NeNe Chicken (青衣城2)

Open Now

Now Closed

經外賣app嗌左個一人餐 有炸紫菜卷同埋炸雞 仲有醃蘿蔔 炸雞同蘿蔔都冇乜嘢 但係個紫菜卷勁難食 浸味勁奇怪 唔知係壞咗定點？🤡本身都好少食完之後要留低負評但係今次真係搞唔掂大家千祈唔好嗌佢個紫菜卷🤡🤡🤡

炸雞炸粉又厚又唔脆，雞肉完全無味及入口雞肉十質地感覺好肥膩炸柴菜飯卷，卷得勁鬆散，中間餡料會跌出來，飯粒水多煮到過咗火，口感似BB食嘅糊飯一樣，無口感無味道,甜辣醬甜勁甜。

前菜：好似擺左好耐咁，完全唔敢食炸雞+紫菜飯卷：叫做好少少，夠熱，正常之後叫左個炸醬麵：好難食，完全唔係炸醬麵，我以為係洋蔥湯意粉好好好好好難食可一不可再，唔會有下次

一入到嚟睇到個前菜，好似已經擺咗唔知幾多日咁，睇到都唔想食。重點係我叫左個炸醬麵，可以睇吓幅圖，食完啲汁稀到成個湯意粉咁，直頭似洋蔥湯撈意粉，完全唔似炸醬麵。炸雞正常水準，冇乜特別，可一不可再🥲

見新出嘅「冬日暖意套餐❄️」幾吸引，試完確係幾高質抵食，多到差啲食唔晒🥙免費小菜(韓式泡菜，醃蘿蔔、青瓜)冬日暖意套餐 $4281️⃣個海鮮鍋🥘一上枱已經好吸睛，個鍋好大個，有好多唔同配料😍海鮮有大蝦🦐、青口、蜆、蟹🦀，仲有2大串魚糕🍢，個湯愈滾愈鮮美，鍋底仲有吸哂味既麵，配埋爐邊芝士食一流😋2️⃣個鍋旁邊仲有，三色煎餅🍥有泡菜、海鮮同薯仔煎餅，每款有3件，點芝士、玫瑰醬食都好好味👍🏻3️⃣&4️⃣炸雞🍗特別中意初雪炸雞😍好有牛油芝士香🧀🧈食落甜甜地咁好滿足😜甜辣炸雞就正常發揮5️⃣玫瑰醬寬粉芝士鍋🥘，寛粉好煙靭，玫瑰醬調較得好好食，甜甜辣辣勁惹味🌹7️⃣奶昔🍼好足料，好多果肉，亦唔會太甜，幾好味🥤overall：成個套餐份量好多，2個人真係會食唔哂，3個人食都無問題呀🤣同埋款式又多，真係吃到飽

第一次試nene chicken,滿心期待想食炸雞，去到叫左半半炸雞試初雪味同甜辣味。本身諗住會好好味，仲叫埋啤酒諗住開心下，結果勁難食，啤酒都唔想飲d雞甘難食點送酒。非常失望！店舖主打係炸雞都可以甘難食。炸雞唔脆勁淋不突止，仲要唔熱。直覺覺得係炸定攤左係到。（重點：已經係堂食）我地食飯時間去，店內已經無咩食客，計埋自己個枱先3枱，每枱都係兩個人。唔合有咩甘忙唔可以有熱既炸雞提供到？同埋都等左幾耐，起碼20mins，最後都係凍既。甘唔怪得食飯時間都甘少客！唔會再有下次！勁難食！

上星期平日的晚上去食飯，叫了一個石頭鍋飯，但不熱、只得些牛肉碎。第一次去食，第一次見識到凍的石頭鍋飯。同朋友坐到9pm, 侍應阿姐叫我們離開，因為準備清場，我們也是讀書人（明白事理），已經起身準備離開，臨走時阿姐補多一句「這裡的食客要1.5小時交枱」。其實這餐廳很多空位，而且客人已經起身離開，正常的服務人員也無須講太多不太禮貌的說話（給說話及面式客人聽/睇）。長期有空位，無人問津的餐廳總有原因的。一次光顧，不會再有下次。

夏天嗰陣食過NeNe Chicken嘅限定粟米套餐🌽佢哋最近推出咗冬日暖意套餐️ 好吸引 即刻試試🤩.📌冬日暖意套餐 $428套餐包晒以下咁多款食品 超級豐富 三個人都夠食‼️價錢會比散嗌平少少😆.1️⃣海鮮魚糕湯麵海鮮份量幾多 除左蝦, 青口同蜆 仲有兩隻花蟹 冇腥味 肉質唔霉 唯獨蟹有陣怪味🦐🦪🦀兩串魚糕大大串 有魚糕片, 獅子狗同魚丸 口感煙韌又索湯🍥麵條浸住湯都唔算淋 保持到咬口🍜湯頭幾清 有鮮味 配料仲有芽菜同菇片 食完暖笠笠🔥.2️⃣爐邊芝士拉絲芝士圍滿成個爐邊 軟綿綿 濃郁奶香味 加左三色椒粒 就咁食定點炸雞 都一樣咁好食🫑🫕.3️⃣三色煎餅(9件)煎餅有薯仔, 泡菜同海鮮 最鍾意泡菜 酸酸辣辣 煎到脆卜卜 另外兩款較軟身🌶️薯仔偏粉感🥔海鮮有啲似魚糕🍥.4️⃣4件甜辣炸雞配蜂蜜沙琪瑪經典甜辣炸雞 偏甜冇辣味 炸雞外層薄脆 肉質唔柴🍗蜂蜜沙琪瑪加左肉桂粉同果仁 好有聖誕氣氛 豐富左整體甜味 仲有濃香肉桂味 幾特別🍯.5️⃣4件蜂蜜牛油初雪炸雞配魷魚絲蜂蜜牛油+芝士粉 鹹鹹甜甜 魷魚絲炸到外脆內煙韌 鹹鮮香同炸雞味又幾夾🍯🧈🧀🦑.6️⃣加配玫瑰醬寬粉芝士鍋 +$28玫瑰醬質地濃稠creamy 忌廉奶香味

天氣開始凍除咗打邊爐...去食韓式鍋都可以暖笠笠喔❤️‍🔥呢間韓國炸雞店推出冬日暖意套餐係旺角同青衣分店限定㗎！-NeNe 冬日暖意套餐($428)🔸海鮮魚糕湯麵+三色煎餅+爐邊芝士鍋中間係海鮮魚糕湯麵麵條口感煙韌，份量十足面頭加有小小辣粉辣辣哋，好惹味！而海鮮就有青口、蜆、蟹、蝦仲有兩大條魚糕串同年糕配料非常豐富呀🤩三色煎餅加埋爐邊芝士一齊食份外滋味喔😋🔸甜辣炸雞配蜂蜜沙琪瑪炸雞外脆內嫩面頭加咗瑪仔配搭特別口感豐富呢！🔸蜂蜜牛油初雪炸雞配魷魚絲炸雞灑滿芝士粉呢款係Tt我至愛呀💕配搭口感煙韌嘅魷魚絲幾有新鮮感！🔸韓國草莓奶昔味道香濃 🍓好似食緊士多啤梨雲呢拿雪糕呀🔸玫瑰醬寬粉芝士鍋（+$28）芝士醬超濃厚、激多！每條寬粉掛滿芝士醬🧀加上口感煙韌芝士迷必定食到停唔到口喔😆

本來網上面見到人哋打卡嘅，去到都話已經冇咗，咁坐低咗就求其嗌啲兩人份量嘅餐，個份量都幾大，都幾抵食，不過啲嘢食就有啲乾爭爭，味道一般，又唔係話好難食，不過就唔會再去。

睇完電影中午時時醫肚，來左呢間食炸雞，但係佢又乾又柴又硬，一啲都唔好食。主打炸雞來講，確係令人失望。餐廳環境正常，樓底算高，都算多座，坐得舒服。服務都幾好，店員會解釋點配搭。

五重分享炸雞初雪無骨炸雞。這款炸雞外酥內嫩，每一口都充滿了鮮嫩多汁的肉質。初雪無骨炸雞的口味相對較輕，適合那些喜歡原汁原味的人。韓式甜辣無骨炸雞。呢款炸雞將香辣同甜味完美結合，比人一種辣中帶甜的美味享受。每一舊炸雞都均勻地沾上韓式辣椒醬。如果鐘意甜辣味，呢款炸雞絕對是你的首選。如果鐘意大蒜味，咁蒜香醬油無骨炸雞絕對不容錯過。呢款炸雞以蒜香和醬油的結合為特色，帶來左濃郁的風味。每一舊炸雞都蘸滿了蒜香醬油，每食一啖都感受到大蒜的香氣同醬油的鮮味。5款炸雞就寫住3款先，要留返d 位寫佢地d 服務態度。今次叫外賣經驗十分之唔愉快，本身已經喺網上預訂預訂，話一個鐘之後有得拎，但當我去到見到佢地無客人，問佢哋有得拎未，佢地答我未有得拎，咁我等多大約10分鐘到就再去問，點知都係未有，仲同我confirm 電話號碼，仲比我見到佢即刻print張單出嚟，即係個刻先去整，重點係間舖頭完全冇客人，啲店員都係顧住傾偈唔肯做嘢，問佢哋嘅時候仲黑口黑面好似唔想做咁

時不時想食炸雞都會諗起Nene Chicken搞笑地而家出咗一個初雪系列其實係勁好飲嘅日式罐頭粟米濃湯味❤️.夏日紛飛套餐$308.粟米初雪炸雞炸雞超級大份！兩三個人都很可以🍗應該有接近20塊雞件每件炸雞都沾滿濃郁又香濃粟米芝士粉內裹保持多汁仲有煙呢外面脆身～而雞肉都嫩滑既炸雞配料仲有幾舊甜甜既火灸粟米.粟米卡邦尼意大利麵意粉係港式個款但係超掛汁醬汁好creamy亦好濃奶香味芝士味得意在於同樣有日式罐頭粟米濃湯味甜甜的又濃厚的都幾邪惡配料有好多～鹹香腸仔片、煙肉都唔少仲有好多粟米粒同年糕年糕偏淋身索哂味鍾意重口味嘅朋友應該會幾鍾意呢款意粉呢個套餐仲有另一款辣雞麵揀咖.烤粟米沙律 + $58沙律菜酸酸甜甜同樣份量慷慨醬汁略嫌落得太多大家記得叫少醬仲有好多洋蔥絲、粟米粒、蕃茄仔平衡返個營養指數值得嗌嘅.兩杯特式凍飲熱情果青檸梳打、檸梳青檸梳打食炸雞唔一定要配可樂既揀梳打都一樣解渴透心涼

一直都好鍾意食炸雞，所以今次試吓粟米初雪炸雞，估唔到有驚喜，上面有滿滿嘅芝士粉，再加上粟米嘅甜味真係好好食而且炸雞唔會乾，有肉汁，不過粟米就爭少少，如果大嚿啲份量多少少就更加好不過餐廳地下癡粒粒，有待改善

不能不吃的是招牌炸雞，全份有八件，半份有四件。每次吃炸雞，一定要配冰凍啤酒，簡直超「爽」！雖然每件炸雞不是很大份，但論味道方面，招牌炸雞是必食之選。至於韓式甜辣醬炸雞，甜辣醬味道比較一般，不試也罷。足料嵾雞湯，富有濃厚韓式味道，熱乎乎的雞湯，在寒冷的冬天裡，又暖胃又暖入心。NENE 芝士火鍋配法包，當牛奶戀上芝士，濃濃愛意的牛奶沉浸在芝士的絲滑裡，奶味四溢，再沾上法包上，一起吃下，是天造地設的一對。芝士炒年糕伴拉麵，甜甜地辣辣地，一面吃年糕拉麵一面咂嘴舔唇，滋味無窮。