七重天餐廳 (Closed)

與友人行進炮台山一條內街發現一間兒時與家人常去的七重天餐廳，問過侍應，真的是之前那間的分店，鹽燒牛脷好厚切，半隻德國咸豬手大件及脆皮，牛柳做到成數，價錢合理，牛脷及咸豬手餐$98，龍蝦牛柳餐$198，好味道現在超過廿年以上的老店已不多，希望這間能保持水準及堅持下去！

住左係香港幾十年來都冇吃過咁難吃嘅港式西餐…茶同蒜蓉包都ok但湯同肉真係超難食…又貴…其他類似餐廳好食好多同都唔洗咁貴…肉好唔新鮮,好硬同冇味…份量少…羅宋湯深色到almost 好似黑色的,湯也混入大量水…食完馬上去對面食番碗拉麵…

我們會經常來幫襯，雞翼香脆，奶油豬好味道，這個配對，簡直是絕配。下次都會試其他食物。超級好味味味味味味。又近地鐵，炮台山地鐵站附近。餐廳有好多選擇給不同口味的人選擇。

一早去到炮台山，見佢門面裝修OK入去食個早餐，品嚐到人生食過最難食的沙嗲牛麵牛肉是酸酸叔叔的，跟服務員說態度極差，仲話自己試過啲牛肉沒有變壞沒有酸和我同行的朋友兩個都食到牛肉變酸了感覺好像隔夜了很多天早餐仲跟咗一個火腿奄列火腿奄列入面的火腿都有一點點變酸的情況由於服務員的態度十分惡劣，我哋都沒有再食立即離開了，希望唔會有其他人中伏XXXX唔會有下次XXXX中伏過後，先至上OpenRice睇食評點知原來真係咁多劣評，仲以為係我個人比較挑剔

買外賣返屋企加餸，見到呢間無乜人就入咗去買，希望可以快速買完返屋企開餐！店舖裝修有少少歐陸風，藍配白再加磚牆，但感覺似比較高級少少嘅茶餐廳。叫咗個德國咸豬手(半隻)，有配餐湯+蒜蓉包+飯/意粉/薯菜+餐飲。豬手等咗十五分鐘，時間上都可接受嘅。❤️ 德國咸豬手(半隻)+羅宋湯+蒜蓉包+薯菜+檸檬茶 $98$98食到半隻咸豬手係幾抵嘅，但豬手味道都幾膻，個皮只有一部份係脆，其餘嘅皮都係腍。羅宋湯偏甜，唔太啱我口味。薯菜無薯仔，得白烚菜同甘筍仔，無調味。蒜蓉包就脆嘅，挽回少少分數。檸檬茶偏淡，檸檬似浸咗一段時間咁。好食度：⭐️ (1/5)餐廳推薦度：⭐️ (1/5)食物質素認真麻麻，睇唔出誠意，唔會回頭。

又要到北角炮台山吃午餐， 之前食過幾次北角區 的茶餐廳也是一般， 今次就試下七重天餐廳， 餐廳環境以藍白色為主， 午飯時間整間餐廳只有一，兩枱客， 我由幾款午餐中選了洋蔥鴛鴦扒 + 凍咖啡$61。洋蔥湯和餐包～ 洋蔥湯味道香濃， 湯裏面有很多洋蔥絲， 配一個沒有蒜蓉味的蒜蓉包。洋蔥鴛鴦扒～ 鴛鴦扒是豬扒和雞扒， 兩塊扒炸得很乾， 沒有肉味， 我食到一半已經沒有吃了。凍咖啡～ 又是非常一般的。近排經常到北角開會， 午餐到過幾間茶餐廳感覺都麻麻地， 希望遲下會搵到一些比較好吃的店舖。

本人於2019年11月13日下午4.00前往該餐廳，叫了一個下午茶餐，煙三文魚意大利飯，餐點上檯真的嚇了一跳，飯只是一堆普通加了忌廉汁的硬飯，混了一片爛了的三文魚，沒有味道，硬，微温，難食，好像放了很久的爛飯一樣，4個字，非常難食

今日lunch第一次試呢間餐廳。選了E餐，黑椒汁肉眼扒配薯菜，跟湯，包及餐飲。湯選了龍蝦忌廉湯，沒有龍蝦味，忌廉味淡。牛扒大大件，肉質平平，薯角香脆。$60好扺，平日午市免加一。

從前，北角有間價廉物美的七重天西餐廳。某天經過這條街，事隔多年，擁有相同名字的餐廳，不知道這店跟從前那間店有沒有關連？今晚我們嚐了這裡的晚餐。餐湯選擇羅宋湯，喝了第一口，就知道是我們愛喝的味道，帶有點點辣味，不是一般淡味的蕃茄菜湯，餐湯配上一塊脆卜卜熱辣辣帶新鮮蒜香的法包, 難能可貴在麵包仍是脆, 而家很多食店會求求其其比塊冷包你配湯。晚餐C: 厚切鹽燒牛脷。嘩！一上桌就覺得驚訝，真的是兩大塊厚切！很久沒有嚐過真正的厚切牛脷，一般西餐只會薄切或用鹹牛脷做晚餐，很少再吃到原條厚切出來的牛脷, 這店牛脷爽口帶牛騷味，有口感, 太好吃了。晚餐H: 安格斯牛扒 / 晚餐 J： 肉眼扒。唔好意思，忘記是那個餐，只記得係牛扒。5成熟，牛扒很大塊，肉質嫩，配有蒜香味的蒜茸汁，很惹味!  當然想起頂級牛扒就不是來這裡。餐後喝熱檸檬茶，茶不會有沖得太耐的苦澀味。餐廳環境優靜，服務員姐姐親善有禮，味道比我想像中好, 一分錢一分貨,  價格合理,   很滿意。

逢星期日出門，都會閒逛炮台山、北角一帶。雖然小店林立，但係每逢週日都難找個位置食嘢。不過嚟到蜆殼街呢條小巷，就有兩間我較為喜歡的餐廳─鬼馬冰室、七重天餐廳：兩間的價錢比較平民化、而且環境及裝修都頗獨特，最重要的是店名夠特別！早排，鬼馬冰室星期日都會開門，可惜最近又改為星期日休息；那沒法子，只好去係正隔離嘅七重天餐廳吧。最近幫襯七重天餐廳，都撞正想食嘅午餐賣哂。咁冇法子，惟有食下午茶餐。其實本身都唔太想食下午茶餐，一來份量細、二來食物都是焗飯、三文治之類，太普通；早排食過「泰式魚餅炒飯」，原來只是將普通急凍魚餅切碎切飯，味道淡到不得了，一啲都唔「泰式」！今次再望吓個餐牌，見到有「卡邦尼意粉」，心諗：應該係比較有特色啦啩……可惜，意粉一上枱，就打咗個突 ─ 一睇就知係烚意粉，加幾PAT忌廉汁同切碎煙肉啦！意粉其實都淋咗啲，撈埋啲忌廉汁就更加淋；卡邦尼意粉的精髓，在於蛋汁，而呢碟意粉不論賣相還是味道，都毫無蛋味可言！洋葱同煙肉都是白烚的。惟一覺得仲食得落嘅，就係杯奶茶─茶夠香，奶夠滑，但可惜補唔返。兩個字形容呢餐─求！其！

今日下午去炮台山開會，路經七重天，見外觀幾吸引，有點歐陸風味，白色牆身配藍色窗框，所以走左入去食個下午茶。下午茶餐好多選擇，而且價錢相宜，至於食物質素就有待探討。我點了炸薯條併珍寶腸，下午茶餐奉送凍奶茶。點解叫冰火七重天？因為奶茶夠凍，珍寶腸和薯條剛剛炸起出爐夠晒熱（氣）。但係「薯條」令我非常失望，因為這不是真真正正的薯條，這款「薯條」正式的名字叫「帶皮薯條」，而平時我哋喺麥記食的這款薯條才叫薯條，或茶記有波浪紋的也叫薯條。我最重視的奶茶當然唔得，奶茶顏色夠深，茶味也可以，但佢哋用的茶葉應該沒有溝茶，所以茶味單調，而且味道單薄。整體而言，食物質素有待改善，而食店下午茶時段連我在內只有三枱食客。一枱二人食客全程傾計，另一枱一人全程睇報紙打躉。在管理角度而言，我會下午茶時段關門休息， 慳水慳電慳人手。

餐廳座落炮台山蜆殼街，環境清靜亦方便泊車，裝修以白色和藍色為主，感覺舒適。價錢實惠，食物份量足。點了必食的 美國黑毛豬鞍扒 及 招牌厚切鹽燒牛脷 套餐足料羅宋湯，味道非常濃郁可胃。洋蔥湯，清甜不膩。蒜蓉飽，熱呼呼的，香脆可口及好香蒜蓉香味。招牌厚切鹽燒牛脷，厚 2cm+，今次煮熟左 d，邊位較軟，中間較煙韌，唔介意生少少的朋友點餐時可以吩咐唔好全熟 ，口感會軟熟 d，份量慷慨，抵食美國黑毛豬鞍扒，煮得剛剛好，肉汁鎖係裡面，厚切，啖啖肉，食得非常爽。必食

嗰日係公司我們將免費贈送一盒咖啡膠囊樓下食午餐，見到有一間一點鐘之前買單平＄10，菜式又好吸引，所以決定入去試下。羅宋湯蕃茄味濃，多士香脆。牛扒肉嫩多汁，意粉彈牙。套餐仲跟熱飲。

已經唔系第一次幫襯。每一次去到一肚氣。唔好睇佢裝修好似好靚。入到去，一開始態度已經差。叫完食物的單亂曬。永遠等食物都等好耐。嚟到都算啦惗住好食就算啦。次次都系，食完得一肚氣。嘥食物嘥時間。有機會幫襯附近好過。

來到炮台山，看醫生前醫醫肚，看到門外寫著特價早餐20蚊，環境不錯就入內試試。店中白底藍窗，以希臘style為藍本，感覺舒適。早餐牌選擇不少諗住早餐加午餐，所以揀咗餐牌中嘅重量級早餐落單後都有點擔心重量得濟會否食唔晒呢？因為有厚方飽，一片等於平時兩片嘛⋯「K.七重天重量級早餐」 來到了揀了雞扒、煎蛋，還有茄汁焗蛋、齋通粉和方飽其實唔覺得有咩咁「重量級」杯朱古力有朱古力色，但就無朱古力味囉所謂的厚方飽⋯只是一厘米的普通厚度，和真正嘅厚相距甚遠如果依樹一厘米厚度嘅包叫「厚方飽」，唔知依樹普通方飽係有幾厚呢？完全濫用形容詞！ 本來想比劣評，但又好似好嚴重咁⋯離去時員工已忙碌地準備午市了