影片
港鐵尖沙咀/尖東站 B1/ N5 出口
繼續閱讀
營業時間
星期一至四: 12:00-01:00
星期五至六及公眾假期前夕: 12:00-02:00
星期日及公眾假期: 18:00-00:00
以上資料只供參考, 請與餐廳確認詳情
今天同朋友去左尖沙咀, 我們又嚟左呢度食晏啦, 差唔多1點, 唔係好多人, 都有位, 我們三個大人一個小朋友, 呢度的半自助午餐真的好味, 又唔貴喎, 先出去出面看看有咩好食, 今日有照燒雞, 朋友話好味道, 我出去攞已冇晒啦.我攞左一些COLD CUT火腿, 薯仔沙律, 麵包條, 雞塊, 沙律都好開胃, 個醬好味, 酸酸甜甜, 有些菠蘿都好甜, 我鍾意, 麵包條加埋D醬一齊食, 好似沙律醬咁, 好食呀, 又夠香口, 仲有蛋餅, 雞塊都好新鮮的, 雞塊好似麥樂雞咁, 正呀.南瓜湯又係好香好滑, 唔會好甜, 小朋友都好鍾意呀, 主菜我們點左松子魷魚意粉, 好多松子呀, 好香口, 魷魚都好彈牙, 好食, 意粉用左好多檻欖油, 都好香不過油左少少呀.黑松露意大利飯, 好香, 入面都幾多菇, 個飯都唔會好硬, 又唔會一PAT咁, 做得幾好呀. 呢個好味, 唔會太膩的. 仲有甜品架, 係焦糖燉蛋, 好香, 都夠滑的, 上面的焦糖好脆呀, 好完滿的一餐午餐.
繼續閱讀
每一次去到尖沙咀，對選擇食咩都係一個迷，一群人四處遊覓，去到美麗華見Tasting Room Cocktail Kitchen就初嘗。大家不算太肚餓，點的東西就不算太多。基於不是本人點菜，所以對菜式全名不知道= ='，請包容。烤芝士PIZZA:餅底十分脆，值得一讚，但配料味道未見突出。意式汁雲吞:份量細，只得三隻，雲吞與汁的味道未能配合，不吃也罷。焗生蠔:肉質爽口，芝士味不會完全蓋過蠔味。不差火腿拼盤:缺乏應有的油香，不好吃。炸薯條拼尤魚香脆火熱，好食。整體來說小食是OK的，主菜的味道強差人意，價錢約200位，但份量偏細，環境很嘈，相同價錢有更好選擇。總結評分味道:4/10價錢:4/10(人均消費)200環境:6/10服務:6/10性價比:4/10推介食品: 炸薯條拼尤魚
繼續閱讀
自己一個食lunch，又周圍試下野。呢到午餐係半自助既，小食沙律都可以任食，湯就唔係自助，但可以添飲。沙律唔算好多野揀，但大部分都新鮮。我拎左西瓜食，好甜。炸薯餅都嫁幾好食，但就唔係太熱喇。香腸剛上碟竹3就拎，熱辣辣，好食。主菜我點左牛扒，竟然一般，冇乜牛味，medium，但冇汁，有啲乾。伴碟既薯角好脆，反而好食。食完主菜仲有甜品同飲品。凍咖啡唔錯，甜品係朱古力布甸，都係一般，好滑，但冇乜朱古力味。不過百幾蚊，咁多野食，都ok抵啦。
繼續閱讀
經常來到尖沙咀，又是遇上了午飯時間，縱使這區不乏餐廳食店，但奈何卻太多選擇，於是把範圍縮窄，鎖定某一類菜式，這樣也可以容易找到合適食店，不過卻又因為某些原因而去了別家，然而今次有所不同，卻選定了好幾間食店，菜式也不同，當中包括了星馬菜及西菜，最後還是選定西菜。Tasting Room Coaktail Kitchen 是在下上次到來時恰巧遇上的食店，但是上次卻選了泰菜而過門不入。縱然 Tasting Room 是景樂集團旗下食肆，又是一間西餐廳，卻又適合在下喜歡的西餐廳。餐廳環境一般，不算奢華，但是卻有著不同的酒精類飲品供應，而且近門口位置是梳化和方形餐枱椅子，裡裡卻似似是酒吧，但是礙於只坐在前部份，故內裡卻不甚了瞭解。看看餐牌，有著是日午餐，當中只吃自助沙律吧，只需八十八個大洋，但是若加上主菜，每款則需加銀兩，由二十個大洋至五十個大洋不等，視乎個人喜觀吃甚麼啦。然而今天的午餐，卻又想吃魚，於是便選了魚作為在下的午餐。沙律吧是每款午餐都可以吃的，而且不限次數，有一般的沙律菜，亦有雞肉和薯容等供應。不過在下卻覺得選擇較為少，而且部份蔬菜也沒有添加，令在下有種欠缺新鮮的感覺。餐湯為忌廉湯。湯頭只半碗，卻不是八至九成滿，雖然可以添加，但是第一碗上桌時，卻感覺上是有點吝嗇的。湯頭忌廉適中，不會不稀和太濃稠。香煎鱸魚配蒜香牛油汁。除了鱸魚，還有露筍和薯塊。鱸魚煎得有燶位，也較幼滑，魚皮也煎得香脆。亦有牛油和香蒜味道，但不很濃烈。露筍軟腍不硬，薯塊也不錯吧。朱古力蛋糕是今餐的甜品。蛋糕質感有點硬，並不太軟腍，但勝在有朱古力的香濃程度。熱咖啡是在下其中必喝的飲品，尤其在早餐必喝的。咖啡的香濃和芳香，令在下愛不惜手。食物質素不差的，只是仍然有進步空間，另一方面，餐廳人手很不足夠，需要等候兩三分鐘才有回應，當中還要在拿著東西時作出回應。
繼續閱讀
今日同朋友出左尖沙咀，行左一輪，又唔想咁早返屋企住。四周都咁多人，想坐係café傾一陣計都無位突然諗起之前食過既Tasting Room Cocktail Kitchen，印象中環境比較優靜，都岩坐低傾計。因為上次坐室內，所以今次坐外面。雖然地方唔係好大，但都ok，唔會感覺好迫雖係係tea time，但我趕住出街，只食左個早餐，見個肚有啲餓，就順便問佢攞個food menu。同晚餐果menu差不多，只係少左啲較十份既主食，如：意粉之類；所以我選左Charcuterie Pizza（風腸風腿薄餅）。 味道不錯！Pizza皮脆薄，茄醬少少地，風腿油份剛好。而我本身唔太喜歡食火箭菜（Wild Rocket），因有點苦澀味 但唔知係咪風腿既油份同香味蓋過火箭菜的苦澀味，而且我發現配少少火箭菜味道會更fresh，再食多件都可以 第一次感受到火箭菜的好處！另外，朋友叫左兩杯House Red Wine及一杯coffee.【番外篇】今次終於見識到水煙，啲水煙壺都幾靚。因我地只係短聚，所以無試。撰文､ 攝影：Joey餐廰：Tasting Room Cocktail Kitchen地址：Shop 2015, 2/F, Mirmar Shopping Centre, 132 Nathan Road, Tsim Sha Tsui類別：多國菜人數：4位價錢：$63/人 (連加一，會員85折)
繼續閱讀