今助日本料理 (Closed)

太耐冇出街食飯啦，今晚突然間好想食日本嘢，就出咗去搵嘢食，點知好多間都9:00閂門，終於搵到一間收十點。好彩味道都唔錯，因為疫情關係仲好似包左場咁。點左個「牛肉烏冬鍋天婦羅壽司拼盤御膳」$165 呢個份量其實對我來講有啲多，但係實在太耐冇出街食飯，真係好想食。牛肉烏冬鍋都幾大，牛肉份量都唔少，肉質幼嫩，烏冬爽滑彈牙，每一條烏冬都吸盡湯嘅味道，好好味。壽司飯加咗醋，酸酸甜甜好開胃，刺身好新鮮清甜。天婦羅都炸得啱啱好，係日本嘅口感，薄而脆。呢一餐好飽，食得好滿足，我應該會再嚟食嘅。不過可能就要隔耐少少先嚟一次。抗疫期間出街真係心驚膽跳，又驚人唔戴口罩，又驚佢係你隔離咳，最驚係返到屋企更係覺得自己有咩唔舒服，就嚟擔心到有驚恐症。😭環境：🌟🌟🌟🌟🌟已包場食物：🌟🌟🌟🌟抵食：🌟🌟🌟🌟服務：評價唔到，職員都離開好遠

愉景新城今助,牛肉溫泉蛋壽喜燒烏冬,壽喜燒湯底幾正宗,配料金菇冬菇雜菜,齊料兼用鍋上,份量好足夠,套餐配六件壽司連飲品,埋單$110連加1,性價比唔算高,但整體食物豐富可接受，壽喜吾會太咸,可接受

呢個係吉列豬扒蛋定食❗️個豬扒係炸得夠趣，不過吾夠多汁，又唔滑🤨🤨個蛋面頭係幾滑，底下太熟啦⋯⋯另外仲有個蒸蛋真係唔錯，有啲冬菇，蟹柳做配料。而刺身冇咩特別，中等✌🏼冷面烏冬✌🏼魚生飯魚生飯係值得一試丫真係，種類又多，醋反調味得啱啱好😌吾會話飯太多，刺身少！💯而冷面烏冬既彈性都幾好，但係醬汁都係差不多🤷🏽‍♀️呢個睇就知係三文魚芝士🍣🍣睇個名。就想試！呢個真係有啲伏！

豐富日式晚餐🍱呢間餐廳每個套餐都好豐富，烏冬，魚生飯，天婦羅，乜嘢組合都有，總有一款岩你，選擇困難呀😱牛肉烏冬鍋天婦羅刺身御膳$155//牛肉烏冬正正常常，湯係好濃既壽喜燒味道，烏冬彈牙👌🏻天婦羅有兩隻大蝦，蕃薯，冬菇，青椒🍤炸皮幾脆口，但粉比較厚。刺身有蝦，三文魚，白身魚🍣蝦同三文魚好普普通通，爭鮮咁既質素白身魚真係唔知係乜魚，好腥，食唔落望到個餐係幾開心既，熟食ok，但壽司刺身就不了🤗

小妹家族生意係做手作仔嘢，週末假期都會去唔同地方擺市集。今年聖誕節就係荃灣D. Park 擺檔，收檔之後就要醫肚啦，見我男人咁乖肯陪我看檔，就請佢食佢最鍾意嘅烏冬啦我地大約7點半入座，呢個商場主打家庭客，所以好多枱都有小朋友，怕嘈嘅就要考慮下喇～不過我哋都好鍾意小朋友，所以就唔介意啦～好，入正題，我哋叫左一份烏冬定食同炸豬排定食，價錢大概係$150-180 一份。男人份蜆肉烏冬都幾多蜆，佢話都好新鮮，不過個湯嘅味道就比較普通，壽司都係大路貨式。我自己份炸豬排定食都唔錯，豬排唔太乾，份量都好足，食完大滿足

首先見佢門面ok,就試吓啦，見到舖裡面有一半人，打開menu, 主打天婦羅，今日又凍，食個熱烏冬啦，因為冇set,散叫，什錦天婦羅加腐皮湯烏冬，職員態度差到一個點，嘢食係難食嫁囉，烏冬係粗但硬，唔彈牙，十蚊一件天婦羅，蝦係林嘅，蕃薯硬到好似未熟咁，真心比咁嘅價錢，何必為難自己？

行完8咪半Ikea 又到晚餐時間啦，我哥之前話過愉景新城開左好多餐廳，既然今日咁近愉景新城就過去試下啦。見到哩間野個外觀好似幾舒服咁就入去試下啦！入到去有個姨姨好有禮貌咁安排座位比我地，餐牌上有好多野我同朋友都好想試〜〜最後我叫左個餐有個壽喜燒烏冬+角切魚生飯+茶碗蒸， 朋友果個有牛肉湯烏冬+迷你鰻魚飯+茶碗蒸仲有幾片魚生〜啱啱坐低嘅時候我同朋友都有好多嘢想試，但係都啲食物嚟咗嘅時候，真係太太太失望了！朋友個牛肉湯烏冬好似就咁叮翻熱，但係仲要一啲都唔熱只係暖暖地，啲烏冬硬到好似未煮透，個鰻魚飯都一樣一啲都唔熱，朋友話太難頂，兩樣都無食曬。而我呢，因為我嗰個係熱鍋上，都夠熱，烏冬都比朋友果個淋，但可能因為佢成個鍋煮熟曬先拎出黎，所以啲牛肉已經老曬，另外個魚生飯啲飯因為仲暖暖地，所以面頭啲魚生都係暖暖地，成件事好怪加唔好食個menu 好吸引，同啲食物質素好大差距，好失望呀

好耐無食今助，今晚食晚餐，叫咗牛肉烏冬天婦羅set。 啲牛肉係一舊，唔係一片片咁分開嘅，，仲衰過吉x家啲牛。烏冬很一般，勝在夠熱。天婦羅啲粉漿太厚，唔脆。成個餐完全唔值$155，加埋一要$170。以前啲質素好啲，越來越差，可以不用再食。

咁啱去到個商場，好肚餓，見外面好似好吸引咁，就盲舂舂咁入咗去。叫咗個Lunch set，個烏冬完全一pat咁，個湯非常非常非常之鹹，隻天婦羅蝦啲粉漿亦都係一pat咁，啲蜆有沙就預咗㗎啦。有個細細地蝦毛+魚飯跟，完全冇味，仲淡過白飯，啲飯亦都係一pat咁。魚生就預咗佢冇水準，所以冇希望亦都冇失望。簡單來講全部都好難食，唔知係咪嗰頭冇其他嘢食，好多返工嘅人嚟幫襯，竟然都會滿座，好在我只係咁啱路過，下次一定唔會再幫襯。

星期日行行下商場見周圍都咁多人 唯獨依間日本野有位 諗住試下新野 點知原來冇人等係有原因 真係未食過咁難食既日本野前後叫左兩個餐：沾烏冬跟壽司 同埋 北海道飯（吞拿魚帶子魚生飯）首先講下個沾烏冬，個醬汁勁多油 沾落同點辣油食冇咩分別（附上相可以參考下）。個汁難食都算，d伴菜都相當難頂。碗面既中間有隻蛋，心諗蛋應該係依個世界上最安全 唔會難食得去邊既野 點知 哇！係實心既「sap」蛋 咩味都冇。果3片豬肉就更加唔洗講，鞋到食左一塊就想死。仲有另外個幾件壽司，魚生好唔鮮新又唔靚，有筋，又冇鮮味，爭鮮$3舊都可能好味過佢。再講下個魚生飯，呢碗先係經典！！有冇人食過熱既魚生飯？係 熱 既 魚生飯！好驚。d飯仲要唔係醋米，係普通係屋企煲既白飯，熱辣辣既。我地真係o曬咀，唔好同我講係日式fusion中式白飯總結係 唔好幫襯 我都唔會再幫襯！

難食 食物質素差，未食過甘難食既烏冬，味道淡已冇味，麵條粗幼不一，咬落口感極奇怪，天婦羅粉硬得黎吾好食冇味都算 係湯底來講飲落去似係用粉聰開嘅並不是煮出來的感覺很美蒸牛肉真的10分難食那一隻他根本就不是日常日本食點鐘的下他的他是那種酒樓最低級的下加上天婦羅簡直是崩潰多咗一日唯一一樣可以賺嘅就係年糕咬落去雖然內裏沒有味道但是外面是除入面是圓的比那些湯底和烏冬還要好食這個價錢真的10分失敗難怪沒有人進入去進食

見完客啱啱就係放Lunch時間，經過愉景新城，決定入嚟呢一間想試好耐嘅今助日本料理🍣午餐來講，一個定食餐$75起，其實唔算平！不過份量嚟講又真係幾大份嘅👍🏻今次我就叫咗個🍜牛肉烏冬+四件壽司🍣嘅定食！個烏冬超級大碗！而且每一條烏冬都係有粗有幼，似乎係手打烏冬😋食落口感非常煙韌👍🏻不過牛肉都係用啲cheap牛🤷🏻‍♀️壽司就不過不失啦👌🏻另外同事叫咗個素烏冬+迷你丼🍱嘅定食佢都覺得個烏冬個質感幾好食，但其他都一般般，呢一個價錢來講算係幾貴😕整體來講唔會有下次，因為好食又唔係話真係好好食，但價錢就偏貴🤷🏻‍♀️

入座後，發現職員態度都一般, 期間他們落單錯了，還可給你臉色, 好像是欠他們的... 本來心情不錯，但後來都轉了...其實菜單選擇不算多, 但週末不用很久就可以入座，所以就挑了這間，希望職員態度可以改善吧牛肉烏冬鍋見套餐豐富而叫，可以食到牛肉烏冬，有點韌 但可接近。魚生飯算新鮮的，覺得蒸蛋也不錯牛肉烏冬天婦羅壽司併盤御膳很豐盛的啊, 天婦羅味道很好, 滑蛋煮豬扒御膳蛋有點太熟，但味道ok的，有麵豉湯，有魚生，亦有蒸蛋，套餐還是頗吸引的牛肉烏冬不過不失吧, 沒啥特別的一個菜韃靼牛柳失望, 肉質太老了, 吃2口還是要吐出來鐵板牛柳粒上枱發現不是鐵板的, 還好味道不錯, 但為何不上鐵板呢其實味道都ok的，但職員態度都會影響食慾啊

從消防局那邊愉景新城的入口，一進門就看到今助日本料理。可能未到用餐時間，人不多，有些位置被隔開不開放。看看餐牌感覺挺貴的，大部份餐都在100元以上，最後點了一個雜錦牛肉沾汁烏冬，配豬肉醬汁，餐牌上有介紹最佳食用方法，材料和烏冬是沾汁吃的。食物上枱時醬汁也分開了，雜錦的材料有菇類，蛋一隻，一件類似天婦羅，日本青椒，青椒是辣的。由於沒有湯泡著，材料和烏冬比較乾身，正好沾汁後吃，醬汁味鹹，所以只能沾著吃，不能拌勻。

我哋叫了3個定食及兒童餐，真的超級難食，牛肉超乾，飯又乾又硬，不會再嚟。還有叫了個兒童餐講明送的係日本入口玩具禮品一份，但送的係中國玩具，店完仲要解釋俾我知d玩具係中國製造跟住去了日本再返，附上照片給你們研究下，我唸佢哋感覺顧客是冇腦的