吉豚屋吉列豬扒專門店

Open Now

Now Closed

成個飯有陣好濃烈既味道，就係直升機味。咩係直升機味！？ 即係伏伏伏伏伏伏！伏到離晒大譜, 黎到一打開見到個樣都唔開胃, 飯軟晒, 牛肉變晒色唔知擺左幾耐, 仲要份量勁少, 仲差過吉野家。食落D肉又硬身冇晒味, 醬汁有陣怪味, 絕對唔會推薦任何人黎幫趁。落單前請三思！好吃的還有很多！

Lunch首選價錢經濟實惠之餘味道有驚喜，定食仲有好多唔同選擇👍🏻👍🏻🍱［吉列豬扒定食］$75金黃色嘅吉列豬扒炸得外脆肉嫩，炸漿適中唔會太厚粉，配埋特製吉列豬扒醬簡直係絕配。吉列豬扒定食除左配飯、野菜豚肉湯仲配埋沙律菜，椰菜新鮮爽脆可以中和豬扒嘅油膩感😋 必食之選！🍱［吉列雞扒牛肉壽喜燒鍋定食轉烏冬］ $81唔想食飯可以加$6轉讚岐烏冬，甜中帶鹹嘅壽喜燒牛肉配埋酥脆嘅人氣吉列雞扒，一次過品嚐2種料理雙重享受👍🏻吉列雞扒炸得岩岩好，肉汁豐富juicy，加埋滑蛋肉質口感更加滑嫩環境⭐️⭐️⭐️ 性價比⭐️⭐️⭐️⭐️推薦度⭐️⭐️⭐️人均消費:$85.8整體分數:89.13分

今日喺旺角通菜街發現咗一間餐廳，叫做「吉列豬扒專門店」。呢間餐廳嘅環境唔算一般，不過佢嘅豬扒真係好酥脆好好味，令人回味無窮。我今日食咗炸蝦豬扒泡菜鍋定食，只係$87，真係物超所值。炸蝦好新鮮，豬扒好juicy，泡菜鍋仲有啲辣辣嘅味道，好開胃。食完之後，我覺得好滿足，成家人飽晒暖笠笠。如果你鍾意豬扒，真係要嚟試下呢間餐廳嘅豬扒，物超所值！吉豚屋吉列豬扒專門店 (旺角)旺角通菜街142-146號啟運大廈地下A號舖

難得同好耐無見既朋友去睇電影優先場，結束後，都9點幾10點，好多餐廳都開始收舖，見到呢間開到比較夜，所以就黎食個晚餐加傾計。呢間出名係吉列豬扒，其他地區都有分店,之前都有食過，印象中沙律菜任添，今次叫左壽喜燒牛肉配吉列豬柳，上菜好快，整體味道不錯，但係牛肉感覺比較鞋，吉列豬柳正常發揮，唯一希望飯可以轉沙律菜，對於晚上減米飯或者唔食米飯既朋友比較多選擇。如果比較夜，想揾個地方食晚餐好坐少少，可以同朋友聚下，呢個都係一個好選擇。

吉豚屋係一間日本著名連鎖式吉列豬扒專門店，2012年由日本黎香港開分店亦都係我中學時期經常幫襯嘅一間鋪頭。  餐廳行簡樸路線帶少少日本風。而價錢都十分貼地，一份定食都係$70至$90不等，以呢個價錢係香港地可以食到一份日式定食已經算係十分實惠。今日中午黎到旺角通菜街分店，人流唔算好多，一入去就已經有位可以坐低。望完餐牌，即刻叫左一份定食慢慢品嚐。  吉列豬扒定食 ($75) 一份定食除左主菜之外，仲會隨餐有埋新鮮椰菜絲，豚肉野菜湯同白飯。食物一黎到,我以經俾大大嘅吉列豬扒吸引住，豬扒炸到金黃色食落香脆，唔會太乾。隔離嘅椰菜絲加上胡麻醬，爽甜之中帶一份芝麻香，特別好食。 豚肉野菜湯，有好多蘿蔔片同豚肉片，好觧甜。最後白飯用上日本米，為成餐飯畫上完美嘅句號。  食完呢餐飯，令我中學時期嘅回億全部返晒黎。

今日突然見到呢間超抵食嘅吉列豬扒店，平均60~80蚊一個定食，真係好抵重點質素唔錯，一啲都唔差我呢個泡菜鍋烏冬，連兩隻炸蝦及吉列豬柳都係$75, 你話 而家去邊食近排開始轉涼，呢個時候食個暖粒粒嘅泡菜鍋烏冬真係無得頂不過，佢啲飲品好甜（真係甜～）螞蟻人好啱，要慎選🙊7點鐘要排一陣陣，我就排咗10分鐘佢限時，6點過後得50分鐘食，當佢快餐咁食囉🤣🤣🤣可以mark 低，係飯堂嘅好地點👍🏻👍🏻👍🏻

📍#荃灣 #吉豚屋吉列豬扒專門店#羊羊在荃灣#羊羊在新界中學食到宜家出嚟做嘢幾年，見到有優惠就去試下啦，懷緬中學回憶🥹🐷吉列炸蝦豬柳定食 (原價$79)款款都有豬扒，呢款就豐富啲，有埋炸蝦🍤跟餐仲有白飯，湯同前菜😄呢間吉列豬果然係招牌，超酥脆嘅外皮🤩之前食過豬扒少少瘦同柴，但係豬柳非常juicy💦炸蝦有啲厚粉，基本上唔係太食到蝦，但係喜歡炸粉嘅就會鍾意❤️🦐吉列豬柳鮮蝦味噌烏冬鍋定食 (原價$82)吉列豬柳唔多提，仲係咁好味🤤烏冬都係推薦之選，湯頭好香濃，烏冬吸哂啲汁😍面頭個撻醬真係畫龍點睛，有啲辣同蝦味😋烏冬包咗三隻笑蝦蝦，應該真係新鮮，易甩殼同食落唔霉，不過冇清蝦腸囉🙄人均價錢 － $55+10% 評分－回頭草指數（🍀🍀🍀🍀🍀滿分）食物：🍀🍀🍀🍀🍀環境：🍀🍀🍀🍀服務：🍀🍀🍀🍀#hkfoodie #吃喝玩樂 #原相直出 #荃灣美食 #寶琳美食 #油麻地美食 #九龍美食 #新界美食 #吉豚屋 #丼飯 #日本菜 #日本料理 #美食推介 #朋友聚餐 #家庭聚餐 #高質午餐推介 #中菜 #香港美食指南 #香港美食 #香港 #香港好去處 #美食日記

今日做野晏左收工經過呢間吉列豬扒專門店就去試吓，我見到外面門口啲相好似好靚俾啲吉列豬扒吸引咗入嚟，跟住見到餐牌都好多選擇，跟住就嗌咗滑蛋吉列豬扒丼😂😂滑蛋吉列豬扒丼：賣相都唔錯，每一件豬扒都炸得好平均，豬扒肉質唔韌幾好咬口👍🏻而且佢用日本蛋撈飯一流👍🏻同埋佢有幾個份量嘅選擇俾你，如果覺得份量少仲可以加飯，所以都幾啱大食嘅人😂所以都幾值得再試其他😃下次都會再過嚟試吓😃📍地址：旺角通菜街142-146號啟運大廈地下A號舖

今日同男朋友係旺角諗唔到食咩，行過見到呢間吉豬店，之前都係其他地方食過，記得都ok既就入去食啦。好過食茶記咁悶😌我叫左個經典既吉列豬扒定食，比想像中大份黎到先記得有椰菜可以落芝麻醬食，都幾好可以換下口味唔洗咁齋。吉列豬扒就so far so good啦，而呢個價錢黎講我覺得交左功課，係岩岩炸起，脆口👍🏻值得讚下個味僧湯，好足料👍🏻又唔係死咸，飲左都唔口渴，係我鍾意飲既味僧湯男朋友就叫左吉列三重奏，有吉列豬柳、吉列蝦同唐揚炸雞🍗我稱之為貪心小狗套餐😂咩都有啲不過佢碟野就唔係岩岩炸起，只係少少熱。炸雞相對黎講都幾好食，我鍾意個皮硬硬地有少少咸香口，幾惹味😆求其食黎講呢間都幾ok，下次無特別諗到想食咩，都可以再食下。

週末太子街上都非常人多間間都咁多人特別揀咗一間門口，相對上少啲人排隊嘅😂😂😂😂主打吉列菜式，鍋物吉列豬柳泡菜烏冬鍋定食吉列豬柳外皮好脆不過不失正常嘢白湯泡菜牛肉壽喜燒鍋都係不過不失，有個鍋有火煲住啲餸菜同烏冬都係熱辣辣咁食感覺不錯環境座位10分狹窄接近人貼人以呢個價錢食到呢個質素，確係不錯覺得佢嘅飲品都幾特別有養生系列，同時覺得有d搞笑Kylian Mbappé食吉列炸嘢配養生茶個味道有啲不搭😇😂😂上網睇返呢間嘢，原來有好多分店

好耐無食吉豚屋之前都係食晚餐第一次下午3點黎叫左吉列豬扒定食+豬柳鮮蝦味噌鍋定食食物好快黎到但2份食物都只有暖，唔係熱。吉列豬扒脆+但唔熱，只有微暖我食左件好似唔太易咬開再比件媽咪試嘩，未熟晒，咬唔開。味噌鍋都唔熱個湯即飲就得，又係得個暖男侍應好好人，爽快同我地換過份同加熱個鍋黎到係有出煙，好明顯同第一鍋好大分別個吉列豬照舊唔熱得個暖，但好彩係熟咬得開，唔肚痛就算喇媽咪第一次食呢間，但好失望應該唔會有下次lu

又係同男朋友食飯呢間餐廳係男朋友揀既我地坐卡位，所以座位方面係舒適既見到份Menu 好似好吸引好多款都想揀最後我揀左吉列豬扒飯個餐包一碗湯豬扒唔算厚，炸到好乾，厚粉好食指數：⭐️⭐️ 2/5男朋友心大心細揀左鰻魚雞扒飯佢都係有一碗湯鰻魚得好少，雞扒唔脆好味指數：⭐️ 1/5另外加錢叫左兩杯飲品左邊係：巨峰玉露，超級無敵甜🥶右邊係：巨峰乳酸，甜，味道同巨峰玉露差不多總括嚟講：唔算貴既，不過食物真係好一般，豬扒得個脆字，又乾又薄，唔好食，鰻魚飯鰻魚得好少，雞扒又係唔滑好鞋同乾，我諗唔會食第二次喇🥶

成日行開寵物街都見到吾少人阻系度排隊等位食呢間吉列豬扒飯，今次見人少少，吾洗等好耐終於入左去試。鬆脆嘅皮配上厚切豬扒，雖然厚切，但肉質吾會太鞋口，而且珍珠米做底，好有飽足感。仲要今時今日呢個價錢食到日式飯，好化算！滑蛋吉列豬扒飯$59

上網睇人評論，話必食吉列豬扒舖頭，先特登走去旺角試。結果我哋全部人都勁失望作為吉列專門店全部炸嘢都唔係現炸，完唔香口，腍啤啤又凍凍地。可能舖頭位置喺旺角，所以呢好狹窄，我哋五個人坐卡位完全迫埋一舊。食完都只想快啲走，無論係飯or烏東，雞定豬蝦都唔好食。可以話係完全冇下次，被呃咗。求其搵間茶餐廳嘅吉列豬扒都炸好過佢同埋啲員工好似懶懶閒咁，餐廳都唔係好多人，點餐嘅時候仲會漏單，雖然送多咗個湯當補償，但唔好飲

筆者接在荃灣吃過此店，確實好味，蛋滑扒厚，這間旺角店，烹調時間可能過長，以此滑蛋變成老蛋，像老人院的飯煲蒸水蛋一樣，令人失望，有圖為證，望店能改變。p.s筆者為真顧客，如是打手死全家，包括我自己。