凱施餅店 (Closed)

Felt a bit peckish, so I got an egg tart and a cake slice for tea.I let the egg tart cool down for a bit, so there was less eggy taste in it, the egg tarts here are sometimes ok, and sometimes not.Today was ok, the pastry was thin, and the filling was ok.As with all egg tarts in HK, the pastry was very oily, a patch of my A4 sheet went see-through after i placed the egg-tart on it!!!The cake slice was nice and moist.Not sure how many days they are pre-made and then packaged, but it seems it has

今日放工路經凱施，打算入去睇吓有乜包買，因為已經有少少肚餓 。一入去時看見有綠茶紅豆包買…$7.5有8小片，由於本人對綠茶紅豆的食物都頗有興趣，所以買咗嚟試吓。食咗一啖之後，就發覺好好味，可能因為本人喜歡綠茶的關係。一咬落去時己經聞到淡淡綠茶味，紅豆雖然有點甜，但由於每塊麵包只有2-3小粒，所以啱啱好。凱施又多一款我鍾意食o既麵包啦。唯一美中不足的是不是每塊麵包都有紅豆呢……如果多返D就好啦!

20-06-2009放工後, 遊灣仔, 經過 "凱施" 便入去看看有否新發現, 小型蛋糕, 有一款新作( 朱古力蛋糕 ). 不過無買回家試, 下次先o到"凱施"多數買小型蛋糕, 豬扒, 牛扒包, 因為覺得好好味, 今日飽飽地, 所以想買d 包仔在tea time 吃o1. Vienna Bun 維也納包 $6.00/ pcs 2. Red bean Bun 紅豆包 $5.80 pcs 3. Chocolate Bun 朱古力包 $6.50 pcs 維也納包: 包面有d 豬肉鬆, 香草碎, 黑胡椒碎, 特別cream, 包內有少少碎火腿片香草碎, 黑胡椒碎, 食落似"大x麵包舖"的肉鬆包, 可能有d 香草碎, 黑胡椒碎, 少少碎火腿片, 所以味道較豐富o 紅豆包 : 有d 甜, 但平過a1 朱古力包: 包面有些果仁, 食落好似食軟心朱古力, 喜歡朱古力的人, 一定鍾情

2008年12月9號 - 夜晚7點幾路過軒尼詩道的凱施餅店就入左去看看他們有什麼野食。 他們的選擇好多呀。 最後揀左個蜂蜜蛋糕食。 我從來無試過。 所以對我來講都幾新鮮。大開左個包裝就試試先。 Um。 個味道好像念X俺。 都好好味。 可能對某些人會比較甜。 不過對我來講係適中的。

繼琴日食完海之味同富士卷之後，今日走左去就佢的雞批($7)同綠晶瑩($6.5)~~11點幾開工之前去買，即時就食左個雞批做lunch~~正常size的雞批，不過我買得不是時候，唔係新鮮出爐唔係一定會再好味d~~入面d雞好嫩，加埋d火腿，味道都唔錯不過對我來說就淡左d(我愛吃濃味的~~)，鍾意清淡d的朋友應該一試~~原本我以為一個雞批唔會點飽，但食完先發覺佢真係幾頂肚細食d的人可以當lunch食都得~~個綠晶瑩我就留到7點半放飯先食，不過因為放o係袋入面，有d走樣，所以都係唔影啦！入面主要有肉鬆同蛋沙律，仲有塊火腿同生菜，估唔到d生菜放在咁耐仲好爽脆都算幾好味~~不過其實講真佢同富士卷真係無咩分別，就係d肉鬆擺o係入面定出面咁解遮......試左咁多款，都係海之味最正

之前上o黎openrice睇食評，好多人都話凱施的海之味($6.5)好好食，所以今日去會展開工前就順特登去凱施的灣仔店試下~~一睇落去，都幾大個，見到入面有好多餡，好在我仲記得要食之前影返張相影完之後就即刻放入口，好正丫！有好多吞拿魚，又有唔少生菜，最令我驚喜係入面竟然有幾隻新鮮的蝦而且仲要係爽口ga成個d味都好夾，而又唔算貴，各位絕對要試丫！食左個咁好食的海之味，搞到我放工的時候又忍唔住，去多次凱施買包食今次買左個同樣口碑唔錯的富士卷($6.5)，不過今次太想食，放左入口先記得未影相這個上面有d肉鬆，入面就係蛋沙律，仲有生菜同蕃茄！都幾好味，鍾意蛋沙律的人一定要試下雖然2種都好好味，不過我個人始終覺得海之味好食過富士卷，下次等我試埋個綠精靈先！

我頗經常黎買面包食，佢d方包系列(麥方包，麥白方包)幾好味入倒口(需知道麥包天生難食好難入口)，最好味既係綠茶紅豆方包(我唔記得左係綠茶定蜂蜜)，每次食都令我覺得自己好似細路仔，仲鍾意食d咁甜既o野，但又不能抗拒~!PS : 佢可以用八達通，我間唔中都會貪近黎增值

返工前一定來買個麵包卷做早餐，最中意係海之味，本身少少甜既麵包，捲起混入蝦仁的吞拿魚醬，蝦仁都OK彈牙架，仲有火腿同生菜，味道好配合，就算係夏天無咩胃口時都會想食。仲有一款係捲住蛋沙律的，面頭有一層肉鬆，好似叫富士卷，味道也不錯。不過買麵包卷一定要late afternoon之前買，到夜咗就變得好樣衰，巢哂皮兼乾哂水，同埋啲餡既份量都幾飄忽，好彩時啲餡係多到佔成個包既40%，有時就只有瑞士卷啲cream咁薄。

我覺得這間分店的富士卷和綠水晶弄得特別好味, 生菜新鮮, 而旦沙律內又加入粟米粒, 調配的份量剛好, 唔會太"漏".

腸仔酥其實是牛角包夾著一條腸仔.剛出爐的好酥脆, 好香牛油味, 但同時, 就會比較肥膩.提子丹麥條都好好味, 好酥脆, 好多提子, 但同樣地, 較為肥膩. 不宜多吃!

其實我幫襯的是香港仔的分店．維也納卷好惹味，夾有豐富的火腿粒，肉鬆和芝士碎，包面仲洒了綠色的香草碎．　吃的時候，　感受到食味都幾多層次，　頗複雜：有肉鬆味，有火腿味，有濃濃的芝士粉味，仲食到有蒜蓉味．好食的確是幾好食，　但係吃完之後，　那陣味在口裡keep 左大半天．

今朝6點半, 見凱施剛剛開門, 就入去買面包!第一次試"花生卷", 都唔錯, 包身都算軟熟, 而花生醬的分量剛剛好, 每層都搽得均勻, 唔漏. 而包面仲灑了椰絲, 豐富了食味.此外, 又買多個吞拿魚包. 包身不用多說, 貫徹凱施的風格, 軟熟無比. 裡面的吞拿魚像美心的那款, 只有吞拿魚碎, 沒有加沙律醬, 但又無美心的那麼鹹.

試了類似下面食評的富士卷, 不過買了那個面頭沒有肉鬆的, 內裡一樣有火腿, 碎蛋沙律, 加上大量生菜, 真係好健康的, 而且個包卷好大又鬆軟, 好好食, 只是$6好抵, 食完真係好好好飽呀.

一片片獨立包裝的長崎蜂蜜旦糕, 真係唔錯. 原味的蜂蜜味好濃, 口感又唔乾,但又因為無落牛油, 所以又唔油膩,好吃過奇華那件蜂蜜旦糕.而綠茶味都好好吃呀!另外, 值得一讚的是, 這款旦糕的成分好天然, 只有面粉, 水, 旦, 糖, 蜂蜜.

最愛這裡的叉燒包. 包夠軟熟, 餡料十足, 而且那個醬汁好好味, 食完又唔會有好重味精味.之前我都喜歡食美心的叉燒包, 但每次食完, 口腔都會留住一陣鹹味, 或者那個醬汁太重味精了. 而壇島的叉燒包更不濟, 裡面只有叉燒粒而無醬汁, 無味無道!