丼道 (上水廣場)

Open Now

Now Closed

無食lunch所以2個人叫咗3個餐1. 滑蛋吉列大蝦拼蠔丼2. 和風蘋果咖喱炸雞飯3. 和風小食拼盤所有炸物都係凍 係凍！唔係熱唔係暖 係凍電話自助落單 落完單一陣個丼就到但個丼啲飯係濕㗎⋯⋯濕到唔洗落汁都同落咗一樣之後個和風蘋果咖喱炸雞飯 等咗起碼15分鐘 等到嘅係未煮熟嘅飯啲飯係個心仲係硬嘅米嚟 未煮熟最後個和風小食拼盤薯角係凍 雞翼有雪味好就好在個薯餅同芝士年糕係暖如果啲食物唔啱口味都唔會寫食評但啲野食係凍同唔熟… 真係唔係個人口味問題

今日去左丼道整體上，呢個餐廳嘅食物質素真係幾出色檸檬鹽雞軟骨真係好好味，軟骨非常脆囗，搭配埋檸檬同埋鹽嘅調味，真係好開胃！另外，佢哋嘅自家製免治雞肉串亦都唔錯，雞肉味道好鮮甜，免治雞肉串嘅口感非常好，加埋生雞蛋同埋醬汁，味道更加豐富。之後嚟啲主菜，我地就叫咗佢哋嘅海鮮刺身丼同埋吉列蠔咖喱飯。首先係海鮮刺身丼，裡面有新鮮嘅三文魚、赤身同埋蝦，三文魚同埋赤身真係好鮮美！另外，啲飯粒又煮得好恰好，一食就令人上癮啦！吉列蠔咖喱飯亦都唔俗，咖喱醬汁香濃滑順，配埋啲鮮嫩嘅蠔同啲飯粒，味道真係好到爆！蠔炸得好恰好，一口咬落去就感覺到非常香脆，，真係好好味！我地揀咗軟雪糕配紅豆白玉團子。雪糕好滑身，配埋啲紅豆同埋白玉團子，真係好有層次感，令人回味無窮！

夜晚同阿仔兩個人開餐，阿媽偷懶，想出街食日本嘢佢同學話上水有間日本餐廳幾好，一於就試試。在上水站行過天橋就到上水廣場，上一層就到餐廳。餐廳門面好大，裡面裝修都好新，原來在去年8月開張地方很闊落，有卡位，長枱，吧枱，佈置清新食物方面也很多元化，有多款丼物，咖哩飯，輕食，甜品揀咗海鮮刺身丼 $115刺身有三文魚，吞拿魚，海蝦，八爪魚，等等，還有玉子，刺身全部好新鮮，甜美，沾上醬油同wasabi鰻魚丼 $92 鰻魚油脂豐厚，厚身得來肉質又夠柔軟，加上微甜的鰻魚汁，配上日本米飯相當夾還有溫泉蛋套餐可以選擇椰菜絲沙律或味噌湯，我哋都揀咗湯，正常發揮，有海帶同豆腐。同時配上有機烏龍蜜凍茶，烏龍茶散發少少蜜甜，好解渴揀多2個小食，蟹肉薯餅 $20一碟有兩件，外面炸得金黄香脆，裡面的蟹肉同薯蓉好綿滑蜜味脆魷魚 $35呢個嚟到真係嚇一跳，份量好充足。外面同樣炸得好甘香，裡面的魷魚一啲都唔韌，還吃到魷魚的鮮味最後叫多個意式軟雪糕配紅豆 白玉 $38揀咗扭紋雪糕，雪糕好香軟，甜度適中。夾埋甜甜地嘅紅豆蓉，QQ的白玉，豐富了層次呢度掃QR code落單，有好多仔細位，例如可揀甜品一齊上，或者用餐後通知服務員才

今日經過上水廣場見到開了一間新的日式餐廳，主打日式刺身丼飯、鰻魚飯、烏冬。係同區稀有既菜式。餐廳木色系設計令人覺得好舒服好優閒。擺放咗好多懷舊玩具係度售賣幾特別。✨鰻魚丼定食 - 定食會跟配椰菜絲沙律及有機鳥龍蜂蜜凍茶鰻魚份量大好厚身 淋上鰻魚燒汁 啖啖肉非常juicy! 伴碟會有隻日本流心溫泉蛋，簡單是畫龍點睛，撈起一齊食非常滋味！✨三文魚蟹肉蟹膏茶漬飯定食-定食會跟配椰菜絲沙律及有機鳥龍蜂蜜凍茶材料豐富 見到都好開心, 蟹膏令到成碗飯增色不少，淋上清甜的鏗魚湯一同吃又有另一番風味！另外叫咗三款小食：✨蜜味脆魷魚大愛！炸至酥脆而且仲甜甜地 非常可口 魷魚都好彈牙！✨炸芝士年糕呢個要襯熱食 咬落去芝士會流心 外脆內軟感覺強烈 充滿邪惡但又真係好好食既一個小食！✨自家製免治雞肉串撈埋日本雞蛋黃同吃 肉質吾算好林 彈牙幾有口感 ！餐廳整體質素是挺高的! 上水區開飯又多一個好選擇!

上水站一出行五分鐘就到上水廣場，喺度食飯最方便不過，今日揀左間日本餐廳，環境簡潔舒服，食物價錢合理。💗滑蛋吉列豬扒飯 $78塊吉列豬扒大大塊，睇見都好吸淨，肉質厚實，炸得都算香脆。炒蛋滑溜，配上珍珠米，好開胃。💗牛肉咖喱飯 $78呢隻日式咖哩係偏咸果種，重口味嘅人應該會鍾意，牛肉份量都唔少，有成十塊，唔太肥膩，口質軟滑，啖啖肉，仲有一片甜甜嘅蘋果中和，配搭得幾好。💗唐揚炸雞$35炸得都幾脆，入口唔油膩，都算大塊

見門口個D玩具幾吸引，間野又幾新，於是決定去食個lunch, 用QR code落單，叫左個吉列滑蛋猪扒丼。有椰菜沙律椰同，一杯凍茶跟埋個餐既。本來都有一定期望，眼見個丼既賣相係不過不失。但一開始食就超失望....個雞蛋係份量好少而且唔滑既，（滑蛋？）而且都幾乾，係無咩蛋汁既，個吉列猪扒炸皮同猪扒分得開既，猪扒係無咩味，唔值$78，呢個價錢大把選擇....係中左伐....

📍丼道🍛吉列豬扒咖喱飯 $78日本一向好受歡迎嘅咖喱飯🤤配埋吉列豬扒，簡直係perfect match🤩佢呢間嘅咖喱汁會加埋蘋果去煮，所以食落有少少酸酸甜甜，幾特別🫶但個味神奇幾夾，個味唔會奇怪，面嗰塊更加係成片蘋果😋仲有上面啲漬物，陣唔中食啲可以幫手減輕下吉列豬扒嘅油膩感😌🍱鰻魚丼 $92鰻魚好厚身，而且足足有五片😙最好食係鰻魚汁，個味有少少甜甜地，但又唔會好膩，餸飯一流😆佢仲配有流心蛋，好可愛😝丼既份量都幾多，一個女仔未必食得晒😛🍗七味雞翼 $28一共有三隻，每隻都幾大隻😌佢落咗好多七味粉，所以食落有少少辣辣地😍佢炸得好香脆，咬開之後係有肉汁！！！並唔係乾爭爭😂所以好加分👍🏻🫕炸芝士年糕 $22味道同出邊食放題嘅芝士年糕差唔多，冇乜特別驚喜🫣但勝在炸得夠脆，仲要即叫即炸，熱辣辣嚟到😚⭐️好味指數: 5.5/10

首先去到好彩店員有一個係好有禮貌如果唔係我都會鬧人本來見到有手機app優惠券諗住唉好啦試吓啦叫咗一個飯一個烏冬我嘢飲叫少冰，然後有三分之二冰同佢講完之後佢話幫我然後返黎得半杯嘢飲叫咗兩個餐 兩個小食烏冬上到嚟係淋晒小食炸雞翼淨係係咁落煮拉麵嗰啲七味粉2個餐成半個鐘其中一個上到嚟仲要有頭髮大佬，我食茶漬飯有頭髮好明顯喎有啲店員見到你舉手都唔理你好彩有個店員好好聲氣幫我換嘢食唔係咁啱自己胃口然後甜品叫上又成半個鐘我本來以為係因為佢新鮮整，所以好浪費時間啦，點知個心太軟又唔係熱辣辣

很少到上水廣場，趁假期去了上水走一圈1⃣️日式咖喱吉列豬扒飯吉列豬扒外脆內軟2⃣️迷你粒粒魚生當飯魚生新鮮，一個人也吃得飽，份量也多兩個套餐包一杯涷蜂蜜綠茶同埋味噌湯或沙律3⃣️胡麻醬凍蕃茄口感新鮮獨特，很清新的感覺4⃣️蟹肉薯餅外層酥脆內里Creamy 餡料充足餐廳裝修，充滿日本風格，環境舒服

上水廣場新開了一間滿滿日式風味既餐廳 今晚找了機會試一試！🥢是日菜式: *親子丼(滑蛋雞肉丼) –炒蛋好滑嫩、雞肉都係好入味及多汁、再撈埋甜甜既洋蔥汁搭珍珠米真係絕配。而且份量大大碗好滿足!*咖哩吉列豬扒丼 – 咖哩汁出色，甜咖哩不會好咸而且是不辣的! 吉列豬扒炸粉比例岩岩好, 外脆入面仲保持住肉汁，非常厚切!*串烤小甘薯 – 塗上牛油又香又甜 *自家制免治雞肉串 – 沾上可生吃既雞蛋一齊吃 啖啖肉很滋味!*蜜味脆魷魚 –魷魚好爽口彈牙 又粗又大條 炸得香脆伴酒一流! *意式軟雪糕配紅豆、白玉丸子 – 呢款雪糕牛奶味好濃 好滑 白玉丸子煙煙軔軔!*自家制和風栗子蛋糕 – 栗子蓉幼滑香甜 整體甜度係比較低 岩哂少甜又愛吃甜品之人!📷餐廳氛圍: 溫暖的和風設計 寬敞 店員親切有禮十分HELPFUL😋美味指數: ***** 滿分，食物高質，非常推薦!

成日行過都見到排隊，今日終於唔使排，即刻入去試下啦😋不得不讚賞呢間餐廳環境好舒服😌啲位夠闊落，職員態度又好👍🏽而且食物都好食，就等我介紹吓啦親子丼🐔賣相吸引，大大碗飯加上半生熟蛋汁😌😌雞蛋好有蛋香味😊而雞肉就有濃厚嘅醬汁味道，稱得上係高質嘅丼飯😋鰻魚丼🐟雖然嗰碗望落去係比起親子丼細但係其實佢個碗係好深，所以飯嘅份量絕對唔少😜而鰻魚亦唔少，堆滿成個碗，鍾意食鰻魚嘅你一定要揀呢個👍🏽性價比極高只係需要$92👍🏽👍🏽👍🏽仲要有埋椰菜沙律🥗加蜂蜜茶😌正自家製免治雞肉串好特別，免治雞肉入邊有啲軟骨，食落去口感特別😌仲配埋一隻生雞蛋🐣點個汁又係另一個食法👍🏽檸檬鹽雞軟骨有驚喜👏🏽分量一啲都唔小😌檸檬鹽有淡淡的檸檬味而且雞軟骨炸到超級脆，令到有食完一粒又想再食嘅感覺🙈🙈意式軟雪糕配紅豆白玉丸子🍡扭紋有兩款口味可以選擇，3.6牛乳或者抹茶，如果想兩種味道都食就可以選扭紋😬😬雪糕軟滑360牛乳偏甜，抹茶有茶味唔會太甜👍🏽好味總括嚟講呢間餐廳都係值得推介😊

以家上水廣場多左好多不同餐廳，終於唔駛食黎食去都係個幾間。今日我地去位於上水廣場3樓「丼道」丼飯專門店食晚飯。餐廳有多款丼飯、小食、甜品選擇，餐廳亦有自家製的和風蘋果咖喱飯/烏冬，選擇多元化。餐廳以QR落單，方便快捷又環保。海鮮刺身丼配味噌湯和有機烏龍蜂蜜綠茶賣相吸引，刺身鋪滿飯上面，刺身有赤蝦、三文魚、吞拿魚、油甘魚、馬刀貝、八爪魚、魷魚、鮑魚刺身、玉子燒，刺身厚薄適中，夠新鮮，而且丼飯用上日本國產高級食米越光米，越光米飯粒飽滿，口感粘糯，軟硬適中。親子丼滑蛋雞肉丼雞肉用上「日本九州產華味鳥」華味鳥飼養過程不含賀爾蒙、激素或添加劑。雞肉味重，口感結實，配上滑蛋一齊食，簡單又美味。朱古力芝士蛋糕濃厚的朱古力香氣，朱古力與芝士配搭得很好，質感幼滑軟身。京都宇治抹茶芝士蛋糕濃濃的宇治抹茶，芝士蛋糕軟綿柔滑，配上蛋糕底下的餅乾碎，口感有層次。

上水廣場有間人氣好旺的日本料理專食丼飯，仲有唔少甜品選擇，今日嚟試吓。店內好多日本陳設，寬敞，坐得舒服，餐牌都做得好有心思，而且全日免收加一。每個餐跟椰菜絲沙律柚子醋或麵豉湯同凍茶。海鮮刺身丼賣相好靚，擺得整齊有序，刺身有三文魚、吞拿魚、墨魚片，鮑魚片，大蝦等，同埋玉子。刺身新鮮，款式齊全。丼飯採用日本新潟縣越光米，口感念念地好有質感。吉列豬扒咖喱飯 同樣跟餐，日本咖喱汁唔會太辣，吉列豬扒炸得好鬆化，而且好大塊，賣相好靚。栗子紅豆抹茶軟雪糕中餅賣相好靚，抹茶軟雪糕放在中餅內，中餅底內層鋪滿栗子蓉同紅豆蓉，感覺好得意。綠茶味雪糕好香滑，唔算太甜。意式軟雪糕配紅豆 • 白玉團*扭紋(牛奶＋抹茶)可以揀鴛鴦口味，雪糕質地好香滑，白玉團煙煙韌韌，紅豆蓉甜甜的，加埋一齊食，層次豐富，值得推介。

2月16日 丼道 上水 下午茶時段店舖環境可以 需要掃碼下單 並且只接受非現金支付 下午茶餐為主食+凍茶+椰菜絲沙律 基本上只有主食需要烹調 而餐牌選擇基本以咖哩為主，另有滑蛋飯及甜品供選擇 毫無疑問咖哩，甜品及炸品都基本預先準備，所以我選擇滑蛋肥牛飯，下單等候並不久但質素完全不行一，汁水過多，似粥多過似飯二，蛋唔夠熟，蛋清依舊生結論係一間以日式門面作招徠 但骨子里係一快餐店只不過食物比較日式而已，下午茶中唯一肯定係要即做嘅食物做成咁，可想而知。 盛為60元正

我成日行上水廣場，都覺得無乜好食餐廳，今次有新派和風居酒屋，點都要食下，餐廳裏面簡約日式風格，坐位多而且寬闊，有大玻璃窗，足夠光透入。平日夜晚時間未見要等位。叫咗海鮮刺身丼，米飯採用日本新潟縣產越光米，時令刺身有三文魚，吞拿魚，赤蝦、八爪魚，墨魚片，另外散叫咗厚切三文魚$40和油甘魚$48，有3片同5片選擇，非常新鮮。三文魚蟹肉蟹膏茶漬飯，將鰹魚湯倒入飯後，暖笠笠既湯飯停留係口腔內，渾之不去。炸芝士年糕2件$22。