麥兆記(祖傳)廣州雲吞麵 (機利文街) (Closed)

曾經被我喻為全港最好食的「中環麥兆記」雲吞麵鋪，充滿回憶的地方即將在31號結束，結束前來緬懷下，果然如我預期，就關門質素就下降。當日出菜極慢已無需介懷，食物實在令我懷疑人生！「祖傳蝦籽雲吞麵」蝦籽一如往昔十分香，但份量明顯少了，麵煮得過生，但我又不可浸麵入湯浸泡，否則蝦籽流失，浪費精粹！只好硬著頭皮食了上面帶蝦籽的”生”麵。而雲吞竟然有兩粒有燒燶味道，另外兩粒都明顯不夠新鮮，今日的湯亦比以前落胡椒重手了，搶了湯本來的鮮味「腰潤粥」粥底一如以往十分香甜錦密不”些”水，豬腰新鮮無豬騷味口感爽彈，但我最愛的豬潤令人大失所望，得兩塊就算，其中一塊老到不得了「白灼芥蘭」雖新鮮但未熟，硬過我條命，前題我已有講”煮淋啲”「白灼鯪魚球」反而有驚喜，有魚味陳皮味但毫無魚腥味，口感似肉丸，鬆軟但彈牙，配上薑蔥和辣椒豉油好正👍🏻但下邊的菜底一樣硬到食不了「炸醬撈麵」水準之作，麵淥得剛好，味道調較亦十分惹味，麥兆記的麵確實夠脆👍🏻「白灼豬潤」為了挽回豬潤在我心目中的失望，又叫多份白灼豬潤”走菜”，真心被煮不熟的硬芥蘭嚇怕了。而今日的豬潤，事實證明真是太差，不嫩亦勁多筋。我亦見隔離枱好多人有被漏單的情況，嘆息有

📍麥兆記(祖傳)廣州雲吞麵中環機利文街48號德享大廈地舖.🤓祖傳鮮蝦雲吞麵💰$48.low value of money.有好多麥X記冚巴冷都係同一個家族分家出黎姐係譚仔同三哥啲friend呢間係麥奀個女開嘅簡單家族關係圖：麥煥池＞麥奀＞麥兆.雲吞麵鋪最出名嘅無理由唔係雲吞麵聞到蝦籽好香 但叫咗最經典嘅細蓉細細碗麵with 4粒雲吞雲吞皮又薄又滑 但可能因為咁樣取捨之下雲吞都係偏細粒 同coin差唔多size一粒得隻細蝦仔 偏塌塌 唔飽滿 無啖啖蝦肉嘅感覺麵底係好食嘅相比各類粉麵鋪 麥兆記高下立見.貴精不貴多呢間嘢中咗40%無錯 就係貴 仲要唔飽㗎囉呢個價 過對面街會有抵食又飽肚嘅選擇

我老媽子好鐘意食細蓉。我自細就跟住佢去食佐敦麥文記，係真係好正好好食！宜家幾十歲人自己周圍去食吓嘢，發現中環呢間麥兆記都好正好有料到！！細蓉加蝦籽！真正銀絲細麵冇苦味，鮮甜濃厚滿滿地魚味蝦湯底，再加炒得香口嘅蝦籽~正呀！！銀絲細麵、散尾全蝦云吞🤤，一口一粒又香又爽！！完美還原以前西關正宗嘅云吞麵，正呀！

好耐冇食這間雲吞麵店，因為有時覺得一碗食唔飽。但係又好喜歡他們的竹升麵，超爽，乾身，沒有鹼水味。湯底清甜，同雲吞麵十分夾。好想懷舊廣東竹升麵一番，不時又返嚟再食，回味吓。唔知點解，雲吞麵檔的芥蘭特別好味，叫了腩汁芥蘭，好入味。

23/7/2020 周圍食系列 ： 中環麥兆記［祖傳］廣州雲吞麵，分普通和大碗。湯底：大地魚精華配濃重蝦籽味，鮮味十足，但味略重和偏咸，不過還可以接受；麵底：幼麵彈牙爽口，沒有鹼水味，麵絕對係優質；雲吞：皮薄，較細粒，有鮮味，剛好一口一隻，普通有4粒雲吞，。總括來說好好味，值得一試，可惜普通真係較細碗，小朋友或女士可能夠，男士就必需叫大碗了。難得來到加碗淨水餃，湯底如上，賣相吸引，口感豐富，比雲吞好吃。兩款食物比起坊間潮式粉麵40元以下的，絕對是更為上乘。

好耐都冇去吃過午餐，今次疫情關係就外賣幾碗回公司吃。我叫了一碟牛腩撈麵及芥蘭全走。可能這間是主打雲吞麵的關係，所以牛腩就一般般，面都爽口，沒有太多鹼水味。牛腩就比較乾一些，味精亦都比較重，吃完後有點兒口渴。芥蘭全走都可以，$28一碟都算OK。但是牛腩撈麵就比較貴，要$71一碟，分量亦都不是很大碟。越來越貴。以午餐來說，略為貴些。

星期一中午想吃一些清淡的東西，所以在門外看到這間招牌寫著池名中港的雲吞麵，就決定試一試。我是很喜歡吃雲吞麵，也吃過不少麵店，不過經常光顧街坊店，很少光顧「米芝連」級，因為我認為雲吞麵是平民的食物，不需賣得貴，只要便宜好吃就夠了！祖傳鮮蝦雲吞麵（大碗$60）湯底是清晰透明，帶有蝦子的鮮甜味，麵底夠爽身，一點也沒有鹼水味，以往曾吃過重鹼水味的雲吞麵，感覺像「尿騷味」，已經不想吃了，所以這間店的湯和麵做得出色，難怪有不少名人光顧。不過除了麵和湯，我認為雲吞都很重要，可惜這間店的雲吞太小型了，是一口大小，但只有幾粒，根本填不飽肚子，而且雲吞做得普通，我在街坊店吃的雲吞份量足又夠鮮味。我已經叫了大份量，但只是剛好，難以想像男士如何吃得飽。這碗雲吞麵感覺給我像吃下午茶的份量，而且價錢昂貴，好像是給有錢人消費的小食。坦白說，有錢人經常大魚大肉，偶爾吃一些清淡小菜，當然覺得好吃。但雲吞麵根本不是高級食材，何必如此推崇，賣得貴，令一些普通人根本不想吃，我認為完全失去了其意義，使雲吞麵名大過其實。

放假，十二點左右，一行二人去展覽前在附近搵嘢食，但係真係唔想食茶餐廳所以揀咗呢一間，，一共點左三様；包括，雲吞麵，淨水餃，蝦子撈麵雲吞麵；用舊式嘅放發，雲吞擺底河粉擺麵，大地魚煲湯，河粉粗幼適中，雲吞大細亦適中，真心好味亦都係懷舊嘅味道，係貴咗啲淨水餃；比起出邊嗰啲，明顯細咗少少。但係我比較喜歡這個大細因為可以一口一粒，但係推介加辣椒漿！不過幾辣😅蝦子撈麵；加咗蠔油，蝦子份量比較少，亦都冇多餘嘅伴碟（菜）麵身偏乾～推介就這麼

本局長是日辛勞工作後，午飯時間來到上環一帶，途經麥兆記雲吞麵店，想起有局內同事對此店讚譽有加，遂入內一窺究竟。其時將近十二點，惟店內人客不算多。本局長著小二來一雲吞麵走韭黃，然後靜心解開麥兆記之謎。惟謎底尚未解開，說時遲，那時快，小二已持細蓉而至。麵是好吃的，十分彈牙而不韌。雲吞亦鮮甜好吃。麵份量不多，雲吞亦較細粒，雖本局長近來減肥，亦害怕稍後時間肚餓。總括而言，食物水準不俗，份量不多，價錢不便宜（$48），清廉節儉的本局長視為可一不可再之選。

據說是從廣州 祖傳過嚟香港的， 是第一代的雲吞麵店， 歷史悠久。 雲吞麵一般叫細“容"， 為保持麵身煙韌爽滑， 一般都比較細碗 因為如果吃得慢， 大地魚湯便會把雲吞麵浸淋。這裏的雲吞麵算是幼細爽滑， 沒有鹼水味。 雲吞內裏含有鮮蝦， 味道不錯可惜雲吞皮略厚。 雲吞麵份量是比較少的 48元一碗算是頗貴。再加了一碟價值25元的皮蛋， 這裏的皮蛋並沒有酸薑， 反而是加上了薑蔥 口味奇怪， 皮蛋並不是溏心的。 Ben爺認為並不好吃。

路過這店, 見不用等, 便進去. 叫了個蝦子雲吞撈麵, 湯很鹹, 有味精. 麵身雲吞還可以, 不太差.  份量少, 而且貴. 不會再吃了.  中環還有不少雲吞麵選擇, 如坐得好一點的池記, 較老式有性格的羅富記.

平日甚小在中環食飯，今日晨早出城做body check，check完喺附近搵食關於幾間"麥x記"的傳聞聽過唔少，但唔知係咪太早起身，頭腦未清醒，竟然入左去呢間雲吞麵"出哂名"嘅麥兆記。其實真係求其搵食，冇乜期望，但求唔到份量真係太少。我知傳統散尾雲吞係一口一個，唔會拳頭咁大，但一個普通湯匙已經可以放到兩粒雲吞(讓大家看比例)，就未免太細，而且一碗只有3粒。麵份量亦唔多，食完真係唔飽。呢碗麵盛惠$49，究竟材料佔左幾多? 幾多去左鋪租同名氣呢?早知去大x活食個焗豬扒飯。成日有人話小店做唔住，被大財團壟斷，但小店都唔可以做得太過份，香港人才不會離棄它。

在中環走走走經下午五時多熱到想找間麥記喝汽水可找不到不熟這區見一小店不滿全是長者應不貴涼下冷氣也好友善的waiter 招呼坐下一看價格不菲近正斗價格原來是同門太飽於是叫雲吞試下不錯 蝦味濃 皮薄湯美味這49元也是值得

級數就各位讀者自行決定，$60 蚊叫大碗份量，話已俾細碗多一粒雲吞，多左半個麵，但結果只係得 5 粒珍寶珠咁大嘅雲吞，個麵已話加大，我三啖已食完，味精重，唔怪得中午一點都有位淨，祝佢好運

芸芸麥氏雲吞麵中哩間唔算多人，可能因為佢價格唔算親民。可憐我以一個午餐嘅筆直連一個油菜都唔夠錢叫 。不過佢嘅雲吞真係唔錯，細細好有蝦子香，個湯又係好香不死咸，飲哂個湯加8粒(定10粒？)都勉強夠飽嘅。聽講佢個麵先係名物，惟有下次試下。