花月庭 (Closed)

係open rice book位還享優惠，揀了無限時段。可以慢慢食之前也食了幾次，水準還保持到。不過今次無左芝士龍蝦🦞，變了凍龍蝦。蟹腳好細只，無乜肉，仲黐殼，好難剪。張枱仲係細到不得了，放左味架加餐具盒已經無左半張台，只好疊起佢。限定派既芝士撻同朱古力撻有2個都好重口味，好濃好香，食一個就夠了，2個就會濟。生蠔好creamy，無左檸檬角🍋，得檸檬汁。片皮鴨即片都唔錯，熟食檔變左關東煮🍢。串燒無左我最愛嘅鰻魚

大學畢業🎓咁大嘅日子✌️除咗到場支持同影相之外,梗係要食餐好😋擦餐勁啦😋以前我地一家人成日都會去食buffet,,因為選擇多種類又多,實有啱每個人口味嘅食物!今次都唔例外,book咗酒店食自助餐😋呢度分咗2個時段,每個時段2小時！必食推介!!當然係即開即食嘅生蠔啦😋即叫即開,好新鮮,都算肥美只係每人每次限拎兩隻,所以都行咗好多轉🤣皇牌冰鎮海鮮有龍蝦、長腳蟹、熟海蝦、翡翠螺、藍青口等等,仲有冷盤沙律三文魚,parma ham等等....當然有一般酒店都有嘅燒西冷,肉質好嫩而且唔韌…唔錯!熟食有炒蟹,魚,燒味,串燒類,天婦羅,甜品,可以品嚐埋限量芝士撻同朱古力流心撻！甜品款式都多：有藍莓芝士cake,芒果千層酥,泡芙,綠茶紅豆卷,tiramisu,凍芝士蛋糕!連雞蛋仔,紅豆鯛魚燒,豆腐花同芋圓都有...Haagen Dazs雪糕都唔少得🍨😋總括嚟講,種類算多呀,不過兩個鐘眨下眼就過！開心時刻特別過得快🥰夠鐘侍應就逐枱通知要離開！嫌唔夠時間如果冇分兩輪時間咁就good啦👍可以慢慢品嚐😋

老公生日當然要帶佢食好西，今次上openrice見到有優惠價$560一位就食到全時段晚餐自助餐去到時職員仲主動話比我地知用消費券比錢可以每人再減多$30，好抵呀海鮮控嘅我都係主攻海鮮可惜星期一至四係芝士焗龍蝦代替凍龍蝦🦞生蠔雖然每人每次只可以拎兩隻，但係超大隻

食物質素高，大部份食物味度都不錯。今次去比上年去食物味道更好。唔錯的中午自助餐。甜品不錯，豆花很有豆味；車仔檔的車仔麵都好味，豬皮及肉丸味道都好。三百元以內的自助午餐很值得推介。

今日為慶祝媽媽生日，訂咗花月庭嘅午餐第二時段自助餐。之前打電話去book位，做到$280一個人，仲要唔使加一，價錢好有驚喜。已經唔係第一次幫襯花月庭嘅自助餐，價錢平咗之餘，食物質素都無變差，照舊有生蠔，有西冷扒，有豬手，有魚生，最重要甜品仲有Häagen-Dazs雪糕添。服務方面，伺應執枱都算快，服務態度都幾好。環境都算唔錯，今次我哋個位比較近攞嘢食嘅位置，出去攞嘢食好方便，係略嫌有少少多人，但係咁抵食多人都唔怪得佢啦

為什麼選擇帝京自助午餐呢？主要是交通方便，再加上我是第一次去品嘗酒店自助午餐，所以嘗試自助午餐與晚餐有什麼分別。職員表示生日蛋糕需要另加$78元才會出現，最終我沒有Order,感覺不太值得，這個生日蛋糕的價錢有很多選擇。中午自助餐款式一般，由於我在下午2點入場，能夠享受了每位260元的優惠。我從來最怕是生蠔怕腥味，於是我一路不敢吃生蠔，但值得一讚是帝京酒店的美國生蠔十分新鮮，沒有腥味，很有海水的鮮味，但得一讚！

是次係和妹妹慶祝生日，整體是好的，唯一美中不足係啲湯類，粥，和豬腳薑都唔夠熱，可能一早煲好放在個大煲內，但大煲是沒有阻熱的。。同埋諗住餐廳會有生日蛋糕比客人慶祝，但原來要比錢才有，有啲失望，因其他酒店都有提供，而且不用額外收費。

第一次同男朋友去呢間自助餐，結果成個過程一d都不愉快。食物質素我不加評論，只能夠說平平無奇，員工態度都不錯，但係去攞生蠔嘅時候竟然俾兩個開生蠔員工趕我走🙃 話說當時未有人排隊，我就同男朋友攞左一個碟準備嗌4隻生蠔，開生蠔嘅員工無答我喺度洗生蠔，當時檯面亦都一個生蠔都未有，後面排隊嘅人都多左幾個，結果個員工俾左兩隻生蠔我之後話後面嘅人仲排緊隊，叫我俾人攞先，仲話一個人淨係可以攞兩隻，我話我哋咪兩個人囉（當時男朋友企係我隔離）定係要規定一人一隻碟你先俾？ 如果你態度好啲都算，仲要講到我好似攞曬人地嘅生蠔，如果真係自助餐嘅形式，麻煩你哋兩位姐姐就開快d啦，態度同服務實在太差，兩個人埋單$1500+嘅buffet結果連要多兩隻生蠔都比人趕，唔會再去

朋友最近食完，佢話有好多嘢食，佢話埋單後有張優惠券，下次食可以用淨價305元一位食佢嘅全段時間（12點至4點）自助午餐，見咁抵食，於是相約一齊去食。入到去見真係地方好大， 食物區集中喺中間位置。食物種類超多， 簡單介紹一下：即開生蠔，每人每次限兩隻。凍海鮮有凍蝦、 墨魚仔、蜆同新西蘭青口。湯有冬瓜薏米瘦肉湯同南瓜湯，隔離還有好受歡迎嘅豬腳薑醋，還有一煲老鴨粥。冷盤有煙三文魚、煙鴨胸、意大利莎樂美腸、什肉火腿、涼伴皮蛋豆腐、溫泉蛋，另外有三款芝士包括艾登芝士、車打芝士同艾曼塔芝士，還有各類沙律菜。即淥粉麵區可選雞湯或喇沙湯。即叫即切燒味就有义燒、海南雞飯及燒鴨。燒牛肉就唔少得，另外還有部隊鍋。印度咖喱就有雞、什菜同印度烤薄餅。熱葷就有蒜蓉白菜仔、义燒炒麵、涼瓜魚柳、泰式燒豬柳同紅酒燴牛肋肉。甜品撰擇多不勝數，隨各類蛋糕切餅及杯裝甜品外，還有雪耳糖水及豆腐花。雪糕就喺哈根大師，有4款口味。食物味道方面，美國蠔都大隻飽滿，味道唔錯，煙三文魚正常，蝦、青口同蜆都幾好，刺身方面三文魚新鮮肥美，其餘都 ok，燒牛肉好嫩，口感唔錯，值得一試。 熱葷方面只喺一般，反而雪糕及甜品較出色。

本身滿心歡喜入去食，見到好多嘢食好多都好吸引但係其實識落味道麻麻，不能太接受食材不太新鮮，唔係好接受到七百幾蚊收費俾啲咁嘅質素我仲要食完，全家一齊夜晚肚痾，以後唔會再有下次。。。。。。。。。。。。。。。。。。。。。。。。。。。。。。 。

款式多味道唔錯熟食嘅種類比較多，咖喱比較好食，黃咖喱同青咖喱都唔錯，青咖喱就甜咗少少，跟住水煮魚都唔錯。特別係甜品會比較多款式，都多種類好食既都算多。有Häagen-Dazs雪糕，四款可以揀。可能因為lunch buffet嘅關係刺身得四款三文魚，鯖魚包片仲有個唔知咩魚，我唔食嘅壽司。至於海鮮就得蝦青口同埋蜆全部都好淡，佢又好似唔算唔新鮮，但係唔知點解個味道就好淡，淡到好似無味咁樣連啲生蠔都係一樣。 因為慶祝父母嘅生日，而佢哋本身又係諗住大擦海鮮龍蝦長腳蟹麵包蟹，嗰啲唔單止冇，而且基本嘅蝦青口蜆都好淡味，所以佢哋食得唔happy。但我又唔係好好海鮮同生冷嘢，所以我覺得已熟食嚟計都好OK

酒店內食自助餐，信得過的質素！中西咸甜的出品都唔錯，特別要讚的是生蠔超級新鮮爽口！令我經常回味！食過的內地朋友說此商場及此酒店是每次到港的打卡的👍👍我在港也會帶不同的朋友再去品嘗🥰💪💪

今日在旺角火車站的帝京酒店由的花月亭食自助午餐，吃得好開心!生蠔任食燒烤牛仔肉十分美味，肉味可口，配上黑椒汁更加好!三文魚十分但肥美，不過寿司略為少!還有印度薄餅，青咖哩雜菜，红咖哩雞等印度食品，都好好味!沙律吧有各式凍品如青口，蝦，沙律莱比較少，有西生菜.芽菜花等等!美中不足是熱葷，比較少!喜歡吃甜品的人，十分歡喜因為有有大量的甜品供應，西餅櫃甜品有芝麻糕,水晶糕，美味牛乳布丁等等還有大量的西餅，涼粉，豆腐花，朱古力噴泉，，等地方十分大，沒有壓迫感。

估唔到呢個時段（3～5pm)都有咁多人捧場，食物種類唔算多. 最超值是美國生蠔🦪，夠新鮮，都幾大隻，口感爽滑鮮甜，每人每次限取2只. 凍海鮮試咗凍蝦及青口，凍蝦都幾新鮮爽口，青口夠大隻，入口有海鮮味，有驚喜. 刺身一般，有四款，三文魚還可以，其他不食都可以，留肚食其他. 甜點不錯品種選擇多. 煲豬腳姜醋好味，豬腳夠淋，姜太少. 是曰老火湯是五指毛桃煲排骨，太咸. 熱食大約有8款、還有叉燒及海南雞，但太飽，已經食唔落. 以呢個價錢（全包價每位$240）享受到一個優閒的下午，超值.

𝟐𝟎𝟐𝟐嘅聖誕節去左位於新世紀入面🎄帝京酒店嘅花月庭食自助餐😋係無錯我而家先得閒𝐏𝐨𝐬𝐭😮‍💨🙈🤣唔緊要啦大家留返今年聖誕去食🤣好多人話花月庭嘅自助餐麻麻地🫣但我食完又覺得𝐨𝐤 𝐰𝐨𝐫!😂價錢我無記錯嘅話折左好似係人均$𝟕𝐗𝐗左右🤔【海鮮🦀】海鮮方面有波士頓龍蝦🦞、海蝦🦐、松葉蟹腳🦀、青口、藍青口、法國生蠔🦪等等我淨係試左龍蝦、海蝦同生蠔 覺得整體嚟講算幾新鮮👍🏻點解我淨係試得幾款海鮮呢😂😂因為我全晚瘋狂食波士頓龍蝦😍佢任食的😂😂我諗我一個人都食左 𝟔-𝟖隻🥰因為好多膏🤭肉質結實又夠彈牙🤤仲好鮮甜😋正😍蝦就正正常常 肉都結實嘅唔係唔新鮮個種蝦嚟～至於生蠔每人每次限拎𝟐隻 師傅即場開🦪我淨係拎左𝟏次 因為我本身麻麻地生蠔～佢係偏細隻個種 重海水味 但無腥味嘅～【冷盤🍣】試左佢個𝐏𝐚𝐫𝐦𝐚 𝐇𝐚𝐦配哈密瓜～𝐏𝐚𝐫𝐦𝐚 𝐇𝐚𝐦好食🥓我食左好多塊😂但可惜哈密瓜唔甜🍈🥲🥲傷心🥲🥲仲試左壽司同日式冷麵🍜壽司細細件 啱曬想食又唔想咁快飽嘅人🤣每款都試左𝟏件 唔記得叫咩名 但記得味道正常 無咩特別🤣冷麵正正常常 細細碗唔會太飽 又幾解膩😝【熟食🥘】試左佢嘅片皮鴨🦆、烤安格斯有骨肉眼🥩、雞軟骨串燒🍢、燒