影片
更多
2009-10-15
41 瀏覽
最鐘意食紅汁意粉, 呢間只賣紅汁意粉既舖頭當然係澳門之旅既第一站!黎到既時候係lunch既中段時間, 成間舖頭都係人. 連門口都有好多人係到等緊外賣. 等左一陣見到樓上有人食完行落黎, 即刻上去坐左之前個個人既位呀. 本來以為二樓會大D, 原來同樓下差唔多, 都係得十幾個位左右, 唔怪得要等咁耐.見到餐牌上面除左紅汁之外就只有咖哩汁. 沿路上黎都見到好多人點. 不過第一次黎梗係要食佢地既招牌茄汁燴意粉啦. 我哋點左個雞扒燴意粉加蛋同埋豬扒燴意粉. 野飲我本來諗住點奶茶的喇, 不過我見到隔離枱有人點咸柑桔, 見到好似幾特別咁所以又跟住人哋點. 不過我覺得杯野一上枱既時候太濃, 基本上可以飲左一半之後再沖水再飲. 不過味道真係幾好喎. 帶少少甘甘地又幾開胃咁. 我試過就咁食嗰D柑桔, 嘩, 真係超咸, 連平時咁鐘意食呢D乾果既我都頂唔順, 食左半塊就放棄左喇.等左一陣主角燴意粉終於出場. 意粉真係好茄汁, 條條都比D茄汁包實晒咁, 仲要無咩油, 好似屋企媽咪煮嗰D咁. 好有家既感覺. 不過塊豬扒就唔係好得, 煎得有少少過左頭, 好油, 加上塊豬扒鬼死咁薄無咩咬口. 反正一碟既大既份量我食唔
黎到既時候係lunch既中段時間, 成間舖頭都係人. 連門口都有好多人係到等緊外賣. 等左一陣見到樓上有人食完行落黎, 即刻上去坐左之前個個人既位呀. 本來以為二樓會大D, 原來同樓下差唔多, 都係得十幾個位左右, 唔怪得要等咁耐.
見到餐牌上面除左紅汁之外就只有咖哩汁. 沿路上黎都見到好多人點. 不過第一次黎梗係要食佢地既招牌茄汁燴意粉啦. 我哋點左個雞扒燴意粉加蛋同埋豬扒燴意粉. 野飲我本來諗住點奶茶的喇, 不過我見到隔離枱有人點咸柑桔, 見到好似幾特別咁所以又跟住人哋點. 不過我覺得杯野一上枱既時候太濃, 基本上可以飲左一半之後再沖水再飲. 不過味道真係幾好喎. 帶少少甘甘地又幾開胃咁. 我試過就咁食嗰D柑桔, 嘩, 真係超咸, 連平時咁鐘意食呢D乾果既我都頂唔順, 食左半塊就放棄左喇.
等左一陣主角燴意粉終於出場. 意粉真係好茄汁, 條條都比D茄汁包實晒咁, 仲要無咩油, 好似屋企媽咪煮嗰D咁. 好有家既感覺. 不過塊豬扒就唔係好得, 煎得有少少過左頭, 好油, 加上塊豬扒鬼死咁薄無咩咬口. 反正一碟既大既份量我食唔晒 (因為唔想食到飽飽食唔到飯後甜品), 係需要取捨既情況之下我寧願食多兩啖意粉而放棄塊豬扒. 反而加蛋既雞扒我覺得幾好. 首先隻蛋係有大量蛋汁既太陽蛋. 雖然我個人認為如果成隻蛋都係半生熟既話會仲正... 雞扒唔以豬扒咁薄身, 口感好好多. 下次我會點雞扒加雞囉~~~~
成餐都好有家既感覺... haha!
張貼
