建興亞婆豆腐花

Open Now

Now Closed

建興亞婆豆腐花位於南丫島。最近的路程是由榕樹灣碼頭出發，向著洪聖爺灣泳灘行，就會途經店鋪。店鋪裝潢簡樸，由尼龍布、鐵架等物料搭建而成，幾張長桌和膠櫈。 雖然沒有華麗既裝潢，但行山後，有一遮蔭地方，再來一碗凍豆腐花，特別解熱。當然亦有遊客幕名而來，就好似去長洲去食大魚蛋一樣的心態。 枱上只有一樽姜汁糖醬，並沒有紅糖。 熱豆腐花比較光滑，較有豆香味，比較像在超市買到豆腐花。 凍豆腐花質感好獨特，並不是所有人都喜歡。外表和熱豆腐花沒有分別，但食到一粒粒豆渣，就好似軟滑表面有些沙冰。雖然不是最出色豆腐花店，但在熱辣辣天氣下，有碗凍食已感到開心。

啲豆腐花有糯味，啲豆漿又係奶白色嘅水，豆腐花無豆味豆漿冇豆味。難食到嘔電🤮。仲要一碗買$16。咁嘅價錢買到啲咁難食嘅嘢，我喺出面舖頭買10蚊好去10倍啊！服務態度又差，俾錢嘅時候要叫咗佢好大聲先肯過嚟。我返到屋企就即刻嘔。

期望越大失望越大😕📍建興亞婆豆腐花 (南丫島)- 南丫島榕樹灣大灣肚1號💰$13嚟南丫島之前見大家話呢間豆腐花係必食，即刻bookmark咗，去完沙灘見到就坐低坐俾錢食，同朋友一人一碗豆腐花，大家食完一啖即刻對望，感覺中伏，味道好淡，口感比較粗糙，食落去有一粒粒渣嘅感覺，唔啱我口味，價錢亦都唔平，都要13蚊一碗㗎，豆腐花來講都算貴價，今次真係期望越大失望越大，建議大家千祈唔好有期望😂😂！！！

來到南丫島行山，行到一半指定要食的阿婆豆腐花，本來天氣寒冷，一行五人都想吃熱的豆腐花，但可惜今日只有凍豆腐花，沒有熱的，而且很不幸地是鍋底的豆腐花，所以不是一片一片的豆腐花，而是散了的豆腐花，賣相不佳。雖然豆味仍然好香濃，但很重燒焦味或燶味，好彩放在枱上的薑糖漿很有效地遮掩了燶味的缺點，不過和我十多年前第一次吃的香濃豆味水準差得太遠，而且也貴了很多，現在要成$14一碗了，不太化算了。評分：5/10

會食呢間豆腐花都應該係為左滿足旅遊checkpoint，即係去長州要食大魚蛋，黎南丫島就要食亞婆豆腐咁。不過記得最多食一次就好，因為呢間豆腐花係完全唔好食-.-，睇住佢"不"豆腐花剷兩三下就剷上碗，d豆腐花係好“鞋”，而價錢係唔平。而佢既衛生情況可以想像係有幾差，食完d碗放係大桶入面，沖一沖就再用了，出街食都預左係咁但唔好擺晒出黎俾人見到丫ma,當然呢d風味或者有人會識得欣賞。

出發去行山之前，當然要補充下體力啦🤗由榕樹灣碼頭⛵️行去搵「亞婆👵🏻」，大約十分鐘腳程啦👣(假設中途無行下停下睇野🤣)​————————————————​👌🏻豆腐花($14)豆腐花清清地，有一陣好raw嘅味，想要甜味嘅就加d糖水啦👌🏻豆漿($16枝)豆漿少少甜，可以買返枝黎行山口渴果陣飲💬喺呢d地方價錢就當然要返咁上下，當係支持下阿婆啦🤣————————————————​📍 建興亞婆豆腐花: 南丫島榕樹灣大灣肚1號

山長水遠去到南丫島⛴，上網睇下有咩係必食，每個page都介紹「建興亞婆豆腐花」。搵勻榕樹灣大街都唔見有👀，原來係榕樹灣去索罟灣嘅路上，經過一啲小舖頭同埋村屋，行大概10分鐘左右就會睇到樹蔭下嘅豆腐花店🌳，一檯一櫈都好有鄉村風味。店前𢳂緊豆腐花嘅就應該係傳說中嘅「阿婆」👵🏻，雖然佢聽力唔太好，但好有親和力又勤力，手腳都好靈活。小島風情怡人🌿，食飽有力行山啦！————————————————👅凍豆腐花（$14）👍🏻呢碗有少少顆粒但都算滑，唔似盒裝豆腐花滑到無質感，係非常原始嘅味道🛖。糖水用大水壺裝住，婆婆𢳂好豆腐花會每碗淋一圈，甜中帶有少許薑味👅凍豆漿（$16/支）👍🏻 豆腐花加左糖漿會甜啲，所以豆漿要食豆腐花前飲先夠甜🈶，不過都夠豆味———————————————— 🚩總結：南丫島必訪豆腐花店———————————————— 🌟注意：上網睇話售完即止，唔知真定假呢————————————————📍 建興亞婆豆腐花地址︰南丫島榕樹灣大灣肚1號.

每次去親南丫島嘅指定動作好似變咗一種集體回憶每次來都見到婆婆好勤力咁做嘢一路食住豆腐花 甜甜地既豆味夏天嘅一碗凍豆腐花食完之後可以精神爽利翻啲唔知幾時會有豆腐花味嘅雪糕呢 😂

復活節假期入到去南丫島，我哋從榕樹灣開始行，都見到幾間豆腐花店，而呢間建興阿婆豆花就係必食店。行吓山滿心期待坐喺小店食一碗冰涼透心嘅豆腐花，享受一下小店情懷。我哋點左一個凍同埋一個熱豆腐花。不過原來呢度嘅豆花只有糖水提供，並沒有黃糖。托盤濕濕立立，沒有擦乾，感覺不衛生，豆腐花賣相並沒有很討好，兩碗質地同樣非常鬆散，每一口食落都是起沙的，同埋有渣，食落質感非常鞋口，完全並沒有豆味，沒有清甜，沒有香滑。熱個碗亦有少少燶味，味道和品質真的有點劣。阿婆豆花還是大埔的好吃多了。

似乎去南丫島一定要食豆腐花？同埋睇完真人show電視節目都係mark咗喺To Eat List風力發電站起點距離豆腐花幾近當日見到阿婆喺度價錢$14 其實都唔平架我周圍望 發現唔到黃糖 原來無 只有糖水個人鍾意豆腐花落黃糖🙈🙈唔緊要啦 都有甜味食第一啖 點解咁嘅？咁多粒粒嘅？以為唔好彩𢳂到比較粗糙嘅比我但兩碗都係咁 之後發現原來大家都係咁🙈豆腐花係有豆味 但一啲都唔滑係我食過最唔好食嘅豆腐花😢😢我都係去返亞X食算喇...😢

話說入南丫島好似一定要食豆腐花好似尋日咁講，我地Lunch都專登食少啲諗住食豆腐花做下午茶食完Lunch，影完相，就行10分鐘去到亞婆豆腐花因為行到都熱熱地，想食碗冰凍豆腐花可惜佢無，咁唯有食熱奇怪嘅事就發生，碗豆腐花係暖食到咁上下，下面嗰啲仲凍添呢個溫度黎講，真係好怪，又暖又凍講番豆腐花本身黎到睇到都唔算好滑，有點小失望食落都真係唔滑，有豆渣直頭可以話係起沙有冇人可以話我知你地食嗰陣個質素係點？雖然真係馳名，但真係唔掂山長水遠入到黎，你地會照食嗎？

幾乎每個入南丫島嘅人，經過都會幫襯建興阿婆豆腐花老實講$13一碗真係偏貴，賣相頗倒胃口，加上阿嬸態度極差，真係忍唔住要打呢篇負皮入到去坐低一陣，就被大聲呼喝「要幾多碗呀」答完冇耐仲好惡好冇禮貌咁叫人「自己嚟攞！」，就算叫自己隻狗食野都唔會咁嘅態度，雖然作為食客都唔係大晒，但最基本嘅禮貌都冇，真係唔知係嫌生意太多唔休做，定唔知咩鄉下嘅獨特風格😅😅標榜冰凍豆腐花，但冇凍，只有熱。豆腐花唔滑，好鞋口，滿口豆渣，一啲豆香都冇。個盤濕濕淋淋好嘔心🤮重要只有糖水，冇黃糖😅😅😅 豆腐花冇黃糖真係第一次見，呢碗劣質到咁嘅熱豆渣，食咗2啖都驚會肚痾，廢事要揾廁所，連前面班叔叔同樣受完氣都爆晒粗，唔食走人，就知有幾垃圾👎🏾👎🏾👎🏾

今天的小島獨遊行程中，還有這間網上馳名的南丫島必食{建興亞婆豆腐花}。{建興亞婆豆腐花}位於榕樹灣碼頭到洪聖爺灣泳灘的路上，客人多是遊客、行山或踏單車人士。店內裝置簡單，只是用鐵架、帳篷、尼龍凡布等搭建而成，再配合木板枱和膠櫈。山道地帶，店舖環境就不必太講究，雖然吃的期間也少不免會有倉蠅滋擾，但樹蔭下透光的林間景色和悠閒感，也可搭夠一下分數吧。點了一碗熱豆腐花($13)。從外觀上，豆腐花的質感還比較像是散掉的布丁。店家提供的托盤也是濕濕的沒有擦乾，是客人一時間太多太忙了嗎？吃一口豆腐花，這是非一般的豆腐花口感，雖與幼滑二字不太相關，但也不是難吃粗糙的質感，就是每口豆腐花都有一些些小顆粒，像起沙綿密的感覺。這裡只有糖漿沒有黃糖提供，豆腐花自身有微微豆香薑香，份量也不少，吃到一半時多添加了糖漿，甜甜地把整碗吃完。「建興亞婆豆腐花」質素雖不算出色，但卻是質感特別的豆腐花。林間小店，吃的是種特別的情懷吧，尤其是行山後或踏單車途中來一碗，相信會特別透心涼。

呢間豆腐花係以前去南丫島必食，算係南丫島情懷。隔咗好多年之後再次去南丫島，想試返之前嘅味道，但係大失所望。記憶中呢個豆腐花係比較滑同埋好好味嘅。但係今次去食，見到好多人排隊，滿心歡喜買咗兩碗。我同朋友仔都覺得質素大不如前，豆腐花好散，完全冇以前滑滑嗰種感覺。環境都好惡略，成台啲碗都唔執，張台痴笠笠，啲烏蠅飛黎飛去，唔知係唔係多人幫襯就求其做，質素真係變到好差。希望佢可以改善返食物的質素，唔係既話以後唔會再幫襯！

適逢平日，同朋友兩人一狗去離島行下，見榕樹灣行去阿婆豆花14分鐘路程，就當行下山啦😅俾完錢拎到埋位坐低一望，咦？碗「豆腐花」個樣咁得意既都試下啦，係有燶味，豆味都👌🏻，糖水係杰身而且阿姐都幾重手，不過個質地唔估點形容......到朋友試畢左一啖入口，就碌大隻眼「咦？！」左一聲，我即刻同佢講，係咪好特別呢？我朋友笑左出聲，大家都知咩事，但成個檔我我地兩個，唔敢笑咁大聲總之回想晒平生食過既所有野食，都無食過呢一種質地，所以比喻唔到呢一種「好獨特」既口感，外形睇起上嚟似布甸，食落有啲一粒一粒好似分子既感覺，但又唔係豆渣咁鞋口。如果鍾意發掘新事物既朋友，不妨試下，最後我清晒成碗咁有特式既豆制甜品，但就無再係南丫島食其他野。