蘭香茶餐廳

Open Now

Now Closed

大前日(14-1-2024 Sun)，同老公執爸爸嘅嘢執到過埋食晏時間，我哋拎埋環保物資去回收後食晏啦，我哋嚟唔知係分店定係搬過嚟嘅呢間。但要排隊等位喇，大概等咗8分鐘有張唔使搭枱嘅二人位，我哋睇吓時間同menu，原來lunch已經過咗，下午茶時間開始咗喇。老公要$48.00嘅咖哩牛腩飯，飲熱鴛鴦;我要$38.00嘅惡魔雞髀拼沙律，要熱檸水。老公嘅嘢好快到齊，佢食先喇，見到都有薯仔，我食一舊，都幾辣。我哋食完後，老公即話呢間唔掂，咖哩唔辣，但我話我食舊薯仔辣噃。佢答因為佢自己唧咗辣椒油。而牛腩又唔夠腍。熱鴛鴦我都有飲過一啖，就係甘苦味囉，茶味被咖啡味蓋過。呢篇食評嘅味道分唔計老公呢份。我嘅惡魔雞髀拼沙律呢?雞皮係脆口雞肉唔嚡，但個皮好鹹，俾呢老公食都嗌好鹹。2.5分沙律比室溫凍，好彩呢日天氣唔凍。2.5分熱檸水呢?完全冇影，漏整?要催至有，呢個正常冇問題。3分抵食係2.25分我唔記得以前有冇幫趁過舊舖，上嚟睇返係有嘅(對上一次食評係2009年6月13日刊登嘅呢篇: https://www.openrice.com/zh/hongkong/review/%E5%86%87%E5%8A%A

每三四個月就要從澳洲返嚟探親，偶然發現這間茶餐廳，食品其實幾好食，但每次返嚟都係因為茶餐廳裏面嘅哥哥仔，佢風趣幽默好盞鬼，因為我個仔喺澳洲長大唔識中文，所以佢馬上轉英文幫我個仔落單，講嘢非常之快又得意。佢英文其實幾好，好鍾意講：don’t worry, be happy!我哋聽到覺得佢好風趣，其實真正講英文嘅人先至唔會介意佢講呢句說話。 我哋好鍾意佢，每次返嚟都會特登過嚟呢間餐廳見吓佢，同埋食吓嘢。 搞掂俾個大大嘅like佢！

同事介紹呢間茶餐廳，今日同個fd專登去試食。因為我地搭枱，所以唔洗等，但每一張枱得一個QR CODE落單，於是問個伙計搭枱係咪掃同一個QR CODE，佢用極不有善的態度同語氣叫我掃QR CODE，又以為我地唔讖英文, 用佢有限公司o既英文重複咁講"NO WORRY, BE HAPPY",  一臉不悅，然後走去攞部IPAD想落單，當然我拒絕佢所謂o既"協助"。由始至終我只係想知道餐廳會唔會分返開兩枱客張單，最後個老細係收銀台叫出黎話會兩枱容既單係會分開，先有一個正常人答到我疑問。本黎一心想試下呢間餐廳，但呢位伙計對客果副咀臉，已經勝過呢間老字號，絕對唔會有下次。好唔好味就見仁見智，但呢個價錢，我深信有其他更好選擇。雙拼三文治, 熱飲 $39丁腸麵. 多士, 熱飲 =$46

抱歉，人生第一次寫食評，係忍唔住要寫。所有餐已經偏貴，粉麵餐無公仔麵揀，加福字麵同出前一丁麵要加$6？？ 貴都唔緊要，好食我都唔介意，但出前一丁無出前一丁味，杯啡又勁難飲，我未試過加曬錢食都食唔曬，淨低大半就忍唔住走😮‍💨 其實已經第2次食，俾多咗次機會佢，第一次食Lunch，又係完全無選擇，啲食材又唔係貴嘢，點解咁少選擇又唔係好食都可以係荃灣區賣到$50一個餐？😵‍💫😵‍💫😵‍💫 呢個係我兩次出餐廳都揮之不去嘅疑問。

難香，完哩間開左一年左右，有時星期日行過都有人排隊，其實原來系自己搞錯，以為哩間系中環蘭”芳”園分店，點都要來試下。今日星期六入去無乜客，兩個人可以坐6人臺，坐低有熱水，亦無話好似其他食評話一定要你自己電話落單，走的時候見我地食吾到一半都會問點解，好簡單，超難食。下午茶餐牌比較簡單，選擇比較一般茶餐廳少好多，基本同早餐差不多，無乜野選擇，只叫了一個餐蛋麵同西多，主要系想試以為蘭”芳”園的奶茶咖啡，唉餐蛋麵(3分)—正正常常，無驚喜亦無失望西多(1分)—超失敗在    —麵包太薄加無果醬涵    — 蛋吾香加埋超超超超超多油咖啡(1分)— 得個苦字奶茶(1分)—無茶香，無滑，飲完舌頭鞋下次經過可能誤會佢個名系”難香，完”。

我食咗三十年、知道換店。馬上有空、去探吓兩兄弟、家嫂同埋見唔見阿姨。 以前B餐轉米加色、醬占多、凍奶茶便自動上餐。而家坐底、入到去。一種冷冰冰感覺。一個後生女仔帶我坐低叫我自己QR code 下單便走了。咁自助下單、佢有位俾我填其他要求、咁冇人理、自己就寫湯加色。到上湯米時候、小妺妹話佢哋冇得加色、之後轉身即走、感覺好似你食就食嘅感覺。咁仲係以前嘅蘭香？以前嘅燶邊煎蛋都冇咗、以後真係唔使考慮、唔使再來了。

開鋪梗係想旺場你旺場係替你開心由入門口就覺得好熱鬧目測及耳聽同一層衣著及鄉音係嘈啲姐搵左個位照坐底跟住選左食懼就搵人落單難得有侍應一路整幾枱客一路過唻同我講：枱面有掃曲落單同世界脫節係我唔好無怪過哥哥仔咁坦率點知被我搭枱既對面阿叔問侍應先生追餐表示等左二十分鐘回覆係：「追左」「成幾十人唻左」咁我唯有空肚走人侍應君態度唔係問題而係幾十人+1再未到我呢個+1 就已經冧檔咁無謂增加你們負擔好了早餐你都冧檔應該係生意好既象徵

以前每個星期六日都會去食佢個常餐，就係為咗個蛋味勁香又煎到燶邊既火腿奄列及厚面包，可惜新舖既火腿奄列已經和其他茶餐廳無分別，可以話比其他店是更差。奶茶無乜茶味。可以唔駛再去了。

已有50年歷史嘅蘭香茶餐廳喺10月初由新村街搬到眾安街重新營業，搬舖重開後，地方比舊舖更大更光猛，由於餐廳口碑一直甚佳，價錢實恵，加上員工親切有禮，依然超高人氣，門外經常大排長龍，一直座無虛席。門口雪櫃放置罕有的樽裝鮮奶及朱奶，非常吸引; 就連在舊舖掛牆的字畫通通都帶了過來。而新舖也加入霓虹燈成為學生打卡位，還加了QR CODE手機自助落單，當然也可依舊找店員落單。新店依舊有早餐、午餐、下午茶餐、全日餐、鍋氣之選，更有學生精選午餐以供選擇，其中人氣之選叉燒會意粉、咖哩牛腩飯、火腿奄列及多士尤見水準，份量十足。叉燒會意粉 及 餐肉通心粉 更可改為湯粉麵 (如湯意粉、湯通粉、湯米粉、福字麵、出前一丁) ，而我就選擇了湯通粉，在店內所見豐富足料的全日餐更是不少食客至愛。慶幸區內有一間這樣的獨特人情味濃的店舖。地址：荃灣眾安街122號地舖電話：2498 7509營業時間：6:30 -18:00

叫了午餐咖喱牛腩飯，咖喱面上浮了一層厚厚的油，咖喱汁沒有一點咖喱味，也沒有鹹味，只有淡淡的油花味，如果矇眼食的話一定猜不了在食什麼。牛腩肥的部分佔超過一半，薯仔也沒有味道。可以說是史上最難食的咖喱，不，是最難食的碟頭飯！！！！！！！！點餐系統是掃描QR Code的，有關系統是我去過眾多茶餐廳中同類系統中最不user friendly的一個。擺位奇奇怪怪，又問我有沒有會員積分輸入，按了多次才能成功點餐。

經過幾次都見到keep住有人排隊。未搬前未試過，見社交平台荃灣人Group有提及就試下。等左兩枱客就有得入去，不過就係要同人「夾枱」坐。之前上網睇D人評語價錢偏貴，我覺得部份係啦，未試質素。所以我選擇了最低價錢的早餐，我諗住如果最低價錢好味的話，咁下次會試下高少少價位既食物。有自助點單，不過點左餐後，我們兩人都睇唔到飲品點落單。平時去開既自助下單係無難道，可能自己不熟習此系統，最後搵職員幫手落單。見到對面客比我們早落單（佢係用自助落單）但佢見我地既早餐都到左就問問職員，後來才發現佢Miss左一些步驟，要等多陣先有野食🫣我點既係茄湯餐「鮮茄濃湯彷飽片火腿絲通粉」🍜+熱檸水🍋整體黎講無特別既憑覺。湯無咩油👍湯底明顯係罐頭，味道不過不失。早餐，可能會隔多一段時間先再試。

首先我係蘭香長久以來的鐵客，不過今日初來新店光顧，令我非常陌生。餐單完全不同、咖啡奶茶衰過普通茶記，仲要貴夾唔好食😓一個鷄扒撈面加杯熱飲七十幾蚊，仲邊度係街坊生意。出品無左姨丈同老闆娘，真係差過同街幾間茶記。作為荃灣區一間經營幾十年的老店，睇住嘉樂換人之後只顧收錢不顧食物質素，為何不引以為鑑。以前的蘭香人情味濃，食物質素荃灣茶記數一數二，雖然衞生向來一般，但老店免不了有小強出現。現在的確燈火通明，但人去樓空，名字尚在卻人面全非。最愛的豬扒及炒米已成絕響，根本不是心中的那蘭香。又少咗一間可以常去的地方。

長假期，走走荃灣，轉角處，花牌滿滿🌷，人龍初現，原來老字號＂蘭香＂遷鋪 。久違，排隊一試，入店，木枱、木櫈，卡位兩排，老派的格局👍座位尚算寬敞，乾淨企理感覺不錯開餐，鴛鴦香滑，略帶微酸，茶啡均勻，不錯👍 凍茶，茶香獨特，冰多略淡友人嚐茶走，香滑茶濃，必選之作主食，焗豬扒飯，厚豬肉嫩，炒飯可口，有咬勁，可惜飯面焦香不足 (老闆話首日焗爐未夠力)，擇日重嚐。沙嗲牛肉麵另加午餐肉，牛鮮嫩滑，沙嗲醬濃香丁麵彈口，又一必選友人試义燒煎蛋飯，叉燒肉嫩多汁推介久違的茶記，回憶的口味！