稻香 (Closed)

今日同朋友看完大戲，就去北角稻香吃晚飯，就是過九點，宵夜時段有特價小菜，樣樣好抵食架~~麻辣雞煲，宵夜時段$48鍋，仲送6罐啤酒，唔要啤酒可以改為汽水，都係6罐架....雞煲配料有天椒、花椒八角、青蔥、洋蔥、大蔥及芫茜，底下有豆腐，好惹味，不過幾辣.....試過走辣，覺得麻麻地...汽水可以選忌廉、雪碧及可樂 Y(^_^)Y炸魚皮($20)，朋友最愛，好脆口可當薯片食...避風堂墨魚咀 ($38)，送上檯時熱辣辣，炸香又入味，咬落亦相當彈牙，好香脆食唔停呀！豬手 ($28)，我最愛~~豐富骨膠原，女孩子們可以多吃多吃，炆到夠腍，都係好好味架~~!!!多寶魚，宵夜時段$68，好搶手好多時都會賣完哦*^ο^* ～肉質好滑，又好肉，便宜又抵食，好滿足。多吃魚又不怕肥又健康，皮膚都會漂亮點...啫啫芥蘭煲 ($38)︰將菜快炒做啫啫煲，又保持翠綠夠鑊氣，帶微辣卻不油膩，菜莖的爽脆口感爽口，菜式好夠味道~~芥蘭獨特苦味，令人愛吃...生炒燸米飯($38)︰都幾大碟，臘腸、臘肉及蝦米配料，飯又不太油膩，我也吃了兩大碗^o^y 飯後甜品，椰皇燉蛋白($28)，上層是燕窩，下面就是蛋白囉~~軟滑香甜，

是晚，舊同事飯聚。地點，又是和富中心的稻香。今次不是吃一蚊雞，而且滾滾滾打邊爐。2015年第一次打邊爐也。埋單時，始知是晚乃其中一位剛升職不久的舊同事P小姐作東請客，煞是滾動﹗「新不如舊」之慨，不免在心頭泛起。多謝晒，姐妹們，還記得小妹這一位微不足道的舊人﹗點菜重任，留給姐妹們負責吧﹗小妹樂得清閒，到處逛逛兼拍照。醬料區約有十七款醬料提供，可隨自己喜歡自行混醬，每位另外收取費用。飲品糖水自助吧，每位額外收取$12，可任斟各款汽水、芒果沙冰、番石榴沙冰、豆漿、酸梅湯、夏枯草、芝麻糊、杏仁茶、紅豆莎和海底椰馬蹄露。酸梅湯酸甜有致，深得小妹和同事喜愛。冬之選火鍋湯底有八款，售價由$48-$78不等。火鍋料有海鮮、牛羊、餃子、蚌、丸子、蔬菜、豆腐等，約有一百多款，由最便宜的蔬菜類$28，至最貴的花尾躉起片$398，豐儉由人。在侍應的推介下，同事們要了一客滋補醉雞鍋配海鮮拼盤抵食套餐，據聞僅需二百六十多大元。清褐色的湯底中，浮沉著杞子、紅棗和數款不知名的藥材，且散發出陣陣濃烈的當歸味兒。湯底加熱翻滾後，自行倒入一碟加入酒同醃的醉雞，即成醉雞湯底也﹗把火鍋料倒入湯底中，看著熱水不斷地滾動。不消片刻

今晚5個人去稻香開餐見有個叫玻璃鮮咕嚕肉咁靚嘅名，所以嗌嚟試，但原來基本得炸漿冇肉，得個 “脆“ 字。都係平時普通菠蘿咕嚕肉仲正。花膠什菜煲嘅花膠乾咗Ｄ又細當然無期望，唔通幾十蚊會比隻大花膠你咩！？其實我哋都係指在食菜之類，所以都可以接受。但勢估唔到個蜜味柚子骨整得非常出色 。黄豆醬蒸蝴蝶青斑配蜜汁叉燒，一見碟叉燒個樣咁黑就估到一定好鬼鹹。Bingo!! 而因為條魚賣晒所以就轉咗蒜茸龍蝦比我哋味道又唔錯喎，其實有時食完飯想傾下計，真係酒樓會坐得比較舒服。5個人加三大碗白飯埋單$431

Tao Heung is a pretty popular chain of Chinese restaurants. You can find them in almost every neighborhood in Hong Kong. They even have various spin off branches under their restaurant group. But they are known for one thing....good, decent, not spectacular, neighborhood meals with specials that make you wonder if they are making any money at all. Like their annual $1 chicken specials...you just order $1 for one chicken dish, bowl of rice and you're good to go. The thing is all the deals are in

中午同同事食lunch, 睇中呢間呢期做特價點心. 我地六個人總共叫了燒賣X2, 牛肉球X2, 菜苗蛟X2, 上湯灌湯蛟X3, 蒸羅白糕, 油菜X3,春卷X1,炒貴刁, 及雞絲粉皮.仲加咗8個甜品.燒賣, 味度正常, 原隻蝦上, 係細隻蝦上. 牛肉球, 好食, 喼汁要自己去自助吧拿.菜苗蛟, 皮靚, 好食. 值得推上湯灌湯蛟, 味度一般. 下次可以唔叫雞絲粉皮, 味度咸咗啲油菜, 好食, 所以叫咗三碟春卷, 一個字脆炒貴刁, 好食, 呢嗰值得推介. 三個字... 平靚正.(6個人食咗360左右, 唔食糖水50蛟有找)(但係味精重咗啲, 個人黎講可以接受)

2009年金融海嘯，全港食肆生意一落千丈。稻香集團有見及此，推出「一蚊雞」優惠吸引顧客，亦可以5毫子買半隻，即使只吃一蚊雞、不吃其他，亦不會被拒置門外。不過，一蚊雞只限堂食，不設外賣，也不可攜走。在百物騰貴的今日，此等一期一會的優惠無疑是極為吸引的。兩人前往用餐，點兩隻一蚊雞，加一茶芥$10，再加兩碗白飯，連加一服務費，可飽吃一餐，每人消費也不過二十五大元也﹗(O咀)當然，飽吃並不等於好吃喎﹗一蚊雞優惠期至四月十七日截止，想試就要火速行動了。我哋一行六人，響應酒樓呼籲每人半隻雞，要了三隻1$貴妃穗香雞。一蚊雞賣相不俗，看似是一隻極想展翅高飛，卻飛不起的可憐雞。味道如何？哈哈哈……可用「食之無味，棄之可惜」來概括也。雞隻皮薄肉厚，肥膏不多，可惜雞肉入口稱不上鮮嫩彈牙，且淡而無味 – 無雞味也無調味﹗小妹估計雞的精華早已被「吸」盡了，徒剩下乏味、肉質不佳的雞身。一分錢，一分貨，早在預料之內，故也不太感到意外。小妹隨意挑兩三件雞件，蘸上附上的調味醬汁同吃，勉強合格也。餘下的，就留給不挑吃的C好了……限定晚市燉湯有兩款，二十八大元一盅。侍應阿姐遊說我哋要大盅的，較抵食和份量較多，索價好像一百元

21:30有宵夜時段,稻香推出豬軟骨麻辣雞煲只係$48,送6罐啤酒(朋友唔飲酒想要汽水,侍應都肯幫我地換)想食辣但又怕辣,建議一上檯就夾走煲內的指天椒,仲有好多青蔥,洋蔥,花椒八角,整個雞煲都好惹味雖然$48,但內裡有不少雞件,豬軟骨其實唔夾雞煲,但另外仲有不知道是豆腐還是魚旦的食材更加好味,兩個人再Order脆響鈴和生菜,加了一次水都仍然好濃味一個月後已經無左豬軟骨麻辣雞煲,轉了羊腩雞煲,一定搵時間去食!!!

十月十六日(星期三)，晚上六時半。八月中的考試成績終於揭盅，一科A，一科B。  為兌現承諾，於北角稻香設宴半圍皇席宴 ($688，免加一及茶芥) 與家人(包括父母, 姨媽, 妹妹和老公仔) 慶祝一下。半圍敬送飲品: 啤酒一支和汽水三罐，因我們不喝啤酒，母親大人想飲酸梅湯.....其後有禮的服務員表示可安排要一渣酸梅湯和汽水二罐，安排真貼心，服務好好。十分鐘後，菜式陸續上桌，乾杯，開飯啦.....(1)   爆炒爽蝦球 上桌時熱燙的，爆的很香噴噴，帶香辣，很大碟。蝦球大隻爽口，很鮮味。另有切厚片貢丸，很彈牙及盡吸了香辣汁，很惹味; 翠玉瓜腍甜，黑木耳很爽，有咬口及入味  。是一道鮮甜和香辣惹味集於一身的菜式，讃。(2)   鴻運乳豬全體 (半隻) 嘩，乳豬呀，鴻運當頭  ，起初見其顏色以為會燒得肉質很乾.....不過夾一件食先 ，哎呀，熱辣辣的，皮烤得十分香脆，夾雜少許肥膏，很甘香; 底層的肉肉質好嫩，不嚡口不靭。我一口氣吃下四件呢，讃。(3)  椰香脆魚卷上碟時熱的，趁新鮮食.....外皮粉漿不太厚，魚肉炸得很甘香鬆脆，不會乾的，隱隱滲出椰汁味。餡料是沙律汁拌粟米粒

本來想去試下添好運的北角店，聽聞大間 dd同冇咁多人，點知去到都係成千人，想點呀，都係想食點心。諗住行過隔離香港飯堂會有位，可惜 d人潮已經浸到隔離。於是又諗住去阿鴻小食搏下啦，離遠已經見到人山人海。就係好運同阿鴻中間左右，見到有間稻香，大大間應該有飯開。入去果然有位，唔係好多人，心諗掛住稻香個招牌應該 okay。主要都係想食點心。香酥千層：不錯，不油，不膩，香口，有咬口 木耳： okay小煎堆：不油，香口，小脆蝦腸：特點都係 $19.8，隻蝦好大隻好彈口 拍黃瓜：合格，味道 okay鳳爪：入味蝦餃：我的至愛，蝦 okay，皮 okay，俾你合格 奶皇卷：有怪味，唔 okay糯米卷：另一個 favourite，唔夠「癡」，不合格金錢肚：okay 啦炸雞軟骨：出奇地好食，香口，不油薄鐺：唔 okay，唔薄又唔脆，仲有幾粒粟米怪怪地整體黎講，坐得舒服，唔駛等，食物叫做合格啦

今晚約媽咪食飯,大约六点五十分落單,第一個餸七点二十分先到,咁等到七点半,我同經理講等咗好耐先得一味餸,好啦,第二個通菜要七点四十五分先嚟,我七点五十分再問,八点第三個餸再嚟.妖! 要我好似追債咁,再問第四個餸啦,經理話比多三四分鈡就得.八点二十分先嚟埋. 真係一肚火! 稻香個招牌俾這間北角分店影衰晒. 絕冇下次再幫襯!!!!!

那天從深圳回來，得知妹妹約了姑丈吃晚飯，我和媽媽立刻致電姑姐，原來當天是她的生日，既然是生日，當然要好好慶祝一番大家都住附近，十分方便，選了最就腳的稻香。正好是星期天，所以很多人，要等位，幸好不是等了很久，十多分鐘後就入座了。若不是媽媽推介，真不知道原來稻香有很多優惠套餐，價格十分相宜，與有名的茶餐廳價格相若，但質素和份量則比那幾間茶記更多更好。天氣炎熱，這天還爆曬了一整天，吃個冬瓜盅($78)清涼解熱吧。原塊冬瓜在鍋中，味道不錯，不咸不淡，份量剛剛好夠6人享用，雖不至於有很多料，不過以這個價錢來說，也差不多吧。燒雞+海斑仔($99)雖是海斑仔，不過size也不算很"仔"，但略嫌有點蒸過火，如果時間上再減少半分鐘會比較好雞嫩皮脆，雞肉尚算肥美，啖啖肉，份量比想像中多，實在不錯呢。龍蝦+菜($188)，這碟菜的份量非常多，而且菜也很嫩，菇也十分爽口。而菜+龍蝦也只是$188，龍蝦的數量也不少呢，啖啖肉，非常爽口肥美，略縑伊麵煮得太久，非常"林"咸魚雞粒豆腐煲($52)，雖然3種材料都十分普通，但加起來則十分匹配，咸魚味很香，豆腐非常的嫩滑，加上這個煲，令到整碟味道多了一份燒烤味，十分惹味

又一個新月份, 早晨孖寶d點心又轉o左今次叫左梅菜雞粒飯, 鳳爪排骨飯,時菜牛肉球,銀絲滑雞卷首先講下鳳爪排骨飯,(吃了一半才想起要影相)叫呢個飯要 +$1,d排骨夠林夠入味, 飯軟硬適中有飯香, 鳳爪也好吃,梅菜雞粒飯 d飯比鳳爪排骨飯硬,可能今次煮的時候放少了水,d料比鳳爪排骨飯多至於時菜牛肉球,有些菜放於牛肉球底,分量比別間的細一些,但味道同別間差不多也可以一試最後係銀絲滑雞卷,外用腐皮包著,內有雲耳雞肉芹菜同粉絲,感覺爽口好吃,但味道較以上食物清淡,但也值得一試(建議吃了這個才吃其他味道較濃的食物)

見無人寫早茶既食評就等我來寫寫啦其實朝早既時段都比較多人,所以今朝去到都要同人搭抬,而今日就係我第一次來呢間食,2個人叫O左2個早晨孖寶(即4樣野),呢個叉燒併牛肉腸係包含2條叉燒腸外加1條牛肉腸,值得一讚既係,D皮好滑流好正, 做工一D都5馬虎牛肉腸既餡較多,是牛肉球的餡, 味道也很不錯相比起牛肉腸,叉燒腸之餡較少, 味道比牛肉腸略為遜色, 圖中可見鳳爪併金肚 有3條金肚加2隻鳳爪外加D齋係底, 份量不多但味道濃郁,值得一試梅菜雞粒飯 雞肉&梅菜份量多 ,雞肉很滑 梅菜味甜 飯是一粒粒的 口感很好, 很讚的2人2個孖寶共 15 X 2 = $30茶錢 $ 6 X 2 = $12再加一 (4捨5入) = $4合共都只係 $46, 真係好平又好食

不知不覺, 原來稻香這個一蚊雞的優惠推廣, 已經有十六年的歷史了。可能是這個原因, 今年搞大佢, 每日 6-9pm 供應, 且不設最低消費 (以往是要點其他食物才可以點一蚊雞的), 而點的雞數量也不限, 還有半隻雞可以點 (就是賣五亳!)。不過就只限堂食散座,不設外賣及攜走。一蚊雞採用的是稻香在廣州自設農場飼養的雞, 聲稱是自由放養的 (即是走地雞囉), 總共提供四種口味, 於稻香旗下不同品牌的食肆供應; 而此「正常」稻香供應的是貴妃穗香雞, 即是白切雞, 配上蔥油豉油伴吃, 其實不用點也夠味, 不過蘸了就會增添一點甜味和令雞肉更加滑。雞不是很大隻, 肉也不厚, 但就皮薄少脂肪又不算鹹, 抵吃啦。雖說可以不用點其他食物, 但也不成整餐都在吃雞吧, 所以另外點了如意吉祥 ($42), 是一道素菜, 以百合、銀杏、云耳和蜜豆拌炒而成, 還有些青椒, 雖然覺得油味比較重, 但蔬菜都很爽脆和甜美, 總算是較健康的選擇。另外一道是梅菜豚肉蒸豆腐 ($48), 賣相跟參考圖片分別不大, 梅菜不太鹹帶點甜, 豬肉片有少少肥, 加上嫩滑的豆腐, 是很好的下飯菜, 輕易可以清掉。我們前後吃了三隻一蚊雞

9時後優惠時段入座食火鍋，逐碟計，叫返黎d野食碟碟都係得幾舊，細碟到暈,一碟羊肉片,只得4瑰一碟雞件,得果5舊,細細舊一碟九肚魚,得果5舊,仲要好細舊，皮蛋芸茜湯底淡啡色好清,係清到望到鍋底，無乜味不要有期望，當滾水就ok.食物質素一般，選擇不多，服務麻麻，又係野食追左好多次都唔齊，結果唔等就走人，埋單每人$130，完全唔飽！呢個係比佢隔離和富花園既中高層市民飯堂，一般市民層面，咁既食物及服務質素，絕對唔抵食！佢有個名叫任飲的bar,有豆漿,雪梨茶,酸梅湯,糖水有芝麻糊,紅豆沙埋單先知唔係免費,每位要加8蚊!