吉豚屋吉列豬扒專門店

Open Now

Now Closed

吉豚屋嘅炸豬排出名好食就街知巷聞，今次就試下其他野。今次叫左鐵板滑蛋鰻魚定食。首先麵豉湯，一如既往嘅好飲，入面非常之足料，有紅蘿蔔、薯仔、洋蔥等，材料入味而且夠淋，湯嘅咸度剛剛好。鰻魚肉厚嫩滑，而且份量多，但個蛋就比預期中失望，可能係醬汁關係，令滑蛋偏咸，而且口感奇怪。但配上白飯，都中和到。尚算可以，不過不失。

吉列豬扒定食套餐兩條好大嘅炸海老 同埋2舊厚生炸豬扒 所有炸物都好厚生 炸起身十分之脆 同埋 一啲都唔會油 而且調味都啱啱好 白飯方面 粒粒分明嘅珍珠米 煮得啱啱好 軟身有咬口 完美炸物 加上講究白飯 沙律醬真係十分之滿足 飲埋麵豉湯 好高分的好味嘅日式料理 唔掛之得一直都咁多人排隊

同先生行魚街，半途肚餓決定食個下午茶，本來想食車仔麵，行到去先發現冇開門，揸唔定主意嘅我哋揀咗半條魚街，最後行入咗呢間吉列豬扒專門店。下午茶選擇唔多，價位大概四到五十，價錢唔算平，但尚算合理。下午茶餐嘅吉列豬扒有80克，以呢個價位嚟講算係大方，配有白飯同麵豉湯各一碗同兩色醬汁。吉列豬扒外層嘅炸漿炸得酥脆，厚薄適中，豬扒亦夠厚，肉質軟腍，唔會太乾，幾有驚喜。泡飯湯底係麵豉湯，加上雞蛋同海苔成為泡飯，雖然簡單，但味道唔錯。唐揚炸雞有四件，外脆內嫩，而且咬落帶少少肉汁，質素中上，但略嫌細舊咗少少。跟餐飲品有四款選擇，我哋揀咗巨峰乳酸特飲，以跟餐飲品嚟講算唔錯。以下午茶嚟講呢度嘅食物質素中上，雖然要加一，但價錢依然合理，有時食厭咗茶餐廳同車仔麵，轉下新意思都係一個唔錯嘅選擇。

呢間餐廳我十年前到已經開始有接觸，期間間唔中會食。一開頭無咩特別感覺，但而家再去食，發覺佢個價錢原來咁多年無特別調整過，都幾抵食今次叫咗滑蛋豬扒飯便當 (梅)，50蚊有找。另外再叫咗個鰻魚定食。滑蛋豬扒飯個塊豬扒真係夠晒份量，而且中間啲肉唔會好老，肥瘦適中鰻魚定食嘅鰻魚就冇乜骨，啖啖都係肉，真係好正呀

星期日旺角區人流較多，於該區搵食亦有點難最後揀左吉豚家。星期六都有下午茶，夠窩心1. 吉列雞扒烏冬$45，另加兩隻吉列炸蝦$10 ($5一隻)雞扒夠厚，略嫌雞肉醃料唔夠，比較淡味。吉列炸蝦好大隻，$5 隻十分抵食2. 吉列豬扒烏冬($50) ，烏冬夠彈牙，湯底清甜豬扒同樣厚身，肉質夠淋同juicy ，外皮炸得香脆，保持一貫高質水準。下午茶餐仲包埋飲品，揀咗巨峰乳酸特飲，粉紅顏色好靚，味道亦不錯。兩個餐連加一服務費，都不用$120，抵！

喺旺角睇完戲，去了附近的吉列豬扒專門店吃晚飯，我點了一個鐵板泡菜豬扒定食，有大大塊嘅豬扒，配上的黑椒汁，也有豆腐麵豉湯！盛惠$68元加一服務費。要注意的是此店舖大部份都是炸物，如果喉嚨痛的話要另外選擇啦！

今日想去太子買嘢，點知經過見到呢間吉豚屋，其實一直想試好耐，所以就入左去一戰環境坐落就比較逼，但好嘅係佢每枱都有唔同醬汁供應，仲有我最鐘意嘅芝麻醬但落單就出意左小意外，waiter好似太忙聽唔清楚我講咩，上菜嘅時候就發現佢落錯左單，但唔緊要啦我都照食左。咁最後我地變左order一個吉列豚肉泡菜湯烏冬同一個吉列雞扒滑蛋飯，跟左個野菜湯咁我食嘅滑蛋吉列雞扒就正常啦，佢個吉列炸完個外皮1d都唔脆，而d肉都lum晒同滑蛋都無乜係個碗到，但個調味搭救，味道好好，好有日式燒汁感覺，所以變相ok如果唔care食材另外個湯幾好，幾多料味道亦唔錯而且加$6經濟實惠。另外仲order左一個泡菜湯烏冬。泡菜湯好好飲唔係好辣，烏冬軟硬度適中，呢個幾高分總括來講，環境正常仲有日文歌做background music，嘢食性價比幾高，幾扺食

今日喺旺角 考完試咁就食個下午茶啦。既然pass咗就食豪少少啦去咗吉豚屋~~個下午茶就係咖哩烏冬配炸雞+一杯野飲6分😗 咖哩烏冬個咖哩烏冬其實個味道係ok嘅但係個湯就有啲稀咗少少，我覺得如果濃返啲呢就相當唔錯啦7分😀 唐揚炸雞個炸雞就有四五件 咁我自己就覺得都熱熱地， 亦都幾脆口感所以係唔錯啦~8分😀 環境 服務因為係中午四點左右食下午茶咁所以基本上冇等位就直接入去 佢見我一個人都畀張兩人枱我，而且服務亦都ok OK

經朋友介紹泥哩到食炸豬扒真心超值個套餐超大份的說佢個外表都超吸引可惜豬扒外面既脆漿已”淋”另外一心諗住日式野炸野應該都唔差。點知隻蝦超厚粉😩不過佢既份量大😍碗湯都好大碗哩個價錢泥講質素都唔錯。不過比我下次會試炸豬扒飯唔揀滑蛋。因為可能係個蛋塊豬扒個脆漿先”淋”

來到吉豚屋吉列豬扒專門店，叫了二客菜。第一道是豚肉壽喜燒鍋定食，豚肉切得很薄，淥兩淥便可進食，不會老，亦有豬肉香味。配料有雞蛋，豆腐，菇，菜，如果可以用和煲分開上便更好，因為吃到最後，菜都煮得太腍。另外我選了烏冬，如不喜歡烏冬，亦可選擇白飯。烏冬口感煙韌，高質。壽喜燒甜甜地，與火煱配料十分配合。當加湯的時候，欣賞店員會加上壽喜燒湯底，而不是清湯。第二道是吉列豬扒便當，性價比極高，$69一客便吃到外間百零蚊的吉列豬扒質素。炸粉不厚，有豬肉香味，肉質亦不乾。椰菜絲味道清新，不錯。吉豚屋作為全日本最大的連鎖豬扒店，果然名不虛傳。

朋友多次推介吉豚屋，係旺角冇咩想食，就決定試試呢間。叫咗推介之一滑蛋吉列豬扒飯。有三款大小，好貼心，可以根據個人食量叫梅竹松。我就叫咗竹，120g嘅豬扒。滑蛋吉列豬扒飯製作時間比吉豬定食耐，可能因為需時煮。120g吉列豬扒都係大份，上面仲有d半流心狀嘅滑蛋，送飯一流。優點係吉列豬扒炸得唔嚡口。可能吉列豬扒表頭被滑蛋整淋咗，所以冇咁脆。整體正正常常，$62一個飽肚嘅日式飯。朋友跟餐加大咗個湯，好足料。下次有機會都試下個湯。

之前聽過呢一間鋪頭唔算係好多好評因為有啲人話佢哋嘅staff都幾冇禮貌我唔知邊間分店但係我當日去油麻地嘅店舖我又覺得OK喎我都好有禮貌一入到去都即刻招呼你雖然係喺lunch time period都係繁忙時段但叫嘢食嘅時候都好快就嚟寫幫我落單今次叫咗滑蛋豬扒飯+熱荔枝椰果茶其實一個飯夠我同亞女一齊食都夠飽 不過大食嘅應該吾夠飽算係真係窮人恩物平靚正當然豬扒唔可以同某大型嘅豬扒吉比但係質素算好好 而且價錢相當抵加埋一再加埋餐飲都係70幾蚊埋單一試無妨

好日唔嚟食 突然心血來潮想食吓吉列豬扒 就嚟咗太子呢間吉豚屋 嗌咗個滑蛋吉列豬扒set 有杯嘢飲同麵豉湯 嚟到見碗麵豉湯同兜飯一樣大 (即係碗飯細） 但其實食落都唔算好細嘅 整體無功無過 但點知食食吓 望真啲兜飯... 有隻曱甴... 望多幾眼 確定係曱甴 先同waitress 講 waitress 一句「唔好意思」「我換過碗畀你呀」少少歉意都無（只係無反應 但唔係態度差） 我話我成個set 唔要喇就走咗

🐽吉豚屋風部隊鍋定食 $75冬天就想食啲暖笠笠既野，見到佢有個部隊鍋定食，即刻嗌左，鍋內有豚肉、雞肉、泡菜、豆腐、菇、菜，肉既份量係夠哂一個人食既，湯底鹹度岩岩好，少少辣，另外會配埋個熟左既烏冬同芝士碎，可以放返入個鍋度，等佢吸收下啲湯😋唔夠食仲可以追加火鍋配料 ••••••••••••••••••••••••••••••🐽 吉列豬柳泡菜湯鍋定食 $72有兩塊吉列豬柳，炸得好鬆軟，裏面唔會乾，會有啲肉汁，泡菜湯裹有泡菜、豆腐，都係熱辣辣既，湯底好濃味，酸酸辣辣咁，好暖胃🤤

吉列豬扒滑蛋飯個飯有3個 size, 分別叫"松、竹、梅" 👉 即細、中、大我唔想食咁飽，就叫左個松，我覺得剛剛好，唔會勁飽，個份量又可食晒唔浪費👍🏻鐵板- 滑蛋鰻魚🐟定食個鰻魚汁係幾好，蛋加汁就已絕配💯。尼個鰻魚飯唔貴😅，但都唔薄，都算厚身，物超所值，所以我覺得抵嘅，咁嘅價錢黎講🤭白飯🍚分開上，唔會滲晒汁個湯裡面面有蘿白同豬肉🐽片，夠熱🥣！餐牌內有可轉 set 或單叫，有水可添加。有🍱🍱🍱有🦐🦐🦐有🐖🐖🐖有🍜🍜🍜同朋友兩人食，都係每人$65， 又乾淨整齊，平食選擇之一。又要問問自己會唔會再黎💬我係會再黎囉……😋