海皇粥店 (美孚新邨)

Open Now

Now Closed

今日病病地，所以午餐出去食粥啦，沙田都冇乜粥嘅選擇，唯有間海皇粥店午餐係冇鹹瘦肉粥揀嘅，所以就叫咗皮蛋瘦肉粥走皮蛋，飲凍豆漿，太甜太稀，冇乜豆味加錢要咗碟油菜，碟油菜又幾好食喎，錄得啱啱好唔淋又唔爽

這間粥店是我廿多年來的最愛，一直是我堅持的選擇。昨天，我居是第520名顧客😂不管是堂食還是外賣，他們的品質始終如一。即使有時候沒有進店吃粥，我也會外賣買他們的兩個小食：「油炸鬼和牛脷酥」。這兩款小食總是讓我垂涎欲滴。油炸鬼外酥內軟，每一口都帶著香脆的口感，每條足足12吋長，可以兩人一同分享，絕對有99分。而牛脷酥則是一種獨特的點心，酥脆的外層包裹著少許的白沙糖，每一口都又甜又香脆，也絕對有88分。這兩款小食大部份時間都係熱辣辣的，故此總是令我回味無窮，無論何時我都會帶埋親朋好友，一同光顧這家粥店。

今日經過海皇粥店，俾個餐牌吸引咗，然後走入去，試咗個椰香喇沙大蝦。店員話呢個粥要等2分鐘，味道很香喇沙味，粥底好綿，里面2只蝦，食得出新鮮的，仲有3塊左右的魚片，和少少碎油條（另配半客油條另上的）總體味道不錯，但嫌配料少咗啲，$52差唔多啦！喜歡喇沙的朋友可以試吓👆🏻

今日叫左兩碗菜乾排骨粥，味道可以，排骨比較咸同硬，碗粥好似細碗左，但貴左，另外叫左一份蘿蔔糕，可以蒸熱少少更好，份量比以前少，室內環境可以但好似唔太淸潔，特別糸洗手間

晌美孚想食粥，除咗彬記（最初搬嚟美孚時佢叫彬記，後尾轉咗怡園，依家又叫番彬記）、一粥麵（年幾前新開，食過，一般般），比較穩定又近我哋啲有「海皇」，所以，不時都有幫襯，但寫就好少寫，今次，就因為試咗佢哋嘅粢飯，先寫番次。 餐廳環境就唔多寫，都喺好一般嘅快餐店格局，勝在夠光猛、整潔，不過，今朝卻喺比預期少客，可能唔喺返工、返學日子，所以，個場都幾清靜。 之前嘅餐牌一大本咁，今之後嚟到就一張紙過，除咗早餐，仲有其他餐喺全日供應，如出前一丁餐、粢飯餐、銀針粉餐。 南瓜粟米肉碎粥配蒸蘿蔔糕 $34話時話，老婆對呢一款粥都幾情有獨鍾，無正式統計，但印象中好幾次都喺佢，都喺貪其有南瓜跟粟米，將兩者打到蓉嚟煲粥，喺幾香嘅，南瓜味又幾突出，粥底夠綿滑，今次啲肉碎又俾得幾多。淨食粥佢都話夠晒飽，加埋配蒸蘿蔔糕添，所以，最後都由小弟包底，至於啲蘿蔔糕，都幾足料，蘿蔔味頗香，內裡食到一絲絲蘿蔔絲，頗清甜，夾雜少少蝦米，唔錯。榨菜肉鬆粢飯配豆漿 $22件粢飯包得幾實淨，拎上手都好墜手，中間亦包咗好多榨菜、肉鬆同油炸鬼，份量算好足秤，味道鹹鹹香香，啲飯粒又夠黏糯，幾好食喎。雖然可以加錢轉其他飲品，不過，飲豆漿味仲

本身打算叫deliveroo,點知菜單無炒米粉，於是去foodpanda搵，結果有，所以就叫咗foodpanda。只係有d奇怪，同一間鋪，點解兩個菜單有出入。菜脯蝦米炒米粉，菜脯有d多，米粉好食。燒賣一般。菜乾排骨粥比較清，唔係好食到米粒，但味道還可。推薦蝦米腸粉，堅好食。油炸鬼來到仲好脆，正。

Hello everyone, it's a rainy day today and I have stumbled upon the Ocean Empire, a lovely congee shop in Meifoo. I expected lots from the name of this shop, and what I got from it is nothing short of my expectations.I ordered a bowl of Ocean Empire Congee, a chicken rice, and fried you tiao. For the congee, it definitely lived up to its name as the signiture dish of the chef. The congee is soft(綿）without being too soggy. It's like eating fluffy clouds with the seafood of shrimps and fish and s

好耐冇食炸兩，故特登改變路線，早餐時間去左美孚的海皇粥店。本來在openrice 見早餐時段有銀針粉供應，但去到現場睇完個餐牌2次，是沒有的，咁算啦，叫粥餐。話說因為想食炸兩而去，但粥餐組合沒有併炸兩的，如果單叫一個粥加一份炸兩的價錢，跟叫粥餐再加10蚊配炸兩差不多。雖然覺得應該食唔晒，都叫左早餐時段既碎牛粥併蝦米腸，再加10蚊配炸兩。阿姐落完單，好落力sell餐廳會籍，不過我不是經常食既，無謂要個會籍。阿姐走左，我先睇番張單，點解唔見左份炸兩?? 算啦，可能我落order講得唔夠清楚阿姐聽唔到，或者阿姐見我應該食唔落咁多野自動skip左。碎牛粥及蝦米腸食落正常，普普通通咁啦。再講番入座經歷，入門口阿姐提我量體温後，叫我自己揀位。在場食客唔多，但可能因為有不少食客剛食完，好多枱未執，我基本上只可以在1張2人枱及1張4人枱上選擇，本身諗住1個人用張2人枱算啦，唔好阻人做生意，但張2人枱下面地下有灘水，行到埋去真係唔想坐，最終去左4人枱。落完order，有個阿姐執隔離枱，抹枱好求其囉，我都係拿拿臨食完走啦。

今晚一個人喺美孚食飯，想食得清淡啲所以揀咗海皇粥店～叫咗個香茜魚片粥同埋一個Q版牛脷酥～粥既魚片唔腥同幾滑，芫茜令到成個粥更加香，但係個粥底好水，一般般Q版牛脷酥就比一般般更差，外層既邊位係好硬嗰種“脆”，而呢啲位置望落係特別油，其餘成個牛脷酥外層已經淋晒，唔知放左係度幾多粒鐘😧以前印象中嘅海皇水準都唔錯 ，而家食物同衛生都越嚟越差， 檯面有螞蟻爬住本menu行，地下又多垃圾唯一要讚賞嘅係有個姐姐服務幾好👍 我搵餐具嗰陣佢同我講係檯側邊既櫃桶，到我打開之後佢見到冇曬紙巾即刻幫我加，對面個男人食魚食到一枱都係諗住執返果陣，個姐姐都好殷勤話等佢黎執希望只係咁岩一間半間分店水準比較參差，因為細個成日幫襯海皇都充滿住童年回憶，下次試下其他分店希望可以令我改觀返吧🙈

這次吃艇仔粥、蝦米腸，還有炒麵（炒麵忘了拍照）前一陣子，這店的粥不太好吃，這次重來，發現粥的味道比之前好，不過粥內的碎牛肉比以前少，沒辦法，物價太貴了。蝦米腸好像蒸好了好一陣子，因為剛蒸好的腸粉質感會較好，不過仍然是好吃的。炒麵不錯，不過份量也是比以前少。

海皇粥店是連鎖店，早上六時半便開始營業，是吃早餐的好地方。這天因為趕着上班，所以就要把食物外帶。我買了一碗艇仔粥，另加一份蝦米腸粉。這兒的粥挺綿滑的，味道也好。粥內的材料也算豐富，除了碎牛肉，還有豬皮、水魷魚等，當然少不了花生和青蔥。不過，我覺得這外賣用的膠碗好像比以前的細了一點，也就是說粥的份量減少。這兒的腸粉也好吃，因為粉質滑，蝦米份量也不算少，還有我最愛的青蒽粒，加上豉油、甜醬和辣醬，是很多人都喜愛的早餐。這店除了開得早，也收得晚，每晚營業至午夜12時，所以也是吃宵夜的好地方。

家人食粥我不愛食熱粥，見有飯都好丫，點知又流又難食～求其整件咁樣叫鴨腿湯飯，味精湯底冇鴨味，放二件冬菇，連飯都爛過人，$4x, 早知食粥好過除買油器同粥之外，真係不會再幫襯食佢唔關事的飯囉全場人手唔夠，冇耐性的走咗兩枱廢事舉手冇人理

帶子魚片肉丸粥配炒麵😎$68平時去開街邊粥店食艇仔粥，油炸鬼。今次就試下高檔次既粥店，材料的確比較新鮮，但我就覺得味道好一般。🙈我都係鍾意平時啲粥店多D😂

經常係外面食飯。。特別喜歡這家粥鋪，有味道很好，很好，適合一家大細的味道。。清淡，健康，又好味道。女兒好愛這裡的炒粉。還有腸粉，有种家鄉的味道。材料都好新鮮。。環境都ok，食開以後會繼續幫襯。特別向大家推介它的皮蛋瘦肉粥。也不知道點解，三個仔女好鬼中意食佢鋪果個皮蛋瘦肉粥。感覺比其他好多都好食。材料又足。又新鮮。炒粉都好好食。唔會太熱氣。小朋友老人家都好適合。。下次仲會繼續黎食嘎。值得推介一下給大家。

好耐冇去過海皇粥店，美孚依間新裝修咗，仲多咗唔同類型嘅嘢食添，例如有銀針粉，湯飯。叫咗個銀針粉餐，包一杯豆漿，另外叫咗一碗魚片粥，蝦腸，like 送咗個迷你牛利酥。其實樣樣野都幾好，係個蝦腸麻麻哋，腸粉唔夠滑，唔夠熱仲一條腸粉得兩隻蝦，孤寒咗啲囉。我哋習慣自備飲飲管，店內亦貼左走飲管海報。但係我哋杯豆漿都跟左一支飲管，不禁問一問工作人員，佢哋解釋因為我的小朋友比較細，所以會跟埋支飲管。我唯有接受呢個一「有心」嘅答案，並建議佢哋下次問一問再比會更加好。