紅蜻蜓 (Closed)

今日同幾個fd去呢間小店食✨✨一入到去裝修都幾靚地方都幾大，坐位幾寬闊幾舒服👍🏻👍🏻同朋友gathering 就perfect💋價錢好大眾化，每碟都係幾十蚊食物都幾多款式，有西餐，泰國菜，甜品，台灣野飲品幾好飲，好特別影相一流ah😆😆😆我嗌左兩碟牛扒炒飯全部都好出色呀，一定再黎第二次員工非常好態度👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

之前都有喺呢度食晚飯覺得都唔錯, 但係最近聽我同事講呢度啲食物劣評如潮, 尤其是個早餐, 我就膽粗粗嚟試下!!其實佢既早餐都幾多選擇, 你可以見到餐牌啦, 有三文治加麥皮啦, 有包啦, 有面啦.....我叫咗個最簡單最簡單嘅熱狗加一個麥皮, 麥皮呢........好似用一啲醬溝出嚟, 唔知係咪因為要在大埔多老人家食早餐, 佢好似有啲胡仔咁嘅感覺.另外嗰個熱狗我根本食唔落條腸係凍嘅嗰包係熱嘅 其實我唔知係唔係有啲咩特別嘅原因但係真係食唔到落肚囉仲有杯奶茶其實粗略嚟講畀奶茶都可以接受既. 不過其實佢可以好啲, 但係又咁諗, 如果佢28蚊畀咁多嘢你食都算係咁啦!!總括嚟講呢個早餐我係唔會再幫襯. 講完~~

位於大埔一田隔離嘅餐廳紅蜻蜓 外表就似茶餐廳 內裏就似舊式嘅扒房 一入去已經聽到咋咋聲 同埋聞到好熟悉嘅黑椒牛扒味道 亦有大量嘅卡位私隱度十足 燈光亦比較暗！好有情調 岩晒小情侶或者老夫老妻嚟呢度拍拖 簡直可以回憶返之前拍拖嘅情況 叫咗個蒜蓉汁牛扒意粉 牛扒唔算厚身 但係冇一般嘅鬆肉粉味 比較易入口 意粉配上蒜蓉汁食落都幾開胃 朋友仲叫咗個焗海鮮飯 個海鮮飯真係不得了 上枱就係咁飄出焗芝士嘅香味 好邪惡呀海鮮就有一般嘅魷魚圈石斑塊蝦等等

都唔係第一次食佢個早餐嫁啦 不過好耐冇黎所以想食番 例牌都係個4個餐是但一個 ***今日我就叫左A餐 原本係牛奶麥片 不過我嫌佢甜得濟所以轉左個火腿絲通粉 都算唔錯唔哂加錢 我最欣賞就係佢個豬扒包 豬扒熱辣辣煎得幾香 夾左一d菜同蕃茄 兩塊包都唔會話好馬虎 雖然冇影到相 不過佢地杯凍央真係唔係幾掂 叫左少甜仲係甜 又冇茶味唔夠滑 附近有間老牌茶餐廳嘅凍央同奶茶仲好飲過佢 所以下次都係正常叫杯熱檸水好過 有機會可以試下d餐個粥幾多料

打算3:15同阿媽去食個下午茶餐.入到去冇人招呼坐邊張枱都算ok我自己揾位坐底冇人埋嚟問你食乜 咁我自己嗌人落單嗌極啲員工都好似睇你唔到聽唔到你嗌佢咁嗌左幾廿次都冇反應 係要人大大聲發脾氣先埋嚟行到過嚟仲好意思講話頭先傾緊計真心貼錢買難受

今日星期日 訓醒之後已經係晏就 所以就求其落樓下搵間野食 可能係假日邊到都要排隊等食lunch 好彩我一個人都係等左一陣就有得入去食 叫左一個lunch set 葡汁焗雞飯 呢個lunch都算多野 有餐湯同餐包 餐包暖暖地唔食加牛油其實都已經好好食 羅宋湯都有d料 係略嫌少少鹹 本身以為葡汁焗雞係同d飯一齊焗點知原來佢係分開嘅 葡汁有椰奶香味 都算幾香 而且d白飯都算俾得多所以都係夠飽嘅 焗飯黎講都ok 不過我比較中意食鮮茄焗豬扒飯😝

如果係自問係大食既人黎呢間就岩啦 ，一個人份量係好足料，晏就的叫呢個a套餐有忌廉湯加飲品加個餐包加熱飲加呢個雞扒意粉，如果係堂食既都係$47左右，而好似我今次叫外賣自取就再加$1。（但簡凍飲就會再加$3）但係都好抵食既，當然個餐包就唔係話有熱過嫁啦，不過食物係算可以既。起碼假日咁樣買個餐抵食過去飲茶叫點心。

侍應服務差到無人有下午茶 咖哩牛腩飯個咖哩汁仲少過屋企煮餸個（獻）呀好有禮貌咁想 唔該可唔可以比多少少咖哩汁個侍應系一路行過你張枱一路講 要加5蚊之後仲要行左去佢個態度好似睇死你唔加咁只能說一個字劣

炒貴刁，賣相符合預期，廚師特意選取幼身河粉，令醬汁可均勻分佈每一條河粉，更易進食。烤豬手(半份)配意粉，還以為是很少份量， 但事實卻很有睇頭，半份的豬手也有不少肉，烤得也不錯，意粉是以茄汁輕炒，略為淋身。

> 西冷牛扒配沙律*白湯： 好水， 冇乜忌廉味， 感覺似係飲緊乳白色ge 味精湯， 得幾粒粟米咬下。個扒煎得好香， 唔會overcook 太乾身，表面封住d 肉汁，切開好juicy; 塊西冷扒牛味香濃， 脂肪分佈平均， 油脂令肉味更加突出！沙律就麻麻，太多沙律醬好甜，不過份量足，而且有好多款生果，唔係好hea ge 罐頭雜果~

紅蜻蜓呢間西餐， 真係立足大埔近10年，係筆者中學雞lunch 或after school ge 蒲點之一。 Lunch價錢算公道， 食品質素普通，好在勝價比高！晚餐嚟講，價錢尚可接受。 menu 好像永不更新咁。。。@@> 鐵板西冷扒配帶子Order 咗4成熟， 上枱近全熟=_=" 鐵板都足料ge, 薯菜同伴菜量多， 帶子原來係吉列， 仲以為係原粒上@@ 西冷肉質好實，不過都有牛香，大扒算幾厚，個汁都做幾好~overall 呢個價錢算中挺表現啦！

今晚放工番到大埔有d肚餓，見樓下留下間餐廳冇人等位，就入左去食。我就甘叫左個黑椒牛柳並鴨胸配意粉餐，餐有湯，餐包，主菜同一杯野飲。岩岩落左單冇耐，羅宋湯同包就到。羅宋湯個料都叫夠，但味道有少少咸同埋辣。餐包挺熱的，挺好的。之後個主菜都到，黑椒汁味道適中夠濃，個牛柳食落都幾諗，食落都夠入味，冇話太重雪味。個煙鴨胸整個上，唔係先切開一條條，食法比較特別。個意粉係有加茄汁落去煮，而且分量幾足夠。個餐65塊，算係甘。

難得今日早收工，揾埋個中學同學去左大埔中心食晚飯，於是我地去左中學時期成日食果間餐廳，懷緬一番。店內格局，甘多年都冇大變動，只係翻新左。我地兩個都各自叫左一客Set Dinner。 Set dinner有湯，餐包，主菜同一杯野飲。主菜我叫左個​​黑椒法式羊排配飯，落左單之後，羅宋湯同包好快就黎到。羅宋湯蔬菜配料充足，而且味道不算太鹹和太辣，味道適中。餐包挺熱的，系岩岩整熱的。飲完湯，我個主菜就到左。黑椒汁味道不太辣但勝左夠濃，羊排不太酥，羊排煎得不錯，不會過火了，飯系一個炒飯，唔係白飯甘簡單。整體份量足夠，價錢不算太貴，而且質素也不錯，性價比高。服務上在部分既野上面都挺細心。

這裡的環境、食物質素都跟一般茶餐廳分別不大，就是「好又一餐 唔好又一餐」的水準。Lunch叫了幾碟炒嘢，都是偏向濃味同油膩，未至於難食，但附近比佢好食的有大把選擇。不過，侍應態度就差得不得了。落order時，叫我哋不要指住餐牌來點餐，話會睇唔清楚，但成張飲品餐牌得6大格，指住點會睇唔清? 然後講啦，又話聽唔清楚，指住自己張手抄單畀我哋睇但又唔出聲，唔知邊個啱啱先話指住睇唔清楚?然後終於漏飲品啦，但補返後竟然在帳單加錢! 我哋埋單時問啦，又唔改單，叫我哋畀返正確價錢就算；然後我哋畀完，佢又一直對，對完又對，對完又對，對完又對。都唔知對乜，又係你唔肯改單，但自己對時又一臉懷疑。又其實，茶餐廳午市都加一? 仲要係咁既服務態度?!

冇人排隊既食肆真係事出必有因的, 如此質素真係令人郤步.... 呢個係雜扒餐(跟飯), 佢既造型同味道同大排檔既碟頭飯係冇分別, 完全沒有配菜, 食唔出邊塊係牛同埋豬, 真係超級失敗, 本來對呢間野都冇乜奇望, 食完呢餐之後, 可以好肯定咁講, 大家樂絶對係好味同埋抵食過佢。海南雞飯的雞既味道還可以啦，不過雞同埋飯都係凍既, 例湯也淡如水... 整體感覺是又貴又難食!