凱悅軒

Open Now

Now Closed

上個月老婆大人請咗我去尖沙咀凱悅酒店嘅Hugo's食生日飯，知道凱悅軒有佢鍾意食嘅菌我梗係要回個靚禮比佢啦！不過食中菜要夠叠馬先得，所以約多三個靚女一齊食喱餐晏仔。第一次嚟凱悅軒比我嘅感覺雖然係高級但一啲都唔拘謹，光線好夠好和暖喺道開餐真係勁舒服。大家放心我老婆大人唔係傻咗鍾意食菌，講緊嘅係餐廳新出嘅養生菇菌美饌，入面有勁多少有又矜貴嘅雲南菇菌，佢一定會食得好開心咁我咪又有分加囉呵呵。第一味嚟到嘅係涼拌川味羊肚耳菌，羊肚菌就食唔少喱隻羊肚耳菌真係第一次食，咬落去索索聲好鬼脆，入面有啲麻香食落唔寡仲好好味添。喱個時候咗嚟碗黑虎掌菌淮山杞子花膠燉螺頭湯，睇顔色都知幾鬼濃入面除咗主角黑虎掌菌之外仲有螺頭同勁大隻花膠，飲落黑虎掌嘅菌味勁重加埋啲肉香正到呢！隻大花膠好鬼有咬口食完即刻覺得自己後生咗幾年呀！羊肚菌海蝦炒滑蛋睇到有滑嘟嘟嘅炒滑都已經流晒口水啦！原來蛋入面仲有加咗啲菌水調味唔怪之得咁香啦，另外仲有大大隻嘅鮮蝦同埋好香濃嘅羊肚菌，喱碟可以話係非一般好味嘅炒蛋。食完蝦之後仲有雲腿鮮姬松茸星斑蒸豆腐食，用東星斑片包住咸香嘅金華火腿、豆腐同埋新鮮嘅姬松茸，加埋個琉璃獻食落去又清又鮮真係好有仙氣

孔子有云：「不時不吃」！可是世界之大，非所有時令食材都能適時遇上，當天再訪「凱悅軒」就是為了重溫久遺了的山珍美味 — 雲南菇菌！在雲南，雨季便是飽嚐野生菇的季度，雲南人有句笑話：「吃菌有三熟：一是菌子種類要熟、二是菌子要做熟，三是去醫院的路要熟。」，可見他們對野生菇菌的狂熱！在香港，以我自己為例，不是每年也可品嚐時令的雲南菇菌，一來雲南菇菌較為冷門，二來菇菌不能胡亂吃，必定要找到有信心及懂得烹調的餐廳，今年慶幸終可如願以償！今次勤師傅為『雲南山珍特色小菜』設計了八款菜色，當中七款均以菇菌為題，餘下是一款特色甜品。菜式可因應個人口味而選擇，現在為大家分享我們㨂選的幾道菜式！ 首先以涼拌川味羊肚耳菌 HK$98 為前菜！羊肚耳菌生於海拔 4200公尺以上，具有抗衰老、護膚、補血、抗癌和促進新陳代謝等功效！羊肚耳菌口感極之輕盈， 擁有其他菇菌鮮有的爽感，配以青瓜及川式香辣作調味，成為一道健康怡人的開胃菜。不嗜辣的朋友並無擔心的必要，因為勤師傅的醬汁重香輕辣，辣度來得柔和可親！香氣突然來襲，原來是黑虎掌菌淮山杞子花膠燉螺頭湯 HK$288/每位 。有說黑虎掌香氣濃烈得可驅蚊避蠅，怪不得我們面前

現時十月仍是香氣馥郁清新味鮮的雲南菇菌當造之期，Hyatt Regency Hong Kong, Tsim Sha Tsui的凱悅軒適時推出了養生菇菌美饌，讓一眾老饕得以品嚐這雲南菌飄香。雖已秋涼但中午氣溫仍高達30多度！頭盤先來一客涼拌川味羊肚耳菌＄98，羊肚耳菌入口脆嫩伴以微酸麻香的涼拌汁吃下鮮美滋味。消暑過後緊接著上檯的是暖胃滋補的黑虎掌菌淮山杞子花膠燉螺頭湯＄288/位，先呷一口湯菌香四溢濃而不俗妙哉。黑虎掌菌體粗壯肥大口感非凡，吃下肉質潤滑細嫩菌香滿盈，那厚身的花膠口感軟淋既滋陰又養顏。然後來的是羊肚菌海蝦炒滑蛋＄348，羊肚菌菌肉細嫩香氣迷人味道濃郁鮮美，配合嫩溜炒蛋共嚐真的可以爬上兩碗飯。這客雲腿鮮姬松茸星斑蒸豆腐＄480是將星斑魚起成薄片，然後包裹著新鮮的姬松茸、雲南火腿和豆腐，賣相真的很清俗雅脫。星斑魚片裁至紅白相間令賣相討好多了，配襯滑溜的豆腐、鹹香火腿和緊密有彈性的姬松茸，聞到香氣十足亦吃到清鮮味美。單尾來一客熱騰騰的石鍋帶子羊肚菌燴絲苗＄108/位，那非凡的香氣撲鼻而來真的非常惹人垂涎。珍寶帶子熟度烹得恰好口感彈牙又鮮甜，惹味羊肚菌配合濃香的燴飯絕對令人沒辦法招

今日係朋友介紹之下走左去「凱悅軒」嘆中菜，平時只係間唔中去隔離既Chin Chin Bar飲野，經過「凱悅軒」都未有機會試，今晚終於有機會🤩環境唔洗講，乾淨企理，地方都好闊落，服務員都非常有禮貌👍🏻食物方面，叫左「四寶燉萬壽果」、「雲腿玉簪蝦球」、半隻「脆皮茶香雞」同埋「雙菇魚湯鴛鴦米」。「四寶燉萬壽果」：😉😉😉😉😉只能夠講依個湯係必點，佢貴係有佢既原因，湯好足料，食到好多蟹肉，湯都好鮮甜，飲完個湯記得要一定一定食埋啲木瓜肉去，平時唔係點食木瓜既我都將啲木瓜肉清得一乾二淨，好甜既木瓜肉🤤「雲腿玉簪蝦球」：😉😉反而本身好大期望既蝦球就有啲失望，雲腿係切到細粒到完全唔覺有雲腿咁，係間唔中先食到咸咸地既味，蝦球因為雪藏蝦既關係，都係無咩味。「脆皮茶香雞」：😉😉😉😉😉茶香雞都係必點，上菜既時候已經聞到陣煙燻既味，食落雞皮都好脆，加埋佢酸酸地既醬汁成碟都好惹味。「雙菇魚湯鴛鴦米」：😉😉😉個人覺得不過不失，魚湯比想像中淡左啲，菇味都唔夠香，不過中意食返清清淡淡啲既朋友仔可以叫依個。個人評分（滿分為5）味道：😉😉😉😉環境：😉😉😉😉😉員工友善度：😉😉😉😉😉CP值：😉😉😉😉

凱悦軒午市有點心放題套餐，價錢合理👍🏻款式都多。地點超方便，K11連住👍🏻不過環境就偏暗，影相📸️麻麻潮式點心唔算多，粵式為主鮮蟲草花涼拌雞絲粉皮蟲草花就唔算多，帶佢芝麻醬同芝麻夠多，配埋都幾惹味蜜汁叉燒啲肉夠林，同埋夠晒入味八味豆腐&松露素春卷兩個都炸得超脆，亦都唔會油淋淋。炸豆腐個鹹味啱啱好蝦肉時蔬餃蝦肉好彈牙，果皮唔會蒸到爛晒 煙三文魚韭菜煎薄撐乾身👍🏻煙三文魚呢個新配搭都幾好食柱候豬皮蘿蔔蘿蔔冇渣，煮得好入味海帶綠豆沙&椰汁紅豆凍糕普通，唔錯另外叫咗個潮式甜品清心丸綠豆爽偏甜，清心丸就煮得OK，煙韌👍🏻

今次 Staycation 晚餐唔食 Buffet 揀咗中式套餐、不過呢個套餐 31/8 最後一日供應 ⋯ 九月就唔知道有乜嘢套餐啦！⬇️首先間餐廳清清靜靜、所有 Staff 態度都好好。Staycation 嗰個餐雖然同 Menu Set 一樣但係就冇包嘢飲 ⋯ 只可以飲茶不過都冇乜問題！⬇️跟住就會自動波上菜、食一道先會再上下一道菜。但係佢哋又keep到熱度，可以話上枱嗰一刻非常熱啱啱煮好咁。首先係豆醬蟲草花撈凍魚飯、不過佢唔係飯 ⋯ 好清新好好食上面啲炸蒜頭配合花生碎加埋好似係萵筍 Very refreshing！⬇️跟住碧綠蟹肉羹新鮮滾起、好重菠菜味加埋蟹肉 ⋯ 都係清新系列之一。⬇️上湯焗大蝦伊麵好似食西餐咁靚、蝦就爽口大隻配合伊麵亦都冇想像中咁重味。⬇️最後欖角梅膏骨最重味但堅好食、個汁好好味而舊骨肥瘦適中 ⋯ 不過就剩係每人兩舊。⬇️最後糖水就係綠豆清心丸、應該係潮州式嘅糖水 ⋯ 都幾好味！⬇️成餐飯都好食嘅、氣氛又好嘢食又熱，不過就唔算好飽。想飽到嘔就一定要揀返 Buffet！

想約長輩食飯，希望有比較寧靜舒適又唔限時交枱既環境。所以就揀左酒店中菜，完全冇睇餐牌冇準備。心諗豪一次就一次。我地係openrice bbok位有85折，坐低後環境完全配合要求。餐廳唔算大，星期五晚是客滿既，但環境都好清靜啱傾計聚舊。喜出望外既係竟然有包紅白啤和橙汁freeflow 套餐。4xx 加一連85折，仲有買3送一，就算飲唔多只係一兩杯餐酒都已經超值。套餐食物分量係正常酒店size, 唔會好大分，但又茶又酒其實係夠既。套餐有冷盤，有湯，有蝦伊麵同一個咕嚕肉。好味嘅，仲意飲番兩杯靜靜地傾下計是不錯選擇。

同太太慶祝周年紀念，一於staycation。今次揀尖沙咀凱悅酒店。酒店包兩餐，一餐响凱悅軒晚餐，另加自助早餐。晚餐係指定套餐，前菜係豆醬蟲草花撈凍魚飯。呢味菜非常好食，鮮味十足，豆醬配合魚飯，味道鮮美，食到唔停得口，此菜亦非常健康，不肥膩。另上璧綠蟹肉羹，蟹肉數量非常多，亦係非常鮮味，很好。主角上湯焗大虎蝦伊麵終於出場，大虎蝦彈牙兼爽口，伊麵吸收晒所有精華，很不俗。再有欖角骨，肥瘦適中，欖角味突出，水準亦高。最後有甜品綠豆清心丸作結，將此餐畫上完美句號。

早前响凱悅軒食過剛推出的潮州功夫菜，本來想約好友食潮州菜，但好友知道呢度的任食點心，口碑幾好，就諗住早兩星期就訂定，星期六的快閃優惠，可惜滿晒，反正都約晒了，無折都照食，就來任食點心食個痛快喇！足料老火靚湯叉燒鮮嫩好味。在餐牌內有齊點心、湯、粥、炒麵、炒飯及甜品，全部任點任食一定會吃食得好飽，而且一件件咁叫，唔會浪費食物外，自己叫多兩件食都得；每款食物都是好有質素，都好味架！個人至愛是叉燒、蝦餃、春卷及老火靚湯，飯後甜品的生渣凍糕，更是清甜好味，呢餐大家都食得開心又滿足。生渣凍糕好清甜。蝦醬海鮮炒飯，粒粒米飯都好入味。星州炒米香而不辣。黃金豆腐好香脆。牛肉球以上湯浸住提升肉香。前菜的桂花蓮藕片，口感清新又爽口。鹹水角口感軟糯。芝士蝦春卷，少少的芝士香，蝦肉好鮮甜。炸鮮奶外脆內軟，又有奶香。下次希望能搶購到酒店快閃優惠先，咁就可以有8折😋😋😋，再來食過。

我不是潮州人，卻是對潮州菜情有獨鍾，因為他們的菜式很有特色，經常使用的普寧豆醬及魚露都是我的最愛！知道「凱悅軒」最近推出一系列潮州菜，馬上找來好友一同來試試，結果每道菜都不叫我失望，尤其喜愛「蝦乾春菜豆醬雞球煲」，單是喝雞湯都叫我非常滿足；還有那「欖角梅膏骨」肥瘦適中，酸咪惹味，推介！最後來個潮式糖水「冰花綠豆清心丸」，煙煙靭靭，夠晒滋潤！餐廳位於酒店三樓，既有大廳，也有獨立房間。馬上打開新推出的潮州菜餐牌，好多款都想試；除a la carte之外，原來還有套餐，裡面有幾款潮州菜，如魚飯、欖角梅骨膏、清心丸糖水，每位$480，設三送一優惠，都好抵食！豆醬蟲草花撈凍魚飯 $138魚飯聽得多，卻從來沒吃過，凍的魚啊，我心目中覺得會很腥，今天第一次吃到，烏頭魚不單完全不腥，而且和萵筍絲、蟲草花非常夾，吃起來新鮮清爽，加上潮州普寧豆醬及花生碎，倍添美味。蝦乾春菜豆醬雞球煲 $268今天最愛的菜式之一。「凱悅軒」做的雞菜式向來出色，上次吃的客家菜「花膠黃酒煮雞」仍叫我回味無窮，今天的豆醬雞球也是相當出色。同樣採用三黃雞，煎至金黃，軟滑入味；旁邊的以為是芥菜？非也，這是春菜，味道跟芥菜相似，卻更腍

不是潮州人，但對潮州嘅食物總有一份特別嘅感情。 城中嘅地道潮州餐廳，都會特地去試一次，如果餐廳有Special Menu，更加會去特別試吓，呢個就係今次去凱悅軒嘅主因。 當然你不要期待到好似食好蔡館，或者是好酒好蔡又或是九龍城嘅地道潮州打冷店嘅火花，呢度俾你嘅係細水流長嘅家常巧手式。 先拔頭籌嘅係欖角梅膏骨，看樣子已經想高舉奥運10分牌，腩肉肥瘦適中，唔會死係得個肥美肉感，鹹鹹嘅肉骨加上梅子，絕對令人覺得開胃，送飯更是一流。 蝦乾春菜豆醬雞球煲，絕對是令人感受到春天的氣息，春菜嘅獨特香氣令到呢個菜式添上一個獨特嘅個性，豆醬嘅濃郁令到個雞更加出色，每啖都是嫩滑得驚人，猶如遇上青春少女嘅如沐春風。 個人最喜歡雲腿肉枕白菜，個樣好特別，真係成個枕頭咁，甜到飛起的津白菜包着瑤柱，蘿蔔，蝦餃，金華火腿，仲有豬肉，加上晶凝通透嘅汁，又係清麗脫俗的代表。 尾聲係豆醬蟲草花撈魚飯，我成日都好想食潮州嘅經典魚飯，但係呢度同埋我認識潮州嘅麻甩魚飯唔同，將烏頭魚拆魚肉加上萵筍絲同蟲草花嗰種繽紛味道，令人難忘。 潮州點可以唔食糖醋煎麵，平時你會吃到非常粗獷嘅感覺，

係尖沙咀既飲茶點心店都唔小同埋都唔平（比起舊或） 不過呢間睇落就唔算貴~我哋都唔係好多人，但係嗌咗幾個點心上菜時間快，而且亦都係熱辣辣嘅，唔錯喺尖沙咀，呢個價錢算係中規中距，親民

今天生日，預訂了凱悅軒吃晚飯慶祝。由於只限4人一枱，所以我們一行4人不能點太多菜式。前菜點了兩款雜菌素菜腐皮卷：脆脆的腐皮包著滿滿的材料，包括雜菌和一些素菜，可口又清新，不油不膩，沾點喼汁更好味，正！清酒凍鮑魚：鮑魚爽口彈牙，帶點清酒香味，有些貓耳朵陪襯，吃起來更加爽口，正！湯點了一款家鄉拆魚羮：這個魚湯底美味，能吃出鮮味，除拆魚肉外還有些佐料，不錯。主菜點了三款乾逼粉絲蝦球煲：蝦球大，份量足，有粉絲墊底，可當主食，粉絲非常惹味，不錯。生劏大東星斑兩味（碧綠炒斑球、紅炆斑頭腩）：碧綠可選西蘭花或其他菜，西蘭花翠綠青爽，斑球美味新鮮彈牙；紅炆有其他佐料，但不失魚本身的鮮味，正！甜品點了三款蛋白杏仁茶：生磨的杏仁茶美味不太甜，很多蛋白，不錯。栗子蓉西米焗布甸：水準之作，栗蓉香滑不太甜，正。酥皮流沙盞：像糯米糍但內裡藏著流沙，外面有酥皮包著，有點特色。總體非常滿意這頓晚餐。

時移世易，我除了是老媽老爸的女兒、我老公的太太，當下還擔起了好幾個不同的身份角色，第一個無容置疑、一生不變的是香港人，近期更愛上蘋果人的稱號，如果您比我更專業的話，也許已兼上什麼師、什麼師了，香港人可愛之處是夠靈活、快變通、放得下！在飲食方面，我的志願是做潮州人！不知何解，潮州菜在任何季節均能引起我的食慾，例如盛夏的薄殻、令人口水大流的檸檬鴨湯、邪惡的滷水鵝肝、還有百吃不厭的魚飯、水瓜烙、蠔仔粥、鹹甜俱備的潮州粿和蠔餅等，數不勝數！再次踏進凱悅軒，眼睛瞄一瞄餐牌，心裡呯聲拋出一句：「今餐發達囉！」，嘻嘻！我臉上的笑容，其實在透露主廚黃皓勤本是潮州人的身份，加上勤師傅一向的創意和變化，在他手上的潮州菜該是新穎與美味並重！故我對化身潮州人毫無懸念，舌尖也投了我一票！話口未完，勤師傅的創意立即在第一道菜中展現 — 豆醬蟲草花撈凍魚飯 HK$138！將人所共知的魚飯搖身一變，變成一道夏日清爽涼拌菜，更將潮州菜的特色融匯！筷子一挾，萵筍、蟲草花、已去骨的烏頭魚魚肉，連同花生碎入口，柔和的豆醬鹹香拌隨各種食材的原味道與質感，多彩多滋的感受，絕對是潮州魚飯的昇華，更要讚的是魚有魚香、萵筍有萵筍的清新

新婚初期蝸居屯門，當時治安又欠佳，而太太又要返夜校，所以經常要在巴士站接送，晚餐就在附近的小店解決。當中光顧得最多的，就一定是潮州打令檔。其實潮州菜的價位上落真係可以好大，由最平的蜆仔肉、韮菜豬紅，百零二百蚊可以飽餐一頓，到富豪級的堂灼響螺片，可以話豐儉由人。潮州菜係香港一直都好受歡迎，總有一間係附近，近日尖沙咀凱悅軒就推出了「潮州巧手菜」，正好合我心意。畢竟餐廳位於尖沙咀K11內，地點非常就腳，如果以地鐵作交通工具，就算黑雨都不會濕身。蝦乾春菜豆醬雞球煲（$268）以前多數是食春菜排骨，換上了豆醬雞球就比較少見，蝦乾用上了粗身貨色，比較有嚼口，春菜炆得超腍身，有點入口即化的感覺，而雞球則保留嫩滑的肉質，而所有的味道，通通都跑到湯裡去，單單喝一口湯汁會覺得偏咸，但用來泡飯是啱啱好。欖角梅膏骨（$238）可以的話，真係好想配返杯啤酒，大廚選用了肥美的骨腩位，欖角比預期下得輕手，但醬汁緊扣每件腩排，油香四溢，口感豐腴，重口味得來越食越想食。雲腿玉枕白菜（$198）其實潮州菜都可以見功夫及心思，原以為是以煮至軟身的津白包裹著豬肉條，但細心一看，卻是加入了金華火腿、蝦膠及蘿蔔，難怪味道複雜，澆