Read full review
2021-10-08
519 views
上個月老婆大人請咗我去尖沙咀凱悅酒店嘅Hugo's食生日飯,知道凱悅軒有佢鍾意食嘅菌我梗係要回個靚禮比佢啦!不過食中菜要夠叠馬先得,所以約多三個靚女一齊食喱餐晏仔。第一次嚟凱悅軒比我嘅感覺雖然係高級但一啲都唔拘謹,光線好夠好和暖喺道開餐真係勁舒服。大家放心我老婆大人唔係傻咗鍾意食菌,講緊嘅係餐廳新出嘅養生菇菌美饌,入面有勁多少有又矜貴嘅雲南菇菌,佢一定會食得好開心咁我咪又有分加囉呵呵。第一味嚟到嘅係涼拌川味羊肚耳菌,羊肚菌就食唔少喱隻羊肚耳菌真係第一次食,咬落去索索聲好鬼脆,入面有啲麻香食落唔寡仲好好味添。喱個時候咗嚟碗黑虎掌菌淮山杞子花膠燉螺頭湯,睇顔色都知幾鬼濃入面除咗主角黑虎掌菌之外仲有螺頭同勁大隻花膠,飲落黑虎掌嘅菌味勁重加埋啲肉香正到呢!隻大花膠好鬼有咬口食完即刻覺得自己後生咗幾年呀!羊肚菌海蝦炒滑蛋睇到有滑嘟嘟嘅炒滑都已經流晒口水啦!原來蛋入面仲有加咗啲菌水調味唔怪之得咁香啦,另外仲有大大隻嘅鮮蝦同埋好香濃嘅羊肚菌,喱碟可以話係非一般好味嘅炒蛋。食完蝦之後仲有雲腿鮮姬松茸星斑蒸豆腐食,用東星斑片包住咸香嘅金華火腿、豆腐同埋新鮮嘅姬松茸,加埋個琉璃獻食落去又清又鮮真係好有仙氣
第一次嚟凱悅軒比我嘅感覺雖然係高級但一啲都唔拘謹,光線好夠好和暖喺道開餐真係勁舒服。
大家放心我老婆大人唔係傻咗鍾意食菌,講緊嘅係餐廳新出嘅養生菇菌美饌,入面有勁多少有又矜貴嘅雲南菇菌,佢一定會食得好開心咁我咪又有分加囉呵呵。
第一味嚟到嘅係涼拌川味羊肚耳菌,羊肚菌就食唔少喱隻羊肚耳菌真係第一次食,咬落去索索聲好鬼脆,入面有啲麻香食落唔寡仲好好味添。
喱個時候咗嚟碗黑虎掌菌淮山杞子花膠燉螺頭湯,睇顔色都知幾鬼濃入面除咗主角黑虎掌菌之外仲有螺頭同勁大隻花膠,飲落黑虎掌嘅菌味勁重加埋啲肉香正到呢!
隻大花膠好鬼有咬口食完即刻覺得自己後生咗幾年呀!
羊肚菌海蝦炒滑蛋睇到有滑嘟嘟嘅炒滑都已經流晒口水啦!原來蛋入面仲有加咗啲菌水調味唔怪之得咁香啦,另外仲有大大隻嘅鮮蝦同埋好香濃嘅羊肚菌,喱碟可以話係非一般好味嘅炒蛋。
食完蝦之後仲有雲腿鮮姬松茸星斑蒸豆腐食,用東星斑片包住咸香嘅金華火腿、豆腐同埋新鮮嘅姬松茸,加埋個琉璃獻食落去又清又鮮真係好有仙氣。
我喱個過氣黑洞爛船仲有三分釘嘅梗係要食個飯先夠皮!叫咗喱個石鍋帶子羊肚菌燴絲苗真係朋智嘅選擇呀,個石鍋真係燒到燙手食嘅時候要小心。
帶子非常彈牙新鮮到不得了,燴飯有羊肚菌嘅加持真係好食到震,清鍋梗係冇難度啦。
臨尾仲有碗滋潤嘅桂花圓肉燉桃樹膠,桂花香圓肉甜桃膠軟滑,唔止女仕們鍾意連我喱個麻甩佬都話正啊!養生菇菌美饌菜式會供應到12月31號,鍾意食嘅菌迷要把握時機喇。
凱悅軒
電話號碼:37217788
地址:尖沙咀河內道18號香港尖沙咀凱悅酒店3樓
Post