上海姥姥

Open Now

Now Closed

近🧧新年，公司生意開始多，工作繁忙，我同老公都好少煮飯，唯有多出街，順便幫忙香港經濟💟。呢排去左2次這間上海姥姥食飯，簡單評一下。炸銀絲卷：完全唔喜歡連底紙一齊製作。即時向經理查詢，佢表示確實是公司品質，不是忘記撕走麵包紙，而是炸飽面，底紙是沒有炸的。結果：未能夠全張底紙撕走，只努力撕走一小片又一小片紙，張紙已經溶溶爛爛，接駁唔返一張整齊既紙，咁無炸過唔見左既紙去左邊，好疑惑。再向女經理查詢，話換一碟。結果轉個頭男經理話再炸都係一樣，要換其他野。希望跟進下呢個煮法，有無進步既空間。芝麻飽：第1次食芝麻外皮比較乾爽香脆，第2次食比較油膩，質素不穩定，影響口感內饀：香蔥加豬肉鬆，口感豐富，好味。素鵝：細細份，外皮香脆，香菇入味，有豐富蠔油汁，香口前菜。蟹粉小籠包：熱辣辣，豬肉滿滿，肉汁香濃。四川擔擔面：湯底唔夠熱，湯底太濃厚，沒有驚喜。2人枱太細，點幾個菜式已經放到枱邊。去過2次，手袋沒有箱提供給我擺，靠自己掛在凳度，慘過快餐店，服務不到位。總括而言，食物質素都可以，有些細節位可改善。⭐️消費經濟不景，盡力做好各方面要求，方能吸引客人⭐️LOVE 香港🩷❤️

食咗好幾十次都未去餵佢贊寫過食評 🤣因為居住環境近我就腳方便 我成日都會一家人去食呢一間上海菜💕💕🤣🤣🤣最鍾意係食佢個上海粗炒🐽🐽同埋黃金蝦仁炒飯 🫰🫰 屋企人最鍾意佢嘅鍋貼 同埋雲吞雞湯🐽💕💕我覺得可以咁平庸嘅價錢食到上海菜簡直係窮人嘅恩物🥺🥺🫱🫱💕👍佢真係唔貴而且超級值 地方闊落坐得舒服 泊車都好方便店員服務態度仲要係好好會不斷幫你增添熱茶💕💕 絕無偷懶笑容滿面簡直係十分

如果你想嘗試一些平民版的小吃，上海姥姥的小籠包也有適合的選擇。他們可能會提供一些價格較實惠但同樣美味的小吃選項，這樣你就可以享受到正宗上海風味的小吃，而不必花費太多。這些小籠包具有薄而有嚼勁的皮膚，內部充滿了鮮美的豬肉餡料和濃郁的湯汁，每一口都是一種享受。甜酸魚是他們的另一道招牌菜，它是一道中國菜中常見的經典。這道菜通常是使用鱼片烹制，以甜酸的醬汁調味，營造出一種甜美和酸爽的風味，非常適合喜歡多種味道的人。

今晚屋企人話去食上海菜。。啲嘢唔係話平。。算正常價錢。。炒個四季豆竟然用細碟。。同佢哋反映話係正常🙄🙄嘩。。未計加一都70幾蚊。。加埋咪成80幾蚊重話正常。。。最搞笑叫其中兩樣送菜都屬於正常。。好似叫咗個賽螃蟹同糖醋魚片都ok 嘅。。但係反而四季豆可以變頭盤size咁叫正常？屋企人話可能四季豆貴過魚喎。。所以比細碟係正常。。真心希望佢公司高層睇到去店面睇吓，客人比$76蚊一碟四季豆係咪正常，唔怪之得早排有個好似高層嚟做樓面話條數唔靚～緊係啦⋯⋯之前嗰啲店長定經理串過乜。。啲嘢又細碟。。但係價錢唔係平喎⋯⋯如果唔係貪近我唔會去食！經過今次之後就無下次，多謝比我有決心唔再去🙏🏻🙏🏻🙏🏻

好多年前食過依間，不過係尖沙咀星光行分店，當時係食下午茶，所以唔係幾好食啲嘢又凍。今次再試上水依間分店，又幾好食。小籠包係鮑魚版本， 40幾蚊有四粒，入邊真係有一粒好細嘅鮑魚，比想像中好食。酸辣湯麵就不過不失，反而個四川皮蛋就有啲驚喜，個汁好好食。賽螃蟹都係正常表現，但買到90幾蚊就真係有少少overpriced 。如果平少少就值得食，因為賽螃蟹其實都唔容易整。另外鍋貼就個皮太厚，食完好滯，但味道係好食嘅。最後嗰個豆沙窩餅都係正常表現。

外賣小籠包：味道同肉汁都ok,但個膠碗有啲似溶溶哋，擔心係成個膠碗放入去蒸，所以溶溶哋：素鵝：上下腐皮都有幾層，餡料少，顯得似食煎腐皮。個汁個味有啲怪，已不能確定係咩係咪喼汁。麻婆豆腐：多肉，但唔係會想再叫。酒釀丸子：已經有啲丸子未熟透，臨尾仲要發現有條紅紅哋嘅長頭髮，好噁心！

我點的午餐是一個主菜搭配一份配菜，再加上一碗湯品。主菜是乾煸四季豆，菜品的口感香脆可口，豆子保留了它的鮮甜味道，肉末與四季豆的口感相得益彰，是一道非常美味的菜品。配菜是菜飯，無特別之處。湯品是雲吞湯，湯底鮮美，雲吞皮薄餡多。當然，很樂意為您寫一份詳細的食評。咕嚕肉是一道非常受歡迎的中國菜，讓我來為您介紹一下上海姥姥餐廳的咕嚕肉。上海姥姥的咕嚕肉外表金黃酥脆，內裡卻是鮮嫩多汁，醬汁的味道不錯，可惜外皮太厚讓人有點失望。整體而言，上海姥姥餐廳的菜式豐富，風味獨特，氛圍舒適，服務周到。菜品的味道不僅美味，而且價格也算中上。

首次幫襯上水中心的上海姥姥，下午茶不用等位便入去試試。正宗上海甜味熏魚，肉鬆軟 , 汁夠濃 ，是家的味道令我不期然想起了爸爸。小龍包汁夠多但味偏淡，醉鷄夠新鮮，其他餸菜一般，小食涼菜選擇不多。之後再打包一份熏魚给家人品嘗，同樣卑讚 !

以前可以做內地旅客生意而家100%靠街坊食物就冇乜特別 呢個價位同質素 份量不成正比加上服務態度又係麻麻而家上水多左咁多選擇 可免則免 佢嘅下午茶會好番啲價錢冇咁貴 自然對應番既感覺會好啲

上海姥姥今日同小寶貝去左上水嘅保榮兒童遊樂場玩真係放曬佢電所以就決定係上水食個晚飯逢星期日晚飯時間 上水好多餐廳都要排隊所以我地今次都要排隊半個鐘先可以食到飯我地今次就坐係門口位置 張台好大 我地3個人食 完全唔覺得逼擠今次我地叫左3樣嘢麻辣口水雞因為我老公比較鍾意食啦 有dd 無辣不歡果種所以就叫左啦但我自己就麻麻地啦辣雞丁另一個係香辣腰果炒雞丁呢個都係辣辣地 但就冇口水雞咁辣因為小寶貝仲細佢食雞丁嘅時候 我都有特意沖左水先俾佢食炒飯呢個係特意為小寶貝叫嘅 因為佢今日係兒童遊樂場玩完 放左電所以我就叫個炒飯 等佢可以食d熱飯 止下肚餓

今日下午茶時間去食啦,人唔算多，我自己就係食排骨拉麵,結果佢畀咗一碗下午茶份量大佬六十幾蚊呀你畀個三十幾蚊嘅份量我，有冇搞錯呀! 埋單嘅時候個阿姐又喺度鬼叫，仲要黑曬面。你食物唔ok都算啦啲服務態度又唔好，叫人點樣再幫襯呀！唔該先改善下啲training啦

到上海姥姥食飯，原來已到下午茶時段，點了回鍋肉客飯配上湯水餃，另外一個點了酸辣湯溫吞。回鍋肉味道偏甜辣度不足，水餃不錯，豬肉味幾香；酸辣湯夠酸夠辣，配溫吞幾好味，可是溫吞皮略厚。兩個餐的份量較細，吃完未夠飽，再追加一碗擔擔麵，麵質彈牙湯頭也算夠味，是全餐最好食的食物。

疫情下，想搵食都好難，行過一圈見到呢間餐牌好似唔錯，於是入去飲啖茶暖下身。午餐餐牌不像一般餐廳既劃一收費，而是按食材收費，所以平價唔係對上海姥姥既合適形容詞。五香牛肉拉麵呢張係剛上菜時最真實的相片，有4-5片牛肉，而且是薄切，廚師刀工不錯拉麵湯底淡而無味，須再加餐卓上的醬料調味，拉麵煙韌度ok。糖心燻蛋蛋黃好似流心奶黃咁流出黎，正！紫菜鮮蝦春卷香脆春卷，有原隻鮮蝦係入面，小食黎講算好食。待應好快咁將食完既杯碟收好，衛生意識好好，落單有禮貌，會係加分位，只係食物唔得。

有咩開心過有時間可以係堂食時段坐定定食野嘆嘆上海菜 本身諗住食埋小籠包 同下午茶 但實在太飽了 放棄左因為屋企唔會整重口味嘅野 所以見到水煮牛要叫🤣水煮牛三拼，入邊有牛肚 牛柏葉 同肥牛肉牛肚好認真 堅好味如果肥牛轉小片滑牛便好了牛柏葉大塊啲 薯粉可以講得上若隱若現咁 多返啲啲就100分味道方面，畢竟食緊上海餐廳，對比重慶同四川風味，上海姥姥嘅就係味濃，微辣。小黃魚出色嘅 香脆可口 送飯一流 魚肉嫩滑 外面酥脆可口 大滿足！

最近無晚餐堂食，又唔想自己煮，想食上海麵，就用外賣app叫外賣。我叫左個南京路清燉牛肉湯拉麵同紫菜蝦春卷。首先想一讚是佢外賣湯麵係湯同麵分開器皿裝，唔會浸到d麵腍哂。個湯好鮮味，而且唔油膩，做到清既感覺，牛肉大塊入味，美中不足係d麵嚟到始終是外賣焗住十幾分鐘(外賣員其實已經好有效率)，係無堂食咁彈，但情有可原，非戰之罪。到於個春卷，嚟到仲好脆，又做到脆而不油，紫菜同蝦既味道亦十分夾，我第一次食，算係驚喜。