Video
Above information is for reference only. Please check details with the restaurant.
Signature Dishes
今日收工落車,行過見到有牛肉餅食,就入去試下~!坐底睇睇餐牌,發現竟然有牧然牛腩飯,一於試下!聽到老闆大叫:牛腩飯!個心都無覺得咩唔對路.....點知個飯一到,即時嗅到一陣牧然味,不過就係這一陣味,跟著再吃時已經完全沒有牧然味了.....(難怪老闆只叫牛腩飯)食晒成碗,完全同一般的牛腩飯無分別,唔通那牧然香味係噴在飯上面的香精?跟住牛肉餅......沒什麼驚喜,肉汁係有好多,但唔代表就係好食.反而只係攪到我一身都係....肉質唔太新鮮,明顯地想學九龍城某牛肉餅,但有雲泥之別.....價錢又貴,一碗牛腩飯已經要價28元,再來一件牛肉餅:10元一杯豆漿:8元(最好味係呢個,雖然甜左d)成餐飯要46元,物非所值,下次唔會再去,寧願去九龍城係正宗既!
continue reading
上星期四，收工順便去旺角個客度，去完有點肚餓，搵啲小食！旺角真係大把小食，令我花多眼亂！Oh! 雅蘭２期對面，有間蒙古拉麵店，睇吓無妨！蒙古牛肉餅 $10 有交易，況且食些少嘢都夠！蒙古牛肉餅 $10雖然個牛肉餅好似杯蓋咁細，但係俾個頗大嘅碟。原來有原因，事關一咬開肉汁四溢，即刻流到成碟都係！薄薄嘅餅皮，包住厚厚嘅牛肉餡，加上少許蔥粒，肉汁鮮美！不失為一個美味兼醫肚嘅小食！
continue reading
夜夜地，小小肚餓，經過這裡就試一下。不想太多，就試餐牌推介蒙古紅燒肉拉麵和蒙古牛肉餅。蒙古紅燒肉拉麵 $30 - 紅燒肉味道普通，湯底就有頗重的胡椒味，可能這就是蒙古風味吧~ 拉麵的質感ok，頗爽口。蒙古牛肉餅 $10 - 外面餅皮煎得幾香，裏面頗多牛肉餡，很多肉汁流出，幾惹味~
continue reading
果日整完牙準備搭車番屋企, 行過見到有間蒙古拉麵, 見佢人少少唔駛等位咪入去試試, 見佢主打牛肉餅同拉麵, 當然要叫黎試下啦, 牛肉餡餅唔算厚皮, 不過肉汁真係唔少, 但係暖暖地唔夠熱, Angel叫左個手撕雞手拉麵, 一睇同平時炒雞柳果D無咩分別, 好明顯有切口, 叫咩手撕呢, 我果碗蒙古羊手拉麵重弊, 果D羊肉好似超市急凍咁都不在話下, 味道都唔緊要, 但係羊肉碎濕濕無塊完整, 好似人地食剩執番上黎咁, 睇到都唔開胃, 麵同湯底都只係一般, 味道偏淡, 反而紅油抄手個汁醬做得唔錯, 香辣帶甜, 不過上面D生蒜就唔駛咁重手, 總括黎講, 小食水準可以接受, 但係手拉麵就真係物非所值
continue reading
途經旺角雅蘭附近，見到以前「公和」的舊鋪位，變了一間新店，名為蒙古拉麵牛肉餅；對蒙古的飲食文化所知不多，相信在大漠草源生活的人，不擅種植小麥，水源供應也不穩定，和麵食文化總覺聯繫不來，同樣曾流行一時的龜板狀蒙古烤肉，也屬穿鑿附會之說。既然見到，也是有緣，選擇入店坐下，原來這裡仍然由公和集團經營，也有點口渴，先來一杯凍豆漿來解渴，其老店的豆製品到現在仍有不少支持者，八元一杯之下，還喝出一點豆味，略嫌甜了一點。廿八元一碗的羊肉拉麵，很快便送到桌前，看每條麵條粗幼十分平均，一看便知麵條不是即叫即拉，吃不著那種很有活力的韌性麵質和小麥香氣，有點期望過高了。總算麵條來貨不俗，加上淥灼的時間得宜，麵質大致爽口，不會有呈現過軟的口感。繼續品嚐下去，湯頭呈現淡淡的淺啡色，只屬普通的豬骨湯底，羊肉更是凍肉店容易買到的機刨羊肉片，始終在香港不以羊肉為主吃，也難吃到手切的肉塊，湯底混和煮熟的羊肉片，總算有點羶味，以這樣的價錢來評價這碗麵，還是合格之上，離精彩出品尚有一段距離。這裡另一賣點，有供應那清真風味牛肉餅，那可是九龍城名店的出名小食，據知也有好多經營單位嘗試「仿製」，十元一件的出品火速送到，論九龍城那家名店，可是即叫即弄，出貨的流量也快人一截。試後發覺確是漏出一點肉汁，始終不算太多，論熱騰度也遜人一籌，攪碎的牛肉餡團濃味鮮甜，比較之下雖然相似，但平心而論，旺角這店確是點距離，原本吃完這件餅後應該就此別過，可是見對面的食客，同樣的牛肉餅，肉汁卻漏到一碟都是，心中有點不甘，也決定來多一客。仍然是那麼快就來到，但第二件的味道明顯比第一件為佳，今次的肉汁甚豐，我也小心地吸啜，不錯 !!!! 順便提提餅皮，連麥香也品嚐出來，有時食物是優是庸，除了看食神的看顧，也需要一點細心和堅持。一麵兩餅加上一杯豆漿，總共五十六元，不算出色，還是合格有餘，如想回味那多汁的牛肉餅但又不想去九龍城的話，這裡還是可以作為一個「次選擇」。
continue reading