八月花 (Moved) New Location

個日約左人係九龍塘，做完野時間比較早大概6點就一行5人入左間餐廳。可能比較早，所以唔使等位。座位同地方都乾淨舒適。我地一共點了4餸一湯。自己本身晚上食得好少，所以只係每樣試左啲咁樣。其中本身自己比較喜歡豆腐。食落質感嫰滑度都幾好。咕嚕肉酸酸甜甜的味道都彼為適中值得推薦。另外，幾樣餸自己個晚比較喜歡鮑魚粉絲煲。鮑魚入囗質感不錯，粉絲味道清爽入味，熱量亦都保持得不錯。三五知己或約了客戶這裡都是不錯選擇。

好少去又一城，但為咗遷就友人，所以揀咗喺又一城食飯。唔想食西餐即時收窄範圍，咁啱某食評話恆生卡有六折，就決定食呢間八月花。過半數先可以入座，用餐時間 1.5 小時（以中餐廳嚟講都幾 O 嘴）。適逢呢兩個月係慶祝母親節同父親節嘅旺季，我都明做生意梗係想賺多啲嘅，睇勻成疊餐牌都唔見恆生，就問侍應，原來呢日變咗 “secret” menu。以下菜名取自銀行網站。海蜇燒味雙拼盤 — 以套餐嚟講真係好大方，竟然俾嫩滑髀位，海蜇粗身又大碟。黑松露醬四角豆炒蝦仁 — 網站寫黑松露醬四角豆，不過而家 XO 醬翠玉瓜炒蝦仁呢個配搭感覺正常啲。蟹肉燴芙蓉 — 大概分到六碗左右，龍蝦湯調味啱啱好，唔似平時有啲餐廳整得偏鹹。清蒸花尾躉斑 — 蒸過龍，所以肉頗嚡，不過我估寧可確保熟透，都唔想俾客退番入廚房再蒸。粥水藜麥蟲草花浸翡翠 — 面嘅金菇芡份量真係幾多，但有人一開始夾太多囉，結果最後變食草蛋白岩米桶仔飯 — 套餐份量唔夠飽，所以另外嗌飯。見白飯都十幾蚊，不如試吓一桶飯（每位三十幾蚊）。份量應該比一碗多，但味道真係無乜特別，純粹因為岩米多咗啲口感。如果話用原價 $1200我就唔會食喇，但而家六折算係咁啦。

真心唔掂！服務差，員工黑口黑面，態度極不友善。不斷sell 套餐，我地散叫即變面。叫員工俾張單睇吓食物嚟齊未，竟然係飛落檯俾我哋⋯ 我地一張枱九張凳，其中四張同隔離枱背貼背，坐得好逼... 食物賣相愈來愈差，上碟啲肉可以碟邊吊住幾片，份量亦愈來愈細，碟牛肉炒菜心份量少得可憐，得八條菜心😨 收人百幾二百蚊，可以大方少少囉。最離譜係甜品個玻璃碟竟然連barcode價錢牌都未搣😨 隻碟其實有無洗乾淨？平均$200一個人，唔係好貴，但唔expect差成咁😡整體全晩失望而回，唯一可讚嘅係鹹蛋炸魚皮夠熱夠脆口。

黎到九龍塘，幫襯八月花，中午時人山人海，點了普洱茶，普洱茶味濃郁，叫了數個點心，煎馬締糕，甜度適中，軟軟的糕點配以黑糖味，一定要試；豉油王煎腸粉，味道可以，但入口即食到燶味，不太喜歡，最後退了，黑糖馬拉糕大大件，入口夠鬆化，可能食左馬締糕，不覺馬拉糕甜，跟住吃鮑魚撻，這個一定要試，鮑魚夠軟，唔怕咬唔到，撻脆配以鮑魚，味道剛好，香菇雞肉餃子配醋，一流的配合，皮薄餡靚，也可試試，竹笙腸粉材料夠多，滑滑的腸粉，如果嚐素也不妨試試。

中菜融會貫通韓式滋味係美心,翠園等餐廳都可以食得到由米芝蓮大廚親自設計菜式 飲住烏龍茶食韓粵中菜 先會上韓式辣泡菜作為前菜辣度不強,開胃菜泡菜脆爽 再來一客火辣無骨雞腳配年糕 $98用上來自韓國既去骨雞腳再以韓式辣醬煮至入味質感有彈性之餘辣勁強烈愛辣之選既小菜 甘苔鱈魚子蛋卷 $68家常菜巧思變風味菜加入了韓國甘苔,辣香既鱈魚子濃郁蛋香之餘帶微辣,咬開魚子既脆感食起來口感好豐富有層次 鱈魚子脆脆卷用春卷既做法薄身既春卷皮包著鱈魚子與香葉香脆既外皮配以香口既鱈魚子唔錯既韓風小吃 滋補參雞湯配百歲酒 $268韓國傳統料理用了韓國原隻雞燉煮皮薄肉厚少脂肪,湯底濃郁甘甜加入排骨,瘦肉,人參等食材滋補又美味雞肉好嫩滑,雞湯又補身健體 風味四式煎餅 紅綠椒+韓國節瓜冬菇芝麻葉韓式版本煎釀三寶 (笑)用不同食材釀入肉碎沾上蛋汁炸香賣相平凡但食感有驚喜 秘製醬烤豬蹄用韓國醬油配辣醬,烤得香口又惹味雖然看肉一層肥,但食落配以辣醬味道不膩而且酸中帶辣用芝麻葉配搭伴吃,更見香口味道豐富 韓國菜式新派美食點會少得炸雞由電視廣告走紅既特色炸雞雙味炸雞 原味與甜辣醬二種口味最能代表韓式炸雞配以韓國啤酒一支原味炸雞

行街行到累要醫肚又唔洗排隊等位 就決定食呢間瑤柱杞子浸菜苗好清甜脆皮BB豬皮脆仲好多汁..推薦芝士大蝦煲味道濃郁.食唔停口好好食雙蝦蘿蔔糕普普通通.個汁應該落左好多生粉 主菜食完到甜品喇.睇餐牌樣樣都想食叫左兩款 蛋散..太耐冇食..幾好味甜薄罉.呢個勁好食我認為熱辣辣 有d似糖不甩睇相都好想再去食要計劃下幾時再去幫襯 ..重點係甜品

五一勞動節原本約食飯唔係食呢間，點知share link既時候OpenRice下面有啲廣告😄恒生信用卡有六五折，朋友劈頭第一句就話六折好抵不如食美心🤣揀咗間泊到車嘅八月花晚膳4人套餐6折海蜇燒味雙拼盤X.O.醬翡翠炒蝦仁蟹肉芙蓉燴龍蝦湯清蒸花尾躉斑瑤柱金菇扒翡翠法式焦糖蛋布丁$748另加一茶芥海蜇燒味雙拼盤賣相幾好，俾鵝脾～～個鵝肥左啲但係皮脆，海蜇好粗條爽口，中間仲有啲鹵水黃豆好少有，功夫多既懷舊野仲好食X.O.醬翡翠炒蝦仁蝦大隻爽口係個碟頭細左啲，XO醬啲料都好多帶到個鮮味蟹肉芙蓉燴龍蝦湯每人一碗龍蝦湯好杰身好濃，蟹肉好大粒幾鮮味，我覺得係成個餐最好食清蒸花尾躉斑條魚啲肉實既🤣養魚黎，都預左既，唔夠一斤，無啦啦見佢開左刀幾驚佢係雪藏，食落唔係，可能想佢快熟啲蒸平均啲但都係過左火少少瑤柱金菇扒翡翠本人好鐘意食翡翠苗貪佢爽脆，瑤柱金菇比例相若，爽口得來有海味嘅味道唔會死鹹。法式焦糖蛋布丁估唔到係跟個西式甜品而唔係中式，焦糖薄脆布甸都OK唔甜埋單每人$220左右，份量少3個男士一齊食好明顯唔夠食，不過裝修典雅幾好坐，茶水侍應都幾好服務，係限時90分鐘傾唔到計要轉場飲野，眼見在座都係啲40

這間八月花來過幾遍，除了因為是美心中菜常有優惠，亦因食物水準穩定，要宴請親朋或是長輩都很適合。今次叫了很精緻的雙層點心：另外這個乳豬也很嫩滑：甜品還是選了拿破倫，賣相靚，份量大，足夠4-6人share來吃。

現今飲茶，食物的味道，幾乎每間都一樣，因為都是由工場交來的。今日阿仔上課前午餐，黎左八月花，發現佢嘅點心，有別於一般酒樓，好大機會，係即製的，非常驚喜花膠灌湯餃$52 灌湯餃略嫌全隻都係肉，但$52 ，有花膠，又有成粒瑤柱，非常抵食菠蘿蔥油海蜇球 $68以為有菠蘿，原來係個樣似菠蘿，冇一般海蜇嗰種酸酸地嘅味道，係另一種食法九黃蝦腸 $43一碟蝦腸，有九隻大蝦，仲要好食有時去酒樓食香腸，啲蝦係無味嘅，但係佢唔係，爽脆之餘，味道都OK奶黃菠蘿包$36呢個真係要讚上枱脆卜卜，裏面真係有菠蘿，唔會好甜，麵包食落去似新鮮焗起埋單$270，咦呢個食物質素，我覺得可以接受

環境：正常high level茶樓，nothing special to mention服務：幾好，啲廣東話講得好正，笑容好夠食物：我覺得對得住個價錢先。桶仔飯，我覺得幾好，不過有少少淡，可以濃味少少雀籠點心，呢個係最好食。第一，佢擺得好精緻，賣相好睇。而且味道好refreshing，特別係有燕窩嗰個，好鮮甜好食。但最後嗰個沙律蟹餅就麻麻哋，啲味道好唔夾，有啲要焗住食哂佢嘅感覺。呢間有啲小貴，份量都唔算大。有信用卡優惠可以考慮下嚟。

開心八月花🌹，我用香水大多是Jasmine, 哥哥有日話請我食飯，去又一城八月花，之前我未去過。So surprised for the food, portion size比正常大一點，presentation 令我眼前一亮，一個什麼麵包 chicken, 另一個有 霧，唔記得什麼名堂，但好好食，由於我個日overtime work 太攰，但仍念念不忘麵包chicken and 霧之戀，搵日一定要再去，因為 good price, location 又好

👵🏼成日同屋企人去八月花食飯，老實講，佢嘅價錢同食物嘅質素性價比唔算最好。不過我今日想同大家分享下佢個迷你筒仔飯。喺呢度叫一個白飯都唔平，但筒仔飯嘅價錢唔係貴好多。但都枱嘅時候，你打開個筒蓋，就有飯香氣撲鼻。佢入面有粟米，蛋白同埋啲肉香。我鍾意佢飯香軟易入口，濕乾適中，每一啖飯都有粟米嘅清除口感又有肉香味。食完之後整個人都覺得好溫暖。推介！

初五去又一城飲茶，八月花一如以往都要排下隊，不過好快就有台。呢度都算是高價少少既酒樓，比一般酒樓貴。新年時期有特色既點心，以上是金華火腿酥 ，外型整得好精緻，成隻金華火腿咁！食落好似蛋黃酥咁，都算鬆化！鮮菌炸荀粿，外型是甘荀咁，內裡有菇，好香口！鮑汁鳳爪，個汁好濃，放左一陣會起膠，好惹味！同時個鳳爪好腍，值得一試。😋😋😋薑蔥牛栢葉，呢個就一般般，唔算太突出。十分小心流沙奶黃包，上台時熱辣辣，一咬落真係要十分小心！因為真係好熱！而且超流心🤩🤩🤩一路食一路流，蛋黃亦好香，唔錯唔錯！蝦餃正常。腸粉好飽滿，好多叉燒，足料之作。灌湯餃，個湯底好清，有花膠同瑤柱既味，亦象徵式有粒柱同花膠，味道算可以，但未叫突出。呢度時點心🥧都算可以，不過價位較高，建議點一d造型特色、出面冇既點心，咁樣比較對得住個價格！服務都好好，店員都好快手同友善！

又放假啦喂～周末多數會同屋企人去飲下茶，上次就黎左呢間八月花，點心精緻，樣樣都好好食，一試愛上💕•🐧雀籠點心（$208）呢個成個雀籠咁上，影相一流📸有兩層，有筍尖鮮蝦餃，甫魚滑燒賣，一口飽魚撻，娥姐素粉果，燕窩雞蛋撻，鳳尾千絲酥，每款兩件，睇得又食得🥢當中我最鍾意個燕窩雞蛋撻，燕窩份量都幾多，食落唔會太甜岩岩好😋•🦐招牌酥脆鮮蝦腸粉（$46）呢個真係超超超好食，不枉叫招牌！個腸粉包住個皮真係熱辣辣口感勁酥脆，入面既蝦肉勁大舊勁彈牙，一個人ko大半碟都完全冇問題，誠意推介👍🏻•🦵🏻鮑魚汁炆鳳爪（$50）鳳爪大約有六隻，炆得好入味，但又唔會過淋，仲係幾彈口👅個鮑魚汁好好味🥰•🥯小心流沙奶黃包($36)個包流沙效果一流，入面奶黃餡加左d鹹蛋黃，好邪惡但好正😋😋食個陣要小心熱呀💁🏻‍♀️•🍛極品醬油炒飯（$108）個飯甜甜地都幾好味，不過就冇咩配料，只有蔥花，性價比唔算高🙉————————————（5⭐️滿分，💫為半分）整體環境：⭐️⭐️⭐️⭐️食物外觀：⭐️⭐️⭐️⭐️味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️————————————#fatfatman九龍塘#fatfatman飲茶———————————

辛苦了一整天 放工想食好d去左又一城食餐好少少7點左右黎到 唔洗等位都覺得有少少奇怪 係咪冇咁好食呢？知道有甜品食 所以主食就冇叫到咁多野食同時亦都冇諗過要寫食評 所以郁冇乜影食物相主食叫左避風塘蕃薯 賣相係okay但食落去就唔多okay 首先舊蕃薯好油 一咬落去 好多油必出黎 同時舊蕃薯係唔淋既 味道亦都唔夾但未至至於難食 但食完好濟避風塘蕃薯 第2個主食係 櫻花蝦炒粉絲這個okay 的 好多櫻花蝦 味都幾濃不錯吃👍 但都少少油既第3個主食 係南乳蒜香肉依個好驚訝 因為全部都係豬頸肉咁既口感 然後我問經理這是什麼肉的位置佢好不耐煩咁解釋 最後即頭叫我取消佢 直接拎走碟餸掉左 我地都未反應得到就掉左相都冇影到最後都比多次機會佢 食埋個甜品叫左個雪糕楊枝甘露我真係覺得好難食 好甜 好似糖水溝出黎 仲差過健康工坊