23
15
8
Exit J3, Central MTR Station/ Exit B, Admiralty MTR Station/ Exit A2, Hong Kong MTR Station
continue reading
Opening Hours
*星期一至五晚市暫停。星期六、日及公眾假期照常營業。
Mon - Sun
11:30 - 15:00
18:00 - 23:30
Above information is for reference only. Please check details with the restaurant.
Signature Dishes
Recommended Dishes
聞說中環和記大廈快將重建。就趁機會約埋舊同事在潮庭再聚一聚，懷念一下呢間曾經返工食晏，流過不少腳毛的餐廳。點了一客其他酒樓少有的即做鹹蛋炸魚皮。上枱時炸魚皮還是暖暖的，包着魚皮的鹹蛋碎剛剛好，不會太鹹或太厚。最難得係魚皮都是整塊的，不會碎濕濕。好邪惡的美食用鹹蛋炸魚皮送蠔仔肉碎粥啱啱好。可惜因為炸魚皮實在太好味，到上粥嘅時候已經食得7788。蠔仔肉碎粥非常足料。每隻蠔仔都很飽滿。滷水鵝片亦是我們每一次也點的菜。鵝片軟熟，下面墊住的豆腐滷得好入味，但豆腐不會因此變到硬繃繃，依然咁嫩滑。另外點了時令嘅豆苗，同埋一上枱已經俾搶食了反沙芋所以無影相食下講下，不經不覺又過了一個下午。I will miss this place!
continue reading
2018年12月16日今早和舊同學行山，之後往中環和記潮庭飲茶，此食肆是我的至愛，除了環境舒適、服務、衛生和食物質素都保持高水準，由於地處商廈之內及價錢略貴，所以人流不太多，我一小時前預訂，還有空枱。一行五人安排坐在一張六人枱，叫了多款點心，包括燒賣、春卷、㰖菜咸水角、山竹牛肉、蒜茸蒸鮮魷、雪山焗叉燒包、煎腐皮卷、XO醬炒腸粉和潮州炒粗麵。較為突出是春卷和煎鮮蝦腐皮卷，皮脆蝦肉新鮮，蒜茸蒸鮮魷非常冶味，XO醬炒腸粉，除了用上等XO醬，腸粉亦相當嫩滑，埋單每人$100元左右，價錢合理，和一班好友聚會，是最好不過的地方。
continue reading
潮庭一直是我喜愛的餐廳，巳多次光顧尖沙咀和將軍澳分店。今天是和同事送行，第一次光顧中環和記大厦分店，想不到是一場惡夢！！！ 入座時，女同事發現座位有抬腳頂往，所以稍為坐往左邊一點，怎料那個叫`華`的女服務員，很大聲的說不可以移坐椅，會阻往條路，事實是那位置背貼另一張木台，跟本不是通道。其後我和那位女同事換位，這個服務員竟抽起張椅，强硬要放到她指定位置！！終於大家坐定了，發現枱面有一堆灰塵，要求服務員清潔，這個叫`華`的服務員很不情願的走過來問甚麼事，我們指著枱面的灰塵請她清潔，她竟然拿起餐牌，直接往枱上掃，還掃落到我身上！！！有這樣的服務員，以後絕不光顧！！！！
continue reading
係咪我偏心呢？真係好鍾意美心集團旗下嘅食肆。價錢合理，唔好講物超所值，但總之唔會伏。雖然係小食，都要講一講，真係好我正傳統嘅潮州酒家，一般係一碟花生，一碟鹹菜。而佢哋係改良咗，mix左其他食材，我覺得比傳統嘅，更加惹味！椒鹽九肚魚 $78上次食唔到，今次食飯，最鍾意佢起晒骨，阿仔都食到。佢一個人食咗半碟蟲草花炒翡翠苗 $98老公至愛，黎親必點。潮州煎伊面 $128即係糖醋麵，食潮州嘢唔會唔食。不過呢度做得，一般啦芋茸香酥鴨 $128呢個就名實不符喇明明就係芋角。仲有d咸。芋頭南瓜茨實煲 $108黎到見到同相片唔好，有少少失望，好似煮到溶晒咁。點知一食超級好味芋頭同南瓜半溶好鬼綿，咸咸地嘅椰香味。本來我哋三個已經飽左，竟然食晒呢個最後上嘅煲一家三口埋單七百幾，出外食個晚餐，呢個價錢，我覺得叫做有交代。另外順帶一提，有時同一間餐廳，都要睇你識唔識揀分店，星期日嘅夜晚，我哋揀咗商業區嘅金鐘，7:15黎到唔使等位，伙記仲好好招呼
continue reading
朋友買咗個團購餐， 吹雞約埋去食飯，我好耐冇嚟和記大廈嘅潮庭， 呢間環境寛濶，唔會坐得太逼狹。個四人份量團購餐價值$638， 頭盤先上三小碟，用英式下午茶嗰種三層盤裝住， 幾骨子㗎! 第一層係鹵水豆腐伴鵝片，肉質尚算嫩滑！第二層係小黃瓜拌海蜇，最底一層係豬腳凍， 豬腳汁精華雪凍之後，好似果凍咁滑滑 ，入口即溶， 好鮮味!第二度菜係蟹肉花膠絲素菜羹 ，蟹肉唔算多， 素菜清清地， 唔會太重味，幾好!第三個係芝士焗龍蝦伊麵, 略嫌芡汁太多, 有改進空間!第四個係葡汁雞球伴燒餅, 椰汁味好濃， 不愧係偷飯賊，惹味開胃，不過燒餅就比較油膩！第五個係奶湯枝竹浸翡翠， 材料幾豐富吓， 有支竹、銀杏、杞子同小豆苗。第六個，亦係最後一道菜，就係南瓜咸肉粒炒飯。 如果南瓜煮得淋啲，嗰飯炒得透啲，會更加好味㗎！
continue reading