炑八韓烤 (Closed)

我最鍾意食嘅韓燒應該係炑八了😝😝我覺得呢度嘅食物質素幾高質，雖然價錢會貴啲啲，但係一分錢一分貨，但幾鍾意同朋友喺呢度聚餐😊😊今次就同朋友食燒烤套餐，包左九節板、泡菜煎餅、燒烤分別有龍蝦、豬肩肉、五花腩等等，真係好豐富，起初會覺得份量有啲小㗎，但兩個人都食到勁飽🤣🤣🤣前菜唔夠可以再添，我覺得海帶同芽菜幾好食，味道清新超正嘅泡菜蛋同埋芝士粟米！拼盤勁吸引，豬腸幾好食，有少少爽口，而且個醬汁有幾惹味，其他嘅豬肉都有略略醃過，豬肉味都幾重！😊超大舊嘅五花腩，油脂勁香！龍蝦肉10分鮮甜！九節板好似新年既糖果禮盒咁，入面有唔同嘅配料，味道清淡，但都幾特別😋

幾年前食過都知道唔平，不過好食同服務唔錯。今次再食，坐左好耐睇主餐牌，個經理只係sell我地食好貴既套餐，無俾下午茶餐牌我地，問左兩個staff「依家有冇下午茶？」，兩個都答我「你等等」，之後急住走，好趕咩？你就唔可以答我「有，等一等呀唔該」咩？其中男侍應俾匙羹既時候又無禮貌，一野隊過黎，仲話「唔洗用匙羹咩」？之後招手叫佢過黎落單，佢掛住玩手機錄音，企到我地枱前仲要講多幾秒先停... 咩事呢？手又有紋身，影響餐廳形象

一人午餐又想食韓國野, 炑八係不錯既選擇, 多選擇價錢唔貴, 午餐仲有一人烤肉餐, 不過今次有點掛住韓國既牛肋骨。炑八牛肋骨煲($68) 配紫菜飯 加杯荔枝梳打 $8首先店員會放低兩小碟泡菜同芽菜, 仲有一碗熱辣辣海帶湯, 等主角黎前都可以食住等。等到主角牛肋骨煲, 牛肋骨唔算好多但都好大舊, 仲有一大舊紅蘿蔔同白蘿蔔, 有好多醬(湯?)汁可以撈飯, 醬(湯?)汁係偏甜的, 牛肋骨既肉都炆得好淋好入味, 不經不覺就會食哂成碗飯💕

朋友生日想吃韓燒，正好某訂座app有折，便和她到了炑八韓烤晚餐，結果這次的餐飲體驗令我寫了人生中第一封投訴信...由於我需要加班的關係，朋友自己先入座，當時的帶位同事並無通知他們有限制每檯至少要點三份烤肉食品的規定。入座後朋友點了一份護心肉，待我來到的時侯再點一份薄切牛扒及牛肋骨煲，並與店員示意點餐完畢。此時，店員告知至少要點三份烤肉食品的限制，而我朋友便立即說取消牛肋骨煲，貴店店員竟然說「已下單，不能更改」，我朋友便加點一份春川雞肉。由於我當時沒有細聽他們的點餐對話，誤以為侍應已幫我們將牛肋骨煲取消，並轉為春川雞肉，於是未有即時質詢不能更改之原因。及後，牛肋骨煲上檯後，我才得知店員當時的答覆。當時我們也沒有要求取消，但由於原因實在太過無理，本人覺得需要反映，便立即找來另一位店員查問，「如果客人下單中途想轉菜品，是否不能更換？」，該店員說幫我找經理解答我的問題。經理來到時，我提出同一疑問，而經理問非所答，說菜品製作了，取消的話會浪費食物，我重申一次菜品並未上桌，而是下單時我己即時表示想轉換餐點，前後根本不到五秒，廚房效率有這麼高，立即煮嗎? 他又說生肉菜品才可以，因為不用煮，可以留給下

收工一行五人，到尖沙咀吃晚飯找了一家韓國燒肉，我地見呢間都好出名又多分店。於是就決定食下， 一入去餐廳好大， 環境舒適。 餐牌好多選擇， 但我地都係選擇困難癥， 所以侍應就建議我地食呢個限定套餐—>夢幻牛肉拼盤. 一拎上黎真喺好大，好豐盛我地五個女仔係食到超級飽！ D肉好好味啊～～～喺所有都好好食，最好食喺虎蝦加牛舌！ 每塊都切到好厚真材實料。而且芝士蛋都好好食，但建議快啲食。而且服務好細心，經常會加水俾我地，又幾個字換一塊鐵板，贊贊

朋友係英國返嚟，話想食韓燒，所以就揀咗地點方便嘅尖沙咀炑八，不過咁啱樓梯裝修，所以只可以搭lift，排隊排左好耐。可能臨近聖誕所以都好full，今次叫咗幾款牛肉同埋五花腩，同埋炒粉絲。呢度嘅爐邊蛋，芝士，前菜係任食，店員加得好快手 炒粉絲都幾入味，不過有啲油。牛肉無影相，不過都幾淋幾好食，不過份量都比較少相對比較貴。五花腩好冰，好似係啱啱冰箱攞出黎所以好難燒。最後，明明book咗生日優惠但係冇送到湯同埋牛肉

一入黎坐下，有同事就不停吹叫快落單，因為要截單，我已經好快睇，叫d嘢食！個同事就係咁叫要截單叫三四次，呢已經算了，轉頭我叫多次服務員，係一個人都冇理過我，企起身睇成間舖係冇服務員係度！當時還有兩三張臺客係度，唔知點解會一個人都冇，然後叫埋單時就幾個人應我，要客走都唔係咁啊，拎張單過黎都等超耐！！！

下午茶時間才有時間食飯，餓到極就搵左一間坐得舒服的地方食飯。因為好肚餓，所以佢的兩碟前菜、湯、魚糕串、蜂蜜年糕薯條，全部忘記影了。兩碟漬菜是大白菜泡菜及漬芽菜，正好作先頭部隊，食住等。味道不錯，泡菜小辣，易入口。而海帶熱湯上枱，就忍唔住飲哂，因為湯清又原味，不算太味精，所以襯熱一飲而盡。餐飲熱柚子蜜，也有檸檬兩三片在杯中，所以整體特別重柑橘味，很醒胃。小食魚糕串是估唔到幾好魚味，一碟兩串，都幾抵。另一小食，蜂蜜年糕薯條，年糕有兩粒，薯條就有廿條左右，外皮炸到有點硬，但個軟心餡都特別的。 小食都只是加$8/每款，性價比都接受啦！今次要了雞排蛋包飯，我永遠welcome沙律菜加胡麻汁，而蛋包飯的飯是用茄汁炒的，配上有蛋汁的滑蛋更好味。 而煎雞排，四塊的份量真是好滿足，有一貫的黑椒香味，但今次皮煎得不夠脆，再脆一點會更好！這個仍是久不久會想食的中午/下午茶好選擇

炑八沙田同太子分店都有食過...唯獨呢間分店🤔好好服務！呢間分店去過兩次，兩次都用網上程式有五折優惠極好嘅服務態度驅使我要寫呢篇食評讚佢哋！！🌟🌟🌟🌟🌟早放工 book咗六點同同事一齊去食嗰度環境闊落 同埋時間尚早所以冇乜人兩個人都可以坐卡位一坐低侍應就即刻上前菜同落我最愛既蛋&芝士係爐邊再友善提醒除咗某啲單品(醬油蟹....)、套餐同飲品外其他都可以用半價優惠我哋最後嗌咗和牛前胸肉、薑蔥牛肉、厚切梅肉同大八爪魚🐙上菜嘅時候侍應見張枱滿晒 即刻開張細枱仔等我哋可以擺得鬆動啲極力推介和牛前胸肉 真係入口即溶 好香牛味薑蔥牛肉調味汁好濃 好味到燒大八爪魚嘅時候 我同朋友都雞手鴨腳侍應見到主動幫手+教我地燒 另外每次無論係伴菜、生菜、爐邊芝士定係爐邊蛋食晒嘅時候 侍應都會第一時間refill 我同朋友全餐飯都無舉過手：「Refill xx呀！唔該！」超級抵讚！最後埋單食咗$500野 都只係比半價！一定會再去食！食得好enjoyyyy！

近排鐘意食燒肉，留意到大新信用卡係炑八韓烤做二人餐優惠，分別有59折同55折(優惠期至2018-12-19)，減到$282至$396睇落都幾抵食，所以今晚就試吓！上次去過尖沙咀金馬倫道分店，遇到派傳單嘅職員，派傳單之餘仲送一包檸檬夾心餅，咁窩心一於上嚟試吓！用嚟配燒肉食嘅蔬菜同泡菜分量款式都夠多，印象都唔錯。LA 骨扒二人餐 $484 (+$88服務費)先送上泡菜、沙律菜同生菜，除咗沙律菜其他都可以任加，另外有爐邊烤泡菜蛋同芝士粟米。二人餐LA骨扒、牛前胸、牛柳粒、大蝦、梨汁雞肉及豬頸肉，牛前胸質素唔錯，其他肉類還好，以優惠價錢都抵食，二人份量十分足夠！兩次嚟職員都好有禮貌，不時幫忙收起多餘的碟同加泡菜，打電話查詢信用卡優惠時，可以清楚解答，值得一讚喔！炑八韓烤 MeokBang Korean BBQ & BAR星期一至日: 11:30 - 00:00尖沙咀金馬倫道5號太興廣場2樓電話: 27237313平均消費: $286/位

夜晚同老公兩個去搵食，行完尖沙咀，經過金馬倫道，見到有間木八韓燒，諗諗吓兩個都好耐冇食過韓國燒烤，就想去試吓。坐低一陣，侍應介紹我哋食二人餐，二人餐個Menu有厚切豬五花、香川辣雞肉、霜降牛小排、厚切牛舌、大蝦通宵紅魚扒。煮食仲有乾冰八爪魚冷麵。首先我哋燒牛小排，牛小排肉汁鮮嫩，而且好淋好好食。香川辣雞肉亦都非常惹味，牛舌勁大塊又夠厚。大蝦亦非常新鮮又夠大隻。紅魚扒大大塊又新鮮，仲幫你起晒骨，啖啖肉好好食！最後，個超有份量嘅五花腩，分量十足，一路燒一路聞到香噴噴，燒到咁上下，剪細再用山菜包住食，一啲都唔覺得太肥或太油，生菜中和返，恰到好處！乾冰八爪魚冷麵亦非常特別，八爪魚新鮮，冷麵又彈牙。食到好飽，仲黎多個西瓜冰沬，西瓜清甜配入牛奶雪糕同椰子沙冰係底，真係好消暑。總括今次冇揀錯呢間韓國燒烤，抵食又好味，下次會再光顧！

老公突然想吃韓國燒烤， 懷念在韓國的味道， 見到朋友 介紹， 就來試試，喜出望外。這天我們坐的是卡位，所以四個人是非常舒服。首先， 一讚的是配菜，基本上所有都好味。和韓國一樣，配菜是可以Refill的，而且店員都很好主動，不時看看我們有甚麼需要，樂意服務。爐上的兩邊分別是芝士粟米及泡菜雞蛋，煮了幾款肉的時間，剛好可以食，一個字：正！😋生菜好像是平常街市見到的唐生菜、娃娃菜，不太像沙律菜，習慣是會煮的那些，我們照食，但因為是生的，沒有在韓國時吃得那樣多。🍽夢幻牛肉拼盤🍽牛是來自濟州的，上碟時還提供一張卡片，上面有出生日期和產地之類的資料。如果以濟州牛來說，這個餐的價錢都幾合理($685)。🍽蜂蜜牛油炸雞-半隻好脆的外層，真的能做到外脆內軟！上面洒上的是一些調味粉，甜甜的，很有趣。另外，會配一碟蜂蜜給你，可以用來點薯條吃。值得讚的是炸雞的炸粉很薄而且脆，不會一舊舊仲厚過件雞，媽媽說他們用的油幾靚，不太有 '千年油' 的感覺。薯條炸得好脆好香口，而有很濃的薯味，薯條有薯味😋不是廢話，你懂的？！🍻啤酒真露塔🍺顧名思義即時啤酒加真露(韓國的一款燒酒)不算很濃，相比在韓國飲的，有點小兒科😆韓國用真

這幾年韓國菜在香港風行，韓燒韓鍋不勝枚舉，但韓料餐廳開得多，難免水平參差。韓燒餐廳當中，漢拏山算是食材較出色而價錢也接地氣的連鎖店品牌，近年就在港九各區開了十多家分店，人氣最旺評價最高（自己也曾吃得最多）的分店，都在旺角太子銅鑼灣三地。那天為一位老友慶生，主角喜好韓食，我們有人就提議來金巴利道的漢拏山。在尖沙咀，金馬倫道分店通常人氣更旺，金巴利道分店的網評其實也不錯，但由於要由彌敦道大街走入一小段，而且由地面的窄門走入地庫層，常常會走過頭，當然人流少點，自然等位也會快點。餐廳在地底呈Ｌ型，我們就選了最裡面的卡位。漢拏山以烤肉稱著，牛豬雞的部位選料上乘，我們四人來這自然要吃肉，點了一份二人牛肉套餐（有牛背肉、牛肋骨、牛小排等）和一份二人豬肉套餐（有五花腩、護心肉、豬腿肉等）。 侍應為保証燒烤質量，也會幫忙調放肉類，並定時來察看火候。牛套餐當中，牛肉和牛骨都不錯，牛小排的肉味也濃；至於豬套餐，朋友說上次這裡的五花腩可媲美濟州黑毛豬云云，今次卻沒了那種黑毛豬的肉味和彈性，但護心肉和豬腿肉還算保持水準。其實，這裏的配菜也挺好吃，包括薯仔絲＋大豆芽＋辣泡菜 ...... 而且任叫任吃，我們就叫了

同幾位朋友去尖沙咀食飯，本來打算去食另一間韓燒，不過要等到成9點先有位，仲要限時。所以決定試食呢間。入到去環境唔錯，店員好快手拎左韓式小食俾我地。（佢哋既泡菜好入味，超正！）亦好快手俾左芝士同蛋我地放係爐邊烤。叫左一份‘牛魔王’同一份‘豬八戒’。豬肉真非常濃郁，好有肉味，豬肉有豬味依家真係唔易搵到👍🏼👍🏼。而牛肉拼盤就有好多款唔同部位都食到，肉味都好夠，不過我都係鐘意豬肉多d。另外，我地都叫左海鮮煎餅同一份沙律。質素都唔錯不過，最後埋單我地三個人都要千一蚊，就貴左少少。不過整體食物質素高，都值得一試！

炑八韓烤好朋友聚會，當然想慢慢食，慢慢傾😁不過呢間唔太適合因為佢真係好爆好多人，比較適合快食。加上勁大聲嘅韓仔快歌，嘈到耳爆，渣渣林食完就閃環境的確好一般，但食物很不錯！配菜：青瓜、大豆芽，泡菜都好好食，唔係求其一大陣雪味果隻，仲可以無限添（首推大豆芽）爐邊嘅粟米芝士好好味，雖然漏漏地，但我地都加咗3轉，不過蛋就麻麻，食咗啖，已經放棄😂個牛set係好食嘅，份量唔算少，食落都知係靚牛，仲要有認證ga 👍🏻五花腩都好嫩好juicy ，包生菜，好fresh ！