Video
6-min walk from Exit A, Causeway Bay MTR Station
continue reading
Introduction
銅鑼灣店最近新增的外賣送遞，讓款多料鮮的直送寿司與安坐家中的你一起為世界盃歡呼喝采。
continue reading
Opening Hours
Mon - Sun
12:00 - 00:00
Above information is for reference only. Please check details with the restaurant.
同朋友忽然發壽司痴，好想好想狂食壽司，但係月尾又有D手緊喎，所以就諗起呢度的黑夜壽司喇一直都聽人講呢度的黑夜壽司好搶手，每晚差唔多時間就會排哂長龍，但好好彩呀！我今次只係排左大約十五分鐘就可以入座嚕，加上呢度的staff都好好，會提早係我地排隊的時候比點餐紙我地寫定先，所以感覺上都唔係等左好耐姐我相信黑夜壽司時段都係想清左每日賣唔哂的食材，同埋做下gimmick吸引多D人幫襯但係估唔到半價左的壽司質素同水準都好高！三文魚係我的最愛，即使係黑夜壽司當然都唔可以放過啦XD 價錢半價但係份量仍然好足料，三文魚保持住平時咁厚，加上好有色澤，感覺上都幾新鮮既！其他壽司都同樣好食，如果話點樣可以進步D的話... 我諗如果D飯冇咁熱的話，一定會更好食！除左D傳統的壽司之外，上圖的呢幾款壽司都好好食！（食左好多款，我已經唔記得左呢幾款叫咩名喇XD）特別係綠色的軍纜壽司，用青瓜保住令到成舊壽司好fresh，一D都唔漏，好好食呀！另一樣要讚的就係，呢度上菜好快呀！最後我同一個女仔朋友食左三百幾蚊就走左，已經係跟埋drinks架喇，飽到飛起呀！！！正～
continue reading
今天母親節，去了一寿司食放題，因為在openrice 看到評價都幾高。本來諗全食7:30 星期一的，點知全日都無哂位，咁問星期二7:30 啦，得返8:00，好，照要，如果唔係我驚陣間連8:00都無就慘啦8:00 準時去到，侍應好快就帶我地入去。原來入面是好大的，座位亦闊。一坐底，已經有兩盤刺身，不過份量好少，可能只想俾你試下味。這個份量對於我這個大胃王當然不夠啦，於是我拿著餐紙不停地點這裡的食物種類都幾多，特別是刺身，出面少有的甜蝦、北寄貝、蟹棒、海螺片呢度都有，我叫佐超多甜蝦、北寄貝和蟹棒，勁好味。之後黎熟食，其實大部分的熟食都麻麻，例如迷你甜番著、芝士年糕、燒八爪魚丸、炸蠔等，下次可以唔叫，只有牛肉粒、燒菠蘿係可以再叫。再來就是寿司，叫了好多火焰寿司，全部d飯整到細細舊，包你唔會太頂肚，海膽手卷的海膽都新鮮，唔會有腥味。食到呢到，肚皮已經很飽，但突然見到鄰座叫了蟹棒寿司，蟹棒很大，大過刺身，真後悔沒有多叫。最後還有乳酪雪糕、不過d topping 俾人搞到好核突，唯有剩食雪糕，唔加topping。
continue reading
2年前因朋友介紹係旺角火車站食過! 當時係等10點後壽司有半價! 入面環境好,食物賣相都好靚,味道都好好! 所以等一個鐘我地都照等....火車站食過3次!太耐冇食今次帶表姐去試下,我仲講到幾咁好食! 點知邊食比佢邊話早知食返邊間邊間...由其佢至愛既海膽....但今時今日點解差左咁多?! 係因為分店問題? 火車站個間我可以比90分佢...但呢間我比唔落手......如果至在低食兼可以填飽個肚既話, 你可以早一個鐘去排定!無論佢環境,食物,賣相都比火車站分店差! D飯又散...紫菜林晒, 材料又唔夠新鮮,炸蝦天婦羅直頭難食,炸蝦又唔熱又林..D返又硬,硬到烈開左...蛋卷就OK海膽唔新鮮,味道怪怪地 都唔敢再加單了 但係有機會我都會再去旺角火車站個間試多次, 至於呢間就黑名單了我地叫左支98蚊既清酒所以2個人都食左$約250
continue reading
是日是新一年開工大吉的大日子，可是一起飲食的一 team 人，群龍無首，只好兩個人走出去找地方食野。我倆說好，是日食好一點就當是一個小小的開年飯吧。我們行了去禮頓道，就在路邊選中了一寿司。我們不是被壽司吸引入來的，而是看中了這兒的午市定食。有一個前菜，有一個主食，仲有飲品，50多元一個日式定食，價錢上算是不錯。前菜有一個辣汁三文魚卷，辣汁，不甚辣，少許的幸辣感勝過 Wasabi，魚肉鮮甜，蝦子香甜，這一個卷物，既美觀又有水準。 胡麻鯛魚沙律，胡麻醬酸酸味味的，非常之開胃，可是不知什麼原因，這一個餐前小食變成了我的餐後小吃。這一客的鯛魚非常之爽甜，蔬菜十分之新鮮，有上等的生魚片，有上等的蔬菜，很值得一吃。 同事要了一個五色壽司，以十分新鮮的食材，縱使未是頂級的魚肉，也可以做出美味的壽司及刺身的，三文魚、鱆紅魚、蟹棒、蟹子同甜蝦，食材是絕對的新鮮，而且是即叫即製，鮮甜得只要輕輕點醬油就好好食。 我要吃飯，於是要了一個親子丼，雞扒配雞蛋，雞肉本身已經非常滑，再加上滑滑的半熟炒蛋，兩者配合之下，蛋味香，肉味也香，再食下去，發現到連飯都非常之香，香口的一個丼，很容易令人滿足。 價錢不貴，食物超水準，這一寿司，定會再來。
continue reading
OT到晚上10點, 與同事們諗住快食壽司才返屋企, 點知等位都要等成20分鐘, 原來每晚10點後壽司刺身半價, 所以我地實行放縱狂叫, 最基本的三文魚刺身, 沒有像其他壽司店那麼薄, 有口感, 甜蝦, 帶子亦好鮮味, 但一些軍艦壽司未知是否一早整好, 紫菜很淋, 不太好. 半價十分超值, 難怪10點後還要等位啦!
continue reading