新記車仔麵 (Closed) View

放工食個宵夜，叫三餸一麵+一罐可樂$50，味道唔係差，但河粉又少得過份，10點幾就咁無貨，我問店員「咁少粉」回應我「係咁架」咁離譜⋯⋯我覺得做生意唔係咁囉，份量少到幼稚園小朋友食就差唔多，大人就唔夠包囉。

今日 #香蕉公主 帶路，嚟到 #登龍街 呢間長龍車仔麵店 新記車仔麵🍜 雖然係第一次幫襯，但係已經感受到果股人氣💨💨 #新記 嘅車仔麵配料認真多，單係麵食都有9款👀 #小秘書 好貪心🥴 叫咗4餸1麵... 不過加加埋埋都唔係太大碗啫，份量剛好😝 湯底加咗腩汁同辣，份外野味，唔似得新派嘅車仔麵店，湯還湯、麵還麵嘅味道🤤 如果大家唔怕肥，可以試吓呢度嘅 #豬腩肉 、#魚皮餃，#豬腩肉 有少少肥肉，肉質脆口🐷 #魚皮餃 又好鮮味🐟 我覺得真係唔錯㗎👍🏻👍🏻

車仔麵去到銅鑼灣想吃車仔麵，又去左新記。點了豬紅，魷魚，香滑齋，豬腩肉，牛腩汁湯油麵。（$50）豬紅最好味，有加入自家醬汁調味，比一般更入味更有口感，推薦。牛腩汁湯頭不油不膩，淡淡的牛腩汁香甜配車仔麵剛好。如果嫌味道不夠重，建議點辣。📝評價：豬紅最好味，豬大腸類味道也很不錯，值得再來。

行完Sogo大特價，好耐未食過車仔麵，對上一次應該係六，七年前食新記，依加四十元有三餸一麵，今次選擇八爪魚，生腸，牛筋，粉絲加腩汁，同之前一樣冇變，份量都係相對細，推介八爪魚爽口好味，如果食得辣，可以選擇e度嘅辣汁，辣汁出色！其他嘢就一般

今日天氣好好，天氣一好我就想食車仔麵，我都唔知點解會咁，香港嘅車仔麵周街都係，但一間好食的車仔麵就唔係咁容易搵到！新記就是數一數二好食的車仔麵之一😍😍每次一想食，起就會想起新記🍜🍜當中最吸引我的是他們做的豬紅，好入味，一試愛上，所以每次來食豬紅係我必點的餸！🤤🤤另外佢嘅牛筋牛腩都好出色，另外如果你唔夠飽嘅話，仲可以叫佢啲小食，牛柏葉同埋水魷都好好食，秘製辣醬更加係一流！😝😝😝呢間特別之處，仲有得叫粉絲，啲湯底同啲粉絲夾埋一齊好正🤤🤤

今日約了朋友在銅鑼灣做運動，做運動前想先來一個輕食，忽然就想起這間曾經是我最愛的車仔麵店。以前有段時間在銅鑼灣工作，新記簡直成為了我的食堂，因為相比附近其他餐廳來說價格算便宜，而且新記的魚蛋及豬大腸非常出色，辣汁更是辣得過癮。當然餐廳環境就不能要求太多了，車仔麵店一般都不會坐得舒服。今日終於有機會回味一下以前的味道了。我點了必食的魚蛋及豬大腸，再加冬菇。湯底就點了滷水汁加辣汁(中辣)，麵底就點了河粉。魚蛋依舊彈牙，豬大腸非常入味，而且冬菇更是非常大隻，很有口感又入味。滷水汁湯帶點甜味，沒有腩汁般咸，辣汁反而好像沒有以前般辣，這點是真的令我非常失望，而且河粉很碎，份量亦不多，女生應該覺得足夠，男生就應該要加底才夠了。唯有希望我下次再食的話，可以再次嘗到以前的質素吧。

一提起係銅鑼灣食車仔麵 好多人都會提起新記車仔麵不過呢我就未試過 🙊🙊 今次就係朋友介紹我黎試下 朋友話依間野成日都會上啲飲食雜誌 或者比人哋訪問 似乎真係好出名咁樣🧐一入到去就見到好多訪問🗞、採訪貼晒係埲牆度 📰📰📰 睇落應該都係開咗一段時間 兼且係比較出名 唔似係嗰啲隨隨便便嘅車仔麵 車仔麵餐全日供應兩款面餐$46 三款麵餐$50 四款麵餐$60 而且係包嘢飲嘅所以如果當夜晚餐食嘅話其實係實惠便宜而我識嗰晚就係食晚餐 🥣 所以我揀咗三餸麵餐 睇吓食完之後夠唔夠飽啦🤓三款餸入邊我就揀咗炸魚皮、秘製豬腩肉同埋牛孖根 麵底方面 我就揀咗油面 睇吓依個配搭好唔好味先😬三款餸車仔麵黎到嗰下其實我第一個感覺係有少少驚訝 🙀 原因就係佢將啲炸魚皮放咗喺碗麵入面 🤷‍♂️🤷🏻‍♀️咁即係話郁一郁個匙羹 啲魚皮就會浸落個湯底瞬間就會變林 🤡🤡食唔到佢脆卜卜炸魚皮嘅感覺 依個嘅處理係非常之令人失望的💥 第一次食車仔麵嘅炸魚皮係連埋啲面一齊放講下佢啲腩肉先 佢講到明係秘製豬腩肉 👐🏼咁就試吓佢係咪同出邊嘅係有一個明顯嘅分別新記車仔麵嘅腩肉就係比較大塊而且佢嘅肉都係會比較肥 🐷但係呢就食唔到啦有啲乜嘢特別嘅秘

早前都想食，是日銅鑼灣返工就黎食下～知道佢有另一間分店，之前食過一般，但今日試呢間感覺又唔同啵👀大約4點左右去食，仍然多人進餐中，坐底叫左個兩餸麵，豬紅腩肉米粉配辣汁（中辣）。其實呢度餸既選擇都幾多，有廿幾款，而麵類都有9款。呢度最低消費$36，咁又覺得正常，兩個餸都基本🤔一來到太肚餓差d就唔記得影相😅相中豬紅都已經比我食左幾舊。呢度豬紅幾好，夠實淨又入味，不過係偏甜既味道。成碗麵腩肉係我最喜歡的，有5片，份量足夠，而且係厚切，肥瘦比例平均，食落好香麵底米粉份量都剛好，中間夾雜左一條河粉，原來都唔錯，我食晒咁濟先發現佢，都仍然爽口彈牙，估唔到，平時我唔太好食河粉都覺得幾好。😯另外因辣汁中辣唔多夠辣而且偏甜，我另加左一匙辣椒油，辣椒油既辣度夠同埋一落左落去，立刻食到香味，難得～🙇🏻‍♀️

香港既車仔麵真係好多，但每一間既質素都係好參差，而我覺得新記車仔麵係目前質素比較好既一間車仔麵😂間舖好細，但都乾淨既。落單就係自己圈自己想要既麵同埋其他野等。個人認為佢既豬紅，豬大腸，雞翼尖都係首選，因為呢幾樣佢都整得好入味，好好味。 而辣汁同腩汁都係必須加既，加左之後個湯好濃好好味！記得落單個時就要加，如果之後再加既話就要收錢！所以一定要記得呀😬唔食得辣既人就唔好加啦，加腩汁就已經夠啦，因為辣汁都幾辣😌

唔講唔知原來銅鑼灣啲間車仔麵係咁出名！因為我自己本身好鍾意食辣，平時食譚仔都會食大辣！朋友話嚟到銅鑼灣又唔想食咁貴，一定要試呢間車仔麵！佢嗰種辛辣係我係出面未試過嘅！同埋價錢真心唔算貴，食物種類選擇都多！就算三個數都係$40有找。不過大家可以留意番就係佢有最低消費，如果鍾意食辣嘅，一定要試佢個辣豬皮，啲湯入晒味後好好味！另外小食可以試埋個泰式鳳爪，都只係$20 ，酸酸甜甜幾開胃，做前菜一流！😍😍😍😍

新記喺我喜歡食嘅車仔麵其中之一，皆因鍾意佢嘅秘製辣汁夠辣巳經有成年無食過，同老公出開銅鑼灣就懷念一吓呢度嘅辣辣車仔麵🌶🌶我果碗加咗辣汁🌶老公果碗只喺加咗牛腩汁，對於較為重口味嘅我都喺愛有辣汁🌶湯底果種辣同甜，刺激喉嚨令成碗車仔麵好味程度提升不少，魚蛋仍是爽口彈牙 滷水雞翼同八爪魚都幾好味雖然喺好食，不過以車仔麵嚟講價錢真喺越食越貴，每加一個餸要另加十蚊，在我而言唔太抵食，若然只是一次半次嚟食都可以接受嘅

咁啱去銅鑼灣做完嘢又落大雨就入左鄰近時代廣場好似幾有名嘅車仔麵 - 新記車仔麵朋友多番介紹過呢到嘅車仔麵，可惜每逢食飯時段必然滿座加排隊。遇到雨天客人相對較少，無需等位。去到門面裝潢同一般港式粉麵差唔多，舖面擺放咗架小食車賣地道小食，例如豬皮、雞翼尖，魷魚等。當中較多人推篤嘅就喺魚蛋。呢間車仔麵除咗基本粗幼麵、河粉、米粉、米線外，仲有提供瀨粉同粉絲選擇。我就叫咗碗4餸車仔麵，有豬紅、魚蛋、油冬菇、牛孖筋配粉絲。大部份餸都炆得幾入味，豬紅合格，冬菇夠厚有口感，牛孖筋煮得夠軟又唔會似食啫喱。但魚蛋就比想像中普通，可能車仔麵浸落湯汁令原有魚蛋醬汁淡咗。但口感都合格，唔似食泥膠魚蛋。整體嚟講，湯汁比較多油，下次再食都會叫牛孖筋！價錢方面，可能地區關係，比其他車仔麵明顯較貴。3餸1麵要40蚊，後加餸每款10蚊。但比其他車仔麵部份餸都做得出色，間唔中唔洗等位都可以再食下！

今日唔使番工去銅鑼灣上堂, 十二點放lunch, d朋友推薦我去呢間新記試下d辣汁車仔麵. 一入去坐低就填紙仔, 40蚊一麵配三餸唔包野飲. 我點左中辣、油麵、豬大腸、土魷同埋貢丸. 十二點幾人客未算多, 五分鐘左右, 有個用內地口音一直傾計o既阿姐拎住碗麵過黎, 突然pat低碗麵係我面前就行左去, 我就望住碗麵同d彈到成枱都係o既湯汁.算啦, 反正d湯汁冇彈到我, 食完又唔使我抹枱, 嗱嗱聲試下碗麵好唔好味先. D油麵就係一般街市買到o既油麵, 而個辣汁湯底就真係一試難忘, 鹹到盲都開眼, 而所謂o既辣汁真係冇乜特色, 係呢一刻我已知道中左伏. 諗住嗱嗱聲食埋就閃, 點知一啖咬落去D貢丸先知唔熱o既, 外暖內凍, d豬大腸又好深色收晒水仲有一陣味, 而d土魷就係一般土魷冇乜好講.直到而家, 我都諗唔明, 點解呢間麵舖可以生存到而家?

老實講呢一間係呢幾年 銅鑼灣 係最好食嘅魚蛋為咗 陀地人可以成功食一串本地魚蛋已努力佢同嗰間廿蚊一串不停鬥爭我都唔明白點解佢唔用靚嘅魚蛋去競爭但係佢個醬汁真係堅好味但係佢嘅魚蛋真係唔好食勁多粉佢個生腸靭到唔掂佢淨係得個醬汁ok老實講佢真係越嚟越唔掂最近好多平價魚蛋檔喺附近開咗佢可能想將貨比較算數增加競爭力我覺得 佢堅係唔得雖然識貨嘅陀地不停幫襯佢但係附近六蚊一串嘅壓力真係將佢 擊敗咗所以都係食佢鋪頭嘅車仔麵算數

本身我諗住寫食評嘅時候見到佢係new...我認真地唔明點解佢會係囉印像中佢最少開十幾廿年其實我印像中呢間嘢係幾好食嘅但係啲食評點解會咁差嘅佢個辣醬真係夠辣勁滋味我已經揀咗辣汁仲要加埋滷水汁我覺得自己真係好過份原來重口味會增加內臟脂肪大家真係要小心可惜我係重口味嘅朋友偶爾間一餐半餐不以為過咁重口味食完竟然冇口渴我真係幾意外湯底我已經完全飲曬可惜佢個瀨粉好似煮唔熟咁樣個豬生腸亦都略為過熟但係個豬紅真係好好食夠咬口鹵水夠入味最多下次唔食瀨粉食河粉樓面 可能做到滑曬牙完全唔係好幫手寫完舉手都冇用收錢就最快抹枱就最後鋪頭唔多人都係要自己 走埋去畀張紙佢