NeNe Chicken (Maritime Square 2)

Open Now

Now Closed

第1次喺假期既lunch 時間，大概1點pm，入1間餐廳，有1半既野都話無既，餐牌淨貼得幾樣係無既，應該唔會再入第2次，重要係sell 緊既lunch set，感覺都幾好笑，完全唔似做生意咁樣，其後入座既客人都問：其實你地到底有咩係有架？服務態度一般，野食一般，炸蝦圈難食，應該唔會有下1次

去迪士尼其中一條路線點少得經過青衣呢 但係青衣係出左名嘅美食荒漠 好彩俾我地見到有一間都算幾多選擇嘅韓式餐廳 除左單點仲有好多午市套餐 都幾吸引！台上面會有一碟泡菜同腌蘿蔔蘿蔔唔係酸甜個隻冇乜味 但係泡菜ok！🧀芝士炒年糕💰68講真呢一鍋上到來都嚇親我地 份量望落都真係好多 入面浮住好多年糕同魚餅 中間有粒大雞蛋 上面白色黃色個D係芝士條 仲可以拉絲！當然配菜仲有洋蔥絲 呢個辣度對一般人倆講會有D難以接受 唔係傳統嘅甜辣味 辣椒嘅存在感更為突出 所以有小小苦味😢好彩年糕嘅煙韌度係辣海中拯救左我出來 年糕都特別長 所以份量好夠飽 軟糯得來又有咬口！魚餅切得都好大塊 而雞蛋係全熟蛋 裹上芝士仲會香D！🍛烤牛肉蛋包飯加炸雞💰78雖然呢個蛋望落去唔係standard靚嘅蛋 但係層蛋皮下面嘅飯係用牛肉汁同牛肉粒炒嘅飯 同一般食開嘅茄汁炒飯唔同 都幾香口😌D醬汁係甜甜地嘅燒汁 撈飯食都唔錯 而炸雞雖然唔係特別熱 但係肉質都ok 下次可能都試下佢嘅炸雞😛整體來講作為一個蛋包飯都可以一試！🍲韓式泡菜部隊鍋（豬肉）💰68部隊鍋可以揀跟豬肉定吞拿魚 但係豬肉好似signature D🤣而且會配一碗飯 但係

青衣城二期多咗好多好味嘅餐廳，但炸雞只有這一間， NeNe Chicken嘅炸雞係非常之好味，即使外賣返屋企，都沒有焗林而變質。當然外賣始終不及堂食咁好味，但係舖頭比較細，座位亦都很窄，坐得有點不舒服，如果係喺青衣城到Crazy shopping後，座位根本沒有地方可以放置你買的戰利品。我會建議你如果要去食呢間nene chicken，當天就不要有太多行李或者隨身物品，否則需要將它們放在地上就有點麻煩了。感覺上餐廳門口比較窄，所以輪椅人士未必太方便入內進食。

本身係想去隔離食嘅點知冇位，所以就入咗nene chicken。今次三個人，叫咗三樣嘢兩杯嘢飲，大概五百幾六百蚊落樓。1. 半半炸雞今次揀咗甜辣同白郡主，甜辣一般般冇乜辣味，白郡主八君主唔錯係生洋蔥加cream。同一般韓國炸雞一樣，炸出嚟又熱又脆又有汁，但食得多真係會覺得好熱氣。🥵🥵三個人叫咗一份炸雞，最後拎咗啲做外賣。🌟🌟🌟⭐️/🌟🌟🌟🌟🌟2. 明太子蛋卷🍳不推不推，呢份嘢加埋一差唔多要$100，但係比我想像中仲要再細份啲，性價比幾低。味道又麻麻，可以唔嗌。🌟⭐️/🌟🌟🌟🌟🌟3. 玫瑰醬年糕寬粉+韓式熱狗其實味道幾好，係有啲膩。佢個玫瑰將同我想像中嘅玫瑰將唔太一樣，又係唔辣嘅，但係年糕同寬粉都夠煙靭，呢個加分。個韓式熱狗例牌個外皮好厚，條hotdog好短，但味道唔錯。🌟🌟🌟/🌟🌟🌟🌟🌟最後仲叫咗一杯奇異果🥝smoothie同一杯士多啤梨🍓smoothie奇異果味有少少奇怪，唔知點解有種青提味咁，士多啤梨就正正常常又唔算係藥水

食過幾次都係元朗yoho，見青衣城有就入去試啦！點知…..原來係一個錯誤既決定。真心，有錢都唔好入去食。前菜三格少左格，都算啦，點知蘿蔔醃既味唔夠，泡菜有陣怪味。可惜叫左個二人餐先食d前菜，如果唔係即走。加上個餐牌完全睇唔到豬仔骨跟薯條要加30蚊。雖然個職員有講，但好無禮貌囉！第一碟上泡菜蛋，同元朗果間好唔同，而且份量明顯係少左。因為泡菜…結果令d蛋都好難食。第二碟點左初雪炸雞🍗好厚炸皮第三碟係芝士配多士條個芝士汁幾好，但d多士就名顯係一片切開幾條，同元朗果間明顯分別好大第四係果兩杯飲品，唯一最好味既野士多啤梨乳酪沙冰 及 奇異果乳酪沙冰最後一碟係薯條配豬仔骨薯條好硬，芝士上到枱已經係似薄餅，拉唔到絲，豬仔骨因為d BBQ汁先有d味，而且無幫手切開都算，連一把刀都唔比客人，咁點切開條豬仔骨？成個晚餐令我好失望加埋一 ，4百幾蚊既選擇多過佢囉！

夜晚7點幾，入面好多張吉枱，出面無人排隊，3個員工都可以各自扮忙，到最後有人俾位又無人帶枱🙄我點知邊張17號枱坐低舉咗好耐手都無人嚟落單，到落單又逐隻字捉你邊隻讀錯字黑面都唔好講，仲要咁嘅態度，唔想做，不如辭職啦最後起身走人，費事激氣

1） #初雪炸雞 太多粉🥲成口都係 芝士味燶！2個人食半份岩岩好唔係幾食到雞味😂不推2）年糕味道實在太普通😂唔值呢個價錢分數：2/10服務態度：👎👎👎👎1）入到去對對情侶都坐4人枱佢哋安排我哋坐2人枱同人坐後面入嚟既情侶都係坐4人枱仲要都唔多人食2）食左30分鐘左右已經收曬啲碟 好似催人走但明明冇人等 收完即刻比張單你好似趕你走咁3）已經同一個同事落左一次單另一個員工又過嚟問我地落左乜佢話佢聽唔明另一個員工up乜😅衛生：D餐具又未洗乾淨🥲一句：不了！食物/態度/衞生都Mmd

青衣城基本上都係得連鎖餐廳🙂一期二期都係一樣🥲但開左二期後係多左啲選擇既見佢午餐唔貴就揀左呢間一人份量既午餐連飲品再加一都要$80-90今次呢個泡菜豬肉部隊鍋 味道都夠辣份量唔算少 女仔既話可能會食剩啲飯店環境較少 但唔算多人性價比一般👌🏽

-芝海炸雞四重奏🧀🧀 💰$248中間係濃郁既芝士，底下有個爐熱住啲芝士，好似火鍋咁！😍😍外邊則圍住4種唔同口味既炸雞，分別係原味 芝士 蒜香醬油 同甜辣味~🍗🐥炸雞個皮脆卜卜，肉裏肉質鮮嫩多汁，一咬落去啲油脂湧晒出黎🤤再點埋個芝士醬簡直係冇得頂！我個人最中意蒜香醬油同甜辣味！☺️- Detox Blue Lemon Tea💙 💰$38成杯粉藍色 好靚！😍係好fresh 既檸檬味🍋- 西柚柚子茶 💰$38西柚味唔太出，同埋太甜🤥食完個芝士炸雞喎已經飽晒，太滯了🤣

出街周不是都見到佢既分店今次去左青衣 見唔洗點等位就入去試下間韓式連鎖炸雞掂唔掂先😆叫左一隻有骨雞 揀兩個口味(有猶疑究竟揀有骨定無骨,,但我自己認為有骨起碼真係雞件 成本貴啲抵食啲,,無骨驚佢係雞扒斬件😂)揀左甜辣同白郡主(忌廉洋葱)甜辣有啲漏 不過不失忌廉洋葱係酸酸甜甜 我唔係幾中意隻味所以我主力食哂甜辣味😆另外加左一份薯條 要captain chill我想講 我平時都算食得辣🌶️但我估唔到佢真係會辣到噴火🥵係惹味，但真係太辣 食唔到🥵🥵總括而言 如果想食韓式炸雞會試試其他舖頭先🙂

The people who work here don’t care about the customers at all. Terrible service (if they even bother to talk to you at all) and overall a really bad experience. I will never go here again after my previous experience. Tried many times to ask someone a simple question only to be ignored.

食過咁多間nene chicken 唯獨是呢間做錯發脾氣冇耐性唔理人 叫佢幫我走洋蔥就好似發晒脾氣咁樣態度10分差 之後上到啲洋蔥全部喺晒度 我叫佢再整多一份 我對洋蔥敏感 而唔係小姐脾氣 之後佢即刻勁大聲揼咗落廚房 不過都唔怪得啲員工嘅 呢間嘢個經理啲態度更加差 所以啲員工咪有樣學樣囉 啲分區總經理都唔識管理下啲店舖經理 未試過食餐飯都要咁唔開心 要受返佢哋啲員工脾氣 以後真係唔會再幫襯 用錢買難受！！！ 奉勸大家真係唔好幫襯！！！

唔記得影相🫣 我對韓國炸雞做得好唔好食好有保留😂 今次黐家姐食，佢係app到叫炸雞，顛覆咗我只對outdark嘅忠愛😂因為outdark係無初雪炸雞‼️姐係類似落芝士粉嘅炸雞🍗🫣 真係一試難忘😳

呢間炸雞都係好多商場都見到佢既蹤影，但一直都無試到，韓國野係睇韓劇個時特別想食😂🇰🇷咁岩最近又煲韓劇就入去試下😋一入去裝修都好光猛同乾淨，都好舒服一坐底同一般韓國店一樣放底啲前菜，再慢慢揀主食我係lunchtime 時間去，佢都有啲set lunch ，今次叫咗兩樣野初雪炸雞🍗無骨都好大碟，初雪就係幾隻芝士既粉，隻味好似細個食既紫色包裝芝士圈咁，簡直係一樣好味，雞肉又多汁另外，叫咗個辣炒年糕🥘有年糕、雞蛋、魚糕，但都係可以想像既味道，唔太特別，中規中矩

每次黎依間餐廳都係食炸雞為主，今次試吓佢嘅泡菜海鮮湯，調味略嫌淡咗少少，食落有種似辣醬撈咗水嘅感覺⋯不過佢都算相當足料，海鮮、泡菜、雞蛋、大蔥都足夠二人分享，辣辣地過吓口癮都唔錯～炸雞方便唔知係因為依間分店嘅問題定因為我哋臨近收鋪之前先去食，覺得炸皮比平時食到喺第啲分店食到嘅嘅硬身好多，不過味道都依然係有質素保證～價錢亦都唔貴，如果喺附近又突然之間想食韓式菜或者炸雞嘅話都係一個可以一試嘅選擇，不過如果話要特登黎食就可能會有少少失望～