Video
Telephone
27786683
Opening Hours
Today
07:00 - 23:00
Mon - Sun
07:00 - 23:00
Above information is for reference only. Please check details with the restaurant.
去左間餐廳食下午茶，起身叫咗一輪香片茶同蝦餃、燒賣、腸粉等點心。來碟濃香片茶，先斟一杯暖笠笠嘅，畫開美妙旅程！🍵 蝦餃實在唔錯，果然冇令人失望，鮮蝦彈牙，薄皮爽口；燒賣蒸得啱啱好，肥嘟嘟嘅豬肉同菇好滋味。腸粉滑嫩得滑，蝦仔反彈得嚟，咬落去夠晒Q彈～ 意外之喜係嗰蒜蓉蝦春卷，出奇好食！輕輕一咬，蒜香四溢，蝦肉彈牙香口！當然，重頭戲係咕嚕肉。外皮脆得嚟唔油膩，裏面嘅肉滑溜溜，啖啖肉味，醬汁酸酸甜甜，真係「結」晒！🤤 你想點都想埋碟。另一邊，鱔魚粉果味道正宗，煎餅亦係又薄又香，少少肉末提味咁。咕嚕肉又香又脆，真係頂級享受😋，食個飽之餘仲要打包返屋企慢慢享受，呢度嘅食物真係香到飄三街！有得食，有得回味，相信日日都會掛住嗰種味！希望下次再試其他新嘢！
continue reading
呢間酒樓好近錦繡花園，揸車人士去酒樓食嘢旁邊有得免費泊車，好方便。我其實食過呢間酒樓幾次，質素好有保證👍🏻叉燒，燒鵝同菠蘿咕嚕肉係必食，差唔多次次都叫。今次我哋叫左個六人餐加菠蘿咕嚕肉同四川麻辣雞鍋。頭盤有個燒味拼盤，不過大家太肚餓，差唔多食晒先唔醒起要影相😂我都唔係個個餸有影🤪其實每味餸都唔差，菠蘿咕嚕肉，蒸魚同埋個炸子雞尤其好食，估唔到個雞做得咁好，好滑。如果要揀呢間酒樓做得比較遜色，我諗係甜品，最後佢有個好似蒸馬拉盞咁甜食，係呢樣麻麻地，比較淡啲。堂食食飯無叫餐都會有糖水送如果未賣哂，佢嘅糖水如紅豆沙，西米露都係偏淡，啱哂老人家😁
continue reading
同屋企人出黎食個點心飲個茶，錦繡花園出面呢間長期都好多人食，突特揸車入嚟試試去～價錢黎講呢間都幾平，我地叫左12款點心，總共$500左右，食到好飽😂整體CP值幾高，試得一試，會再encore👍🏻首先要推薦既係：燒賣，春卷，紫薯煎堆仔，流沙奶黃包。燒賣勁足料，足足有兩隻中型蝦仔，春卷炸得卜卜脆，加埋啲沙律醬，成個感覺昇華咗，紫薯煎堆仔甜度適中，香脆爽口，明顯係即炸，流沙奶黃包包體好軟熟，奶黃亦都好流心，但有少少甜。中般可食/唔食：腐皮卷，天鵝酥，沙礓雞腳，紅油抄手。腐皮卷好脆口，但食落感覺偏油。砂礓雞腳唔夠軟，不過份量幾多，都算抵食。天鵝酥酥皮做得好好脆，但由油膩味有啲重。紅油抄手中規中矩，冇乜特別。唔好食：蝦餃，香芒煎餅，蛋散。蝦餃好足料，大大粒入邊亦都有好多蝦仔，但個皮好軟，冇咬口😢香芒煎餅好油，完全食唔到香芒味。蛋散其實口感係唔錯，但超級無敵甜！佢應該係炸完之後再用糖有炒過，啲糖完全融合咗，好甜😢
continue reading
新明苑吃過不下10次了，質素一直冇問題，大年初一不想煮，又想食中菜便想起新明苑了，貪佢有得泊車，而且即日又俾我地訂到位。職員很好，原本安排樓上，我們有老人家不方便上樓梯，佢都立即安排返樓下的枱給我們。大年初一只有套餐：4人6人12人 完全沒有散叫餐牌。一行4人，我不吃魚翅，便叫了沒有魚翅的4人餐。叉燒好吃燉湯有點過咸，足料的。龍蝦新鮮多肉彈牙，好吃！有提供蝦醬，加分！ 現在有些連鎖酒家都不提供了。甜品原本聽個名以為是湯丸，原來是清雞蛋糕，這個叫起甜品之後都等了很久，等到想放棄。要扣分。另外餐廳今天完全沒有散點，但菜單連甜品是7個菜都唔知可以點做，想加個咕嚕肉集齊8樣都冇計，希望老細留意返，我心中知就算了都費時講出嚟俾老人家知道，博佢地冇咁心水清。呢個真係要改善！話曬大年初一！食物質數同服務都可以，埋單連加一茶位$1400 左右，4人吃有餘有剩！
continue reading
一家人在錦綉搵地方晚飯，朋友推介到此。是日6:30pm到,樓上雅座任選。侍應全程招呼很周到。第一推介是鮮菠蘿咕嚕肉。看圖便令人垂涎了。炸漿掛住醬汁，鬆脆包著啖啖帶肥甘的豬肉，成為此店的名物。我不吃羊,只吃生菜，筍和枝竹。如能像別家多加筍子，將會更受歡迎。小炒王原來是客家菜。碟中見有韮菜、芽菜、白飯魚乾、魷魚等，加埋腰果, 令整碟菜很香口惹味。例牌燒鵝和金銀旦豆苗亦是合格。但此家的糖水可以免了。
continue reading