蒜香醬油秋葵吊桶仔，呢個由大澳出產的新鮮小魷魚，絕對可以吃到大澳的風情，每隻魷魚感受到陳醋及薑蔥的香同調味，幻想到大澳海風趨向你面龐嘅感覺。 轉個頭就吃酥炸九肚墨魚餅，呢兩樣夾埋好少有，九肚淡淡的香同墨魚嘅口感，混合得好好，如果可以送杯啤酒就正。   大澳蝦膏鮑魚滑雞煲用上西餐呢期好愛嘅三黃雞，仲有高級嘅南非鮑魚，煲入面除左呢兩個主角仲有大澳蝦乾同大澳蝦醬，加點調味如指天椒等等，個煲霹靂啪喇嘅聲響，點會唔好食。 你一定食過馬友，今日食呢條係我食過好味嘅一條之一，唔算好大條，但係皮脆肉嫩又滑，而且鹹香一流，絕對係愛魚人嘅選擇，我自己就最鐘意魚皮，就咁食同送威士忌真係一流，可惜下

地方環境舒適，疫情相隔距離適合，三人行聚腳一齊傾下講下又一天，下午茶點心放題餐牌內任叫任食，尤其蜜汁叉燒、蝦餃、咸水角、甜梅青瓜很好味，食到尾甜點圓肉桂花凍糕、蓮子紅棗茶不錯的選擇。

仍記得有一年聖誕節，跟教會朋友到大澳宿營，當時橫水渡只是一隻舢舨，客人上船拋下五角，就由船頭船尾兩位大嬸拉動繫在兩邊碼頭的大鐵鏈，將客人送到對岸，雖然只是三兩分鐘的時間，但真的充滿了漁村風情，更有一次見到水上人坐舢舨迎親，真是熱鬧非凡。其實個人幾鍾意大澳，簡單而寧靜，仍保持著日漸消失的本土情懷，而尖沙咀凱悅酒店大廚則將當地的物產，化成美饌，用味蕾帶大家遊走大澳一敞。蒜香醬油秋葵吊桶仔（$168）前菜已經選用大澳出產的吊桶仔，肉質軟綿，簡單的利用醬油及蒜蓉調味，吃得出的新鮮。酥炸九肚魚墨魚餅（$238）大廚揉合了兩種不同口感的食材，外層炸得酥化，油份又瀝得清，內裡多了一份九肚魚的軟綿，下點陳醋味道更鮮。大澳蝦膏鮑魚滑雞煲（$368）好有漁鄉風味，瀰漫陣陣蝦膏香氣，用上本地三黃雞及南非鮑魚，烹調時加入大澳特產蝦乾、冬菇及蝦醬，份外覺得惹味，真係白飯良伴。香煎原條咸鮮馬友（$298）目測至少有14兩，魚皮煎得好脆同乾身，肉質嫩，醃得好入味，碎骨亦不覺多，送啤酒一流。金湯岩米釀原條花膠筒（$338/位）選用有「米中黃金」美譽的尼泊爾岩米，一種純淨無污染及營養豐富的植物籽，配搭日本珍珠米，當中加

老老實實講其實我真係鍾意食中菜多過食西餐，所以一有乜嘢新嘅中菜式推出我都心思思想去食㗎，好似喱一餐凱悅軒嘅大澳特產風味菜就引咗我去食喇。乜嘢都唔好講住一坐低先嚟一碟蒜香醬油秋葵吊桶仔，煙靭彈牙嘅吊桶仔加上有蒜香味嘅豉油好鬼惹味，配返條脆口秋葵即刻變得清爽好多。然後喱一個唔係普通嘅墨魚餅而係酥炸九肚墨魚餅，入邊面加咗肉地滑嘟嘟嘅九肚魚真係夠晒特別。喱一條係我勁欣賞嘅香煎原條鹹鮮馬友，老婆大人成日都會整蒸一夜情我嘆，喱條其實醃法都係一樣不過師傅就用嚟香煎，夾埋脆卜卜嘅炸薑絲一齊食真正食到咩叫做外脆內嫩。    跟住喱個肥嘟嘟嘅係金湯岩米釀原條花膠筒，喱個金湯雞香味好濃郁好夠火喉，花膠亦都煮得好煙靭同彈牙，入面嗰啲叫做岩米聽聞身價不菲，食落口感煙煙韌韌有一陣清香嘅味道都幾得意。菜方面我哋叫咗個啫啫蝦乾肉碎芥蘭煲，熱辣辣出晒煙嘅煲仔菜式梗係受歡迎嘅，加埋香噴噴又大隻嘅蝦乾都咪話唔惹味。大食嘅我梗係要有個飯墊底先至夠滿足啦，我哋就食咗呢個大澳三寶蒸肉眼筋鴛鴦飯。鴛鴦米其實即係糯米加日本珍珠米，加埋肉眼筋、魷魚、銀魚乾同埋啲蝦乾一齊蒸飯，味道鹹鹹香香食完飽晒。喱一日連甜品都特別過人係充滿童年回憶嘅

晴朗的一天，向大澳出發！跟平日去大澳的方式有點不同，此趟選擇不需周車勞累，讓味感受尖沙咀閙市的創意大澳風味！那當然是期間限定，由即日至三月底均可嘗試到「凱悅軒」黃皓勤師傅的大澳特產風味菜單，新年新開始，早吃早享受啊！斟啖茶，感受落地玻璃照進來的和熙，等侍精選好菜！首道菜式是蒜香醬油秋葵吊桶仔 HK$168，以簡單的蒜、陳醋及薑蔥來提味，在淡香與清酸的調味中，大澳出產的吊桶仔格外的鮮嫩和醒胃，成了一道特色的前菜，一反平日我對吊桶仔的觀念！連觸鬚也十分之嫩口！墨魚是大澳的名產之一，墨魚餅更是水鄉上大小中菜的餐牌必備！而黃師傅的酥炸九肚墨魚餅 HK$238，具有同樣金黃酥香的外層，可是混合九肚魚和墨魚的內餡，口感與味道便截然不同了！九肚魚和墨魚的內餡雪白，口感較為軟綿細滑，除混有香蔥佐味，亦有不少的墨魚粒提升層次感，絕對是另一種創意的體會！許多年前曾在大澳艇家買到的游水牛鰍魚，至今依然難忘！今回藉大澳特產菜式可品嚐到大澳的鮮吊馬友魚，實在興奮！鮮吊馬友魚經過一天鹹鮮的處理程序後，成了桌上的香煎原條鹹鮮馬友 HK$298！不只具備海上鮮的氣質，出場洋溢著香氣，萬分誘人！先嚐鋪滿炸薑絲的魚皮，不

疫情至今大家也兩年沒有外遊了！香港的郊外離島即時變得炙手可熱，怕人多擠迫的車媽媽就算住在東涌也久未入大澳享受那水鄉之情，想重溫這純樸風情唯有以食物來回味吧！尖沙咀Hyatt Regency中菜廳凱悅軒於一月剛推出了大澳特產風味菜，正好給我一個舒適的回味機遇，這天一行5人就來大快朵頤一頓，先來份頭盤蒜香醬油秋葵吊桶仔＄168，大澳出產的新鮮小魷魚外型脹卜卜好飽滿，吃起來啖啖肉口感軟滑，佐以薑蔥一同品嚐豉香滿盈鮮嫩可口。接力的是香口炸物酥炸九肚墨魚餅＄238，墨魚餅吃過不少九肚魚肉的則是首次品嚐，吃下外脆內彈之中徒添滑嫩口感。接下來的是香煎原條鹹鮮馬友＄298，選用用鹽醃製了一天約十二至十四両重的大澳鮮吊馬友來炮製，將原條鹹鮮馬友煎至香脆伴上炸薑絲上檯，魚皮焦香鬆脆魚肉紮實鮮甜煮功了得超讚。再來是賣相金黃吸睛的金湯岩米釀原條花膠筒＄338/位，第一次品嚐來自尼泊爾高山的岩米，是一種純淨無污染及營養豐富的植物籽又稱米中黃金，大廚以岩米混珍珠米加上瑤柱及雞脾菇粒燴成飯，釀入28至33頭大的原條大澳花膠筒中光是賣相已經非常誘人。將鋪上南瓜蓉及乾瑤柱的花膠切開內裡看見粒粒的岩米，吃下花膠筒Q彈米餡

食物種類十分普通，叉燒沒有蜜味，大部份食物的調味過咸。原本因看YouTuber介紹而試此放題，他所提及的紅油抄手和炸鮮奶皆欠奉，實在十分失望！而食點心竟然沒有腸粉？想也覺得奇怪！老實說，食物並非算差，但是一點驚喜也沒有，實在不值這個價錢！！較好的是炸物，鮮蝦炸雲吞，肯定鮮炸，十分酥脆！春卷很酥脆，但很油；咸水角十分鬆化，但不夠煙韌；蝦餃，皮薄、蝦肉彈牙；鮮蝦時蔬餃不錯，而且蝦肉竟比蝦餃彈牙；一口爽，即醃蘿蔔，很香甜爽脆，像菜莆；雞絲粉皮，很開胃，可惜有點過咸。另一方面，燒賣咸得令我沒有encore的意慾；金錢肚-咸；牛肉球-咸；炒蘿蔔糕-超厚粉；紫米糕-一般貨色！最失望其實是叉燒！人家介紹的是燶邊叉燒，但上菜時感覺不到燶邊，只有咸沒有甜，可以算是十分淋滑的豬柳，但要嘗試好吃的叉燒就會失望了！總括來說，加分的是員工的服務、環境的衛生和清靜，但這𥚃不會再試了！

又係時候分享吓啲時令嘅菜式，講番啲少講過嘅類型，呢餐食左段時間，但無放上Meta，今日覺得好啱呢個天氣，所以放上黎。 趁放假嘅時候，最好就係同識食嘅朋友一聚，呢期太多主題，食大閘蟹食白子食海膽食蛇羹食羊腩煲，選擇多到不得了，但朋友反而提議食菇。 凱悅軒嘅雲南山珍特色小菜之前好多人已經講過，食就真係今年第一次，通常菇菌類興趣相對冇其他食物咁大，但每年都總會食一次，前兩年喺Sharaton天寶食過，今年就選擇係附近嘅凱悅軒。 下午時分當然全滿，個個都食點心放題，我哋就主要集中食雲南菇菌宴。 前菜吃了涼拌川味羊肚耳菌，完全冇諗過食菇菌都可以咁樣食冷盤，咁就令我諗起嗰啲地道嘅川式小食，又惹味又開胃。 黑虎拳菌淮山杞子花膠燉螺頭湯，絕對係我呢到最欣賞嘅燉湯之一，之前都試過飲過幾個燉湯但呢個最出色，飲完成個人好似做完拔罐艾灸一樣，暖流走全身通左你嘅任督二脈，食埋舊好似拳頭咁大嘅花膠就勁滿足。 當日最滿足嘅係羊肚菌海蝦炒滑蛋，呢個真係炒得超靚我相信佢嘅蛋應該係用上日本蛋，羊肚菌同蛋香同蝦炒得淋漓盡致而又唔會太老，而且個蛋汁仲係好Juicy，呢個又係足足可以食一碗白

最近小妹終於有dd時間😋 正所謂辛苦得來自在食，緊係開始去返之前plan 好晒排緊隊等我去試食既餐廳，其他餐廳之後都會陸陸續續介紹返俾大家😙。今次響頭炮嘅就係位於尖沙咀河內道凱悅酒店既凱悅軒，據朋友介紹呢度嘅點心傳統得來好食到一個點，你嘅每一啖都feel到師傅紮實嘅基本功同酒店提供嘅良好食材。。我同朋友兩個去到👭🏻環境當然好靚啦話晒都係五星級酒店入邊嘅餐廳，服務員亦都相當有禮。我同朋友就一齊叫咗個”凱悅軒點心放題”，12點前離座⏰只需要$295❗️真係超級抵‼️。值得一提係叉燒用料新鮮🐷亦都用左西班牙黑豚、加埋蜜汁，口感一流！。🦐同時佢嘅蝦餃亦都係一等一，只需要一隻蝦就會帶你返唔到轉頭🥰係滿足嘅感覺

上次試過尖沙咀凱悅自助餐之後一直心心念念想試埋中菜，特別係果仁黑醋豬柳同酥皮流沙盞，做資料蒐集時多人正評令我都好期待🤭餐廳環境古典，侍應殷勤有禮，是次用餐連甜品一共五道菜。-1️⃣碧綠蟹肉羹 $158因為想試多啲菜式呢個淨係叫咗一人份量，侍應好貼心主動提議幫我地分兩碗👍🏻 蟹肉羹非常足料，食到一梳梳蟹肉仲啖啖菠菜，金華火腿碎鋪面作點綴，食到少量咸香，聊勝於無。-2️⃣果仁黑醋豬柳 $238外層粉漿薄脆，豬肉肥瘦適中口感鬆軟，黑醋微酸好開胃，醬汁份量剛好唔會太濕潤。唔計甜品是為我最愛的一道菜❤️-3️⃣脆皮茶香雞（半隻）$230除左茶香仲有煙熏味，雞皮香脆，雞肉嫩滑之餘都保留到炸子雞嗰種因為炸過所以肉汁鎖在其中嘅感覺。唔計甜品男朋友最愛呢道菜💙-4️⃣蝦乾豉油王炒麵 $218炒麵入口唔油，又唔會炒到好乾身，重口味人士覺得可以再濃味少少🤏🏻蝦乾口感好好我覺得仲好食過之前喺大澳食😂整體不錯但未到推薦程度。-5️⃣酥皮流沙盞 $50撻底鬆化，菠蘿皮鬆脆，中間湯圓皮煙煙韌韌，咬開後流沙奶黃緩緩流出⋯呢道甜品層次分明口感極好，食到最後已經好飽都仍然覺得超好食😭！💯推薦必點💯-順帶一提每檯都有個醬料架而無需另外收費，男朋

終於試到午巿點心放題。雖然選擇唔算特別多、 但总算蒸點、 炸點、 炒粉面、 燒味、 甜品同湯類都有可選擇。最後試齊可點的食物。 酒店中餐、 服務基本都唔會太差、 但食物質素就真係預期之上。 當中炸物的質素非常高、 包括炸雲吞、 松露春卷同鯪魚球、 脆口又唔覺油膩。 熱葷點心都好ok。 炒粉面飯、 就即叫即炒、 例湯也十分好、 不是不停加水的貨式。 最好是份量可多可少、 一人份又得、 多人份又得， 唯獨要改善的就是個粥唔夠熱。 總體水準達80分

今次嚟到凱悅酒店staycation 平時staycation 都會揀食自助晚餐既，因為覺得好似抵啲咁，但都因為實在食過太多自助晚餐覺得好多酒店都係差唔多咁，所以就試試佢哋既中餐啦坐位十分濶落，好整齊咁排列，仲有啲香片係好好飲期間限定既雲南美饌套餐涼拌川味羊肚耳菌好清新既菜式味道啱啱好同埋好開胃碧綠蟹肉羮每一啖都充滿住蟹肉既鮮味，充滿幸福的感覺羊肚菌蝦球炒滑蛋看似十分簡單既菜式但係一入口就超驚喜，蝦肉爽口彈牙，每一啖都充滿蝦晚鮮味滑蛋同羊肚菌加埋近乎完美鮮姫松茸雲耳炆三黃雞三黃雞炆到啱啱好，熱辣辣咁上枱桂花圓肉燉桃樹膠每一啖都充滿桂花既香味，啖啖桃樹膠加圓肉清潤養顏

踏進深秋，相信大家都品嚐過不少大閘蟹或蛇羹，其實不時不食，仲有好多時令食材同樣出色，而雲南菇菌正是品種既多，質素又好，藥用價值更高，對於想追求健康的人士，又多了一個上佳選擇。今次午間飯敍，跟幾位朋友來到尖沙咀的凱悅酒店凱悅軒。雖然是平日的午間，但餐廳都滿座，看來懂門路的不少。今次主要是瞄準餐廳最新推出的「雲南山珍特色小菜」，基本上由前菜到甜品都包含在內。頭盤是「涼拌川味羊肚耳菌」（$98），口感清新爽脆，醬汁麻香帶少許酸度，更加令人感到開胃。湯品是「黑虎掌菌淮山杞子花膠燉螺頭」（$288/位），黑虎掌與花膠大大件，單是材料已經佔了半個燉盅，一揭開蓋，即時香氣瀰漫，湯色清晰而潤澤，入口一陣醇香，未飲完已不自覺地冒汗，功效真是立竿見影。另一道健康菜是「羊肚菌海蝦炒滑蛋」（$348），大廚把浸過羊肚菌的水加入蛋漿中，難怪每口除了蛋香之外，更夾有菇菌類的幽香，非常有心思，而炒蛋在火喉上控制得宜，食落嫩滑，好味。所謂「無雞不成宴」，就算是午飯都不例外，一道「鮮姬松茸雲耳炆三黃雞」（$288），既健康又惹味，姬松茸更是大自然瑰寶，對降膽固醇及血脂、改善血糖，提高免疫力都有療效，真係要食多幾件。既有